झापा अनलाइन

काठमाडौँ, १५ मङ्सिर । युनिभर्सल पिस फेडरेसनको आयोजनामा आजदेखि काठमाडौँमा एशिया प्रशान्त सम्मेलन हुँदैछ । राजधानीको ह्यात रिजेन्सी होटलमा दुई दिनसम्म चल्ने सम्मेलनमा सहभागी हुन आधा दर्जन मुलुकका राष्ट्र÷सरकार प्रमुखका साथै अन्य मुलुकका विशिष्ट पाहुनाहरु नेपाल आइपुग्नुभएको छ । सम्मेलनमा ‘वर्तमान समयका गम्भीर चुनौतीमाथि सम्बोधन ः अन्तरनिर्भरता, पारस्परिक समृद्धि र विश्वव्यापी मान्यता’ विषयमा विभिन्न सत्रमा बहस तथा छलफल हुनेछ । सम्मेलनको अन्त्यमा काठमाडौँ घोषणापत्र जारी हुनेछ । सम्मेलनको उद्घाटन समारोहमा प्रधानमन्त्री केपी शर्मा ओलीसहित विभिन्न मुलुकका सरकार तथा राष्ट्रप्रमुखबाट सम्बोधन हुनेछ । उद्घाटन सत्रपछि ‘शान्ति, विकास, सुशासन र सांसदहरुको भूमिका’, ‘आस्थामा आधारित सङ्गठन र नागरिक समाजको भूमिका’, ‘जलवायु परिवर्तन’, ‘वर्तमान…

झापा, १५ मंसिर । आठौँ राष्ट्रिय खेलकुद प्रतियोगिता–२०७५ मा भाग लिने झापाका खो–खो खेलका महिला तथा पुरुष खेलाडी शुक्रबार छनोट भएका छन् । राष्ट्रिय खेलकुद परिषद्को आयोजनामा प्रदेश नम्बर ५ मा सञ्चालन हुने सो प्रतियोगितामा प्रतिष्पर्धा गर्ने खो–खोका २८ जना खेलाडी छानिएको राष्ट्रिय रेफ्री जयप्रकाश राजवंशीले बताए । झापाबाट छानिएका पुरुषतर्फका खेलाडीहरुमा प्रमोद साह, निर्जन तामाङ, प्रकाश चौधरी, मनोज राजवंशी, कुशल मेचे, किरण राजवंशी, सन्तोष राजवंशी, समिम आलम, बासुलाल राजवंशी, रुपक राजवंशी, खण्डासिंह राजवंशी, करण पासवान, महेश राजवंशी, राकेश चौधरी र सञ्जिव श्रेष्ठ छन् । त्यस्तै महिलातर्फ मनु तामाङ, सरिता रसाइली, आकृति चौधरी, सुरेजा खातुन, निकीता मण्डल, लिलावती राजवंशी, प्रज्ञा…

काठमाडौँ, १५ मंसिर । प्रधानमन्त्री केपी शर्मा ओलीले एचआइभि एड्स संक्रमितलाई उपचारको अभाव हुन नदिने बताउनुभएको छ । ३१ औं विश्व एड्स दिवशको अवसरमा एक सन्देश दिंदै प्रधानमन्त्री ओलीले एचआइभि संक्रमितलाई सरकारले निशुल्क औषधीको व्यवस्था गरेको स्मरण गराउनु भएको छ । “नेपालमा एचआइभि संक्रमितहरुलाई सरकारले निशुल्क औषधीको व्यवस्था गरेको ” प्रधानमन्त्री ओलीले सन्देशमा भन्नुभएको छ “सबै संक्रमितहरुमा यो सेवा पु¥याउन सरकारका स्वास्थ्य निकाय र एड्स विरुद्ध कार्यरत सबै संस्थाहरुलाई म आग्रह् गर्दछु । सबै संक्रमितमरुले उपचार सेवा पाउनु पर्दछ ।” एचआइभि एड्स नियन्त्रणका उपायलाई थप प्रभावकारी बनाउन सबै क्षेत्रको आवश्यकतामा प्रधानमन्त्री ओलीले जोड दिनुभएको छ । दिगो विकासका लक्ष्यहरुले स्वास्थ्य…

उर्लाबारी, १५ मंसिर । देशको बिभिन्न भागमा बालिका बलात्कारका घटना भइरहेको बेला शुक्रबार मोरङको उर्लाबारीमा ‘लैङ्गिक हिँसा सम्बन्धी सचेतना कार्यक्रम’ आयोजना गरिएको छ । उर्लाबारी–७ स्थित पशुपति आवासीय माध्यमिक विद्यालयद्वारा सो कार्यक्रम आयोजना गरिएको हो । कार्यक्रममा लैङ्गिक हिँसाको अर्थ, परिभाषा र यसको प्रभावका बारेमा जानकारी गराइएको थियो । इलाका प्रहरी कार्यालय उर्लाबारीका प्रहरी निरीक्षक रामप्रसाद तिमिल्सिनाले सहजीकरण गर्नुभएको सो कार्यक्रममा कक्षा–९ देखि १२ सम्म अध्ययनरत किशोरकिशोरीहरुको सहभागिता रहेको थियो । विद्यालयका संस्थापक प्रिन्सीपल विजय कार्कीको अध्यक्षतामा भएको सो कार्यक्रममा उर्लाबारी नगरपालिकाका प्रमुख खड्ग फागो र उपप्रमुख लक्ष्मी भण्डारीले देशका बिभिन्न भागमा अमानवीय ढङ्गले बालिका माथि हिँसाका घटना हुनु दुःखद…

शिवसताक्षी, १५ मंसिर । नेपाल तरुणदलले झापाको शिवसताक्षी नगरपालिकालाई दमकल खरिद सहयोगार्थ शुक्रबार व्यँङ्ग स्वरुप भिक्षा संकलन गरेको छ । नगरको धरमपुर, झिलझिले, दुधे, नहरचोक र व्याँङ्गडाडामा पानिको खालि वोत्तल, आगलागि हुदै गरेको घर, दमकल को तस्वीर प्लेकार्डमा राखेर भिक्षा संकलन गरिएको तरुणका नेता योगेश लिङ्गदेनले वताए । संकलित भिक्षा रकम, ११ वोत्तल पानि र एउटा खालि वोत्तल नगर प्रमुख लाई वुझाउने भनिएपनि मेयर शेर्मा कार्यलयमा अनुपस्थीत रहेकाले उपमेयर भोजकुमारी नेपाललाई हस्तान्तरण गर्ने तरुणदलले तयारी गरेका थिए । तर, उपमेयर भोजकुमारी नेपालले भिक्षा वाट संकलन गरिएको रकम वुझ्न मानिन् । तरुणका विनोद ढकालले भने, ‘उपमेयर नेपालले मेरो दायित्व होईन भन्दै…

लक्ष्मी गारु भादगाउँ, १५ मङ्सिर । विश्व एड्स दिवस मनाइरहदा एड्सबाट सङ्क्रमित चाँगुनारायण नगरपालिका ताथलीको इँटाभट्टामा मजदुरी काम गर्ने २७ वर्षीया कान्छी लामा ९नाम परिर्वतन० को दुखेसोलाई कसैले बुझेको छैन् । सिन्धुपाल्चोक घर भई हाल भक्तपुरमै बसोबास गर्ने कान्छीका श्रीमान् वैदेशिक रोजगारीको सिलसिलामा ११ वर्ष भारत बसेका बेला एड्सको सिकार बनेका थिए । दुई वर्ष अगाडि भाइको विवाहका लागि नेपाल आउने क्रममा बिरामी भएर जाँच गराउँदा उहाँलाई एड्स लागेको पत्ता लागेको लामाले बताउनुभयो । उहाँले भन्नुभयो, “उहाँसँगै म र मेरो पाँच वर्षे छोरामा एड्सको जीवाणु भेटियो, अहिले हामी तीनै जना एड्सबाट सङ्क्रमित छौँ ।” श्रीमान्कै कारण परिवारलाई नै एड्स सरेपछि…

बनियानी, १५ मंसिर । झापाको सुदूर दक्षिणी क्षेत्रका जनतालाई लक्षित गरी शुक्रबार बनियानीमा निःशुल्क स्वास्थ्य शिविर आयोजना गरिएको छ । शिविरबाट सात सय बढीले सेवा लिएको आयोजक संस्था शहीद स्मृति प्रतिष्ठानका मेदनी शिवाकोटीले जानकारी दिए । नेकपानिकट सामाजिक संस्था शहीद स्मृति प्रतिष्ठान कचनकवल, शहीद लक्ष्मी पाण्डे स्मृति प्रतिष्ठान कचनकवल र द्रोणाचार्य प्रतिष्ठान तथा बनियानी स्वास्थ्य केन्द्रले स्वास्थ्य केन्द्र परिसरमा संयुक्तरुपमा आयोजना गरेको स्वास्थ्य शिविरमा पृथ्वीनगर, बनियानी, पथरिया, केचना, पाठामारी, घेराबारीलगायत सीमावर्ती भारतीय क्षेत्रबाट आएका विरामीहरुले सेवा लिएका थिए । प्रदेशसभा सांसद वसन्त बानियाँ, भद्रपुर नगरपालिकाका प्रमुख जीवनकुमार श्रेष्ठ, कचनकवल गाउँपालिकाकी उपाध्यक्ष निमसरी राजवंशीले ‘ब्लड प्रेसर’ जाँच गराएर स्वास्थ्य शिविरको उद्घाटन…

काठमाडौँ, १४ मङ्सिर । गोङ्गबुका आठ वर्षीय प्रयास कुँवरको अपहरणपछि हत्या आरोपी स्याङ्जा भिरकोटका महेन्द्र सार्कीविरुद्ध अपहरण तथा कर्तव्य ज्यान मुद्दामा प्रहरीले अनुसन्धान अघि बढाएको छ । जिल्ला अदालत काठमाडौँबाट आज पाँच दिनको म्याद थप गरी सो मुद्दामा अनुसन्धान थालिएको महानगरीय प्रहरी वृत्त महाराजगञ्जका प्रहरी नायब उपरीक्षक फडिन्द्र प्रसाईंले जानकारी दिनुभयो । महानगरीय प्रहरी अपराध महाशाखाले आज उनलाई थप कारवाहीका लागि वृत्तमा पठाइएको छ । गोङ्गबुस्थित वीरेन्द्र–ऐश्वर्यमार्गको स्वस्तिक त्रिवेणी गेष्ट हाउसका सञ्चालक प्रविण कुँवरका आठ वर्षीय छोरा प्रयासकोे अपहरणपछि हत्या गरेको प्रहरीको प्रारम्भिक अनुसन्धानले देखाएको छ । होटल मालिकसँग तलब र जागिरको विषयमा विवाद हुँदा आवेशमा बालकको हत्या गरेको उनले…

लम्साल काठमाडौँ, १४ मङ्सिर । काबेली क्षेत्रमा उत्पादन भएको विद्युत् राष्ट्रिय प्रसारण प्रणालीमा जोड्न निर्माण हुने काबेली करिडोर प्रसारण लाइन निर्माणका लागि सरकारले मार्ग प्रशस्त गरिदिएको छ । रुख कटानीको स्वीकृति नहुँदा उक्त प्रसारण लाइन निर्माणमा ढिलाइ हुँदै आएको थियो । यही मङ्सिर १० गते बसेको मन्त्रिपरिषद्को बैठकले सो प्रसारण लाइनको क्षेत्रभित्र पर्ने रुख कटानको स्वीकृति दिएको हो । नेपाल विद्युत् प्राधिकरणले प्रसारण लाइन निर्माणको काम गरिरहेको छ । कूल १३२ केभी प्रसारण लाइन आयोजनाको दोस्रो खण्ड निर्माणका लागि स्वीकृति दिइएको हो । दोस्रो खण्डमा पाँचथर–तेह्रथुमखण्ड रहेको छ । सरकारले प्रसारण लाइनको क्षेत्रमा पर्ने टावर निर्माणका लागि तेह्रथुम र पाँचथरका…

युवराज विष्ट भोजपुर, १४ मङ्सिर । भोजपुर नगरपालिका– १२ टक्सारमा निर्माण गरिएको पर्यटन सूचना केन्द्र प्रयोगमा नआई जीर्ण बनेको छ । सरोकारवाला निकायको बेवास्ताका कारण राज्यको लगानी खेर गइरहेको छ । अहिले यो भवन भूत बङ्गलामा परिणत भएको स्थानीयको भनाइ छ । कलात्मकरूपमा निर्माण गरिएको उक्त सूचना केन्द्र अहिले युवायुवतीको रमाइलो गर्ने तथा जुवा तास खेल्ने स्थल बनेको छ । भवनमा लगाइएको झ्याल ढोका निकै कलात्मक तवरबाट निर्माण गरिएका छन् । भवन करीब रु ५० लाख लागतमा निर्माण गरिएको हो । शुरुमा केहीमात्रामा घेराबारा गरिएको भए पनि हाल यसको अवस्था बेहाल छ । भवनमा लगाइएका सम्पूर्ण ताला फोरिएको छ भने…