झापा अनलाइन

लन्डन, १७ भदौ ।बेलायतमा नेपाली समुदायका १० व्यक्तिलाई ‘वर्ष व्यक्तित्व’ घोषणा गर्दै सम्मान गरिएको छ। आइतबार लन्डनस्थित स्ट्यानवेल कम्युनिटी हलमा आयोजित ‘मिडिया पर्सनालिटी अफ द इयर २०२५’ शीर्षकमा उनीहरूलाई सम्मान गरिएको हो। बेलायतका लागि नेपाली राजदूत चन्द्रकुमार घिमिरेको प्रमुख आतिथ्यमा रुबी राउत, डा. विशाल गुरुङ, विकास नेपाल, सुनिल खड्का, दिवाकर पाण्डे, महेश अधिकारी, पुरन गिरी, डा. रक्षा थापा, रण केसी र डा. डिलीसा सिम्खडालाई सम्मानित गरिएको हो। कार्यक्रममा बोल्दै प्रमुख अतिथि घिमिरेले नेपाल अब केवल गरिबीले मात्र चिनिने देश नभई प्रतिभा सम्पन्न मुलुकको रूपमा प्रस्तुत हुनुपर्ने धारणा राखेका थिए। कार्यक्रममा स्पेलथोर्न काउन्सिलका पूर्व मेयर तथा काउन्सिलर मेड बकलेको उपस्थिति थियो।…

इलाम, १७ भदौ । इलामको चुलाचुलीमा गएराति चन्द्रबहादुर विष्टको घरमा आगलागी हुँदा तीन लाखभन्दा बढीको क्षति भएको छ । राति करिब १० बजे चुलाचुली गाउँपालिका– ६ तोरीवारीका विष्टको टिनको छानो र टिनको बेरा भएको एकतले घरमा आगलागी भएको हो । आगलागीबाट घर र घरभित्र भएका भाँडावर्तन, अन्नपात पूर्णरुपमा जलेर नष्ट हुँदा अन्दाजी तीन लाख २५ हजार बराबरको क्षति भएको प्रहरीले जनाएको छ । प्रहरी चौकी पेल्टिमारीका प्रहरी वरिष्ठ नायब निरीक्षक नारायणप्रसाद कुँवरका अनुसार प्रहरी, दमक नगरपालिकाको बारुणयन्त्र र स्थानीयको सहयोगमा राति ११ बजे आगो पूर्णरुपमा नियन्त्रणमा लिइएको थियो । घर जलेपछि विष्ट परिवार विस्थापित भएको स्थानीयले जनाएका छन् ।

झापा, १७ भदौ । राष्ट्रिय सभा सदस्य नरबहादुर विष्टले भिजिट भिसामार्फत ४० हजार नेपाली महिलालाई कुवेतमा लगेर बेचिएको बताएका छन् । राष्ट्रिय सभाको सोमबारको बैठकमा बोल्दै सांसद विष्टले भिजिट भिसामा जाँदा अहिले पनि त्रिभुवन अन्तर्राष्ट्रिय विमानस्थल अध्यागमन विभागका कर्मचारीलाई एक लाख घुस दिनुपर्ने विवरण जानकारीमा आएको बताएका छन् । नेपालबाट अवैधानिक रूपमा लगेर कुवेतको एउटा घरमा बन्धक बनाएर राखी शोषण गरिएको उनको भनाई थियो । ठुलो संख्यामा महिला बेचिएको विषयबारे सरकार र गृह मन्त्रालयले सदनलाई जानकारी दिन नचाहेको उनले बताए । उनले समस्यामा परेकालाई तत्काल उद्वार गर्न पनि जोड दिए । कुवेतको घरेलु श्रम बजारमा नेपाली महिला कामदारको संख्यामा आश्चर्यजनक…

काठमाण्डौ, १७ भदौ । सरकारले आउँदो भदौ ३० गतेदेखि चाडपर्वलक्षित सहुलियत मूल्य पसल सञ्चालन गर्ने तयारी गरेको छ । सरकराले खाद्य व्यवस्था तथा व्यापार कम्पनी र साल्ट ट्रेडिङ कर्पोरेसनमार्फत काठमाण्डौ उपत्यकासहित देशभर सहुलियत मूल्य पसल सञ्चालन गर्न लागेको हो । उद्योग, वाणिज्य तथा आपूर्ति मन्त्रालयको निर्णय अनुसार खाद्य व्यवस्था कम्पनीले दशैँ, तिहार र छठ पर्वलाई लक्षित गर्दै देशभर एक सय ११ वटा ठाउँमा सहुलियत मूल्य पसल सञ्चालन गर्ने तयारी गरेको छ । यस्तै साल्ट ट्रेडिङ कर्मोरेसनले काठमाण्डौ उपत्यकासहित देशका ३८ वटा ठाउँमा सुपथ मूल्य सपल सञ्चालन गर्नेछ । सहुलियत मूल्य पसलबाट विभिन्न खाद्यवस्तुमा किलोको दुई रुपैयाँदेखि १० रुपैयाँसम्म छुट दिइने…

झापा, १७ भदौ । नेपाल चिया उत्पादक सङ्घ र श्रमिकहरूको ट्रेड युनियनहरूबीच चिया मजदुरको पारिश्रमिक वृद्धि गर्ने सहमति भएको छ । नेपाल चिया कफी श्रमिक युनियनका अध्यक्ष सन्तकुमार राईले नवौँ पटकको वार्तापछि रोजगारदाता र श्रमिकका प्रतिनिधि सङ्गठनहरूबीच मजदुरको न्यूनतम पारिश्रमिक वृद्धि गर्ने सहमति भएको बताउनुभयो । नेपाल चिया उत्पादक सङ्घको भद्रपुरस्थित कार्यालयमा सोमबार भएको सहमतिमा सङ्घका तर्फबाट वार्ता समिति संयोजक जेपी शर्माले हस्ताक्षर गर्नुभएको छ । त्यसैगरी, श्रमिक सङ्गठनहरूको तर्फबाट नेपाल चिया कफी श्रमिक युनियनका अध्यक्ष सन्तकुमार राई, अखिल नेपाल चिया मजदुर सङ्घकी अध्यक्ष सीता सापकोटा र नेपाल चिया बगान श्रमिक सङ्घका अध्यक्ष दीपक तामाङले हस्ताक्षर गर्नुभएको छ । नयाँ…

झापा, १७ भदौ । आज दिउँसो कोशी प्रदेश तथा राति गण्डकी, लुम्बिनी र सुदूरपश्चिम प्रदेशका केही ठाउँमा ठूलो पानी पर्ने मौसम पूर्वानुमान महाशाखाले जनाएको छ । महाशाखाका अनुसार दिउँसो सबै प्रदेशका केही ठाउँहरुमा मध्यम वर्षाको सम्भावना छ । राति कोशी, बागमती, गण्डकी, लुम्बिनी र सूदुरपश्चिम प्रदेशका केही ठाउँहरुमा तथा बाँकी प्रदेशका थोरै ठाउँहरुमा मध्यम वर्षाको सम्भावना छ । राति गण्डकी, लुम्बिनी र सुदुरपश्चिम प्रदेशका एकरदुई ठाउँमा ठूलो पानी पर्न सक्ने महाशाखाले जनाएको छ । गएराति केही ठाउँमा हल्कादेखि मध्यम वर्षा भएको छ ।

गोरखा, १७ भदौ । गोरखामा मंगलबार बिहान भएको बस दुर्घटनामा २१ जना घाइते भएका छन्। बाग्मती प्रदेश ०१–००६ ख ४१३१ नम्बरको रात्रिबस काठमाडौँबाट गोरखाको माछीखोला जाँदै गर्दा भिमसेनथापा गाउँपालिका–३ टारीफाँट गगटे नजिक गोरखा–आरुघाट सडकखण्डमा बिहान ५ बजे दुर्घटना भएको सशस्त्र प्रहरीका सह प्रवक्ता शैलेन्द्र थापाले जानकारी दिए । गति अनियन्त्रित भई दुर्घटना हुँदा घाइते भएका कुल २१ जनामध्ये १९ जनाको उपचार प्राथमिक उपचार केन्द्र आरुघाटमा भइरहेको छ भने २ जनालाई थप उपचारका लागि काठमाडौँ रेफर गरिएको छ। घटनास्थलमा सशस्त्र प्रहरी बल नेपाल सुरक्षा बेस आरुघाटबाट सशस्त्र प्रहरी निरीक्षकको कमाण्डमा १५ जना सुरक्षाकर्मी र नेपाल प्रहरीको संयुक्त टोलीले घाइतेको उद्धार गरेको…

धरान, १६ भदौ । सप्तकोशी नदीमा जलसतह बढ्दै गएको छ । जिल्ला प्रहरी कार्यालय सुनसरीका प्रवक्ता योगराज खतिवडाका अनुसार आज दिउँसो ४ः०० बजे गरिएको जल सतह मापनमा कोशी ब्यारेजमा पानीको प्रवाह प्रतिसेकेण्ड दुई लाख ५६ हजार १० क्युसेक पुग्दा ३४ ढोका खोलिएका छन् । दिउँसो ३ः०० बजे दुई लाख ४९ हजार १०५ प्रतिसेकेण्ड पानीको प्रवाह मापन गर्दा ३२ ढोका खोलिएका थिए । आइतबार बेलुका १०ः०० बजे गरिएको जलसतह मापनमा कोशी ब्यारेजमा पानीको प्रवाह प्रतिसेकेण्ड दुई लाख २६ हजार ५६० क्युसेक पुग्दा ३१ ढोका खोलिएका थिए । प्रवक्ता खतिवडाका अनुसार कोशी ब्यारेजका ५६ ढोकामध्ये अहिले ३४ ढोका खोलिएका छन् । कोशी…

बिर्तामोड, १६ भदौ । नेपालमै युवालाई आत्मनिर्भर बनाउने उद्देश्यसहित ‘यहाँ छ’ नामक एप्स सार्वजनिक गरिएको छ। डिजिटल सेवा र फ्रीलान्सिङ अवसर प्रदान गर्ने यो एप्स सोमबारदेखि औपचारिक रूपमा सञ्चालनमा आएको हो। रुट डेभ्स सफ्टवेयर डेभलपमेन्ट प्रालिले विकास गरेको ‘यहाँ छ’ एप्सको उद्घाटन बिर्तामोड नगरपालिकाकी नगर प्रमुख पवित्रा महतरा प्रसाईले एक विशेष समारोहकाबीच गरेकी हुन्। कार्यक्रममा कम्पनीका सल्लाहकार रवी चापागाईंको अध्यक्षता रहेको थियो भने स्वागत नविन भण्डारीले गरे। कम्पनीका प्रतिनिधि रविन थापाले एप्सको उद्देश्य, सेवा सुविधा र आगामी योजनाबारे जानकारी दिए। नेपालकै पहिलो प्राविधिक रूपमा व्यवस्थित फ्रीलान्सिङ प्लेटफर्म ‘यहाँ छ’ एप्सलाई नेपालकै पहिलो प्राविधिक रूपमा व्यवस्थित फ्रीलान्सिङ प्लेटफर्मको रूपमा प्रस्तुत गरिएको…

बिर्तामोड, १६ भदौ । मारवाडी सेवा समिति विर्तामोडकाे अध्यक्षमा विजयकुमार गाेयल चयन भएका छन् । समितिकाे सभाहलमा साेमबार सम्पन्न ३२ आैँ साधारणसभा तथा १२ आैँ अधिवेशनबाट अध्यक्ष पदमा सर्वसम्मत चयन भएका हुन् । यसैगरी, अधिवेशनले समितिकाे उपाध्यक्षमा दिपक मित्तल, सचिवमा गाैरीशंकर गुप्ता (टिंकु), सहसचिवमा बजरंगकुमार अग्रवाल र काेषाध्यक्षमा सुमित साहेवालालाई चयन गरेकाे छ भने सदस्यमा यज्ञराज अग्रवाल, सुरेशकुमार अग्रवाल, अमितकुमार अग्रवाल, पंकज मित्तल, श्याम अग्रवाल, मिनप्रसाद अग्रवाल (सञ्जय) र मनाेज गाेयल चयन भएकाे निर्वाचन समितिले जनाएकाे छ । विधान अनुसार पहलाे चरणमा १२ जना सदस्य चयन गरिएकाे र तिनै १२ जनामध्येबाट पदाधिकारी सर्वसम्मत चयन गरिएकाे निर्वाचन समितिका संयाेजक शिवकुमार अग्रवालले…