झापा अनलाइन

झापा, १३ भदौ । सुदूरपश्चिम र मध्यपश्चिम क्षेत्रको मौलिक पर्व गौरा आज भाद्र शुक्ल पञ्चमीका दिन बिरुडा भिजाएर सुरु गरिएको छ । केराउ, जौ, मस्याङ, मास र गुराँस गरी पाँच प्रकारका गेडागुडी भिजाउने परम्परालाई ‘बिरुडा पञ्चमी’ भनिन्छ। यही बिरुडा अष्टमीका दिन भगवतीलाई चढाइन्छ र भक्तजनलाई प्रसादस्वरूप बाँडिन्छ। गौरा पूजाका लागि कुश, काँस, सामा, तीतेपाती, अपामार्ग ९कतै तिलको बिरुवा पनि० प्रयोग गरी देवीको प्रतीकात्मक आकृति बनाइन्छ। यस वर्ष भाद्र शुक्ल अष्टमीमा देवीलाई गाउँको सफा घरमा भित्र्याएर व्रतालुहरूले निराहार पूजा गर्ने परम्परा रहेको देउडा संस्कृतिविद् नन्दकृष्ण जोशीले जानकारी दिनुभयो। देवी भित्र्याउने कार्य गाउँका नायकले गर्दछन्, जसलाई कसैले हेर्न नहुने मान्यता छ। पूजापछि…

काठमाडौँ, १३ भदौ । काठमाडौँको जडिबुटीमा आज बिहान भएको सवारी दुर्घटनामा दुई युवकको ज्यान गएको छ । कोटेश्वरबाट जडिबुटीतर्फ जाँदै गरेको स्कुटर रोकिराखेको बसको पछाडि ठोकिँदा दुर्घटना भएको हो। काठमाडौँ महानगरपालिका–३२ स्थित जडिबुटी आकाशेपुल नजिकै बा.प्र ०१–००६ ख ४२४३ नम्बरको अरनिको यातायातको बस सडकमा रोकिरहेकै अवस्थामा लु.४३ प ४९३८ नम्बरको स्कुटर ठोकिएको जिल्ला प्रहरी परिसर काठमाडौँका एसपी अपिलराज बोहोराले जानकारी दिए । दुर्घटना आज बिहान पौने तीन बजेतिर भएको हो । स्कुटर चालक नवलपरासीको सुनौल नगरपालिका–१ स्थायी घर भई हाल भक्तपुरको लोकन्थलीमा बस्दै आएका २२ वर्षीय शिरिस पौडेल र काभ्रेको पाँचखान नगरपालिका–२ का २३ वर्षीय नितेश नेपालको मृत्यु भएको प्रहरीले…

झापा, १३ भदौ । भौतिक पूर्वाधार तथा यातायातमन्त्री देवेन्द्र दाहालले बिहीबार काँकडभिट्टा–लौकही सडक योजनाको (पूर्वी खण्ड) मा भइरहेको पूर्वपश्चिम राजमार्गको विस्तार तथा स्तरोन्नतिको अनुगमन गर्नुभएको छ । मन्त्री दाहालले मेचीनगर नगरपालिका कार्यालयमा आयोजित सरोकारवालाहरूसँगको छलफल कार्यक्रममा राजमार्गको स्तरोन्नतिका क्रममा देखापरेका समस्या र जनताका मागलाई व्यावहारिक रुपमा समाधान गरिने बताउनुभयो । सो अवसरमा मन्त्री दाहाललाई मेचीनगरका नगरप्रमुख गोपाल बुढाथोकीले पूर्वीनाका काँकडभिट्टादेखि प्यारीभिट्टा बसपार्कसम्म ६ लेन सडक विस्तार गरिनुपर्नेलगायत सात बुँदे मागपत्र बुझाउनुभएको थियो । नगरप्रमुख बुढाथोकीले पूर्वीद्वार काँकडभिट्टामा प्रसिद्ध साहित्यकार गोपाल योञ्जनको सालिक राख्न र घण्टाघर बनाउन राजमार्ग छेउमै स्थान उपलब्ध गराइदिन माग गर्नुभएको छ । यसैगरी, विर्तामोड नगरपालिकाका नगरप्रमुख पवित्र…

झापा, १३ भदौ । निमित्त प्रमुख प्रशासकीय अधिकृतको भरमा सञ्चालित देशभरका सबै स्थानीय तहमा सामान्य प्रशासन मन्त्रालयले प्रमुख प्रशासकीय अधिकृत खटाएको छ। संघीय मामिला तथा सामान्य प्रशासनमन्त्री भगवती न्यौपानेले देशका कुनै पनि नगरपालिका र गाउँपालिका अब निमित्त प्रमुख प्रशासकीय अधिकृत नरहने घोषणा गरेकी छन्। निमित्तको भरमा सञ्चालित देशभरका दुईसय पालिकामा प्रमुख प्रशासकीय अधिकृत खटाइएको जानकारी मन्त्री न्यौपानले सामाजिक सञ्जालमार्फत दिएकी छन्। ‘सुशासनको मुख्य औजार कर्मचारी प्रशासन हो, यसलाई निरन्तर सुधार र परिमार्जन गर्नुपर्छ। यो काममा म निरन्तर लागिरहेकी छु,’ उनले फेसबुकमा लेखेकी छन्, ‘मैले कार्यभार समाल्दा देशभरीका ७५३ मध्ये २०० पालिका निमित्तका भरमा चलिरहेका थिए। आजबाट देशभरीका गाउँपालिका र नगरपालिकालाई…

झापा, १३ भदौ । देशका विभिन्न स्थानमा वर्षा हुने क्रम जारी छ । यस क्रममा आज दिउँसो पनि पानी पर्ने क्रम जारी रहने मौसम पूर्वानुमान महाशाखाले जनाएको छ । महाशाखाका अनुसार दिउँसो पहाड र तराईका थोरै स्थानमा मध्यम वर्षा हुने सम्भावना छ । कोसी प्रदेश, गण्डकी प्रदेश र सुदूरपश्चिम प्रदेशका पहाड भेगका एक–दुई स्थानमा भारी वर्षाको पनि सम्भावना छ । वर्षाका कारण बाढी–पहिरो जाने सम्भावना रहेकाले सतर्कता अपनाउन मौसम महाशाखाले सम्बन्धित क्षेत्रका बासिन्दालाई सुझाव दिएको छ। मौसम महाशाखाले जारी गरेको २४ घण्टे बुलेटिन अनुसार आज दिउँसो देशभर साधारणतया बदली (आकाशभरि बादल) रहनेछ । देशका पहाड भूभागका केही स्थान र तराई…

उदयपुर, १२ भदौ । उदयपुरको कटारी नगरपालिकामा एक व्यापारीको गोदामबाट नेपाल सरकारले किसानलाई वितरण गर्न पठाएको अनुदानको २ सय बोरा रासायनिक मल बरामद गरिएको छ। बिहीबार जिल्ला प्रशासन कार्यालय उदयपुरको अनुगमन टोलीले कटारी बजारमा अनुगमन गर्ने क्रममा आशुतोष ट्रेडर्स एण्ड जनरल स्टोर्सको गोदाममा लुकाइएको अवस्थामा मल फेला परेको हो। उक्त स्टोर्स व्यापारी दिलीप चौधरीले सञ्चालन गर्दै आएका छन्। सहायक प्रमुख जिल्ला अधिकारी विक्रम प्रसाद पाण्डेयका अनुसार गोदामलाई तत्काल शिलबन्दी गरी छानबिन प्रक्रिया अघि बढाइएको छ। “मल कहाँबाट आयो, कसको मिलेमतोमा लुकाइयो भन्नेबारे पूर्ण छानबिन हुन्छ,” पाण्डेयले बताए। उनले आवश्यक कारबाहीका लागि कटारी नगरपालिकाका प्रमुख प्रशासकीय अधिकृतलाई निर्देशन दिइएको जानकारी दिए।…

बिर्तामोड, १२ भदौ । नेपालकै पुरानो ख्यातिप्राप्त सोल्टी होटेलको सहकार्य र विगत २० वर्षदेखि शैक्षिक अध्यापन क्षेत्रको अगुवा गेट कलेजको विद्यार्थीलाई एक दिने अध्ययापन सम्बन्धी प्रर्वतन कार्यशाला झापा बिर्तामोडमा सम्पन्न भएको छ । सोल्टीको नेपाल र जर्मनीमा कार्यगत प्रशिक्षण तथा प्रत्यक्ष रोजगारको अवसरसहित ब्याचलरमा अन्तर्राष्ट्रिय हस्पिटालिटी म्यानेजमेन्ट, ब्याचलर इन प्रोफेस्नर हस्पिटालिटी र त्यसैगरी कुकिङतर्फ लेभल तीन को (टेफ) कार्यक्रम समेत रहेको बताएको छ । गेट कलेज काठमाडौंका संस्थापक प्रबन्धक खेम लकाइ, सोल्टी होटल्सका लर्निङ एण्ड डेभलपमेन्ट अफिसर रुपेश श्रेष्ठ, स्थानीय होटल म्यानेजमेन्ट कलेजका सन्जोग खरेल, विवेक नेपाल लगायतको उपस्थितिमा झापाका एक सय भन्दा बढी विद्यार्थी अभिमुखिकरण गरेको बताइएको छ ।…

धनगढी, १२ भदौ । कैलालीको खुटिया नदीमा डुबेर चार जनाको मृत्यु भएको छ । आज दिउँसो खुटिया नदीमा डुबेर धनगढी उपमहानगरपालिका–१७ का सक्षम जोशी, जावेज भण्डारी, प्रतीक चौधरी र वडा नं. १५ का जेव भण्डारीको मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिनुभयो । गोदावरी नगरपालिका–९ स्थित खुटिया नदीमा नुहाउने क्रममा चारै जना नदीमा डुबेको उहाँले बताउनुभयो । उनीहरू साथीहरूसँगै नदीमा नुहाउन गएका थिए । नदीमा नुहाउन गएका अन्य तीन जना भने सकुशल रहेको बताइएको छ ।

झापा, १२ भदौ । युवाको उमेर अब १८ देखि ३५ सम्म कायम हुने भएको छ । सरकारले हालै ‘राष्ट्रिय युवा नीति– २०८२’ स्वीकृत गरेसँगै युवाको उमेर १८–३५ कायम हुने राष्ट्रिय युवा परिषद्का कार्यकारी उपाध्यक्ष सुरेन्द्र बस्नेतले जानकारी दिनुभयो । यसअघि ‘राष्ट्रिय युवा नीति–२०७२’ अनुसार युवाको उमेर १६–४० वर्ष रहेको थियो । सरकारले नयाँ युवा नीति जारी गरेको हो । राष्ट्रिय युवा नीतिमा ‘राष्ट्रिय तथा अन्तर्राष्ट्रिय परिवेश अनुकूल हुने गरी नेपालको सन्दर्भमा १८ देखि ३५ वर्षको उमेर समूहको जनसङ्ख्यालाई युवा मानिनेछ’, भनेर उल्लेख छ । २०७८ सालको जनगणना अनुसार नेपालमा १६ देखि ४० वर्ष जनसङ्ख्या ४२।५६ प्रतिशत थियो । परिषद्का कार्यकारी…

झापा, १२ भदौ । झापा र मोरङबाट लागूऔषध ब्राउनसुगरसहित ४ जनालाई पक्राउ गरिएको छ । हिजो दिउँसो साँढे १२ बजे झापाको मेचीनगर नगरपालिका–८ गिरीगाँउ स्थितबाट लागूऔषध नियन्त्रण व्यूरो काँकरभिट्टाबाट खटिएको प्रहरी टोलीले सोही स्थान बस्ने ३२ बर्षीय अजय मेचे र भारत वेष्ट बंगाल, दार्जिलिङ जिल्ला उत्तरा रथखोला भिमराम नक्सलबारी बस्ने ३० बर्षीय टान्टु भन्ने कनकन राहलाई लागूऔषध ब्राउन सुगर १०० ग्राम १०० मिलिग्राम सहित पक्राउ गरिएको छ । त्यस्तै, हिजो बेलुका ६ बजे इलाका प्रहरी कार्यालय उर्लाबारीबाट खटिएको प्रहरी टोलीले मोरङको उर्लाबारी नगरपालिका–७ पारिजात टोलस्थितबाट सोही स्थानका ४२ बर्षीय लालबहादुर लिम्बु र ३२ वर्षीय पदमबहादुर अधिकारीलाई लागूऔषध ब्राउनसुगर ६९० मिलिग्रामसहित…