झापा अनलाइन

काठमाडौँ, २३ फागुन । साहित्यकार रक्ष राईको कथासङ्ग्रह ‘पल्टनेको फोटो’ बजारमा आएको छ । नेपाली प्रतिभा प्रतिष्ठान, बेलायत र साङ्ग्रिला बुक्सद्वारा आयोजित कार्यक्रममा नेपाल प्रज्ञा–प्रतिष्ठानका पूर्वकुलपति वैरागी काइँलाले बुधबार सो सङ्ग्रह सार्वजनिक गर्नुभएको हो । साहित्यकार काइँलाले नेपाली भाषा, साहित्यको समृद्धिमा डायास्पोरामा रहेका स्रष्टाको महत्वपूर्ण योगदान रहेको उल्लेख गर्दै बेलायतमा बसेर साहित्य चिन्तन तथा लेखनमा क्रियाशील रहेका राईको कथासङ्ग्र्रह नेपाली कथासाहित्यका क्षेत्रमा कोशेढुङ्गा सावित हुने विश्वास व्यक्त गर्नुभयो । समालोचक प्रा डा ज्ञानु पाण्डेले ‘पल्टनको फोटो’भित्रका कथाहरूमा विचार, दर्शन र चिन्तनको सङ्गम रहेकोे बताउनुभयो । नेपाली प्रतिभा प्रतिष्ठानका संयोजक प्राज्ञ शशी लुमुम्बूले खोटाङको बुइँपा पुख्र्यौली थातथलो भएका सेवा निवृत्त पूर्वब्रिटिस…

द्रोण अधिकारी भद्रपुर, २३ फागुन । झापा सदरमुकाममा रहेको चन्द्रगढी वन उपभोक्ता समितिले पर्यापर्यटकीय क्षेत्र मार्फत प्रमुख पर्यटकीय केन्द्र निर्माणलाइ्र्र तीव्रता दिएको छ । भद्रपुर ९ स्थित सामुदायिक वन उपभोक्ता समितिले भद्रपुर नगरको प्रमुख गन्तव्य स्थल निर्माण अन्र्तगत २० वर्षे कार्योजनाका साथ सिमसार तथा पर्यटकीय प्रवद्घन परियोयना कार्य तीव्र गतिमा अगाडि वढाएको हो । सामुदायिक वन उपभोक्ता समिति ले वि सं २०७० सालबाट सुरु गरेको २० वर्षे गुरु योजना अनुसार प्रथमचरणमा ७५ लाख लगानी गरी पोखरी निर्माणलाई अन्तिमचरणमा पुर्याएको छ । सामुदायिक वन क्षेत्रमा रहेको सिमसारलाई पर्यटकीय आकर्षण केन्द्र बनाउने योजनाले ८० प्रतिशत सफलता पाउँदा पोखरी निर्माण अन्तिमचरणमा पुगेको हो…

झापा, २३ फागुन । झापाको मेची नगरपालिकाको धुलाबारीमा बिहीवारबाट विराट सत्संग समारोह–२०७५ शुरू हुनुअघि बिहान शोभायात्रा आयोजना गरिएको छ । सत्संग समारोह हुने नन्दागंगा नदी तटबाट शुरू भएको शोभायात्राले धुलाबारी बजार परिक्रममा गरेको हो । बिहीवार र शुक्रवार धुलाबारीमा विराट सत्संग समारोह हुँदैछ । शोभायात्रामा स्थानीय संस्कृति र धार्मिक पहिचान झल्किने झाकी, बाजागाजा लगायत समावेश गरिएका थिए । शोभायात्रामा सन्तमहात्मा, पञ्चकन्या, नौमती बाजा, हंश बैण्ड, ईष्ट होराइजन बैण्ड, सेवा दल, ओमशान्ति, विभिन्न संघसंस्था र भक्तजनको सहभागिता रहेको थियो । समारोहस्थल पण्डाल निर्माण, भक्तजनको आवास बन्दोबस्त, खानपानका लागि भण्डारा, अतिथि सत्कारको व्यवस्थापन मिलाइएको मूल आयोजक समिति संयोजक महात्मा चमेली वाइजीले जानकारी…

काठमाडौँ, २२ फागुन । प्रतिनिधिसभाको आजको बैठकमा भाग लिने अधिकांश सांसदले आन्दोलनरत शिक्षकमाथि भएको प्रहरी हस्तक्षेपको विरोध गर्दै समस्या समाधानका लागि वार्ता गर्न सरकारलाई सुझाव दिनुभएको छ । बैठकमा पहिलो वक्ताका रूपमा नेकपाका खगराज अधिकारीले अस्थायी शिक्षकका रूपमा लामो समयसम्म शिक्षा विकासको लागि योगदान पु¥याएका शिक्षकलाई अलपत्र पार्न नहुने बताउनुभयो । उहाँले भन्नुभयो, “अस्थायी र राहत शिक्षकको मागलाई सम्बोधन गरिनुपर्छ ।” प्रमुख प्रतिपक्षी नेपाली काङ्ग्रेसका बालकृष्ण खाँडले पेशागत हित र सुरक्षाका लागि आन्दोलनमा रहेका शिक्षकमाथि प्रहरीबाट लाठी प्रहार हुँदा सयाँैको सङ्ख्यामा शिक्षक घाइते भएको जनाउँदै उक्त घटनाप्रति विरोध जनाउनुभयो । उहाँले भन्नुभयो, “शिक्षकमाथि भएको प्रहरी दमन निन्दनीय छ, म सरकारलाई…

काठमाडौँ, २२ फागुन । यस वर्षको प्रि–मनसुन शुरु भएको छ । मार्च, अप्रिल र मेसम्म तीन महीना प्रि–मनसुन चल्ने भएकाले देशको पहाडी भूभागको मौसम लगातार प्रभावित भइरहने जल तथा मौसम पूर्वानुमान महाशाखाले जनाएको छ । प्रि–मनसुनको प्रवृत्ति दिनमा घाम लाग्ने र अपराह्न तथा साँझपख मेघगर्जनसहित क्षणिक वर्ष हुने वरिष्ठ मौसमविद् मीनकुमार अर्यालले बताउनुभयो । उहाँका अनुसार स्थानीय वायुको प्रभाव पार्न थालेकाले प्रि–मनसुन शुरु भएको हो । तापक्रम बढ्न थालेकाले पनि यसको प्रभाव देखिएको बताइएको छ । प्रि–मनसुन अवधिमा दिनभर घाम लाग्ने र अपराह्न तथा साँझापख पहाडी भूभागका केही स्थानमा फाट्फुट्ट वर्षा हुने मौसमविद् अर्यालले औँल्याउनुभयो । उहाँका अनुसार अङ्ग्रेजी महीना…

झापा, २२ फागुन । झापाको मेची नगरपालिका–४ धुलाबारीमा हुने विराट सत्संग समारोह–२०७५ को तयारी पूरा भएको छ । धुलाबारीको नन्दागंगा नदी तटमा फागुन २३ गते बिहीबार र २४ गते शुक्रबार सत्संग समारोह हुँदैछ । कार्यक्रममा नेपाल, भारत र भुटानबाट करीब एक लाख भक्तजनको सहभागिता हुने अनुमान गरिएको छ । समारोहस्थल पण्डाल निर्माण, भक्तजनको आवास बन्दोबस्त, खानपानका लागि भण्डारा, अतिथि सत्कारको व्यवस्थापन मिलाइएको मूल आयोजक समिति संयोजक महात्मा चमेली वाइजीले जानकारी दिनुभयो । उहाँका अनुसार कार्यक्रममा सहभागी हुन सद्गुरूदेव सतपालजी महाराज पनि धुलाबारी पुगिसक्नुभएको छ । समारोहलाई व्यवस्थित बनाउन मूल आयोजक समिति मातहत विभिन्न समितिले काम गरिरहेको आयोजक नेपाल मानव धर्म…

सुनसरी, २२ फाल्गुन । सुनसरीको धरान उप–महानगरपालिका–८ तिनकुनेबाट ५७६ ट्याब्लेट स्पास्मोप्रोक्सिवन सहित ४ जनालाई प्रहरीले पक्राउ गरेको छ । मंगलवार राती २२ः३० बजेको समयमा अस्थायी प्रहरी पोष्ट तिनकुनेबाट चेकजाँचमा खटिएको प्रहरी टोलीले ईटहरीबाट धरान तर्फ जाँदै गरेको को १ ह ६५५७ नम्बरको टेम्पोलाई रोकी चेकजाँच गर्ने क्रममा टेम्पोमा सवार धरान–१५ का ३६ बर्षीय बिकास लामा, धरान–६ बस्ने २४ बर्षीय दिनेश खड्का, धरान–५ बस्ने ३७ बर्षीय जस बहादुर राई र धरान–६ बस्ने २४ का बिभष तामाङलाई ५७६ ट्याब्लेट स्पास्मोप्रोक्सिवन र १ बोतल डाईलक्स डि.सी. सहित पक्राउ गरेको हो । पक्राउ परेका ४ जनालाई नै ईलाका प्रहरी कार्यालय धरानमा राखि थप अनुसन्धान…

तेह्रथुम, २२ फाल्गुन । तेह्रथुमको छथर गाउँपालिका–२ हमरजुङमा मंगलवार बिहान भएको आगलागीमा घाईते भएकी राम माया कार्कीको बिराटनगरको म्याक्स अस्पतालमा उपचारको क्रममा मृत्यु भएको छ । मंगलवार बिहान ६ः२० मा ५५ बर्षीया राम माया कार्कीको काठको बेरा र टिनको छाना भएको २ तले कच्ची घरमा अचानक आगलागी भएको थियो । उक्त आगलागीमा परी निजकै छोरी २० बर्षीया सम्झना कर्कीको घटनास्थलमै मृत्यु भएको थियो । सोही आगलागीमा गम्भीर घाईते भएकी कार्कीको उपचारको क्रममा मंगलवार राती ९ः४५ मा मृत्यु भएको हो ।

काठमाडौं, २२ फागुन । टीकापुर घटनाको फैसला गर्दै जिल्ला अदालत कैलालीले बुधबार ११ जनालाई जन्मकैदको सजाय सुनाएको छ । बुधबार जिल्ला अदालत कैलालीले हाल सांसदको पनि सपथ खाइसकेका चौधरीसहित ११ जनालाई कैलालीको टीकपुरमा ७ प्रहरी र एक नाबालकको ज्यान जाने गरी भएको हत्याकाण्डका मुख्य अभियुक्त रेशम चौधरीसहित ११ जनालाई जन्मकैदको फैसला भएको हो । जिल्ला न्यायाधीश परशुराम भट्टराईको इजलासले टीकापुर घटनाका मुख्य अभियुक्त रेशम चौधरीसहित ११ जनालाई दोषी ठहर गरेको हो । टीकापुर हत्याकाण्डमा प्रहरीले ५८ जनाविरुद्ध कर्तव्य ज्यान, डाका चोरी र ज्यान मार्ने उद्योगको मुद्दा चलाएको थियो । ५८ जनामा २७ जना पक्राउ परिसकेका छन् । रेशमले भने अदालतमा…

झापा, २२ फागुन । झापाको मेची नगरपालिका–१० धुलाबारीमा हुने विराट सत्संगको पूर्वसन्ध्यामा बुधवार बिहान धुलाबारी बजार क्षेत्रमा सरसफाई गरिएको छ । सत्संग आयोजक नेपाल मानव धर्म सेवा समितिका स्वयंसेवक, जनप्रतिनिधि र स्थानीय वासिन्दाको सहभागितामा बजार सरसफाई गरिएको हो । कार्यक्रममा मेची नगरपालिका–१० का वडाध्यक्ष सुवेश पनेरु लगायतको उपस्थिति थियो । आध्यात्मिक प्रचारप्रसार र सामूदायिक स्वास्थ्यका लागि सरसफाई आवश्यक रहेको सन्देश दिन बजार सरसफाई गरिएको नेपाल मानव धर्म सेवा समिति श्रद्धेय आश्रम धुलाबारीका सचिव ईन्द्र प्रधानले बताए । उनका अनुसार फागुन २३ र २४ गते धुलाबारीको नन्दागंगा नदी तटमा विराट सत्संग समारोहको तयारी अन्तिम चरणमा पुगेको छ । सत्संगकै पूर्वसन्ध्यामा आज…