झापा अनलाइन

झापा, २७ असोज । झापाली गायिका निशु ढकालले नेपालीहरुको महान् चाड विजयादशमी (दशैं) को अवसर पारेर दशैं गीत सार्वजनिक गरेकी छन् । ‘यो रमाइलो दशैं आयो’ बोलको गीत उनले सार्वजनिक गरेकी हुन् । गीतमा शब्द, संगीत तथा एरेन्ज नविन के. तिमल्सिनाको रहेको छ । गीतको भिडियो सुनिल शाहीले खिचेका हुन् । दशैंको अवसरमा सार्वजनिक यस गीत लाखौं नेपालीले मन पराउनेमा गायिका निशु विश्वस्त छिन् । ‘दशैं हरेक नेपालीको लागि निकै महत्वपूर्ण चाड हो’, निशुले भनिन् ‘गीतको शब्द, संगीत निकै राम्रो छ, त्यसकारण यस गीतलाई दर्शक, श्रोताले मन पराउनुहुन्छ भन्नेमा म विश्वस्त छु ।’ संगीतमा भविष्य खोज्दै गायिका निशु विगत केही…

गौरादह, २७ असोज । नेपाल महिला सशक्तिकरण नगर कार्यालय गौरादहको कार्यालय स्थापना गरिएको छ । गौरादह ७ स्थित ग्वालडुब्बाको वडा कार्यालयमा कार्यालयको स्थापना गरि आज एक कार्यक्रमका बिच नगर प्रमुख रोहित कुमार शाहले उदघाटन गरेका छन् । सशक्तिकरणकी नगर अध्यक्ष भरीपूर्ण राईको सभापतित्वमा कार्यक्रम सम्पन्न भएको थियो । त्यस अवसरमा सल्लाहकार सदस्य लिला कार्की, नेपाली कांग्रेसका नगर सभापति यादवराज सेढाईं, ग्रामीण तथा शहरी विकास नेपाल उपाध्यक्ष सन्तोष कुमार श्रेष्ठ, वार्ड नं. ७ का वडाध्यक्ष बलराम खरेल, वार्ड नं. ८ सदस्य जलवर्षा राजवंशी, सल्लाहकार संयोजक लक्ष्मी उदास, सुमित्रा खरेल लगायतले शुभकामना मन्तव्य राखेका थिए । कोषाध्यक्ष भिमकुमारी राईले स्वागत मन्तव्य राखेको…

सान नेपाल गौरादह, २७ असोज । गौरादह ७ ग्वालडुब्बा स्थित खेलकुद विकास समितिले बडादशैंको अवसरमा विविध कार्यक्रमहरु सञ्चालन गरेको छ । समितिले रक्तदान तथा वार्ड नं. ७ को टोल विकास स्तरिय महिला हाजिरि जवाफ प्रतियोगिता सम्पन्न गरेको हो । शनिबार देखि ३० गते सम्म वडा स्तरिय भलिबल प्रतियोगिता आयोजना गरेको छ । नेपाल रेडक्रस सोसाइटी उपशाखा दमकको प्राविधिक सहयोग रहेको रक्तदान कार्यक्रममा ७ महिला सहित ३३ जनाले रक्तदान गरेका थिए । सोही स्थानमा १५ दिन पहिले रक्तदान कार्यक्रम सञ्चालन गरिएकाले यस पटक रक्तदान गर्ने संख्यामा कमि आएको रक्तदानमा सहभागी महिला जनप्रतिनिधि यशोदा दाहाल जानकारी गराईन् । रक्तदान कार्यक्रममा संकलित ३३…

काठमाडौँ, २७ असोज । पशुसेवा विभागले पशुसेवा ऐन २०५५, नियमावली २०५६ तथा पशु ढुवानी मापदण्ड २०६४ पालना गर्न व्यवसायीसँग आग्रह गरेको छ । सो मापदण्डमा पशुपक्षी ढुवानी गर्दा उनीहरुलाई याताना हुनेगरी नाकमा डोरी लगाउने, पुच्छर वा खुट्टा बाध्ने, क्षमताभन्दा बढी पशु राख्ने, साना तथा ठूला पशुलाई एकै ठाउँमा राखी ढुवानी गर्ने जस्ता गतिविधिमा प्रतिबन्ध लगाइएको छ । रोगी तथा घाइते वा मरेका पशुलाई व्यावसायिक प्रयोजनका लागि ढुवानी गर्न नहुने, ढुवानी गर्दा मरेका पशुपक्षीलाई निसङ्क्रमणको विधि अपनाइ गहिरो खाडलमा व्यवस्थापन गर्नुपर्ने प्रावधान पनि मापदण्डमा उल्लेख छ । विभागद्वारा शुक्रबार जारी विज्ञप्तिमा पशुपक्षीलाई यात्रुबाहक सार्वजनिक सवारीका साधनका छत वा डिकीभित्र राखी ढुवानी…

काठमाडौं, २७ असोज । नेपाल राष्ट्र बैंकका गभर्नरको हस्ताक्षर नभएको नोट बजारमा पुगेको छ । दशैंको बेलामा सामाखुशीको एक सहकारी संस्थाबाट ५० रुपैयाँको नेटमा हस्ताक्षर र नम्बर नभएको फेला परेको हो । सहकारीका कर्जा अधिकृतले १ लाख २० हजार रुपैयाँ एक फाइनान्सबट निकलेका थिए । जसमध्ये ५० रुपैयाँको नोटमा नेपाल राष्ट्र बैंकका गभर्नरको हस्ताक्षर र नम्बर छैन । आजको नेपाल समाचारपत्रमा खबर छ ।

काठमाडौं, २७ असोज । कांग्रेस सभापति शेरबहादुर देउवा पार्टीभित्रकै आन्तरिक संघर्षमा फसेका छन् । उनले संस्थापनइतर पक्षलाई विश्वासमा लिएर काम गर्न सकेका छैनन् । उनका हरेक निर्णय आलोचित छन् । प्रतिपक्षसँग यतिबेला अनगिन्ती राष्ट्रिय मुद्दा छन् तर कांग्रेस त्यस्ता मुद्दातिर होइन, आफ्नै पार्टीभित्र जुधिरहेको छ । दसंैको मुखमा महँगीले जनता आक्रान्त छन् । हत्या–हिंसाका घटना कम भएका छैनन् । कञ्चनपुरकी निर्मला पन्तको बलात्कार र हत्याका दोषीलाई अझै कानुनी दायरामा ल्याइएको छैन । शान्ति–सुरक्षाको स्थिति कमजोर बन्दै गएको छ । बूढीगण्डकी जलविद्युत् आयोजना राजनीतिक दाउपेचले अनिश्चित बनेको छ । वाइडबडी जहाज खरिद अनियमितता प्रकरण छताछुल्ल छ । राजधानीकै सडक बन्न सकेका…

भद्रपुर, २७ असोज । हेमोडाइलाइसिस बिरामीलाई लक्षित गरी झापाको भद्रपुरस्थित मेची अञ्चल अस्पताललाई एक थान एलइडी टेलिभीजन प्रदान गरिएको छ । क्रियाशिल पत्रकार महिला झापा शाखाका अध्यक्ष माया पकुवालको पहलमा अस्पतालको हेमोडाइलाइसिस सेवा विभागमा ३२ इञ्चको एलइडी टेलिभीजन प्रदान गरिएको हो । अध्यक्ष पकुवाल नेतृत्वमा गएको टोलीले अस्पतालका मेसु डा। पिताम्बर ठाकुरलाई उक्त टेलिभिजन हस्तान्तरण गरेका हुन् । हेमोडाइलाइसिस विभागमा जाँचका लागि आउने बिरामीले तीन देखि चार घण्टा उपचार गराउनु पर्ने र सो समय बिताउन बिरामीलाई समस्या हुने गरेकाले एक थान टेलिभिजन प्रदान गरिएको अध्यक्ष पकुवालले बताइन् । उनका अनुसार क्रियाशिल पत्रकार महिला झापासहित डा। अशोक तायल, महिला नेतृद्धय शर्मिला…

काठमाडौं, २७ असोज । ‘हप्ता असुली’ प्रहरीले गुन्डालाई लगाउने आरोप हो । तर, प्रहरीभित्रै पनि यस्तो गतिविधि चल्ने गरेको छ । अवैध गतिविधिको संरक्षण गरेबापत प्रहरीले आफैँ पनि हप्ता असुल्ने गर्छन् । राजधानीमा प्रहरीका पछिल्ला घुसकाण्डले त्यही भन्छन् । शनिबार साँझ घुससहित पक्राउ परेका बौद्ध वृत्तका डिएसपी श्यामकुमार राईले सामान्य भट्टीदेखि बालुवा कारोबारीसँग नियमित पैसा उठाउने गरेको प्रारम्भिक अनुसन्धानमा खुलेको छ । एक बालुवा व्यापारीसँग उनले वृत्तमा गएको केही हप्तामै २ लाख ५० हजार रुपैयाँ लिएका थिए । बालुवा ओसार–पसारमा अनावश्यक दुःख नदिने सर्तमा व्यापारीले उनलाई पैसा दिएका थिए । पछि फेरि डिएसपीले टिभी किनिदिन आग्रह गरे । पहिले नै…

दमक, २७ असोज । झापाको दमकमा रहेको मालपोत कार्यालयमा कार्यरत तिन जना कर्मचारी पक्राउ परेका छन् । अख्तियार दुरुपयोग अनुसन्धान आयोगको टोलीले मालपोत अधिकृत सहित २ जना नायव सुब्बालाई पक्राउ गरेको हो । आयोगका प्रबक्ता रामेश्वर दंगालका अनुसार पक्राउ पर्नेमा मालपोत अधिकृत अग्नि घिमिरे, नायव सब्बाद्वय डिल्ली कोइराला र जयन्द्रराज खड्का रहेका छन् । उनीहरुलाई काठमाडौमा कार्यरत हुँदा दमककै जग्गा बेजिल्ला पास गर्दा भ्रष्टचार गरेको आरोपमा पक्राउ गरिएको प्रबक्ता दंगालले बताएका छन् । दमक वडा नं. ४ मा रहेको किता नं. ४८७३ र ४८७५ नम्बरको जम्मा दुई विगाह ५ धुर जग्गा नक्कली धनीपुर्जा र नक्कली जग्गा धनी बनाई वेजिल्लाबाट बिक्री…

काठमाडौँ, २७ असोज । शाहवंशको विरासतका रूपमा रहेको श्रीपेच आउँदो सोमबार (असोज २९ गते)बाट सर्वसाधारणले हेर्न पाउने भएका छन् । नारायणहिटी दरवार सङ्ग्रहालय पुग्ने अवलोकनकर्ताहरूले सुर्खेत र रुपन्देही कक्षमा श्रीपेच देख्न पाउने छन् । पुरातत्व विभागका महानिर्देशक भेषनारायण दाहालले भने, “सोमबारबाट सबैको प्रतीक्षा सकिदैछ । सुरक्षाका साथ श्रीपेचलाई प्रदर्शनमा राखिनेछ ।” श्रीपेचका साथमा राजदण्ड, तत्कालीन रानीको मुकुट ९टायरा०, तरवार, राजदण्ड, झारी, चमर लगायत सामग्री पनि प्रदर्शनीमा ल्याइँदैछ । केही महिनाअघि विभागका महानिर्देशक दाहालकै संयोजकत्वमा गठित समितिले असोजभित्र श्रीपेचलाई प्रदर्शनीमा राख्न सुझावसहितको प्रतिवेदन संस्कृति सचिवसमक्ष बुझाएको थियो । दरबार सङग्रहालयका पदाधिकारीहरूका अनुसार श्रीपेचलाई सुरक्षाका सात वटा तहमा राखिने भएको छ ।…