झापा अनलाइन

कावासोती, १९ कात्तिक । पूर्व पश्चिम राजमार्गअन्तर्गत नवलपरासीको गैँडाकोट नगरपालिका नौ थुम्सिमा आज बिहान ५ बजेको समयमा रोकिराखेको ट्रकमा बस ठोक्किदा ११ जना घाइते भएका छन् । घाइतेमध्ये दुई जनाको अवस्था चिन्ताजनक रहेको छ । नारायणगढबाट भैरहवाका लागि छुटेको लु २ ख ३७९ नम्बरको रोकिराखेको ट्रकमा काठमाडौँबाट भैरहवाका लागि छुटेको लु १ ख ८११३ नम्बरको बस ठोक्किदा बसमा सवार ११ जना घाइते भएका हुन् । घाइतेमध्ये नवलपरासी सुस्ता गाउ“पालिका बस्ने ४० वर्षीय रामकिसन चमार र बर्दघाट नगरपालिका–३ बस्ने ३२ वर्षीय दिलीप चौधरीको अवस्था चिन्ताजनक रहेको जिल्ला प्रहरी कार्यालय नवलपरासी पूर्वका प्रहरी उपरीक्षक रमेश थापाले बताउनुभयो । घाइते तीन जनाको नया“…

सान नेपाल गौरादह, १९ कात्तिक । गौरादह न. पा. ८ स्थित वैरातीमा शुभकामना आदान प्रदान गरिनुका साथै हुक्का हुक्की पर्व मनाइएको छ । कोचिला गमुर फ्रन्ट गौरादह नगर उपसमितिले आयोजना गरेको हुक्का हुक्की खेलमा यस क्षेत्रका कोचीला समुदायहरु सहभागी भएका थिए । कोच समुदायहरुले पुर्खाहरुको सम्झनामा दादो, दादी हु्क्का देर नाना नानी हुक्काले भन्दै कुसले बाँधी शुद्ध सन्ठीको हुक्कामा आगो लगाई आकाशतिर फालेर यो पर्व मनाएका छन् । कोचिला गामुर फ्रन्टका सल्लाहकार संयोजक गंगाराम ताजपुरियाले भगवान श्री कृष्णका पालादेखी औसिया पावनीको अवसरमा तिहारमा लक्ष्मी पुजाको दिन देखी ३ दिन सम्म यो पर्व मनाइने गरेको बताए । लक्ष्मी पुजा, गोवर्धन पुजा…

गौरादह, १९ कात्तिक । गौरादह नगर पालिका ८ स्थित खेलकुद विकास समितिले वडा स्तरीय नकआउट भलिवल प्रतियोगिता आयोजना गरेको छ । अरुणोदय प्रा.वि. को खेल मैदानमा संचालन गरिएको भलिवल प्रतियोगितामा नगरभित्रका ८ वटा वडा सहभागी भएका छन् । यही २२ गतेसम्म सन्चालन हुने भलिवल खेलमा विजेताले नगद २० हजार र दास्रो हुनेले नगद १५ हजार सहित ट्रफी, मेडल प्रमाणपत्र हात पार्ने छन् । आइतवार भएको उद्घाटन खेलमा वार्ड नं. ३ र ६ बीच भएको थियो । उद्घाटन् खेलमा वडा नं. ३ ले ६ लाई २५÷१७, २५÷१३ को सोझो सेटमा पराजीत गरेको छ । त्यसैगरी दास्रो खेल वडा नं. ८ र…

सान नेपाल गौरादह,१९ असोज । कुखुरा पालक किसान संघ झापाले जिल्ला प्रसासन कार्यालयका प्रमुख जनक राज दाहाल समक्ष एक ज्ञापन पत्र हस्तान्तरण गरेको छ । किसानले उत्पादन गरेको कुखुराको मुल्य किसानले नै तोक्न पाउनुपर्ने मुख्य माग राख्दै ज्ञापन पत्र बुझाइएका हुन् । ज्ञापन पत्रमा जिउदो कुखुरा र काटेको मासुको मुल्य निर्धारण गर्ने, विदेशी भूमीबाट कुखुरा आयात गर्न रोक लगाइनु पर्ने, चारो, चल्ला र दवाईमा एकरुपता हुनुपर्ने, बैलर कुखुरा पालन व्यवसायहरुलाई पनि सरकारी अनुदान उपलब्ध हुनुपर्ने, एक स्थानिय तहमा कम्तिमा २ जना डाक्टरको व्यवस्था गरिनु पर्ने, कुखुरा पालक किसानहरुलाई आवस्यक तालिमको व्यवस्था गरिनुपर्ने, प्रत्येक स्थानिय तहमा मासु भण्डारणका लागि कोलस्टोरेजको व्यवस्था…

काठमाडौं, १९ कात्तिक । पछिल्लो दश वर्षमा वैदेशिक रोजगारीमा गएका ६ हजार ८९१ जना युवा कफिनमा फर्किएका छन्। यस अवधिमा १ हजार २५२ भन्दा अंगभंग भएका छन् । मलेसिया र खाडी मुलकमा मात्रै ४२७ जना विभिन्न अभियोगमा जेलजीवन बिताइरहेका छन् । यो तथ्यांक वैदशिक रोजगार प्रवद्र्धन बोर्ड स्थापना भएको १० वर्षमा आर्थिक सहायता वितरण गरिकाहरुको मात्रै हो, त्यसबाहेक गैरकानुनी हैसियतमा रहेका अवैध बाटोबाट वैदेशिक रोजगारीमा गएका, श्रम स्वीकृतिका अवधि सकिएकाहरुको लेखाजोखा नै भएको छैन । मुलुकभित्र रोजगारीका पर्यात अवसर नहुँदा पछिल्लो १० वर्षको अवधिमा मात्रै ३७ लाख ६७२ पुरुष् र १ लाख ९७ हजार ८०७ महिला वैदेशिक रोजारीमा गएको तथ्यांक…

जनकपुर, १९ कात्तिक । घरायसी र लेनदेन विवादमा धनुषाको धनौजी गाउँपालिकामा परिवारकै सदस्यले बोक्सी भन्दै महिलालाई कुटपिट गरेका छन् । विवाद मिलाउन बसेको पञ्चायतले कुटाइ खाएकी महिलालाई उल्टै ५० हजार रुपैयाँ जरिवाना तोकेको छ । धनौजी–२ की ३८ वर्षीया मनतोरिया मण्डललाई कात्तिक ९ गते घरकै सदस्यले कुटपिट गरेका थिए । अन्यायमा परेको उजुरीसहित आइतबार जनकपुर आइपुगेकी मण्डलले प्रदेश २ का आन्तरिक मामिला तथा कानुनमन्त्री ज्ञानेन्द्रकुमार यादवलाई पीडा सुनाइन् । ‘बोक्सी भन्दै मलाई कुटपिट गरे,’ उनले भनिन्, ‘अन्यायमा परेको भनेर समाज गुहार्दा मलाई दोषी देखाए र जरिवाना तोकिदिए ।’ आजको कान्तिपुर दैनिकमा खबर छ ।

स्याङ्जा, १९ कात्तिक । चापाकोटका नगरप्रमुख शिव गिरी कालकोट जिल्लामा कुटिएका छन् । उनी नेतृत्वको नगरपालिकाको टोली स्याङ्जाबाट बिहिबार रारा भ्रमणका लागि निस्किएको थियो । शनिवार बेलुका रारा पुगेर फर्किएपछि कालिकोटको स्थानीय एक होलमा झगडा हुँदा गिरी कुटिएका हुन् । झगडामा घाईते गिरीको टाउकोमा चोट लागेको कालिकोटका प्रमुख जिल्ला अधिकारी चन्द्रबहादु कार्कीले बताए । जिल्ला अस्पताल कालीकोटमा गिरीसँगै घाइते स्वकीय सचिव राजकुमार मल्ल, नगर प्रहरी इन्चार्ज शोभित थापा र सवारीचालक सुनिक एसकेको उपचार भईरहेको छ । आजको कान्तिपुरमा खबर छ ।

भद्रपुर, १९ कात्तिक । भद्रपुुर नगरपालिका–७ मा स्थापित अस्थायी प्रहरी बिटलाई वडावासीको आर्थिक सहयोगमा आइतबार वडा कार्यालयले मोटरसाइकल प्रदान गरेको छ । वडाको सुरक्षामा सहजता प्रदान गर्न वडा कार्यालयले प्रहरीलाई रु दुई लाख २५ हजार मूल्य बराबरको मोटरसाइकल उपलब्ध गराएको हो । भद्रपुर नगरक्षेत्रमा पछिल्लो समयमा चोरी–लुटपाटका घटना बढ्दै गएकाले नगरवासीलाई सुरक्षाको प्रत्याभूति गराउने गरी गार्मेन्ट चोकमा डेढ महीनाअघि प्रहरी बिट राखिएको थियो । नगरपालिकाकी उपप्रमुख चन्द्रा श्रेष्ठले आइतबार वडामा एक कार्यक्रमको आयोजना गरी मोटरसाइकलको साँचो जिल्ला प्रहरी कार्यालय झापाका प्रहरी उपरीक्षक भीमप्रसाद ढकाललाई हस्तान्तरण गर्नुभयो । सो प्रहरी बिटमा दुई जना प्रहरी २४ सैँ घण्टा रहने गरेको प्रहरी उपरीक्षक…

झापा, १९ कात्तिक । वन जङ्गलमा पाइने जडीबुटीमा आधारित प्राचीनतम् वैदिक चिकित्सा पद्धति आयुर्वेदका प्रवर्तक धन्वन्तरिको उत्पत्ति भएको सम्झनामा आज देशभर विविध कार्यक्रम गरी धन्वन्तरी जयन्ती मनाइँदैछ । देव र असुर मिली नागको नेती र मन्दराचल पर्वतको मदानी बनाई समुद्र मन्थन गर्दा रोगग्रस्त व्यक्तिको रोग निवारणका लागि कात्तिक कृष्ण त्रयोदशीका दिन अमृत कलश लिएर भगवान् धन्वन्तरिको उत्पत्ति भएको चर्चा वैदिक हिन्दू शास्त्रमा गरिएको छ । आजको दिनलाई आयुर्वेदका चिकित्सकले सत्सङ्कल्प गरी शुभकार्य प्रारम्भ गर्ने अवसरका रुपमा लिने गर्छन् । विसं १९७४ मा काठमाडौँको नरदेवीमा आयुर्वेद क्याम्पसको स्थापना भएपछि नेपालमा विधिवत् धन्वन्तरि जयन्ती मनाउन थालिएको थियो । त्रिभुवन विश्वविद्यालयको आङ्गिक क्याम्पसका…

काठमाडौँ, १८ कात्तिक । प्रधानमन्त्री केपी शर्मा ओलीले वरिष्ठ वामपन्थी नेता पद्मरत्न तुलाधरले मुलुकका लागि पु¥याउनुभएको योगदान सदा स्मरणीय रहने बताउनुभएको छ । प्रधानमन्त्रीले आज सामाजिक सञ्जाल ट्वीटरमा ट्वीट गर्दै तुलाधरको निधन भएको खबर सुन्दा आफूलाई अत्यन्तै दुःख लागेको बताउनुभयो । प्रधानमन्त्रीले दिवङ्गत तुलाधरप्रति श्रद्धाञ्जलि अर्पण गर्दै परिवार र आफन्तजनमा समवेदनासमेत व्यक्त गर्नुभएको छ । मानवाधिकारवादी, लेखक तथा वरिष्ठ वामपन्थी नेता तुलाधरको आज अपराह्न ७८ वर्षका उमेरमा निधन भएको हो ।