झापा अनलाइन

विराटनगर, १६ असोज । प्रदेश नं १ का आन्तरिक मामिला तथा कानूनमन्त्री हिक्मत कार्कीले प्रदेशसभाको यही अधिवेशनभित्र प्रदेशको नाम र स्थानीय राजधानीको टुङ्गो लाग्ने बताउनुभएको छ । उहाँले राष्ट्रिय समाचार समितिसँग आज कुरा गर्दै नेपाल कम्युनिष्ट पार्टी (नेकपा) प्रदेश संसदीय दलको दुई दिनदेखि भइरहेकोे बैठकमा चर्चामा आएका प्रदेशको नाम र स्थायी राजधानीका लागि शहरका विषयमा छलफल भएको बताउनुभयो । उहाँले नामको ट्ङगो लागेपछि विभिन्न राजनीतिक दलसँगको छलफलपछि प्रदेशसभामा पेश गरी यही अधिवेशनभित्र प्रदेशको नाम र स्थायी राजधानीको घोषणा गरिने जानकारी दिनुभयो । आजसम्म २० प्रदेशसभा सदस्यले बोलिसकेको बताइएको छ । प्रदेश नं १ मा नेकपाका ६७ प्रदेशसभा सदस्य छन् ।

हाम्रो देशमा पछिल्लो समयमा बलात्कारका जघन्य अपराधका घटनाहरु बढिरहेका छन् । उता विश्वको सबैभन्दा विकशित तथा शक्तिशाली देश अमेरिका पनि बलात्कारको मामिलामा कम छैन । हालै त्यहाँ एकजना पुरुषले बालिकामाथि बलात्कार गरेको आरोपमा १ सय ६० वर्षको जेल सजाय सुनाइएको खबर प्रकाशमा आएको छ । अमेरिकाको जर्जियामा यो घटना भएको हो । एटलान्टामा बस्ने ३४ वर्षका निकोलस डिओन नामका व्यक्तिले आफ्नै गर्लफ्रेण्डकी १० वर्षीया छोरीमाथि बलात्कार गरेको हो । १० वर्षीया बालिकामाथि बलात्कार गर्ने डिओनलाई एटलान्टाको अदालतले १ सय ६० वर्षको जेल सजाय हुने फैसला गरेको हो । अदालतले ती व्यक्तिको कार्य निकै शर्मनाक र जघन्य रहेको ठहर गरेको छ…

काठमाडौँ, १६ असोज । खाद्य प्रविधि तथा गुण नियन्त्रण विभागले मिठाइमा हाइड्रो–१ नामको रसायन मिसावट भएको फेला पारेको छ । अनुगमनका क्रममा आज फेला परेको सो पाउडर सेतो कपडामा प्रयोग गरिने वस्तु (नीर) भएको प्रमाणित भएको छ । स्थानीय बानेश्वरमा सङ्गम शर्माले सञ्चालन गरेको सङ्गम स्विट््स एण्ड स्न्याक्स प्रालिको मिलन चोक गोदाममा उक्त पाउडर फेला परेको हो । मिठाइमा हाइड्रो–१ नामको अखाद्य वस्तु मिसावट भएको फेला परेका कारण शर्मालाई खाद्य ऐन २०२३ र नियमावली २०२७ अनुसार कानूनी कारवाही गरिने खाद्य अनुसन्धान अधिकृत ईश्वर सुवेदीले जानकारी दिनुभयो । खाद्यान्नमा अखाद्य वस्तु मिसावट गरेको प्रमाण फेला परेमा सो ऐन र नियमावलीमा कम्तीमा…

गौरादह, १६ असोज । गौरादह नगरपालिका वार्ड नं. ७ स्थित ग्वालडुब्बा बजार क्षेत्रमा साना गाडीहरुको पार्किङ् व्यवस्थित गरिएको छ । पार्किङ् स्थलको अभावमा साना गाडीहरु अस्तव्यस्त रुपमा सडक छेउमा पार्किङ् गर्ने गर्दथे । जनसंख्याको वृद्धि सँगै  ग्वालडुब्बा बजार समेत सागुरो भइसकेको जनमाससबाट गुनासो आइरहेको समयमा सडकमा नै साना गाडीहरु पार्किङ् गर्दा दुर्घटनाको प्रवल सम्भावना रहेको देखिन्छ । साँघुरो सडकको दुवै छेउमा साना गाडीहरु पार्किङ् गर्दा ठूला गाडीहरु र पैदलयात्रीहरुलाई आवतजावत गर्न समस्या भएकाले पार्किङ् स्थलको व्यवस्था गरी पार्किङ कार्यलाई व्यवस्थित गरिएको ग्वालडुब्बा बजार व्यवस्थापन समितिका अध्यक्ष राजकुमार अधिकारीले बताए । विशेषगरी हाट बजारको दिन मानिसहरुको चहलपहल बढी हुने र नजिकिदै…

काठमाडौँ, १६ असोज । बङ्गलादेशमा जारी एसिसी यू–१९ एसिया कप क्रिकेटअन्तर्गत समूहचरणको अन्तिम खेलमा युनाइटेड अरब इमिरेट्स (युएइ) ले नेपालसामु जितका लागि २६९ रानको लक्ष्य प्रस्तुत गरेको छ । बङ्गलादेशको क्रिरा शिख मैदानमा टस जितेर पहिले ब्याटिङ गरेको युएइले पूरै ५० ओभर खेल्दै आठ विकेट गुमाएर २६८ रन बनाउन सफल भयो । नेपाल केहीबेरमा जवाफी ब्याटिङमा उत्रनेछ । दुबै टोली यसअघिका दुई÷दुई खेलमा पराजित भई प्रतियोगिताबाट बाहिरिसकेका छन् । समूह ‘ए’ मा रहेको नेपाल र युएई यसअघि भारत र अफगानिस्तानबाट पराजित भइसकेका हुन् । नेपाल यही असोज १३ गते भारतसँग र सोमबार अफगानिस्तानसँग पराजित भएको हो । चितवन टाइगर्स फाइनल…

इलाम, १६ असोज । अन्तर्राष्ट्रिय बजारमा अर्गानिक चियाको माग बढेपछि यसको उत्पादन गर्ने किसानको सङख्यामा वृद्धि भएको छ । तर अन्तर्राष्ट्रिय बजारबाट चियाको प्राङ्गारिक प्रमाणपत्र लिन किसानलाई अत्यन्तै समस्या पर्ने गरेको छ । चियालाई अर्गानिक बनाएर प्रमाणपत्र लिन लामो समय र धेरै लागत लाग्ने भएकाले अधिकांश किसानले सो प्रमाणपत्र लिन ‘झन्झट’ गर्न चाहदैनन् । केन्द्रीय चिया सहकारी सङ्घका अध्यक्ष गोविन्द दाहालले अर्गानिक प्रमाणपत्र लिनका लागि तीन वर्ष प्रक्रियामा लाग्ने र रु नौ लाखसम्म लागत लाग्ने गरेको छ । ‘अर्गानिक प्रमाणपत्र लिनका लागि साह्रै धेरै रकम तिर्नुपर्छ, कसरी किसानले त्यत्रो रकम तिर्न सक्छन्’ दाहालले भन्नुभयो,“यो सबै रकम किसान आफैैले तिर्नुपर्छ, त्यही…

पोखरा, १६ असोज । अधिकांश समय औपचारिक पोशाकमा सजिएर सभासमारोहमा देखिनुहुने राष्ट्रिय प्रजातन्त्र पार्टीका अध्यक्ष कमल थापा यतिखेर पोखरा रङ्गशालामा जारी वल्र्ड रेङ्किङ टेनिस टुर्नामेन्टमा प्रतिस्पर्धा गर्दै हुनुहुन्छ । उमेर ६४ वर्ष पुगिसकेका उहाँ अहिले पनि उत्तिकै जोशिलो र फूर्तिलो रुपमा वल्र्ड रेङ्किङ्मा आफूलाई लैजाने प्रयासमा हुनुहुन्छ । सोमबार सम्पन्न ५५ वर्षमाथिको एकलमा पूर्वउपप्रधानमन्त्री थापाले फाइनलका लागि आफ्नो स्थान सुरक्षित गरिसक्नुभएको छ । उहाँले भारतका आदित्य कर्नानीको चुनौती ६–३ र ६–१ को सजिलो सेटमा हराउँदै अन्तिम प्रतिस्पर्धाका लागि आफूलाई उतार्नुभएको हो । उपाधिका लागि उहाँले अब कृष्णराज घले र अनिल तुलाचनबीचको विजेतासँग प्रतिस्पर्धा गर्नुहुनेछ । त्यस्तै ५५ वर्षमाथिको डबल्समा भने…

इनरुवा, १६ असोज । विगत चार दिनदेखि घरबाट बेपत्ता भएका सुनसरी इटहरी उपमहानगरपालिका–११ का १६ वर्षीय इन्ताज खानको शव आज बिहान फेला परेको छ । सुनसरी खनारस्थित बूढी खोला किनारको धान खेतमा शरीरको आधा भाग डढेको अवस्थामा उनको शव फेला परेको जिल्ला प्रहरी कार्यालय सुनसरीले जनाएको छ । शुक्रबारदेखि बेपत्ता भएका इन्ताजको परिवारले शनिबार साँझ प्रहरीलाई जानकारी गराएपछि उहाँको खोज तलास शुरु गरिएको थियो । घटनाका विषयमा अनुसन्धान भइरहेको सुनसरीका प्रहरी नायब उपरीक्षक राजेन्द्रप्रसाद फुयालले जानकारी दिनुभयो ।

सान नेपाल गौरादह, १६ असोज । वर्षायाम सकिए सँगै सडक आसपासमा उम्रिएको झाडीहरु हटाउने कार्य अभियानकै रुपमा सञ्चालन हुन थालेको पाइएको छ । मुख्य सडक तथा ग्रामिण सडकमा समेत जथाभावी पलाएको झाडी हटाएर सडक सफाई गर्नको लागि सडक डिभिजन कार्यालयले पनि कार्य अगाडी बढाउन थालेको देखिएको छ भनें स्थानियतहमा रहेका वडा कार्यालयहरुले समेत सफाइ अभियानलाई तिब्रता दिन थालेका छन् । यसैबीच गौरादह नगरपालिका वार्ड नं. २ ले सडक सरसफाई अभियानलाई तिव्रता दिने भएको छ । वडा कार्यालयले गौरादह ठेकिटोला सडक खण्डको गौरादह वडा नं. २ को क्षेत्र भित्र सडक आसपासमा रहेका बोटबिरुवा, झाडी तथा अन्य संरचना हटाउन वडा कार्यालयले निर्णय…

पशुपतिनगर, १६ असोज । पूर्वी इलामको पर्यटकीय तथा धार्मिकस्थल पाथीभरा क्षेत्रमा रु एक करोड ५० लाख लगानीमा अतिथि सदन निर्माण भएको छ । भक्तजनले चढाएको भेटी र चन्दाबाट रोङ गाउँपालिका–३ को पाथीभरा संरक्षण संस्थाले पर्यटकले रात बिताउन सक्ने अतिथि सदन बनाएको हो । विसं। २०६९ सालबाट निर्माण शुरु भएको अतिथि सदन पाथीभरा मन्दिर क्षेत्रमा आउने पर्यटक तथा भक्तजनलाई सरल र सस्तो शुल्कमा खान तथा बस्ने व्यवस्था रहेको छ । छ कोठे अतिथि सदनमा एक हल, एक कार्यालय सञ्चालन र चार कोठा पर्यटक आवासका लागि सञ्चालनमा ल्याइएको संस्थाका अध्यक्ष दौलत राईले बताउनुभयो । पाथीभरा मन्दिर क्षेत्रमा वर्षेनी नेपाल, भारत, भुटान र…