झापा अनलाइन

झापा, २० कात्तिक । आज तिहारको दोस्रो दिन, कुकुरको पूजा गरेर कुकुर तिहार मनाइँदैछ । कात्तिक कृष्ण चतुर्दशीका दिन कुकुरलाई मीठामीठा परिकार खान दिए यमराजको ढोकामा द्वारपालका रुपमा बस्ने श्याम र सबल नामका कुकुरले यमलोक जाँदा बाटो छोडिदिने धार्मिक विश्वास छ । बैवस्वत मन्वन्तरको कुलमा जन्मिएको कुकुरले धर्मराज युधिष्ठिरलाई स्वर्ग यात्रामा समेत साथ दिएको धार्मिक विश्वास छ । कुकुरलाई आज्ञापालक र सुरक्षामा भरपर्दो घरपालुवा जनावरका रुपमा लिइन्छ । घरमा कुकुर पाल्नाले मुटु र मधुमेह रोग लाग्दैन भनी विश्वास गर्नेको संख्यासमेत बढ्न थालेको छ । आज बिहानै अरुणोदय कालमा नदी वा तलाउमा गई स्नान, तर्पण गरेर यमदीप दक्षिण फर्काएर बाली बगाउनाले…

विराटनगर, २० कात्तिक । प्रदेश नं १ का मुख्यमन्त्री शेरधन राईको स्वास्थ्य अवस्था सामान्य रहेको छ । घाँटी सम्बन्धी समस्या पत्ता नलागेपछि उहाँ उपचारका लागि गत शुक्रबार थाइल्याण्डको राजधानी बैंकक प्रस्थान गर्नुभएको थियो । मुख्यमन्त्री राईको बैंककस्थित बुम्रुनग्राड इन्टरनेशनल हस्पिटलमा भएको स्वास्थ्य जाँचअनुसार अवस्था सामान्य रहेको उहाँका प्रेस सल्लाहकार ध्रुव सुवेदीले बताउनुभयो । घाँँटीको समस्याबाट पीडित उहाँको विस्तृत रिपोर्ट कात्तिक २६ गते प्राप्त हुने भएको छ । मुख्यमन्त्री राई निजी खर्चमा उपचारका लागि थाइल्याण्ड जानुभएको थियो ।

काठमाडौँ, २० कात्तिक । प्रमुख प्रतिपक्षी दल नेपाली काङ्ग्रेसको आज बस्ने केन्द्रीय कार्यसमितिको बैठकले पार्टीको महासमिति बैठकको मिति सार्ने भएको छ । बैठक अपराह्न १ बजेदेखि पार्टी केन्द्रीय कार्यालय सानेपामा बस्दैछ । बैठकले विधान संशोधन मस्यौदामाथि केन्द्रीय समितिमा छलफल गर्न समय अपुग हुने भन्दै केही दिन पछाडि सार्न सक्ने पार्टी प्रवक्ता विश्वप्रकाश शर्माले जानकारी दिनुभयो । काङ्ग्रेसको महासमितिको बैठक आगामी मङ्सिर ५ देखि ९ गतेसम्मका लागि तोकिएको थियो । महासमिति बैठक मङ्सिर अन्तिम साताका लागि तोकिने सम्भावना रहेको शर्माले बताउनुभयो । बैठकमा पार्टीको विधान संशोधन मस्यौदा समितिको प्रतिवेदनसमेत प्रस्तुत हुने र त्यसबारेमा पनि छलफल हुने बताइएको छ । काङ्ग्रेसले संविधानको…

काठमाडौं, २० कात्तिक । निजामति सेवाबाट राजीनामा दिएर राजनीतिमा लागेको महामन्त्री विनोदकुमार सिंहविरुद्ध झन्डै दुई करोडको भ्रष्टाचार मुद्दा लागेको छ । अख्तियार दुरुपयोग अनुसन्धान आयोगले सोमबार विशेष अदालतमा मुद्धा दायर गरेको हो । सिंहले सरकारी सेवामा रहँदा एक करोड ११ लाख ६१ हजार ६ सय रुपैयाँबराबरको अकुत सम्पत्ति आर्जन गरेको अख्तियारको दाबी छ । सिंह गत बर्ष सहायक वन अधिकृत राजपत्राकिंत पाँचौँ पदबाट राजीनामा दिएर राजनीतिमा लागेका थिए । उनलाई राजपाले प्रदेश सांसदको समानुपातिक सुचीमा समेत राखेको थियो । आजको नयाँ पत्रिकामा खबर छ ।

सान नेपाल गौरादह, २० कात्तिक । गौरादह नगरपालिका वडा नं.–४ का महिलाले जनप्रतिनिधि विकास विरोधी भएको गुनासो गरेका छन् । नगर महिला सञ्जालद्वारा आयोजना गरिएको उद्घोषण तालिमको समापनमा सहभागी भएका महिलाहरुले जनप्रतिनिधि प्रति आक्रोश व्यक्त गर्दै त्यस्तो गुनासो गरेका हुन् । जनप्रतिनिधिले आपूmहरुलाई धेरै आश्वासन दिएर चुनाव जितेको भन्दै उनीहरुले वडा नं. ४ मा कुनै पनि विकास निर्माण कार्य सन्तोषजनक रुपमा नभएको बताए । ‘चुनावमा भोट माग्न आउँदा निकै गुलिया कुरा गरे तर २ वर्ष बित्न लाग्दासम्म एउटा पनि महत्वपूर्ण काम गरेर देखाउन सकेनन्’, तालिममा सहभागी नैनकला भण्डारीले भनिन् । विद्यालय वरपर लुकेर बालबालिकाहरु मदिरा सेवन गर्छन् भन्दै उनले जनप्रतिनिधिहरुले…

अनिल वाग्ले झापा, २० कात्तिक । अपराध रोकथाम, सामाजिक विकृति विसंगति विरुद्ध जनचेतना फैलाउने, सुरक्षा व्यवस्थापनमा जनसहयोग अभिवृद्धि गर्ने एवम् समग्रमा सामुदायिक सुरक्षालाई अभिवृद्धि गर्न नेपाल प्रहरी र स्थानीय तहको बीचमासम्बद्ध सरोकारवालाई समेटी संस्थागत साझेदारी निर्माण गर्ने उद्देश्यले देशभरका स्थानीय निकायमा समुदाय–प्रहरी साझेदारी कार्यक्रम सुरु भएको छ । समुदाय–प्रहरी साझेदारी कार्यक्रम देशभर यही कात्तिक २९ गतेसम्म भइसक्ने झापाका प्रहरी प्रवक्ता प्रहरी नायव निरीक्षक महेन्द्रकुमार श्रेष्ठले बताएका छन् । प्रहरी प्रवक्ता श्रेष्ठका अनुसार झापाका १५ वटै स्थानिय तहमा पनि कार्यक्रम लागू हुनेछ । ‘धेरै स्थानीय तहमा समिति गठन भईसकेको छ ।’ प्रवक्ता श्रेष्ठले भने, ‘बाँकी स्थानीय तहमा पनि २९ गते अगाडि…

राँझा, १९ कात्तिक । भारतको दिल्लीमा अलपत्र परेका ४० जना नेपाली महिलालाई उद्धार गरी स्वदेश ल्याइएको छ । खाडी मुलुकमा रोजगारीका लागि जानेक्रममा दिल्लीमा अलपत्र परेका ३७ जना र दिल्लीस्थित कोठीमा बेचिएका तीन नेपाली महिलालाई उद्धार गरि स्वदेश ल्याइएको हो । गाजियावादको इन्द्रपुरममा अलपत्र परेका ३७ महिलालाई भारतीय प्रहरीको सहयोग तथा दिल्लीस्थित नेपाली राजदूतावासको समन्वयमा माइती नेपाल र माइती इण्डियाले गत कात्तिक ६ र ७ गते उद्धार गरेको थियो । उनीहरूलाई आवश्यक परामर्शपछि पारिवारिक पुनःस्थापनाका लागि आज नेपालगञ्ज ल्याइएको माइती नेपाल नेपालगञ्जका संयोजक केशव कोइरालाले जानकारी दिनुभयो । भारतीय प्रहरीको सुरक्षामा उनीहरूलाई नेपालगञ्ज पु¥याइएको थियो । उद्धार गरिएकामा झापाका सबैभन्दा…

गुल्मी, १९ कात्तिक । गुल्मीको मदाने गाउँपालिकामा श्रीमतीको हत्या गर्ने व्यक्ति पक्राउ परेका छन् । श्रीमती सीताको हत्या गर्ने मदाने गाउँपालिका–६ का दुर्गाबहादुर नेपाली आइतबार पक्राउ परेका हुन् । कात्तिक १५ गते राति मान्छे नबस्ने स्थानीय राजकुमार थापाको खाली घरमा श्रीमतीलाई आफूले हानेर हत्या गरेको दुर्गाबहादुरले प्रहरीसामु बयान दिएको प्रहरीले जनाएको छ । तीजमा माइत गएकी श्रीमती लामो समयसम्म घरमा नआएको रिस र आफूले मादकपदार्थ सेवन गरेको झोंकमा श्रीमतीको हत्या गरेको स्वीकार गरेको प्रहरीले जनाएको छ । घटनापछि जिल्ला प्रहरी कार्यालय गुल्मीका प्रमुख र इलाका प्रहरी कार्यालय पुर्कोट दहको प्रहरी टोलीले खोजतलास गर्दा शनिबार राति धाराचौर गहुँछरे जङ्गलमा लुकेर बसेको…

बुधबारे, १९ कात्तिक । झापाको बुद्धशान्ति–१ स्थित त्रिभुवन माध्यमिक विद्यालयले नेपालीहरुको विभिन्न चाडपर्वको उपलक्ष्यमा सोमबार शुभकामना आदान–प्रदान कार्यक्रम गरेको छ । चाडपर्वको अवसरमा विविध सांस्कृतिक कार्यक्रमका साथ शुभकामना आदान–प्रदान र कक्षा–११ का नवप्रवेशी विद्यार्थीलाई स्वागत गरिएको हो । कार्यक्रममा कक्षा–११ मा भर्ना भएका ५४ जना विद्यार्थीहरुलाई स्वागत गरिएको थियो । त्रिभूवन माविमा यसै शैक्षिक सत्रदेखि कक्षा–११ को पठनपाठन सञ्चालनमा आएको छ । विद्यालय व्यवस्थापन समितिका अध्यक्ष खड्गबहादुर तिम्सिनाको अध्यक्षतामा भएको कार्यक्रममा स्वागत विद्यालयका प्रधानाध्यापक कुमार आचार्यले गरेका थिए भने कार्यक्रमको औचित्यबारे शिक्षक अभिभावक संघका अध्यक्ष नन्दकुमार तिम्सिनाले स्पष्ट पारेका थिए । कार्यक्रमका प्रमुख अतिथि गाउँपालिका अध्यक्ष रमेशकुमार भुजेलले विद्यालयको उत्तरोत्तर…

सुरुङ्गा , १९ कार्तिक । झापाको शरणामतीमा भोली कार्तिक २० गतेबाट २२ गतेसम्म प्रदेश नम्बर एक स्तरीय अन्तर नगर गाउपालिका स्तरीय भलिवल प्रतियोगिता हुने भएको छ । झापा गाउँपालिका भलिवल युवा परिवारद्धारा आयोजित यस प्रतियोगितामा प्रदेश नम्बर १ का विभिन्न १३ पालिकाहरुको सहभागिता रहने आयोजक समितिका संयोजक तथा नेपाल भलिवल संघका वरिष्ठ पुव उपाध्यक्ष समेत रहनुभएका गजेन्द्र ताम्लीले बताउनुभयो । प्रतियोगितामा आयोजक झापा गाउँपालिका , कनकाई नगरपालिका , भद्रपुर , मेची , कमल , बाह्रदर्शी गाउपालिका , दमक , गौरादह र विर्तामोड नगरपालिका , पाख्रीवास नगरपालिका धनकुटा , उर्लावारी नगरपालिका , सागुरीगढी गाउपालिका र सिदिङवा गाउँपालिकाको टिमको सहभागिता रहने ताम्लीले…