थाइल्याण्ड पुगेका प्रदेश १ का मुख्यमन्त्री राईको स्वास्थ्य सामान्य

विराटनगर, २० कात्तिक । प्रदेश नं १ का मुख्यमन्त्री शेरधन राईको स्वास्थ्य अवस्था सामान्य रहेको छ ।

घाँटी सम्बन्धी समस्या पत्ता नलागेपछि उहाँ उपचारका लागि गत शुक्रबार थाइल्याण्डको राजधानी बैंकक प्रस्थान गर्नुभएको थियो । मुख्यमन्त्री राईको बैंककस्थित बुम्रुनग्राड इन्टरनेशनल हस्पिटलमा भएको स्वास्थ्य जाँचअनुसार अवस्था सामान्य रहेको उहाँका प्रेस सल्लाहकार ध्रुव सुवेदीले बताउनुभयो । घाँँटीको समस्याबाट पीडित उहाँको विस्तृत रिपोर्ट कात्तिक २६ गते प्राप्त हुने भएको छ ।