झापा अनलाइन

कालिका खड्का काठमाडौँ, २२ साउन । हालसम्म सगोलको सम्पति बच्चा जन्मिएपछि मात्र भाग लगाउने गरिन्थ्यो तर अब भने बच्चाले आमाको गर्भमा रहँदा नै अंश पाउने भएका छन् । आगामी भदौ १ देखि लागू हुन लागेको मुलुकी देवानी (संहिता), २०७५ र त्यससम्बन्धी कार्यविधिमा अंशबण्डा गर्दाका बखत कुनै महिला अंशियार गर्भवती भएमा ती महिलाले जन्माउने शिशुलाई पनि अंश छुट्टयाउनुपर्ने नयाँ व्यवस्था गरिएको हो । सगोलको सम्पत्तिमा पति, पत्नी, बाबु, आमा, छोरा, छोरी अंशियार हुने व्यवस्था हाल व्यवस्था थियो । तर अब आमा अंशियार भए गर्भको बच्चालाई पनि अंश छुट्टयाउनुपर्ने भएको छ । समान अंशका लागि र खासगरी छोरीलाई कानूनीरुपमा नै अंश दिलाउन…

भद्रपुर, २२ साउन । इलाका प्रहरी कार्यालय कन्काईको गाडीको ठक्करबाट एक सर्वसाधारणको मृत्यु भएको छ । मृत्यु हुनेमा बुद्धशान्ति गाउँपालिका–१ बुधबारेका २७ वर्षीय पंकज कोइराला रहेको जिल्ला ट्राफिक प्रहरी कार्यालय झापाले जनाएको छ । पूर्व–पश्चिम राजमार्गको कन्काई नगरपालिका–१ दुर्गापुरमा सोमबार साँझ पश्चिमबाट मे ८ प १२२३ नम्बरको स्कुटीमा पूर्वतर्फ आइरहेका कोइरालालाई विपरीत दिशाबाट गइरहेको इप्रका कन्काईको मे १ ज ५८६ नम्बरको गाडीले ठक्कर दिएको थियो । प्रहरीको गाडीको ठक्करबाट घाइते भएका कोइरालाको उपचारकै क्रममा आज बिहान उहाँको मृत्यु भएको ट्राफिक प्रहरी कार्यालय झापाले जनाएको छ ।

इलाम, २२ साउन । इलाम नगरपालिकाले डिजेल र पेट्रोल प्रयोग गरेबापत प्रतिलिटर ५० पैसा कर लगाएको छ । नगरपालिकाले डिजेल र पेट्रोल हाल्ने उपभोक्ताबाट प्रतिलिटर ५० पैसा कर उठाउन थालेको हो । नगरपालिकाले नेपाल आयल निगमलाई पत्र नै लेखेर त्यस्तो कर लिइने भएकाले सहयोग गरिदिन भनेर अनुरोध गरेको छ । इलाम नगरपालिकाको आर्थिक व्यवस्थापन ऐन, २०७५ मा प्रतिलिटर एक रुपैयाँ इन्धनमा कर लिने व्यवस्था गरिएको भए पनि हाललाई ५० पैसा मात्र उठाउने निर्णय गरिएको उक्त पत्रमा जनाइएको छ । नगरपालिकाले डिजेल र पेट्रोलमा लिइने शुल्कलाई प्रदूषण नियन्त्रण शुल्क भनेको छ । नगरपालिकाको सचिवालय बैठकले ५० पैसा प्रदूषण नियन्त्रण शुल्क लिने…

श्रीमतीले श्रीमानलाई नपुंसक भनेपछि श्रीमानले अनौठो तरिकाले त्यसको जवाफ दिएका छन् । भारतको हैदरावादमा श्रीमतीले श्रीमानलाई नपुंसकताको आरोप लगाएपछि श्रीमानले सोच्दै नसोचेको काम गर्दै श्रीमतीलाई जवाफ दिएका छन् । महेश (नाम परिवर्तन)ले आफूलाई नपुंसक भनेपछि अर्कै एक महिलासँग पोर्न भिडियो बनाएर आफ्ना सासु ससुरालाई पठाएका थिए । उनले श्रीमतीको रिसले सासु ससुरालाई पोख्दै अर्कै महिलासँग पोर्न भिडियो बनाएर पठाएका थिए । उनका सासु ससुराले ज्वाइँको कर्तुतबारे प्रहरीलाई जानकारी दिए र महेशलाई अहिले प्रहरीले नियन्त्रणमा लिएको छ । उनीहरुको विवाह २०१६ मा भएको थियो । महेशको विवाह कनिका (नाम परिवर्तन)सँग भएको थियो । विवाहपछि उनीहरु मात्र १५ दिनसँगै बसे । दुवै…

यौनसम्पर्क गर्न नमान्दा थाइल्यान्डमा पूर्वसुन्दरीको गोली हानी हत्या भएको छ । क्लबका मालिकसँग यौन सम्पर्क गर्न उनले अस्वीकार गरकी थिइन् । पूर्वसुन्दरी पविना नेमुइनग्रकमाथि ४ गोली टाउको र छातीमा प्रहार भएको प्रत्यक्षदर्शीहरूले बताएका छन् । एकदिन अगाडि पविनाको जन्मदिन भएको र आफना साथीहरूसँग बर्थडे मनाउन क्लबमा पुगेका बेला गोली प्रहार भएको द सनले जनाएको छ । गोली प्रहार गर्ने क्लबका मालिक पान्या यिंर्गेगको खोजी भइरहेको स्थानीय प्रहरीले जानकारी दिएको छ । एजेन्सी

बिर्तामोड, २२ साउन । विभिन्न सात पार्टीले आह्वान गरेको बन्दको कारण झापासहित पूर्वका नौ जिल्लाको जनजीवन प्रभावित भएको छ । विशेष गरेर शैक्षिक संस्था बन्द भए भने लामो तथा छोटो दुरीका सवारी सधान चल्न सकेका छैनन् । राष्ट्रिय जनमुक्ति पार्टी, संघीय लिम्बूवान पार्टी नेपाल, लिम्बूवान राष्ट्रिय क्रन्तिकारी पार्टी र कोचिला एकता मोर्चाले बन्दको आह्वान गरेका हुन् । बन्दमा लिम्बूवान जनता पार्टी नेपाल, खम्बुवान मुक्ति मोर्चा संघीयवादी, संघीय खम्बुवान लोकतान्त्रिक पार्टीलगायत सात पार्टीले ऐक्यवद्धता जनाएको विज्ञप्तिमा उल्लेख छ । वर्तमान संविधानले मुलुकमा जाति, वर्ग, लिंग र समुदायलाई संवैधानिकरूपमा अधिकार सम्पन्न गराउन नसकेको आरोप लगाउँदै त्यसको विरोधमा उनीहरुले बन्द आह्वान गरेका हुन्…

लमजुङ, २२ साउन । नवजात शिशु हत्या गर्ने आमालाई सोमबार प्रहरीले पक्राउ गरेको छ । दुधपोखरी गाउँपालिका–२ विचौरकी विष्णुमाया परियारलाई प्रहरीले पक्राउ गरेको हो । गत शुक्रबार नवजात शिशुलाई जन्माएर हत्या गरेको सूचनाका आधारमा परियारलाई पक्राउ गरिएको प्रहरी नायब उपरीक्षक यादव ढकालले जानकारी दिनुभयो । परियारले छोरी जन्मिएलगत्तै प्लाष्टिकमा पोको पारेर शौचालयमा फालेको प्रहरीको प्रारम्भिक अनुसन्धानबाट खुलेको छ । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।

उर्लाबारी, २२ साउन । सुनवर्षी नगरपालिका–२ झपरतोलमा मोटरसाइकल दुर्घटनामा परी गएराति एकजनाको ज्यान गएको छ । पश्चिमबाट पूर्वतर्फ जाँदै गरेको मे३प ६६९४ नंको मोटरसाइकल र विपरीत दिशाबाट आउँदै गरेको मे३प ९३१० नंको मोटरसाइकल एकापसमा ठोक्किँदा ६६९४ नंको चालक रतुवामाई नगरपालिका–२ का ५५ वर्षीय जगदीश साहको मृत्यु भएको हो । उनको उपचारका क्रममा रंगेली अस्पतालमा मृत्यु भएको इलाका प्रहरी कार्यालय रंगेलीका प्रहरी निरीक्षक कविन्द्रकुमार कार्कीले जानकारी दिनुभयो । दुर्घटनामा परी अर्को मोटरसाइकलका चालक सुनवर्षी– ६ का ४५ वर्षीय रुपनारायण ताजपुरिया घाइते भएका छन् । उहाँको न्यूरो अस्पताल विराटनगरमा उपचार भइरहेको छ ।

सान नेपाल गौरादह, २२ साउन । चिप्स, पकौडा, चटपटे भन्ने बित्तिकै जोकोहीको मुखबाट पानी आउँछ । स्वादिलो खानाको रुपमा चिनिने यी परिकार प्रायः सबैतिर पाइन्छ । तर, झापाको दक्षिणी क्षेत्रमा यसको व्यवसाय भने बढेको छ । यहाँका चोक तथा हाट बजारमा आलुबाट बन्ने परिकारहरुको व्यवसाय गर्नेहरु अत्याधिक मात्रामा पाइन्छन । आलु तरकारीको राजा मानिन्छ । आलुको परिकार प्रत्येक घर परिवारमा प्रयोग भएको पाइन्छ । आलुबाट विभिन्न परिकारका खानेकुराहरु बनिन थालेपछि हाट बजारमा खुद्रा पसल गर्ने साना तिना व्यापारी लाई समेत दैनिक गुजारा चलाउन सहज बनेको छ । आलु चिप्स, पकौडा, सिंगडा जस्ता परिकारहरु बनाइनुका साथै चटपटे व्यवसाय गर्नेहरुले पनि आलूको…

बिर्तामोड, २२ साउन । सञ्चार प्रविधिको विकासले हुलाक कार्यालयका कर्मचारी फुर्सदिला बनेका छन् । झण्डै १०÷१५ वर्षअघिसम्म एउटा चिठी पु¥याउन एक दिन पैदल हिँड्ने हुलाकी अहिले चिठीको पर्खाइमै कार्यालय रुगेर बसिरहेका छन् । मेचीनगर–४ बाहुनडाँगीमा रहेको अतिरिक्त हुलाक कार्यालयमा आइतबार भेटिएका इञ्चार्ज एकीकृत सम्पत्ति करको फारम भर्दै गरेको अवस्थामा भेटिए । ३५ वर्षदेखि सो कार्यलयमा इञ्चार्जको रुपमा कार्यरत ६१ वर्षीय रविन प्रधानको दैनिकी कार्यालयको जिम्मेवारी भन्दा फरक छ । हुलाकमा आएका चिठी पु¥याउन पुग्नुपर्ने इञ्चार्ज यतिबेला दिनभर लेखनदासको रुपमा काम गरिरहेका हुन्छन् । ‘चिठी आउन छोड्यो काम छैन, त्यही भएर जानेको काम हो, जनाताको सेवा यसरी नै गर्दैछु’, उनले भने…