झापा अनलाइन

भोजपुर, ६ माघ । भोजपुर नगरपालिका–१० को महभिर खोलामाथि मोटरेवल पक्की पुल निर्माण सम्पन्न भएको छ । महभिर र खुरीला गाउँलाई जोड्ने महभिर खोलामा रु दुई करोड सात लाख लागतमा पक्की पुल निर्माण गरिएको हो । बीस मिटर लम्बाइ रहेको पुलको सुनसरी–४ का प्रतिनिधिसभा सांसद तथा पूर्वमन्त्री ज्ञानेन्द्रबहादुर कार्कीले उद्घाटन गरे । त्यस अवसरमा उनले यस क्षेत्रको विकासमा आफूले महत्त्वपूर्ण भूमिका निर्वाह गर्ने प्रतिबद्धता व्यक्त गरे । “जनताको घरदैलोमा पुग्ने क्रममा यो खोलाले धेरै पटक मलाई पनि रोकेको थियो”, उनले भने, “स्थानीयले भोगेको समस्यालाई ध्यानमा राखेर यहाँ पक्की पुल निर्माण सम्पन्न गरेका छौँ । अबका बाँकी दिनमा यो पुलले यहाँको…

झापा, ६ माघ । कुवेतले सन् २०२० पूर्व भिसा उल्लंघन गर्ने विदेशी कामदारलाई जरिमाना तिरेर आफ्नो स्थिति सुधार्ने अवसर दिने भएको छ । कुवेतको आन्तरिक मन्त्रालयले भर्खरै मन्त्रिस्तरीय संकल्प नं। २६–२०२४ जारी गर्दै सन् २०२० अघि बसोबास कानुन उल्लंघन गर्ने विदेशीहरूलाई जरिमाना तिरेर आफ्नो स्थिति सुधार्न अवसर प्रदान गर्ने लक्ष्य राखिएको जनाएको हो । यो निर्देशन रिजोल्युसन नम्बर २८८–२०२० को खारेजपछि आएको हो, जसले वैध निवास अनुमतिबिना देश निकाला गर्नेहरूलाई अनिवार्य गरेको थियो । त्यहाँको डिक्री–कानुन नम्बर ३८–१९८० को छानबिन पछि, सिभिल र वाणिज्य प्रक्रिया कानुनको कार्यान्वयनलाई सम्बोधन गर्दै मन्त्रीस्तरीय संकल्प नं. २८८–२०२० को पुनः मूल्यांकन गरी वैध आवास अनुमति…

भद्रपुर, ५ माघ । नेपाल पत्रकार महासंघ झापा शाखाले आज ‘पत्रकारिताका परिवर्तित क्षेत्रहरु’बारेमा अन्तरक्रिया गरेको छ । समय र प्रविधिसँगै पत्रकारिता क्षत्रे समेत परिवर्तिन हुँदै गएकाले अगामी दिनमा पत्रकारिता मुद्दा र क्षेत्रहरु के–के हुन सक्छन् भन्ने विषयमा केन्द्रीत रहेर अन्तरक्रिया गरिएको हो । महासंघको सभाहलमा आज आयोजित अन्तरक्रियामा स्रोत व्यक्तिका रुपमा बरिष्ठ पत्रकार तीर्थ कोइराला र द्वन्द्व विश्लेषक तथा प्रकृति अधिकार अभियन्ता श्रवण शर्मा रहनुभएको थियो । मुलुकमा भइरहेको विकास, त्यसको प्रभाव र असरका बारेमा चर्चा गर्दै बरिष्ठ पत्रकार कोइरालाले तथ्यपरक रुपमा पत्रकारले कलम चाउनुपर्नेमा जोड दिनुभयो । “विकास हुनु राम्रो भए पनि त्यसले पार्ने प्रभावका बारेमा ध्यान दिन जरुरी…

भद्रपुर, ५ माघ । दक्षिणी झापाको कचनकवलमा दैनिक हात्ती उपद्रो बढ्दै गएपछि स्थानीयमा त्रास बढेको छ । कचनकवलको १, ३ र ७ नम्वर वडामा दैनिक हात्तीको हुल आएर अन्नबाली खाइदिने, घर गोठमा क्षति गर्ने क्रम तीव्र गतिमा बढ्दै गएपछि स्थानीयमा त्रास बढेको हो । गएराति कचनकवल ३ डाँगीवारीमा हात्तीको एक हुल प्रवेश गरी ४ वटा घरमा क्षति पुर्याएको छ । मध्यरातमा ३ वटा जंगली हात्तीले कचनकवल ३ डाँगीवारी गाउँका धर्मप्रसाद पोखरेल, आमवती माझी, ताला मुर्मु र कृष्णप्रसाद निरौलाको घर भत्काएका थिए भने भण्डारण गरेर राखेको धान चामल खाएको छ गाउँपालिकाका उपाध्यक्ष नवराज भट्टराईले जानकारी दिएका छन् । पछिल्लो समय झापामा…

बिर्तामोड, ५ माघ । बिर्तामोड नगरपालिकाले सार्वजनिक सुनुवाई कार्यक्रम गरेको छ । वडा नम्बर १ को सभाहलमा आज वडा नम्बर १, २ र ५ को आर्थिक वर्ष २०८०–८१ को प्रथम चौमासिक अन्तर्गतको सार्वजनिक सुनुवाई कार्यक्रम सम्पन्न भएको हो । कार्यक्रममा नगर प्रमुख पवित्रा महतारा प्रसाई, उप(प्रमुख नगेन्द्र प्रसाद संग्रौला, वडा नम्बर १ का वडाअध्यक्ष अग्निप्रसाद पाण्डे, वडा नम्बर ५ का वडाअध्यक्ष रोहित प्रसाई र नगरका शिक्षा शाखा प्रमुख तिलचन भण्डारीले सहभागीहरुका प्रश्नको जवाफ दिनुभयो । सहभागीहरुले विमाको औषधी अभाव, बजारमा बिना दर्ताको व्यवसाय सन्चालन, ईन्टरनेटका अव्यवस्थित तार, सडक निर्माण, मर्मत सम्भार, फोहोर व्यवस्थापन, पार्किंगको समस्या, लागुऔषध दुर्व्यसनी, निजी तथा सरकारी…

हल्दिबारी, ५ माघ । हल्दिबारी गाउँपालिका वडा नं. ५ को नयाँ प्रशासनिक भवन आज एक कार्यक्रमका बीच उद्घाटन भएको छ । निवर्तमान उपप्रधानमन्त्री तथा राप्रपाका केन्द्रीय अध्यक्ष माननीय राजेन्द्र लिङदेनले रिवन काटेर भवन उद्घाटन गरेका थिए । हल्दिबारी गाउँपालिकाका अध्यक्ष रविन्द्र लिङदेनको सभापतित्वमा भएको कार्यक्रममा प्रमुख अतिथि निवर्तमान उपप्रधानमन्त्री तथा राप्रपाका केन्द्रीय अध्यक्ष माननीय राजेन्द्र लिङदेन रहेका थिए । हल्दिबारी गाउँपालिका उपाध्यक्ष लक्ष्मीदेवी मैनाली, प्रमुख प्रशासकीय अधिकृत मानबहादुर वन (महेन्द्र), ४ वटै वडाका वडा अध्यक्षहरू क्रमशः देवीबहादुर थापा, शुकलाल राजवंशी, विष्णु ओली, सन्तकुमार थापा लगायतको विशेष आतिथ्यता रहेको कार्यक्रममा जनप्रतिनिधिहरू, नेकपा एमाले हल्दिबारीका अध्यक्ष त्रिलोचन सापकोटा, नेकपा माओवादी केन्द्र कि…

झापा, ५ माघ । झापाको कमल गाउँपालिका–५ स्थित पाथिभारा टोल लगनशील सहकारी संस्था अगाडि दुर्घटना हुँदा दुई जना गम्भीर घाइते भएका छन् । कमल–५ अन्तरगत राजमार्गमा पश्चिमबाट पुर्व तर्फ जाँदै गरेको को ९ प ७९२९ न. को मोटरसाइकलले तत्काल पहिचान नखुलेको पैदलयात्री ४५ वर्षीय पुरुष मानिस ठक्कर दिदा टाउकोमा चोट लागेर गम्भीर अवस्थामा रहेका छन् भने मोटरसाइकललाई विपरित दिशाबाट आउदै गरेको मे १ च ५२१३ न को कारले ठक्कर दिँदा मोटरसाइकल चालक पाँचथर तुम्वेवा–५ का १९ वर्षीय दिपेश कुरुम्वाङको नाकमा समान्य चोट लागेको जिल्ला प्रहरी कार्यालय झापाले जनाएको छ । दुबै घाइतेको लाइफ लाईन अस्पताल दमकमा उपचार भई रहेको छ…

मोरङ, ५ माघ । सहिद स्मृति प्रतिष्ठानले पार्क निर्माण गरी मोरङको लेटाङ–४ मा राखेको सहिद हरि भट्टराईको सालिक नगरपालिकाले हटाएको छ । नगरप्रमुख भूपेन्द्र लावतीको आदेशमा नगर प्रहरीले सालिक हटाएर निर्माणस्थलमा तोडफोड गरेको हो । १० वर्षे जनयुद्धको समयमा सहिद भएका भट्टराईको सालिक निर्माण गरिएको थियो । लेटाङबाट त्यसबेला १६ जनाले ज्यान गुमाएका थिए । जसमा ईश्वर ढुंगाना (प्रभात), हरि भट्टराई (परिवर्तन), डम्बर चेम्जोङ (अजम्बर), पुष्प भट्टराई (बादल), मेनुका चेम्जोङ (नमुना), डिल्ली पौडेल (दिलीप) लगायतको सालिकसहित पार्क बनाउने काम प्रतिष्ठानले सुरु गरेको थियो । तर, सालिक राखेको केही दिनमै नगरप्रमुख लावतीले नगरप्रहरी लगाएर हटाएको र निर्माणस्थलमा तोडफोड गरेको माओवादी केन्द्रले…

शिवसताक्षी, ५ माघ । झापाको शिवसताक्षीमा भावातीत ध्यान शिविर सञ्चालन हुने भएको छ । शिवसताक्षी नगरपालिका ११ दूधे स्थित सतासीधाम सामुदायिक अध्ययन केन्द्रको हलमा माघ ६ गतेबाट पाँच दिनसम्म शिविर सञ्चालन हुने शिवसताक्षी नगरपालिकाले जनाएको छ । शिविरमा कम्तीमा ८० जनाले सहभागिता जनाउने छन् भने, शिविर विहान ७ बजेबाट सुरु हुने छ । शिविरमा नगरपालिका कार्यपालिका सदस्यहरु, राष्ट्रिय पार्टी नगरप्रमुखहरु, नगरका आधारभुत तहसम्मका सामुदायिक, संस्थागत र धार्मिक विद्यालयका प्रध्यानध्यापहरु, नगरपालिका शाखा प्रमुखहरु, नगरका धार्मिक तथा पर्यटकीय विकास समितिका प्रमुखहरु, स्थानीय सस्थाका प्रमुखहरुले सहभागिता जनाउने शिवसताक्षी नगरपालिकाका कार्यक्रम अधिकृत महेश लामिछानेले जानकारी दिए । शिविरको उद्घाटन झापा क्षेत्र नं. ४ का…

झापा, ५ माघ । झापा कनकाई नगरपालिका–७ का ९० वर्षीय हरिध्वज खत्री तिमिल्सिनाले नेपालमा बसोबास गर्ने विभिन्न जातजाति र उनीहरुको गोत्रको विषयलाई समेटेरे ‘नेपाल मण्डल’ पुस्तक लेखेका छन् । करिब १० वर्ष लगाएर उनले उक्त पुस्तक लेखेका हुन् । नेपाल निर्माता पृथ्वीनारायण शाहले ‘नेपाल चार जात ३६ वर्णको साझा फूलबारी हो’ भन्नु भए पनि अहिले नेपालमा चार जात १२४ वर्ण पुगिसकेको उनको भनाइ छ । जसमध्ये चार जात ९२ वर्णको बारेमा तथ्यपरक जानकारीसहित पुस्तक प्रकाशन गरेको उनी बताउँछन् । लोपोन्मुखदेखि बहुसंख्यकसम्मका जातजातिको थर र उनीहरुको गोत्रका बारेमा पुस्तकका उल्लेख गरिएको छ । नेपालका विभिन्न भू–भागमा रहेका मानिसको थर कसरी रहन…