झापा अनलाइन

झापा, १८ फागुन । रामेछापमा भएका निर्वाचन सामग्री बोकेको गाडी दुर्घटना हुँदा मृत्यु हुनेको संख्या दुई पुगेको छ । आज मतदान सामग्री र निर्वाचन कर्मचारी लिएर रामेछापको रामेछाप नगरपालिका–२ देउरालीतर्फ जाँदै गरेको ना ७ ख ६७६८ नम्बरको निसान गाडी दुर्घटना भएको थियो । दुर्घटनामा घाइते भएका सात जनामध्ये दुई जनाको मृत्यु भएको जिल्ला प्रहरी कार्यालय रामेछापले जनाएको छ। दुर्घटनामा घाइते भएका मतदान अधिकृत डोरप्रसाद घिमिरेको मन्थली अस्पतालमा उपचारका क्रममा मृत्यु भएको छ । यसअघि दुर्घटनामा असई पर्शुराम यादवको घटनास्थलमै मृत्यु भएको थियो । घिमिरेलाई रामेछाप–२ को वडा कार्यालय भवन साँघुटार (ख) मतदान केन्द्रमा मतदान अधिकृतको रुपमा खटाइएको रामेछापको मुख्य निर्वाचन…

बिर्तामोड, १८ फागुन । प्रतिनिधि सभाका निवर्तमान सभामुख एवम् झापा क्षेत्र नं. २ का नेकपा (एमाले) तर्फका उम्मेदवार देवराज घिमिरेले फागुन २१ गते हुन गइरहेको प्रतिनिधिसभा सदस्यको निर्वाचन देशको भविष्य र समृद्धिको संकल्प गर्ने अवसरको रुपमा रहेको बताउनुभएको छ । झापाको बिर्तामोडमा आज प्रेस चौतारी झापाले आयोजना गरेको पत्रकार सम्मेलनमा उम्मेदवार घिमिरेले त्यस्तो बताउनुभएको हो । देश जटिल परिस्थितिमा रहेको बताउनुहुँदै उहाँले राष्ट्रियताको पहरेदार बनेर उभिएको एमालेको दरिलो अडानलाई कमजोर बनाउने षड्यन्त्र भइरहेको बताउनुभयो । “म आम मतदाताहरूलाई विनम्र अपिल गर्दछु, यो केवल एउटा चिन्हमा छाप लगाउने कुरा मात्र होइन”, उहाँले भन्नुभयो, “यो देशको भविष्य र समृद्धिको संकल्प गर्ने अवसर…

झापा, १८ फागुन । यही फागुन २१ गते हुने प्रतिनिधि सभा निर्वाचनका लागि आज रातिदेखि मौन अवधि सुरु हुँदैछ। आज राति १२ बजेदेखि मौन अवधि सुरु हुने निर्वाचन आयोगले जनाएको छ। मौन अवधि सुरु भएपछि कसैको पक्ष वा विपक्षमा चुनाव प्रचार प्रसार गर्न वा भोट माग्न पाइँने छैन। रातिदेखि मौन अवधि सुरु हुने भएकाले राजनीतिक दल र उम्मेदवारले आज मतदाता रिझाउन अन्तिम कसरत गर्दैछन्। नेकपा एमालेका अध्यक्ष केपी शर्मा ओली, नेकपाका संयोजक पुष्पकमल दाहाल प्रचण्ड लगायत विभिन्न दलका नेताले आइतबारै भिडिओ सन्देश जारी गर्दै आफ्ना उम्मेदवार र दलको पक्षमा मत मागेका छन्। निर्वाचन आयोगका अनुसार मौन अवधि आज मध्यराति १२…

झापा, १८ फागुन । आजदेखि साताव्यापी सार्वजनिक बिदा सुरु भएको छ । फागुन १८ र १९ गते होलीको सार्वजनिक बिदा रहेको छ । त्यसपछि फागुन २०, २१ र २२ गते निर्वाचन बिदा दिइएको छ । २३ गते शनिबार र २४ गते अन्तर्राष्ट्रिय महिला दिवस परेकोले साताव्यापी सार्वजनिक बिदाको अवसर जुटेको हो । साताव्यापी सार्वजनिक बिदा भएसँगै निर्वाचनको लागि गाउँ फर्कनेहरू बढेका छन् ।

झापा, १८ फागुन । झापा गौरीगञ्ज गाउँपालिका–२ बाहुनटोलस्थित दक्षिण टटुवामारीबाट उत्तर बाहुनटोलतर्फ साईकलमा यात्रा गरिरहेका एक युवकलाई प्रहरीले लागुऔषधसहित नियन्त्रणमा लिएको छ। गोप्य सूचनाको आधारमा खटिएको प्रहरी टोलीले चेकजाँच गर्दा आइतबार कमल गाउँपालिका–४ साधु टोलका ३३ वर्षीय राजेश नेम्वाङको साथबाट ब्राउन सुगर जस्तो देखिने लागुऔषध फेला पारेको छ। प्रहरीका अनुसार नेम्वाङको साथबाट प्लास्टिकसहित ५ ग्राम ५५० मिलिग्राम (४ ग्राम ८५० मिलिग्राम प्लास्टिक बाहेक) लिसाइलो पदार्थ बरामद गरिएको हो । पक्राउ परेका व्यक्ति तथा प्रयोग गरिएको साईकललाई नियन्त्रणमा लिएर इलाका प्रहरी कार्यालय गौरीगञ्जमा राखी थप अनुसन्धान भइरहेको जिल्ला प्रहरी कार्यालय झापाले जनाएको छ।

झापा, १८ फागुन । फागुपूर्णिमा अर्थात् होली पर्व आज हिमाली एवम् पहाडी जिल्लामा हर्षोल्लासका साथ एकापसमा रङग र लोला खेली मनाइँदैछ । यो पर्व प्रत्येक वर्ष फागुन शुक्ल पूर्णिमाका दिन मनाइन्छ । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व मनाउने प्राचीनकालदेखिको परम्परा छ । केही वर्ष अघिसम्म उपत्यकामा उत्ताउलो रुपमा मनाइने यो पर्व प्रहरीको सक्रियताका कारण पछिल्लो समय सभ्य बन्न थालेको छ । सडकमा काम विशेषले हिँड्नेलाई इच्छा विपरीत रङ र लोला हान्ने क्रम लगभग बन्द भएको छ । फागु पर्वको अघिल्लो दिन पनि राजधानीका सडकमा फोहर पानी छ्यापेको देखिँदैन । विशेषगरी युवतीहरुलाई लोलामा पानी…

कनकाई, १८ फागुन । झापाको कनकाई–२ जामुनबारीमा रहेको सरस्वती माध्यमिक विद्यालयमा विद्यार्थीलाई निःशुल्क खाना तथा खाजा खुवाउने कार्य एक साता पुगेको छ । स्थानीय समाजसेवी दिपक ओलीले आफ्नो सेवामुलक कार्यलाई निरन्तरता दिँदै सो सामुदायिक विद्यालयका विद्यार्थीलाई निःशुल्क खानाको व्यवस्था गरिदिएका हुन् । विद्यालयका माध्यमिक शिक्षा परीक्षा (एसइइ) को तयारीमा रहेका २२ जना विद्यार्थीलाई ओलीले निःशुल्क खाना र खाजा को व्यवस्था गरिदिएका हुन् । विद्यालयको एक कोठामा विद्यार्थीलाई खाना खुवाउने कामको सुरुवात गरिएको ओलीले जानकारी दिए । २२ जना विद्यार्थी र केही शिक्षकलाई एसइइ परीक्षासम्म खानाको व्यवस्थापन गरिएको उनले बताए । एसइइको तयारीमा रहेका विद्यार्थीहरु बिहान ६ बजे नै विद्यालय आउने…

झापा, १७ फागुन । मेडिकल व्यवसायी दुर्गा प्रसाईंलाई जिल्ला प्रशासन कार्यालय भक्तपुरले ५ दिन हिरासतमा राखेर अनुसन्धान गर्न प्रहरीलाई अनुमति दिएको छ । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक प्रसाईंलाई ५ दिन हिरासतमा राखेर अनुसन्धान गर्न प्रशासनले अनुमति दिएको भक्तपुरका एसपी सूर्य खड्काले बताए । आइतबार बिहान पक्राउ गरेर प्रहरीले उनलाई जिल्ला प्रशासन कार्यालय भक्तपुरमा उपस्थित गराएको थियो । उनी विरुद्ध प्रहरीले सार्वजनिक शान्ति विरुद्धको कसुरमा अनुसन्धान गरिरहेको छ । यसअघि सर्वोच्च अदालतको आदेशमा उनी फागुन १३ मा रिहा भएका थिए । पछिल्लो समय चुनाव बिथोल्ने भूमिका खेल्ने आशङ्का प्रशासनले उनलाई पक्राउ गर्ने र अदालतको आदेशले छाड्ने…

झापा, १७ पुस । सरकारले खाडी मुलुक जाने नेपाली कामदारका लागि श्रम स्वीकृति दिन तत्कालका लागि स्थगित गरेको छ । श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले मध्यपूर्वमा उत्पन्न पछिल्लो विषम परिस्थितिका कारण जोखिम बढेकाले ती देशहरूमा वैदेशिक रोजगारीमा जाने श्रमिकलाई दिइने श्रम स्वीकृति हाललाई स्थगित गरिएको जानकारी दिए । यसअघि वैदेशिक रोजगार विभागले नियमित रूपमा श्रम स्वीकृति प्रदान गर्दै आएको थियो । परराष्ट्र मन्त्रालयका मध्य एसिया, पश्चिम एसिया र अफ्रिका महाशाखा प्रमुख (सहसचिव) रामकाजी खड्काले दिएको जानकारी अनुसार हाल मध्यपूर्वका विभिन्न देशमा गरी करिब १७ लाख २९ हजार २ सय ८८ जना नेपाली नागरिकहरू रहेका छन् । परराष्ट्र मन्त्रालयका…

बिर्तामोड, १७ फागुन । नेपाली कांग्रेसका तर्फबाट झापा क्षेत्र नम्बर–२ का उम्मेद्वार सरिता प्रसाईले देश बनाउने भविष्यका योजना हेरेर सुझबुझका साथ मतदान गर्न आम मतदाता समक्ष अपिल गर्नुभएको छ । नेपाली कांग्रेस झापा क्षेत्र नं–२ निर्वाचन परिचालन समितिको आयोजनामा यहाँ आयोजित चुनावी सभालाई सम्बोधन गर्दै कांग्रेस पूर्व केन्द्रीय सदस्य प्रसाईले सुझबुझका साथ कांग्रेसलाई मतदान गर्न अपिल गर्नुभएको हो । उहाँले राजनीतिक योगदान, नीति, सिद्धान्त, विचार र देश बनाउने खाका प्रस्तुत गरेर विचारको राजनीति गर्न सुझाव दिनुभयो । जेन–जी विद्रोहको पृष्ठभूमि, जेन–जी पुस्तालाई बद्नाम बनाउन आन्दोलनमा भएको घुसपैठ र त्यसयता देखिएका राजनीतिक संकेतले नेपाल भू–राजनीतिक संकटमा फस्ने जोखिम रहेकोतर्फ सचेत रहन…