झापा अनलाइन

साहारा लिम्बूफुङलिङ, ६ मङ्सिर । प्रसिद्ध धार्मिक स्थल पाथीभरामा यस वर्ष पहिलो पटक हिमपात भएको छ । शुक्रबार दिउँसो सामान्य वर्षा भएपछि साँझबाट तीन हजार ६९४ मिटरको उचाइमा रहेको पाथीभरामा हिमपात सुरु भएको हो । हिमपात भएपछि पाथीभरा क्षेत्रमा चिसो समेत बढेको छ । मन्दिर क्षेत्रमा कार्यरत पाथीभरा क्षेत्र विकास समितिका कर्मचारी राजेन्द्र महतका अनुसार सामान्य मात्रामा हिमपात भएको हो । सामान्य हिमपातले समेत दर्शनार्थीलाई भने प्रभाव पारेको उहाँको भनाइ छ । गत असोजमा ताप्लेजुङको उच्च हिमाली भेगमा मात्रै हिमपात भएको थियो । जिल्लाको पर्यटकीय क्षेत्रहरू तिम्बुङ पोखरी, लोदेन, सिङ्जेमा ताल, स्याम्दो ताल लगायतको क्षेत्रमा हिमपात हुँदा पाथीभरा भने भएको…

बिष्णुप्रसाद पोखरेलदमक, ६ मङ्सिर । जेनजी आन्दोलनका क्रममा इलाका प्रहरी कार्यालय दमकबाट लुटिएका ११ राउण्ड गोली बेवारिसे अवस्थामा फेला परेको छ । जिल्ला प्रहरी कार्यालय झापाका अनुसार चार हजार राउण्ड गोली लुटिएको थियो । जिल्ला प्रहरी कार्यालय झापाका प्रवक्ता खगेन्द्रबहादुर खड्काका अनुसार दमक वडा नं। ७ स्थित मानव सेवा आश्रम नजिकै भित्री सडकमा शुक्रबार बेलुका बेवारिसे अवस्थामा गोली भेटिएको हो । एसएलआरका ५ राउण्ड, इन्सासका तीन राउण्ड र ३०३ राइफलका तीन राउण्ड गोली फेला परेको खड्काले जानकारी दिनुभयो । आन्दोलनको क्रममा इलाका प्रहरी कार्यालय दमकबाट २० थान हतियार लुटिएकोमा अहिलेसम्म तीन थानमात्र फेला परेको छ । बाँकी १७ थान हतियार…

झापा, ६ मसिंर । नेपाल भित्रिएका २५ देखि ३० वटा हात्तीको बथान लामो अवधिसम्म झापा र मोरङको जङ्गली क्षेत्रमा बसेपछि मानव–हात्ती द्वन्द्वको जोखिम बढेको छ । वन्यजन्तु संरक्षणमा चासो दिइरहेकाहरूले पहिल्यैदेखि यी दुई जिल्लाको जङ्गलमा घटीमा ३० वटा रैथाने हात्ती रहेको बताउँदै आएका छन् । अब फेरि हात्ती थपिएपछि मानवसँग द्वन्द्व बढ्ने त्रास उत्पन्न भएको हो । गत साता मोरङको सुन्दरहरैचा क्षेत्रको जङ्गलबाट पूर्वतर्फ लागेका २५ देखि ३० वटा हात्तीको लस्कर पूर्वी गौडा बाहुनडाँगी हुँदै भारततिर लाग्ने सम्भावना देखिएको थियो । ती हात्तीको बथान दुई वर्ष अघि बाहुनडाँगी गौडाबाटै नेपाल भित्रिएका थिए । डिभिजन वन कार्यालय झापाका प्रमुख भरतबाबु श्रेष्ठले…

झापा, ४ मंसीर । नेपाली कांग्रेस केन्द्रीय कार्यसमितिको आज दिउँसो २ बजेका लागि तय भएको बैठक फेरि स्थगित भएको छ । मुख्यसचिवसचिव कृष्णप्रसाद पौडेलले सूचना निकालेर बैठक पुनः स्थगित भएको जनाएका हुन् । बैठक शनिबार दिउँसो १ बजे बस्ने सूचनामा लेखिएको छ ।  असोज २८ गते सुरु भएकोकांग्रेस केन्द्रीय समितिको बैठक कहिले सर्दै र कहिले बस्ने शृङ्खला चलेको एक महिला बितिसकेको छ । यद्यपि, बैठकले ठोस निर्णय लिन सकेको छैन । नियमित अधिवेशन कि विशेष अधिवेशन, चुनाव अघि कि चुनाव पछि भन्ने विषयमा नै बैठक अल्झिएको छ । कांग्रेस महामन्त्रीद्व्य गगन थापा र विश्वप्रकाश शर्मा चुनाव अघि नै विशेष महाधिवेशन…

बिर्तामोड, ४ मंसीर । नेपाल पत्रकार महासंघ झापाकी पूर्व उपाध्यक्ष तथा नारी सञ्चार गृह झापाकी पूर्व अध्यक्ष भीमा शिवाकोटीलाई मातृशोक परेको छ । उहाँकी आमा पम्फादेवी शिवाकोटी बुधबार साँझ ८२ वर्षको उमेरमा कनकाई–५ लालपानीमा निधन भएको हो । पम्फादेवी लामो समयदेखि दमको रोगबाट पीडित हुनुहुन्थ्यो । स्व. शिवाकोटीका दुई छोरीहरू गोमा सिग्देल र भीमा शिवाकोटी हुनुहुन्छ भने चार छोरा ज्ञानेन्द्र, इन्द्र, बासुदेव र नवराज शिवाकोटी हुनुहुन्छ । पारिवारिक स्रोतका अनुसार बिहीवार बिहान ११ बजे स्व. पम्फादेवीको कनकाई आर्यघाटमा दाहसंस्कार गरिनेछ । झापा अनलाइन परिवार दिवंगत माता फम्फादेवीको आत्मको चिरशान्तिको कामना गर्दै सम्पूर्ण परिवारजनमा गहिरो समवेदना व्यक्त गर्दछ ।

झापा, ४ मंसीर । अमेरिकाले निष्कासन (डिपोर्ट) गरेका ३५ जना नेपाली काठमाडौँ आइपुगेका छन् । अमेरिकी चार्टर्ड विमानमार्फत् बुधबार ३५ नेपाली काठमाडौँ आइपुगेका हुन् । अवैध रुपमा बस्दै आएका विदेशी नागरिकलाई राष्ट्रपति डोनाल्ड ट्रम्पको नीतिअनुसार अमेरिकाले देश निकाला गर्दै आएको छ। यसअघि पनि धेरै नेपाली निष्कासन भइसकेका छन् । हिजो काठमाडौँ आइपुगेका ३५ नेपालीलाई अध्यागमन कार्यालयले मानव बेचबिखन अनुसन्धान ब्युरोमा पठाएको थियो । ब्युरोले सामान्य सोधपुछ गरी उनीहरूलाई छाडिसकेको एसएसपी कृष्ण पंगेनीले बताए । अवैध रुपमा अमेरिका पुगेर निष्कासनमा परेका नेपालीले आफू अन्यायमा परेको भनेर उजुरी गरेमात्रै प्रहरीले थप अनुसन्धान गर्ने गरेको छ ।

झापा, ४ मंसीर । नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ । राष्ट्र बैङ्कका अनुसार अमेरिकी डलर एकको खरिददर १४१ रुपैयाँ ४५ पैसा र बिक्रीदर १४२ रुपैयाँ ५ पैसा निर्धारण गरिएको छ । यस्तै, युरोपियन युरो एकको खरिददर १६३ रुपैयाँ ७६ पैसा र बिक्रीदर १६४ रुपैयाँ ४६ पैसा, युके पाउन्ड स्ट्रलिङ एकको खरिददर १८५ रुपैयाँ ५८ पैसा र बिक्रीदर १८६ रुपैयाँ ३७ पैसा, स्विस फ्र्याङ्क एकको खरिददर १७६ रुपैयाँ ४३ पैसा र बिक्रीदर १७७ रुपैयाँ ७१ पैसा कायम गरिएको छ । अष्ट्रेलियन डलर एकको खरिददर ९१ रुपैयाँ ७४ पैसा र बिक्रीदर ९२ रुपैयाँ १३ पैसा, क्यानेडियन…

झापा, ४ मंसीर । आगामी फागुन २१ गतेका लागि तोकिएको प्रतिनिधिसभा निर्वाचनमा मतदानका लागि ३ लाख २८ हजार ५३१ नयाँ मतदाता थपिएका छन् । बुधबार निर्वाचन आयोगले दिएको जानकारी अनुसार १ लाख ८४ हजार ६१२ पुरुष, १ लाख ४३ हजार ८७८ महिला र ४१ जना अन्य गरी ३ लाख २८ हजार ५३१ नयाँ मतदाता थपिएका हुन् । बुधबार मात्रै ८ हजार १७३ जनाले मतदाता नामावलीमा नाम दर्ता गराएको आयोगले जनाएको छ । गत असोज ९ गते आयोगको निर्णयानुसार मतदाता नामावलीमा नाम दर्ता गर्ने कार्य सुरु गरिएको थियो ।

झापा, ४ मंसीर । झापामा ठूलो परिमाणमा लागुऔषधसहित एक युवकलाई प्रहरीले पक्राउ गरेको छ । प्रहरीले झापा गाउँपालिका–५ पन्थापडाका अन्दाजी २० वर्षीय अडसाद अलीलाई ६३ ग्राम २० मिलिग्राम ब्राउनसुगर जस्तो देखिने लिसाइला पदार्थसहित नियन्त्रणमा लिएको हो । बिहीबार साँझ ७ः२८ बजे विशेष सूचनाका आधारमा जिल्ला प्रहरी कार्यालय झापा र लागुऔषध नियन्त्रण ब्यूरो काँकरभिट्टाबाट खटिएको संयुक्त टोलीले राजगढ–चारपानेतर्फ जाँदै गरेको मे ८ प ८१४० नम्बरको मोटरसाइकल चेकजाँच गर्दा अलीको साथबाट लागुऔषध फेला परेको थियो । प्रहरीका अनुसार पाँच वटा प्लास्टिक पोकामा राखिएको उक्त पदार्थको तौल ६३ ग्राम २० मिलिग्राम रहेको छ। पक्राउ परेका अलीलाई नियन्त्रणमा लिएर थप अनुसन्धान भइरहेको प्रहरीले जनाएको…

झापा, ४ मंसीर । बालबालिकाका आवाज सुन्ने तथा उनीहरूका अधिकार प्रवद्र्धनमा सामाजिक सङ्घसंस्था, विद्यालय र समुदायले सक्रिय भूमिका निर्वाह गर्नुपर्नेमा जोड दिँदै विश्वका विभिन्न देशमा आज विश्व बाल दिवस मनाइँदै छ । संयुक्त राष्ट्रसङ्घ आह्वानमासन् १९८९ मा आजकै दिन बालअधिकारसम्बन्धी महासन्धि अनुमोदन भएको दिनको सम्झनामा यो दिवस मनाउन थालिएको हो । राष्ट्रसङ्घीय बाल कोष (युनिसेफ) को अगुवाइमा यो दिवस संसारका सबै देशमा मनाइन्छ । यस अवसरमा युनिसेफले विश्वभरका बालबालिकाका आवाज सुन्न र उनीहरूको अधिकारलाई सशक्त रूपमा प्रवद्र्धन गर्न सबैलाई आह्वान गरेको छ । युनिसेफले बालबालिकाका जन्मसिद्ध अधिकारको रक्षा, शिक्षामा पहुँच, समानतालगायत हक सुनिश्चित गर्न सरकार, अभिभावक र समाजको ध्यानाकर्षण गराएको…