झापा अनलाइन

इलाम, ६ माघ । आगामी फागुन २१ मा हुने प्रतिनिधि सभा निर्वाचनको लागि इलाममा २७ जनाले उम्मेदवारी मनोनयन गरेको मुख्य निर्वाचन अधिकृतको कार्यालयले जनाएको छ । प्रतिनिधि सभा निर्वाचनको लागि इलाम क्षेत्र नं। १ मा १३ जनाले उम्मेदवारी मनोनयन गरेका छन् । मजदुर किसान पार्टीको तर्फबाट तुलसी केशरी, राष्ट्रिय प्रजातन्त्र पार्टीको तर्फबाट ज्वाला नेपाल र मंगोल नेसनल अर्गनाइजेसन पार्टीको तर्फबाट बुद्ध लाल मेचेले मनोनयन पत्र दर्ता गराएका छन् । यसैगरी उज्यालो नेपाल पार्टीको तर्फबाट हरि बहादुर गुरुङ, श्रम संस्कृति पार्टीको तर्फबाट विनोद नेम्बाङ्ग लिम्बु, ने।क।पा। एमाले पार्टीको तर्फबाट काजीमान कागते, नेपाली काँग्रेस पार्टीको तर्फबाट निष्कल राई, राष्ट्रिय स्वतन्त्र पार्टीको तर्फबाट…

सन्तोष शर्माभद्रपुर, ६ पुस । भोलिदेखि शुरु हुने झापा औद्योगिक, व्यापार, कृषि तथा पर्यटन महोत्सव–२०८२ को तयारी पूरा भएको छ । झापा उद्योग बाणिज्य संघको आयोजनामा भद्रपुर नगरपालिका–८ स्थित मेची रंगशालामा भोलि माघ ७ गतेदेखि २१ गतेसम्म आयोजना हुन लागेको महोत्सवको तयारी पूरा भएको हो । आज यहाँ आयोजित पत्रकार सम्मेलनमा संघका कार्यवाहक अध्यक्ष एवम महोत्सव मूल आयोजक समितिका संयोजक राजकुमार राईले महोत्सवको सम्पूर्ण तयारी पूरा भएको जानकारी दिनुभयो । “यहाँको समग्र आर्थिक तथा सामाजिक उत्थानका लागि महोत्सव आयोजना गर्न लागिएको हो”, उहाँले भन्नुभयो, “झापाको उद्योग, व्यापार, शिक्षा, स्वास्थ्य, कृषि, पशुपंक्षी र पर्यटन क्षेत्रको प्रवद्र्धनमा टेवा पु¥याउनुका साथै आन्तरिक बजार…

बिर्तामोड, ६ माघ । झापाको बिर्तामोड नगरपालिका–५ जात्रुबारीस्थित भित्री सडक खण्डमा आज दिउँसो भएको सवारी दुर्घटनामा एक वृद्धाको मृत्यु भएको छ । किराना पसलमा सामान लोड गरी पछाडि सार्ने क्रममा मे१ज १८०४ नम्बरको सामान बोक्ने पिकअप गाडीले पैदलयात्री बिर्तामोड–५ जात्रुबारीकी ८१ वर्षीया माया लिम्बूलाई ठक्कर दिएको थियो । गाडीको पछाडिको भागले ठक्कर दिँदा गम्भीर घाइते भएकी लिम्बूलाई उपचारका लागि बि एण्ड सी अस्पताल बिर्तामोडमा लगिएको थियो । उपचारकै क्रममा दिउँसो १ः३० बजे उनको मृत्यु भएको हो । पिकअप चालक बुद्धशान्ति–३ का ३१ वर्षीय हरिप्रसाद काफ्लेलाई प्रहरीले नियन्त्रणमा लिएको छ भने पिकअप इलाका प्रहरी कार्यालय अनारमनीमा राखिएको छ । घटनाबारे थप…

झापा, ६ माघ । निवर्तमान सभामुख तथा नेकपा (एमाले) नेता देवराज घिमिरेले झापा निर्वाचन क्षेत्र नम्बर २ बाट आफ्नो उम्मेदवारी दर्ता गराएका छन् । त्यस्तै, निवर्तमान उपसभामुख इन्दिरा रानामगरले रास्वपाबाट उम्मेदवारी गराउनुभएको छ । आगामी फागुन २१ गते हुने प्रतिनिधिसभा सदस्य निर्वाचनका लागि उनीहरुले मंगलबार निर्वाचन अधिकृतको कार्यालय पुगेर मनोनयन पत्र दर्ता गराएका हुन् । घिमिरे २०७९ को निर्वाचनमा पनि यसै क्षेत्रबाट निर्वाचित भएका थिए । उनी पुनः सोही क्षेत्रबाट जनताको मत माग्न चुनावी मैदानमा उत्रिएका हुन् ।

बिर्तामोड, ६ माघ । यही माघ ३ गते दमक र माघ ४ गते बिर्तामोडमा झापाली समाज–अमेरिकाको अगुवाई झापा जिल्लाभरिका १५ वटा स्थानीय तहस्थित विभिन्न सामुदायिक विद्यालयका जेहन्दार र पढाइलाई निरन्तरता दिन कठिनाइ झेलिरहेका विद्यार्थीहरूलाई छात्रवृत्ति वितरण गरिएको छ । झापाली समाज–अमेरिकाको अगुवाई र अन्तर्राष्ट्रिय झापाली समाज, विभिन्न देशका राष्ट्रिय संघहरू, च्याप्टरहरू र विश्वमा छरिएका रहेका सम्पूर्ण झापालीमध्ये केहीको सहभागिता र प्रायोजनमा वर्षेनी झापा जिल्लामा छात्रवृत्ति वितरण हुँदै आएको छ । यो परियोजना अन्तर्गत यसपालि पनि छात्रवृत्ति वितरण कार्य सम्पन्न भएको झापाली समाज–युएसए.की महासचिव एवम् अन्तर्राष्ट्रिय झापाली समाजकी महिला उपाध्यक्ष सीता पाण्डेले जानकारी दिएकी हुन् । दमकको सनराइज मोडेल विद्यालय र…

सन्तोष शर्माझापा, ६ माघ । झापाको माटो अस्वस्थ्य हुँदै गएको छ । अर्थात्, यहाँको माटोमा अम्लीयपन बढ्दै गएको छ । माटोमा प्राङ्गारिक पदार्थ, नाइट्रोजन, फस्फोरस र पोटासहरु सन्तुलित मात्रामा हुनुपर्छ । तर, कृषि ज्ञान केन्द्र झापाले हालै दमक नगरपालिका र बुद्धशान्ति गाउँपालिकामा सञ्चालन गरेको मोटो परीक्षण घुम्ति शिविरबाट आएको नतिजामा अधिकांश नमूनामा यी तत्वहरु न्यून मात्रमा छन् । जसले माटोको स्वास्थ्य बिगिँदै गएको देखिन्छ । दमकमा ५२ र बुद्धशान्तिमा ५२ वटा गरी १०४ माटोको नमूना परीक्षण गर्दा करिब ६० प्रतिशत नतिजामा माटो अम्लीय रहेको पाइएको कृषि ज्ञान केन्द्र झापा प्रमुख सागर विष्टले जानकारी दिनुभयो । “माटोमा कम्तिमा दुई प्रतिशत प्राङ्गारिक…

झापा, ६ माघ । भद्रपुरको हल्दीबारी–४ जलथल क्षेत्रमा बसोबास गर्ने सन्थाल समुदायका एक सय २० परिवार मासिक रूपमा नियमित बचतमा आबद्ध छन् । सन्थाल सुधार समाज जलथलको अगुवाइमा सुरु भएको यो अभ्यास अहिले समुदायको दैनिकीको अभिन्न हिस्सा बनेको छ । समाजका अध्यक्ष कमल मुर्मुका अनुसार हरेक महिनाको पहिलो शनिबार सदस्यहरू भेला भएर बचत सङ्कलन गरिन्छ । “न्यूनतम दुई सय रुपैयाँदेखि सदस्यले आफूले सक्नेजति बचत गर्नुहुन्छ”, उनले भने, “सानो रकम भए पनि नियमितता नै हाम्रो मुख्य शक्ति हो ।” तीन वर्षअघि सुरु गरिएको यो बचत अभियानले हालसम्म रु १३ लाखभन्दा बढी रकम सङ्कलन गरिसकेको छ । ज्याला मजदुरीमा निर्भर समुदायका लागि…

झापा, ६ माघ । आगामी फागुन २१ गते हुने प्रतिनिधिसभा सदस्य निर्वाचनका लागि मतपत्र छपाइको जिम्मा पाएको जनक शिक्षा सामग्री केन्द्रले हालसम्म समानुपातिकतर्फको एक करोड दुई लाख ३० हजार थान मतपत्र छपाइ गरेको छ । केन्द्रले उपलब्ध गराएको विवरणअनुसार पछिल्लो २४ घण्टामा मात्रै १३ लाख १३ हजार मतपत्र छपाइ भएको हो । निर्वाचन आयोगले उपलब्ध गराएको समानुपातिकतर्फको कूल दुई करोड आठ लाख ३० हजार थान मतपत्र छपाइ गर्नुपर्नेछ । केन्द्रले हालसम्म ५० प्रतिशत मतपत्रको छपाइ गरिसकेको छ । यस्तै, केन्द्रले आयोगलाई कूल १० लाख ९८ हजार २०० थान मतपत्र उपलब्ध गराइसकेको छ । केन्द्रले पछिल्लो २४ घण्टामा एक हजार ४३१…

भद्रपुर, ६ माघ । पूर्वीनाका काँकरभिट्टाबाट चालू आर्थिक वर्षको छ महिनाको अवधिमा २५ अर्ब बढीको सामान आयात भएको छ । चालु आर्थिक वर्ष २०८२–८३ को पुस मसान्तसम्ममा २५ अर्ब ३ करोड ६६ लाख मूल्य बराबरका सामान आयात भएको मेची भन्सार कार्यालयका सूचना अधिकारी ईश्वरकुमार हुमागाईंले जानकारी दिनुभयो । गत आव २०८१–८२ को सोही अवधिको तुलनामा आठ दशमलव ३९ प्रतिशतले आयात बढेको छ । गत आवको पहिलो छ महिनामा २३ अर्ब नौ करोड ८८ लाख बराबरको सामान आयात भएको थियो । चालु आवको पहिलो छ महिनामा यो नाकाबाट हुने निर्यात घटेको छ । अवधिमा १३ अर्ब ६७ करोड ३७ लाख मूल्य…

झापा, ६ माघ । आगामी फागुन २१ गते हुने प्रतिनिधिसभा सदस्यको आज उम्मेदवार मनोनयन दर्ता हुँदैछ । प्रत्यक्षतर्फको उम्मेदवारी दर्ताका लागि नागरिकताको प्रमाणपत्र अनिवार्य कागजातका रूपमा रहेको निर्वाचन आयोगले जनाएको छ । आयोगले निर्धारण गरेको कार्यसूचीअनुसार आज देशभर उम्मेदवारको मनोनय हुँदैछ । नागरिकताको प्रमाणपत्रको प्रतिलिपि वा मतदाता परिचयपत्रको प्रतिलिपि अनिवार्य रहेको छ । यस्तै, कुनै गाउँपालिका वा नगरपालिकाको अन्तिम मतदाता नामावलीमा नाम समावेश भएको निस्सा पनि जरुरी छ । उम्मेदवारी दिँदा नेपाल सरकार, प्रदेश सरकार वा स्थानीय तहमा तथा नेपाल सरकार, प्रदेश सरकार वा स्थानीय तहको स्वामित्व वा नियन्त्रणमा रहेको वा नेपाल सरकार, प्रदेश सरकार वा स्थानीय तहबाट अनुदान प्राप्त…