झापा अनलाइन

पाँचथर, २७ असोज । पाँचथरको फिदिम–फालोट सडकखण्डअन्तर्गत फेमे खोलामा अस्थायी डाइभर्सनमार्फत यातायात सुचारु गर्ने काम भइरहेको छ । गत असोज १८ गतेको बाढीले डाइभर्सन बगाएपछि यो सडक अवरुद्ध भएको थियो । पूर्वाधार विकास कार्यालय पाँचथरले फिदिम नगरपालिका–१ र ११ को सिमानामा पर्ने फेमे खोलामा २० वटा ह्युम पाइप राखेर डाइभर्सन निर्माण गरिरहेको छ । कार्यालयका इन्जिनियर मुकेश शाहका अनुसार डाइभर्सन र पहुँच मार्ग निर्माणको काम सोमबारसम्ममा सम्पन्न गर्ने योजना छ । सडक अवरुद्ध भएपछि यात्रुहरू करिब १५ मिनेट पैदल हिँडेर खोला वारपार गरिरहेका छन् । सामान ढुवानी तथा बिरामीलाई खोला पार गराउन भने समस्या भएको छ । गत वर्ष असोज…

झापा, २७ असोज । गत भदौ २३ र २४ गतेको जेनजी आन्दोलनका कारण देशभरका कारागारबाट भागेकामध्ये पाँच हजार ५४७ कैदीबन्दी अझै फरार छन् । कारागार व्यवस्थापन विभागले फरार कैदीबन्दीलाई कारागार फिर्ता ल्याउन अझ प्रभावकारी बनाउने जनाएको छ । आइतबारको गृहमन्त्री स्तरीय बैठकले कैदीबन्दीलाई कारागारमा फिर्ता ल्याउन केही महत्त्वपूर्ण निर्णय गरेको समेत विभागले स्पष्ट पारेको छ । हालसम्म नौ हजार आठ जना कैदीबन्दी कारागार फिर्ता भएको विभागले जनाएको छ । फरार कैदीबन्दीको सम्बन्धमा सम्बन्धित कारागार कार्यालयबाट प्राप्त नामावलीसहितको विवरण गृह मन्त्रालयमार्फत् निर्वाचन आयोग, सुरक्षा निकायमा उपलब्ध गराइनेछ । अध्यागमन विभाग, भूमि व्यवस्थापन तथा अभिलेख विभाग, यातायात व्यवस्थापन विभाग, राहदानी विभाग, वैदेशिक…

झापा, २७ असोज । नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलरको मूल्य स्थिर छ । सोमबारका लागि अमेरिकी डलर एकको खरिददर १४१ रुपैयाँ ६० पैसा र बिक्रीदर १४२ रुपैयाँ २० पैसा निर्धारण गरिएको छ । यस्तै, युरोपियन युरो एकको खरिददर १६४ रुपैयाँ ५४ पैसा र बिक्रीदर १६५ रुपैयाँ २४ पैसा, युके पाउण्ड स्टर्लिङ एकको खरिददर १८९ रुपैयाँ १७ पैसा र बिक्रीदर १८९ रुपैयाँ ९७ पैसा, स्वीस फ्रयाङ्क एकको खरिददर १७७ रुपैयाँ १९ पैसा र बिक्रीदर १७७ रुपैयाँ ९४ पैसा कायम गरिएको छ । अष्ट्रेलियन डलर एकको खरिददर ९१ रुपैयाँ ६४…

झापा, २७ असोज । हाल देशभर उल्लेखनीय मौसम प्रणालीको प्रभाव रहेको छैन । जल तथा मौसम विज्ञान विभाग मौसम पूर्वानुमान महशाखाका अनुसार आज सबै प्रदेशको पहाडी भू भागमा आंशिक बदली रही बाँकी भू भागमा मुख्यतया सफा रहनेछ भने कोशी प्रदेशको पहाडी भूभागका एकदुई स्थान हल्का वर्षाको सम्भावना रहेको छ । आज राती देशभर मौसम मुख्यतया सफा रहने महाशाखाले जनाएको छ ।

झापा, २६ असोज । झापाको भद्रपुर नगरपालिका–३ स्थित भैसाबारी क्षेत्रको मेची नदी किनारमा आज पुरुषको शव फेला परेको छ । पहाडे मूलको जस्तो देखिने अपरिचित पुरुषको शव सडेको अवस्थामा फेला परेको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिनुभयो । मेची नदीपारि नेपालतर्फको किनारमा शव भेटिएपछि स्थानीयले प्रहरीलाई खबर गरेका थिए । घटनाको जानकारी पाएछि जिल्ला प्रहरी कार्यालय झापाको प्रहरी टोली घटनास्थल पुगेको थियो । प्रहरीले प्रारम्भिक अनुसन्धानपछि शवलाई पोष्टमार्टमका लागि प्रादेशिक अस्पताल भद्रपुर पठाएको छ । मृतकको पहिचान एवम् घटनाको थप अनुसन्धान जारी रहेको जिल्ला प्रहरी कार्यालय झापाले जनाएको छ ।

भद्रपुर, २६ असोज । भारतबाट अवैध सामान ओसारिरहेका तस्करको समूह प्रहरीलाई देखेर भागेको छ । सामान तस्करी भइरहेको सूचना पाएपछि शनिबार राति झापाको भद्रपुर नगरपालिका–५ स्थित राई बस्तिमा वडा प्रहरी कार्यालयको टोली पुगेको थियो । प्रहरीलाई देख्ने बित्तिकै तस्करहरुले सामान छोडेर भागेको प्रहरीले जनाएको छ । भारतबाट भन्सार छलेर नेपालतर्फ ल्याउँदै गरेको करिब चार लाख रुपैयाँको विभिन्न किसिमका पटका र झिलिमिली बत्ति बरामद भएको जिल्ला प्रहरी कार्यालय झापाले जनाएको छ । झापाका सीमा क्षेत्रबाट तस्करी हुने गरेको छ । प्रहरीले सामान बरामद गरे पनि तस्करीमा संलग्नलाई समात्न प्रायजसो असफल हुने गरेको छ ।

झापा, २६ असोज । प्रहरी महानिरीक्षक चन्द्रकुवेर खापुङले जेनजी आन्दोलनमा क्षतिग्रस्त भएका झापाका प्रहरी कार्यालयहरूको अवलोकन गर्नुभएको छ । पहिरो प्रभावित इलामबाट फर्किने क्रममा उहाँले जेनजी आन्दोलनका क्रममा तोडफोड र आगजनीबाट पूर्ण क्षतिग्रस्त बिर्तामोडस्थित इलाका प्रहरी कार्यालय, जिल्ला ट्राफिक प्रहरी कार्यालय र दमकको इलाका प्रहरी कार्यालयको अवलोकन गर्नुभएको हो । जेनजी आन्दोलनका क्रममा घुसपैठ गरेको अराजक समूहले प्रहरी कार्यालयहरू आगजनी गरेको थियो । समुदाय स्तरबाट पुनर्निर्मित बिर्तामोडका कार्यालयहरूको अवलोकन गर्दै प्रहरी महानिरीक्षक खापुङले यहाँका सचेत नागरिकको योगदानको प्रशंसा गर्नुभयो । अवलोकनका क्रममा खापुङले मातहतका प्रहरीलाई उच्च मनोबल बनाएर काम गर्न निर्देशन दिनुभयो । सो क्रममा कार्यालय पुनर्निर्माणमा अगुवाइ गर्ने पदम…

शिवसताक्षी, २६ असोज । झापा शिवसताक्षी नगरपालिकाका कर्मचारीहरुले बाढी प्रभावित समुदायलाई राहत वितरण गरेका छन् । गएको १८ गते आएको वर्षाका कारण कनकाई माइको बाढी प्रभावित नगरपालिका वडा नं. ७ लालपानीका राजवंशी बस्तीका नागरिकलाई खाना पकाउने ग्यास सिलिण्डर, ग्यास चुलो वितरण गरेका हुन् । नगरपालिका र वडाका कर्मचारीहरुबाट संकलित ४५ घरपरिवारलाई वितरण गरेको शिवसताक्षी नगरपालिकाले जनाएको छ । लालपानीका १२ परिवारलाई नागरपालिकाले खाद्य सामाग्री वितरण गरेको छ । नगरले पहिले वितरण गरेको बाँकी परिवारलाई आज २५ केजी चामल, २ केजी दाल, ५ केजी आलु, १ लिटर खानेतल, २ केजी नुन र १ कार्टुन पानी वितरण गरेको शिवसताक्षी नगरपालिकाले जनाएको छ…

सन्तोष शर्माझापा, २६ असोज । अविरल वर्षापछि आएको बाढीका कारण झापामा करिब दुई हजार पाँच सय बालबालिका प्रभावित भएका छन् । बाढीले जिल्लाका विभिन्न स्थानका दुई हजार पाँच सय बालबालिका प्रभावित भएको जिल्ला प्रशासन कार्यालय झापाका सूचना अधिकारी सहायक प्रमुख जिल्ला अधिकारी तेजप्रकाश प्रसाईंले जानकारी दिनुभयो । “प्रभावित बालबालिकालाई शैक्षिक सामग्रीको व्यवस्थापन गर्ने काम भइरहेको छ”, उहाँले भन्नुभयो, “सम्बन्धित पालिकालाई पुस्तकको व्यवस्थापन गर्न भनिसकिएको छ ।” अविरल वर्षापछिको बाढीले जिल्लामा करिब ४ हजार ५ सय घरधुरी प्रभावित भएकोमा झण्डै ३ हजार ४ सय घरधुरी झापा गाउँपालिकाको रहेको उहाँले बताउनुभयो । गत २३ गतेयता झापा गाउँपालिका वडा नं. १ र २…

झापा, २६ असोज । विराटनगर किंग्सले कोशी प्रदेश क्रिकेट संघको सहकार्यमा आयोजना गरेको ड्रिम टू प्ले प्रतियोगिता सुरु भएको छ । मेची बहुमुखी क्याम्पसको खेल मैदानमा सम्पन्न पहिलो दिनका खेलहरूमा सुनसरी र मोरङले विजयी सुरुवात गर्दै दुई–दुई अंक जोडेका छन् । प्रतियोगिताको उद्घाटन खेलमा मोरङले उदयपुरलाई ५६ रनले पराजित गरेको थियो । पहिलो ब्याटिंग गर्न उत्रिएको मोरंगले ओपनर अनिश राजवंशीको ३२ रनको मद्दतले निर्धारित २० ओभरमा ८ विकेट गुमाउँदै ९२ रन बनायो । ९३ रनको लक्ष्य पछ्याउने क्रममा उदयपुर केवल १४ ओभरमा ३६ रनको न्यून योगफलमा समेटियो। खेलमा पाँच विकेट प्राप्त गरेका उदयपुरका सुयोग कार्की प्लेयर अफ द म्याच चुनिएका…