jhapaonline add
झापा, १२ कात्तिक । झापाको दमक नगरपालिका–२ स्थित पाङ्गिनी चोकमा गएराति यात्रुबाहक बस दुर्घटना हुँदा एक जनाको मृत्यु भएको छ । उक्त दुर्घटनामा २१ जना घाइते भएका छन् । दमकबाट मोरङको टाडीतर्फ जाँदै गरेको करिब ३५ जना सवार बा २ ख १९८३ नम्बरको यात्रुबाहक बस मंगलबार राति ११ः५५ अनियन्त्रित भई सडकको नालीमा पल्टिँदा बसमा सवार मोरङ मिक्लाजुङ गाउँपालिका–३ का ३६ वर्षीय भीमबहादुर मगरको उपचारको क्रममा आम्दा अस्पताल खरखरेमा मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिनुभयो । घाइते २१ जनामध्ये मोरङ मिक्लाजुङ–३ की १७ कि सपना श्रेष्ठबाहेक २० जना आज बिहान दमकस्थित आम्दा अस्पताल…
गौरीगञ्ज, ११ कात्तिक । झापा जिल्लाको गौरीगञ्ज गाउँपालिका–५ फत्तेपुर सीमास्थित क्षेत्रमा भारतबाट नेपालतर्फ आउँदै गरेका दुई पैदल यात्रुलाई प्रहरीले लागुऔषधसहित नियन्त्रणमा लिएको छ । आज साँझ ४ः३० बजे इलाका प्रहरी कार्यालय गौरीगञ्जबाट गस्तीमा खटिएको टोलीले शंका लागी चेकजाँच गर्दा लागुऔषध फेला परेको हो । पक्राउ पर्नेमा झापा दमक नगरपालिका–३ का २७ वर्षीय निमा दोर्जी तामाङ र ३८ वर्षीय सुकबहादुर राई रहेका छन् । चेकजाँचको क्रममा निमा दोर्जी तामाङको साथबाट ब्राउन सुगर जस्तो देखिने लिसाइला पदार्थ प्लास्टिकसहित ५ ग्राम १५० मिलिग्राम (प्लास्टिकबाहेक ४ ग्राम ११० मिलिग्राम) फेला परेको प्रहरीले जनाएको छ । प्रहरीले लागुऔषधसहित दुबै व्यक्तिलाई नियन्त्रणमा लिई इलाका प्रहरी कार्यालय…
काभ्रेपलाञ्चोक, ११ कात्तिक । बीपी राजमार्ग अन्तर्गत सिन्धुली जिल्लाको सुनकोशी गाउँपालिका–६ चैनपुरमा मंगलबार बिहान भएको कार दुर्घटनामा एक जनाको मृत्यु भएको छ भने दुई जना घाइते भएका छन्। बा ७ च ७५५४ नम्बरको कार विराटनगरबाट काठमाडौंतर्फ जाँदै गर्दा अनियन्त्रित भई सडकबाट करिब ४२ फिट तल खसेर दुर्घटना भएको हो। दुर्घटनामा परी मोरङको विराटनगर उपमहानगरपालिका–१७ निवासी ६५ वर्षीय ओमबहादुर अर्जेलको मृत्यु भएको जिल्ला प्रहरी कार्यालय सिन्धुलीका प्रमुख लालध्वज सुवेदीले जानकारी दिए। मृतक अर्जेल स्वयं कार चालक थिए। दुर्घटनाको समयमा कारमा उनकी श्रीमती ४९ वर्षीया सुनिता अर्जेल र ३१ वर्षीय छोरा निशान्त अर्जेल पनि सवार थिए। दुर्घटनामा सुनिता गम्भीर घाइते भएकी छन्…
दमक, ११ कात्तिक । झापाको दमक नगरपालिका–९ स्थित शान्ति चोकमा लागुऔषध बिक्री वितरण गरिरहेको भन्ने गोप्य सूचनाको आधारमा प्रहरीले एक जनालाई पक्राउ गरेको छ । सोमबार साँझ ७ः०० बजे इलाका प्रहरी कार्यालय दमकबाट खटिएको टोलीले दमक–९ का ३६ वर्षीय मनोज धिमाललाई पक्राउ गरेको हो । ९३६० हुन्। उनले चलाइराखेको मे १ ह ७०६५ नम्बरको सिटी सफारी गाडीको सिटमुनी लुकाई छिपाई राखिएको अवस्थामा खैरो हेरोइन जस्तो देखिने लिसाइला पदार्थ फेला परेको प्रहरीले जनाएको छ । प्रहरीका अनुसार बरामद लागुऔषधमध्ये प्लास्टिकसहितको मात्रा १२ ग्राम २० मिलिग्राम र प्लास्टिकबाहेकको मात्रा ६ ग्राम रहेको छ। साथै, धिमालको साथबाट १८ हजार रुपैयाँ र मोबाइल फोन…
झापा, ११ कात्तिक । आज पनि नेपाली बजारमा सुनको मूल्य घटेको छ । आज तोलामा २९०० रुपैयाँ घटेको हो । नेपाल सुनचाँदी व्यवसायी महासंघका अनुसार सोमबार तोलामा २ लाख ३९ हजार ९०० रुपैयाँ कायम भएको सुनको मूल्य आज घटेर तोलामा २ लाख ३७ हजार रुपैयाँ कायम भएको छ । मंगलबार सुन १० ग्रामको २ लाख ३ हजार १९० रुपैयाँ कायम भएको महासंघले जनाएको छ । यसैबीच, मंगलबार चाँदीको मूल्य समेत घटेको छ । सोमबार तोलामा २ हजार ९८० रुपैयाँ कायम भएको चाँदीको मूल्य मंगलबार घटेर तोलामा २ हजार ९२० रुपैयाँ कायम भएको महासंघले जनाएको छ ।
झापा, ११ कात्तिक । सङ्खुवासभा जिल्लाको उत्तरी क्षेत्र किमाथाङ्का आसपास केन्द्रबिन्दु भएर भूकम्प गएको छ । राष्ट्रिय भूकम्प मापन तथा अनुसन्धान केन्द्र लैनचौरका अनुसार सङ्खुवासभा जिल्लाको किमाथाङ्का आसपास केन्द्रबिन्दु भएर आज बिहान ७ बजेर ३२ मिनेट जाँदा चार दशमलव तीन रेक्टर स्केलको भूकम्प गएको हो ।भूकम्पबाट क्षति भएको रनभएका सम्बन्धमा सोधपुछ भैराखेको र हालसम्म एकीन जानकारी नआएको जिल्ला प्रशासन कार्यालय सङ्खुवासभाले जनाएको छ । यसअघि यही कात्तिक ५ गते बझाङको हेमन्तवाडा आसपास केन्द्रबिन्दु भएर तीन दशमलव नौ रेक्टर स्केलको भूकम्प गएको थियो । नेपाल हिमालय क्षेत्र भएकाले विभिन्न समयमा सानाठूला भूकम्प जाने गरेको छ ।
झापा, ११ कात्तिक । झापा जिल्लाको शिवसताक्षी नगरपालिका–९ स्थित बैसबारीको माईखोलाको बीच भागमा फेला परेको पुरुषको शवको पहिचान खुलेको छ । मङ्गलबार साँझ ४ः५० बजे स्थानीय बासिन्दाले शव देखेपछि इलाका प्रहरी कार्यालय झिलझिलेलाई जानकारी गराएका थिए । प्रारम्भिक अवस्था अनुसार मृतकको नाम, थर र वतन तत्काल खुल्न नसके पनि अनुसन्धानको क्रममा मृतक शिवसताक्षी–१० फागुनन्द चोकका ५१ वर्षीय प्रेम लिवाङ रहेको खुलेको छ । मृतकको मानसिक सन्तुलन ठीक नभएको र मङ्गलबार बिहान १०ः०० बजे घरबाट आफू खुशी हिँडेको जानकारी मृतककी छोरी बिनिता लिवाङ र भाई कुमार लिवाङले दिएका छन् । उनीहरूले शवको पहिचान गरेका हुन् । प्रहरीले कानुनी प्रक्रिया पूरा गरी…
झापा, ११ कार्तिक । झापा जिल्लाको शिवसताक्षि नगरपालिका–१० स्थित माईधार चौक नजिकै पूर्व–पश्चिम राजमार्गमा मन्थलीबाट काँकरभिट्टा जाँदै गरेको रात्रिकालीन बस दुर्घटनामा परेको छ। मङ्गलबार बिहान करिब ४:०० बजे प्र.१–०१–००१ क ४२०९ नम्बरको बस अनियन्त्रित भई सडकबाट करिब १० मिटर तल पल्टिँदा १९ जना यात्रु घाइते भएका छन्। बसमा जम्मा २५ जना यात्रु सवार थिए। दुर्घटनापछि घाइतेमध्ये १९ जनालाई तत्काल उपचारका लागि बिर्तासिटी अस्पताल, बिर्तामोड पठाइएको छ भने बाँकी ६ जना यात्रुहरू सकुशल रूपमा आ–आफ्नो गन्तव्यतर्फ गएका छन्। बस घटनास्थलमै रहेको र सडकमा कुनै अवरोध नभएको प्रहरीले जनाएको छ। दुर्घटनास्थलमा माईधार प्रहरी चौकीबाट प्रहरी टोली खटिएको थियो। प्रारम्भिक अनुसन्धानअनुसार बस अनियन्त्रित…
झापा, ११ कात्तिक । हाल देशमा पश्चिमी वायूको साथै अरव सागरमा बनेको न्यून चापीय प्रणालीको प्रभाव रहेको छ । जल तथा मौसम विज्ञान विभाग मौसम पूर्वानुमान महाशाखाले आज बिहान मौसम बुलेटिन जारी गर्दै आज दिउँसो देशभर साधारणतया बदली रहने जनाएको छ । गण्डकी प्रदेश, लुम्बिनी प्रदेश र कर्णाली प्रदेशका केही स्थानहरूमा तथा बाँकी प्रदेशका पहाडी तथा हिमाली भू–भागका थोरै स्थानहरूमा मध्यम हिमपात–वर्षा तथा बाँकी तराईका एक–दुई स्थानमा हल्का वर्षाको सम्भावना रहेको छ । बागमती प्रदेश, गण्डकी प्रदेश र कर्णाली प्रदेशका उच्च पहाडी तथा हिमाली भू–भागका एक–दुई स्थानमा भारी हिमपात–वर्षाको पनि सम्भावना रहेको छ । यस्तै, आज आज राती कोशी प्रदेश,…
भद्रपुर, ११ कात्तिक । झापाको भद्रपुर नगरपालिका–५ स्थित मेची नदीमा नेपाल तथा भारततर्फका श्रद्धालुहरूले आज बिहान उदाउँदो सूर्यलाई अर्घ्य अर्पण गर्दै छठ पर्व मनाएका छन् । मेची किनारमा हिमाली, पहाडी, मारवाडी, बङ्गालीलगायत विभिन्न समुदायको साझा सहभागितासहित समावेशी रूपमा छठ मनाइएको हो । नेपाल–भारत सीमावर्ती भद्रपुर–५ को मेची नदी किनारमा यस वर्ष एक हजारभन्दा बढी पूजास्थल निर्माण गरिएको छ । करिब तीन किलोमिटर क्षेत्रमा नदीको वारिपारि दुवैतर्फ हिमाल, पहाड र तराईका बासिन्दाले एकसाथ अर्घ्य अर्पण गर्दै साझा पर्वको रूपमा मनाइएको छ । पूजास्थल वरपर सुरक्षाको व्यवस्था नेपाल र भारतका सुरक्षाकर्मीहरूले संयुक्त गस्तीमार्फत गरेका थिए भने विभिन्न सामाजिक सङ्घ–संस्थाले मेलामा आएका भक्तजनका…