jhapaonline add
झापा, ५ असार । पर्साको ठोरी नाका हुँदै भारतको दिल्लीबाट अबैधरुपमा खाडी मुलुक जान लागेका चार महिलासहित पाँच जनालाई सशस्त्र प्रहरीले सीमा नाकाबाट पक्राउ गरेको छ । सशस्त्र प्रहरीबल नेपाल बोर्डर आउट पोष्ट ठोरीबाट खटिएको सशस्त्र प्रहरी टोलीले शङ्का लागेर जाँच गर्ने क्रममा अवैध बाटो हुँदै खाडी मुलुक कुवेत र ओमान जान लागेका उनीहरुलाई पक्राउ गरेको हो । पक्राउ परेकामध्ये इलामका दुई महिलाले ओमान जाने बताएका छन् भने रोल्पाका दुई महिला नयाँ दिल्लीमार्फत खाडीमूलक जान लागेको बताएका छन् । सशस्त्र प्रहरी निरीक्षक प्रेम राउतले उनीहरुलाई भारत लैजान लागेको आशङ्कामा चितवनको माडी नगरपालिका वडा नम्बर–८ का दीपक खड्कालाई पनि नियन्त्रणमा लिएर…
झापा, ५ असार । वैदेशिक रोजगारीमा आकर्षक तलबको प्रलोभनमा पारी इटाली र अजरबैजान पठाइदिन्छु भन्दै रकम ठगी गरेको अभियोगमा दुई जनालाई प्रहरीले पक्राउ गरेको छ । पक्राउ पर्नेहरूमा काठमाडौँ महानगरपालिका–७ बस्ने दाङको घोराही उपमहानगरपालिका–१६ घर भएका १९ वर्षीय दर्शन खड्का र तारकेश्वर नगरपालिका–३ बस्ने गोरखाको धार्चे गाउँपालिका–५ घर भएका ३७ वर्षीय सरेश गुरुङ रहेका छन् । पक्राउमध्ये दर्शनले इटाली पठाइदिन्छु भन्दै तीन जना पीडितबाट छ लाख र सुरेशले अजरबैजान पठाइदिन्छु भन्दै दुई जना पीडितबाट चार लाख लिई सम्पर्कविहीन भएको भन्ने पीडितहरूको उजुरीको आधारमा काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले दर्शनलाई काठमाडौँ–७ बाट बुधबार र सुरेशलाई काठमाडौँ–२६ बाट मङ्गलबार…
बिर्तामोड, ५ असार । कोशी प्रदेश स्काउटको सहकार्यमा स्थानीय स्काउट कार्यालय बिर्तामोडले ७४औं स्काउट स्थापना दिवसको अवसरमा प्रभातफेरी र वृक्षारोपण गरेको छ । कार्यक्रमको औपचारिक उद्घाटन गर्दै महेन्द्र रत्न माविबाट रयाली सुरु भई दुर्गा मावि गरामनीको प्राङ्गणमा कोण सभा गर्दै वृक्षारोपन गरिएको थियो । कार्यक्रममा बिर्तामोड नगरपालिका नगर उपप्रमुख नगेन्द्र संग्रौला, नगर शिक्षा शाखा प्रमुख तिलचन निरौला, देवी माविका प्रधानाध्यापक अम्बिका श्रेष्ठ लगायत नगरका निजी, सामुदायिक विद्यालय गरी करिब ५०० बढी विद्यार्थीको सहभागिता रहेको थियो । वृक्षारोपन कार्यक्रममा सहभागी विद्यार्थी, शिक्षक, शिक्षिका लगायतले २५० बढी विरुवा रोपण गरेका थिए ।
झापा, ५ असार । जल तथा मौसम विज्ञान विभागअन्तर्गतको बाढी पूर्वानुमान महाशाखाले हरेक दिनजस्तै आज ९असार ५, बिहीबार० पनि बाढीबारे सतर्कता सूचना जारी गरेको छ। बाढी महाशाखाले जारी गरेको बुलेटिनअनुसार आज इलाम, झापा, मोरङ, सुनसरी, सप्तरी, गोरखा, लमजुङ, कास्की, स्याङ्जा, कैलाली, कञ्चनपुर र आसपासका जिल्ला भई वहने अधिकांश नदीको बहाब उल्लेख्य बढ्ने र केहीमा आकस्मिक बाढी आउने सम्भावना रहेकाले नदी तटीय क्षेत्रमा उच्च सतर्कता अपनाउन आवश्यक छ। आज पाँचथर, तेह्रथुम, ताप्लेजुङ, संखुवासभा, खोटाङ, ओखलढुंगा, सोलुखुम्बु, दोलखा, रामेछाप, धादिङ, नुवाकोट, काठमाडौँ, ललितपुर, भक्तपुर, काभ्रेपलाञ्चोक, सिन्धुली, मकवानपुर, उदयपुर, सिराहा, धनुषा, महोत्तरी, तनहुँ, पर्वत, बागलुङ, म्याग्दी, पर्सा, चितवन, नवलपुरपूर्व, नवलपुरपश्चिम, गुल्मी, अर्घाखाँची, पाल्पा,…
झापा, ५ असार । गण्डकी प्रदेशका सांसद दीपक मनाङे पदमुक्त भएका छन् । सर्वोच्च अदालतको संवैधानिक इजलासले उनलाई फौजदारी कसुरमा दोषी ठहर भई फैसला अन्तिम भइसकेको कारण जनाउँदै पदमुक्त हुने निर्णय गरेको हो । प्रधानन्यायाधीश प्रकाशमान सिंह राउत, न्यायाधीशहरु सपना प्रधान मल्ल, कुमार रेग्मी, हरिप्रसाद फुयाल र कुमार चुडाल रहेको संवैधानिक इजलासले मनाङेको सांसद पद आजका दिनदेखि बदर भएको निर्णय गरेको हो । गुण्डा नाइकेका रूपमा परिचित मनाङेले चक्रे मिलन समूहमाथि २०६१ सालमा आक्रमण गरेको अभियोग थियो । आक्रमणमा मनाङेको समूहले चक्रेको हात नै छिनाएको थियो । २०८१ कात्तिक २० गते सर्वोच्चका न्यायाधीशद्वय नहकुल सुवेदी र टेकप्रसाद ढुंगानाको संयुक्त इजलासले…
सन्तोष शर्माझापा, ५ असार । झापाका हात्तीपीडितलाई रू एक करोड ९० लाख भन्दा बढी राहत उपलब्ध गराइएको छ । चालू आर्थिक वर्ष २०८१/०८२ को हालसम्म डिभिजन वन कार्यालय झापा र निर्देशनालयबाट रू एक करोड ९० लाख एक हजार नौ सय ९३ राहत उपलब्ध गराइएको डिभिजन वन कार्यालय झापाका पशु चिकित्सक डा. सोनाम भलले जानकारी दिनुभयो । वन कार्यालय झापाले पाँच सय १० हात्तीपीडित घरपरिवारलाई रू ६९ लाख ९३ हजार पाँच सय ६५ र निर्देशनालयले ७३ हात्तीपीडित घरपरिवारलाई रू एक करोड २० लाख आठ हजार चार सय २८ राहत उपलब्ध गराएको उहाँले बताउनुभयो । निर्देशनालयले हात्तीको आक्रमणबाट ज्यान गुमाएका १० जना…
भद्रपुर, ५ असार । झापाको भद्रपुरमा हात्तीको आक्रणमा परी एक जना घाइते भएका छन् । हात्तीको आक्रणमा परी भद्रपुर नगरपालिका–१० फुलबारी गाउँका २१ वर्षीय विशाल सोरेन घाइते भएका हुन् । बुधबार राति करिब ७ः४५ बजेको समयमा काम गरेर फर्कने क्रममा एक वटा जंगली हात्तीले आक्रमण गर्दा उनको कम्मर, टाउको र बाया खुट्टामा चोट लागेको छ । उनको प्रादेशिक अस्पताल भद्रपुरमा उपचार भइरहेको छ । घाइतेको अवस्था बोल्न सक्ने मध्यम रहेको जिल्ला प्रहरी कार्यालय झापाले जनाएको छ ।
झापा, ५ असार । हाल कोशी, मधेस, बागमती, गण्डकी र प्रदेशका केही भूभाग तथा लुम्बिनी प्रदेशका पूर्वी क्षेत्रका थोरै भूभागमा मनसुनी वायुको प्रभाव रहेको मौसम पूर्वानुमान महाशाखाले जनाएको छ। साथै देशको पश्चिम भूभागमा पश्चिमी वायु तथा स्थानीय वायुको आंशिक प्रभाव रहेको छ । भारतको पश्चिम बङ्गाल आसपास बनेको न्यूनचापिय क्षेत्रको समेत आंशिक प्रभाव रहेको छ। जसको प्रभावले देशभर साधरणतया बदली रहेको छ। देशका थोरै स्थानहरूमा चट्याङ सहित हल्का देखि मध्यम वर्षा भइरहेको छ। बागमती, गण्डकी र कर्णाली प्रदेशको एक–दुई स्थानमा भारी वर्षा भइरहेको छ । आज दिउँसो देशभर साधरणतया बदलीदेखि पूर्णयता बदली रहनेछ। सबै प्रदेशका केही स्थानहरूमा चट्याङसहित हल्कादेखि मध्यम…
झापा, ४ असार । प्रहरीले त्रिभुवन अन्तर्राष्ट्रिय विमानस्थलबाट एक किलो १५९ ग्राम सुनसहित एकजनालाई पक्राउ गरेको छ । पक्राउ पर्नेमा भारतीय नागरिक ५३ वर्षीया मीना सुरजितसिंह खेमानी रहेको केन्द्रीय प्रहरी प्रवक्ता विनोद घिमिरेले जानकारी दिनुभयो । उहाँले भन्नुभयो, “एयर अरेबियाको उडानद्वारा शारजाहबाट काठमाडौँ आएकी निज खेमानी विमानस्थलको आगमन भन्सार एरियाको टनेल गेटबाट करिब एक किलो १५९ ग्राम तौलको सुन जस्तो देखिने अर्धठोस् पदार्थसहित पक्राउ परेकी हुन् ।” प्रहरीले प्लास्टिकले ‘र्याप’ गरेको तीन वटा डल्लाको सुन जस्तो देखिने अर्धठोस् पदार्थ फेला पारी पक्राउ गरेको र यस सम्बन्धमा थप आवश्यक अनुसन्धान गरिरहेको प्रवक्ता घिमिरे बताउनुभयो ।
शिवसताक्षी, ४ असार । झापाको शिवसताक्षी नगरपालिकामा अपाङ्गता भएका परिवारका युवाहरूलाई उद्यमशिलताको यात्रातर्फ उन्मुख गराउने उद्देश्यले विभिन्न व्यावसायिक तालिमहरू सुरु गरिएको छ। सामाजिक विकास मन्त्रालय कोशी प्रदेश, शिवसताक्षी नगरपालिका र करुणा फाउण्डेशनको साझेदारीमा सञ्चालन भइरहेको अपाङ्गता रोकथाम तथा पुनःस्थापना कार्यक्रम अन्तर्गत बारिष्टा, ड्राइभिङ तालिम सञ्चालनमा आएका हुन्। शिवसताक्षीको दूधेस्थित मिटअप क्याफेमा आयोजित उद्घाटन कार्यक्रममा नगरप्रमुख मेगाहाङ्ग थोप्राले तालिमको औपचारिक सुरुवात गर्नुभयो। उद्घाटन कार्यक्रममा बोल्दै नगरप्रमुख थोप्राले कफी संस्कृति विस्तार हुँदै गएकाले बारिष्टा तालिमले रोजगारीको ठूलो सम्भावना बोकेको बताउनुभयो। “देशभित्रै युवाहरूलाई सक्षम बनाई आयआर्जन गर्न सक्ने वातावरण बनाउनेतर्फ नगरपालिका लागिपरेको छ,” उहाँले भन्नुभयो। सो तालिममा अपाङ्गता भएका परिवारका १० जना सहभागी…