jhapaonline add
विराटनगर, २६ वैशाख । मोरङको ग्रामथान गाउँपालिकापा–६ स्थित भित्रि सडक खण्डमा मोटरसाईकलको ठक्करबाट १ जनाको मृत्यु भएको छ । वैशाख २५ गते दिउसो बिराटनगरबाट बिराटचौक तर्फ जाँदै गरेको प्रदेश १.०२.०४५ प ११४० नम्वरको मोटरसाईकलले बाटो काट्दै गरेका मोरङ ग्रामथान गाँउपालिका–६ का ७० वर्षीय हेमराज गिरीलाई ठक्कर दिदा घाईते भएका गिरीलाई तत्काल उपचारको लागि नोबेल अस्पताल बिराटनगर लगिएकोमा अस्पताल पुर्याउनासाथ उनको मृत्यु भएको थियो । दुर्घटनामा संलग्न मोटरसाईकल चालक मोरङ कटहरी गाँउपालिका–७ का अनिस भगतलाई इलाका प्रहरी कार्यालय बेलबारीले नियन्त्रणमा लिई थप अनुसन्धान गरिरहेको छ ।
झापा, २६ वैसाख । झापाको शिवसताक्षी नगरपालिका–८ स्थितमा पानीमा डुबेर नाबालिकाको मृत्यु भएको छ । वैशाख २५ गते विहान शिवसताक्षी नगरपालिका–८ मनहराका लुखिराम टुडुको १५ महिनाकी छोरी रोसिका टुडु घर निजकै रहेको धान खेतमा जमेको पानीमा डुबी मृत अवस्थामा फेला परेको हो । पानीमा डुबेको अवस्थामा उनकै आमा कल्पना टुडुले देखि पानीबाट निकालि हेर्दा मृत भईसकेको भनि तत्काल इलाका प्रहरी कार्यलय शिवगंजमा जानकारी गराएकोमा प्रहरी टोली खटि कानूनी प्रकृया पुरा गरी पोष्टमार्टम पश्चात शव आफ्न्तलाई जिम्मा बुझाईएको छ ।
सन्तोष शर्माझापा, २६ बैशाख । जिल्लाको झापा गाउँपालिकामा अत्याधुनिक प्रविधि एआई जडित एक्स–रे मेसिनबाट क्षयरोग परीक्षण गरिएको छ । झापा गाउँपालिकाको तीन वटा स्थानमा एआई जडित एक्स–रे परीक्षण गर्दा १६ जना नयाँ क्षयरोगी पत्ता लागेको स्वास्थ्य कार्यालय झापाका क्षयरोग फोकल पर्सन वीरेन्द्र दासले जानकारी दिनुभयो । कूल आठ सय ६४ जनाको एक्स–रे गर्दा एक सय १३ जना शंकास्पद बिरामी फेला परेको र उनीहरुको खकार परीक्षणका लागि पठाइएको उहाँले बताउनुभयो । “एक्स–रे गर्ने बित्तिकै १६ जना रोगी फेला परेका छन्, उनीहरुको उपचार शुरु गरिसकेका छौं”, उहाँले भन्नुभयो, “शंकास्द बिरामीको खकार परीक्षणको रिपोर्ट आएपछि बिरामीको संख्या बढ्न सक्छ ।” गाउँघरमा लुकेर रहेका…
बिर्तामोड, २६ बैशाख । झापा गोल्डकपका निवर्तमान अध्यक्ष बिर्तामोडका सामाजिक व्यक्तित्व विनोद बस्नेत मृत अवस्थामा भेटिएका छन् । बिर्तामोड–१ स्थित आफ्नै घरमा उहाँले झुन्डिएर आत्महत्या गरेको बताइएको छ । घटनाको जानकारी पाएपछि इलाका प्रहरी कार्यालय बिर्तामोडका डिएसपी विजय श्रेष्ठ घटनास्थलतर्फ जानुभएको छ । घटनाको विस्तृत विवरण आउन बाँकी छ ।
झापा, २६ बैशाख । नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिदर १३६ रूपैयाँ ८४ पैसा र बिक्रीदर १३७ रूपैयाँ ४४ पैसा कायम भएको छ । युरोपियन युरो एकको खरिदर १५४ रूपैयाँ ४९ पैसा र बिक्रीदर १५५ रूपैयाँ १७ पैसा, युके पाउन्ड स्ट्रर्लिङ एकको खरिदर १८२ रूपैयाँ २२ पैसा र बिक्रीदर १८३ रूपैयाँ ०२ पैसा, स्वीस फ्र्याङ्क एकको खरिददर १६५ रूपैयाँ ७१ पैसा र बिक्रीदर १६६ रूपैयाँ ४३ पैसा कायम गरिएको छ । अष्ट्रेलियन डलर एकको खरिददर ८७ रूपैयाँ ७८ पैसा र बिक्रीदर ८८ रूपैयाँ १७ पैसा, क्यानेडियन डलर…
झापा, २६ बैशाख । कोशी प्रदेशका खानेपानी, सिञ्चाइ तथा ऊर्जा मन्त्री एकराज कार्कीले मानवीय संशासनको विकासमा लाग्नुपर्ने बेला आएको बताउनुभएको छ । झापाको कनकाई नगरपालिकाको १२ औं स्थापना दिवसको अवसरमा नगरलाई स्थानीय शासनयुक्त बालमैत्री तथा पूर्ण खोप सुनिश्चित नगर घोषणा गर्न बिहीबार आयोजित कार्यक्रममा सम्बोधन गर्नुहुँदै मन्त्री कार्कीले त्यस्तो बताउनुभएको हो । “अब बाटो होइन, बाटोमा हिँड्न सक्ने मान्छे बनाउन लाग्नुपर्छ”, उहाँले भन्नुभयो, “मानवीय संशाधनको विकासमा सरकार लाग्नुपर्छ ।” संविधान प्रदत्त सम्पूर्ण अधिकार नागरिकले पाउनुपर्ने उल्लेख गर्नुहुँदै मन्त्री कार्कीले हरेक बालबालिकाले पाउनुपर्ने नैसर्गिक अधिकारको प्रत्याभूति सरकारले गर्नुपर्नेमा जोड दिनुभयो । “कुनै बालबालिकाले पढ्न लेख्न पाएन भने त्यसको ग्यारेन्टी सरकारले गर्नुपर्छ”,…
बितामोड, २६ बैशाख । झापाको बिर्तामोड नगरपालिकामा रहेका मेलमिलापकर्ताहरुको लागि लेखनसीप तालिम सुरु भएको छ । बिहीबारदेखि सुरु भएको तालिम आइतबारसम्म सञ्चालन हुनेछ । बिर्तामोड नगरपालिकाको आयोजना तथा टाइम्स मिडिया नेटवर्क प्रालिको सहजीकरणमा तालिम सुरु भएको हो । तालिममा विभिन्न वडाबाट ३५ जना मेलमिलापकर्ताहरुको सहभागिता रहेको छ । लेखनसीपबारे सहजीकरण गरिने कार्यक्रममा झापा जिल्ला अदालतका न्यायाधीश नगेन्द्र केशरी पोख्रेल, झापा बार एशोशिएसनका अध्यक्ष बसन्त नेपाल, अधिवक्ता कोपिला अधिकारीले तालिमको सहजीकरण गर्ने न्यायिक समिति बिर्तामोडकी उजुरी प्रशासक टिकामाया लामिछानेले जानकारी दिनुभयो । बिर्तामोड नगर उपप्रमुख एवम् न्यायिक समितिका संयोजक नगेन्द्र प्रसाद संग्रौलाले लेखनसीप पश्चाप नगरको न्याय सम्पादन थप प्रभावकारी हुने बताउनुभयो…
झापा, २६ बैशाख । पाकिस्तान र भारतबीच लडाइँ तीव्र बनेको छ । विहीबार बेलुकीदेखि दुवै देशका सेनाले एकअर्काको भूमिमा मिसाइल प्रहार गरेका छन् । आक्रमण तीव्र भएपछि आईपीएलको खेल समेत स्थगित गरिएको छ । पञ्जाब किङ्गस् र दिल्ली क्यापिटलबीच हिमाचल प्रदेशको धर्मशालामा खेल भइरहेको थियो । पाकिस्तानले लगातार दोस्रो दिन ड्रोन र मिसाइल हमला गरिरहेको भारतीय सञ्चार माध्यमहरुले जनाएका छन् । पाकिस्तानले कश्मिरदेखि लिएर राजस्थान र पञ्जाबका सीमा क्षेत्रमा ड्रोनमार्फत् हमला गरिरहेको छ । ती आक्रमणलाई भारतले एस–४०० एयर डिफेन्स मिसाइल सिस्टममार्फत असफल बनाएको दाबी गरेको छ । भारतको हिन्दुस्तान टाइम्सका अनुसार भारतीय सेनाले जम्मू नजिकै पाकिस्तानको एफ–१६ विमान खसालिदिएको…
झापा, २६ बैशाख । सशस्त्र प्रहरी बल नेपालले ४८ घण्टामा सीमा इलाकामा ३ सय १२ वटा पट्रोल र १ हजार ८ सय ४४ स्थानमा चेकप्वाइन्ट राखेको छ। भारत–पाकिस्तान द्वन्द्वपछि सिमानामा कडाइ गरेको सशस्त्र प्रहरीले यस्तो सक्रियता देखाएको हो। वैशाख २३ गते मंगलबार बिहानदेखि बिहीबार बिहानसम्म ४८ घण्टामा भारतीय समकक्षी सशस्त्र सीमा बल (एसएसबी) सँगको सहकार्यमा सीमा इलाकामा ८४ वटा संयुक्त र २ सय २८ वटा एकल पट्रोल गरेको एपीएफले जनाएको छ। ती क्षेत्रहरूमा सशस्त्र प्रहरी बल नेपाल नं. १ बराह बाहिनी मुख्यालय सुनसरी, नं. २ छिन्नमस्ता बाहिनी मुख्यालय महोत्तरी, नं. ३ गढिमाई बाहिनी मुख्यालय मकवानपुर, नं. ४ मुक्तिनाथ बाहिनी मुख्यालय…
झापा, २६ बैशाख । हाल देशमा पश्चिमी वायु तथा स्थानीय वायुको प्रभाव रहेको मौसम पूर्वानुमान महाशाखाले जनाएको छ। यसका साथै बङ्गालको खाडी र अरब सागर बाट भित्रिरहेको जलवाष्पयुक्त हावाको समेत आंशिक प्रभाव रहेको छ । जसको प्रभावले हाल देशको पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा देखि आंशिक बदली रहेको छ। बागमती, गण्डकी र कर्णाली प्रदेशका पहाडी भूभागका एक–दुई स्थानमा चट्याङ्ग सहित हल्का वर्षा भइरहेको छ । आज दिउसो देशको पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा देखि आंशिक बदली रहनेछ । देशको पहाडी भूभागका थोरै स्थानहरूमा तथा बाँकी भूभागका एक–दुई स्थानमा…