jhapaonline add
गोपाल पोख्रेलशिवसताक्षी, ३१ साउन । मेची अंग्रेजी बोर्डिङ स्कुल, शिवसताक्षी–१० को आयोजनामा लागुऔषध दुर्व्यसन तथा घरेलु हिंसाविरुद्ध सचेतना अभिवृद्धि गर्ने उद्देश्यले प्यानल छलफल कार्यक्रम सम्पन्न भएको छ। कार्यक्रममा लागुऔषध दुर्व्यसन तथा घरेलु हिंसा न्यूनीकरणका उपाय, परिवार तथा समाजको भूमिका र युवालाई सकारात्मक तथा सिर्जनात्मक गतिविधिमा जोड्ने विषयमा छलफल गरिएको थियो। खेलकुद क्षेत्रका प्रतिनिधिले लागुऔषध दुर्व्यसन तथा घरेलु हिंसाविरुद्धको अभियानमा खेलकुदले खेल्न सक्ने भूमिकाबारे आफ्ना अनुभव र धारणा प्रस्तुत गरेका थिए। युवालाई खेलकुदलगायत सिर्जनात्मक, रचनात्मक तथा अनुशासित गतिविधिमा सहभागी गराउन सके उनीहरूलाई दुर्व्यसनबाट टाढा राख्न महत्वपूर्ण योगदान पुग्ने वक्ताहरूको भनाइ थियो। कार्यक्रमको औचित्यमाथि विद्यालयका प्रधानाध्यापक पदम कुँवरले प्रकाश पार्नुभएको थियो। कार्यक्रममा…
हल्दिबारी, ३१ साउन । स्थानीय तहको विकास, सुशासन, पारदर्शिता र जनउत्तरदायी शासन व्यवस्थालाई प्रभावकारी बनाउन पत्रकारिताको भूमिका अझ सशक्त हुनुपर्नेमा सरोकारवालाले जोड दिएका छन्। ग्रामीण प्रेस क्लब झापाको आयोजना तथा हल्दिबारी गाउँपालिकाको सहकार्यमा ‘स्थानीय तहको समग्र विकासमा पत्रकारिताको भूमिका’ विषयक अन्तरक्रिया कार्यक्रम शनिबार हल्दिबारी–२ स्थित नेपाल रेडक्रस सोसाइटीको सभाहलमा सम्पन्न भएको हो। हल्दिबारी गाउँपालिकाका अध्यक्ष रविन्द्र लिङ्देनको प्रमुख आतिथ्यमा सम्पन्न कार्यक्रममा उहाँले पत्रकारिता निष्पक्ष र जिम्मेवार हुनुपर्ने बताउनुभयो। पत्रकार समाजको ऐना भएको उल्लेख गर्दै उहाँले पत्रकारले उठाएका विषयले सही सूचना प्रवाहसँगै सकारात्मक परिवर्तन ल्याउन सहयोग पुग्ने बताउनुभयो। अध्यक्ष लिङ्देनले हल्दिबारी क्षेत्रका पत्रकारले गर्दै आएका सकारात्मक कामको प्रशंसा गर्दै पत्रकारको हित…
पिंगलास्थानस्थित ‘फिल्म क्याम्पस’को स्टुडियो थिएटरमा जारी नाटक ‘शत्रु’को मञ्चन सकिएको छ । शनिबार २१ शो मञ्चन गर्दै नाटक सकिएको हो । २१ शोमा ४ हजार बढी दर्शकले नाटक हेरेको नाटकका कलाकार राजु राज पुरीले जानकारी दिए । नेपाली साहित्यका शिखर पुरुष विश्वेश्वरप्रसाद (बिपी) कोइरालाद्वारा लिखित चर्चित मनोवैज्ञानिक कथा ‘शत्रु’लाई श्रीकृष्ण शाहीले नाट्य रूपान्तरण गरेका थिए । राम भजन कामत र पुष्पराज अवस्थीको संयुक्त परिकल्पना तथा निर्देशन रहेको नाटक कक्षा १० को पाठ्य पुस्तकमा पनि छ । प्रल्हाद खरेल, विपुल थापा, रेश्मा भट्टराई, उत्सव बुढाथोकी, राजु राज पुरी, सञ्जय चौधरी, महेश खड्का, अभिभ घिमिरे, जय प्रकाश वि.क. र नेहा महरा लगायतका…
नरिवल पानी कम क्यालोरी भएको, प्राकृतिक पेय पदार्थ हो । यसमा शरीरका लागि आवश्यक धेरै भिटामिन, खनिज र इलेक्ट्रोलाइट्स हुन्छ । यसमा पाइने पोटासियमले रक्तचाप नियन्त्रण गर्न मद्दत गर्छ भन्ने विश्वास गरिन्छ । म्याग्नेसियम सामान्य मांसपेशी र स्नायु कार्यको लागि आवश्यक छ । भिटामिन सी र एन्टिअक्सिडेन्टले शरीरको प्रतिरक्षा प्रणालीलाई पनि बलियो बनाउन मद्दत गर्छ । त्यसैले यो प्राकृतिक र पौष्टिक पेय पदार्थलाई नियमित सेवनको लागि सिफारिस पनि गरिन्छ । नरिवल पानी पिउनुका अनेक फाइदा छन् । झन् यसलाई बिहान खाली पेटमा पिउँदा त शरीरले झन् धेरै फाइदाहरू पाउँछ । यस्ता छन् फाइदाहरू शरीरलाई छिटो हाइड्रेट गर्न मद्दत गर्न सक्छ,…
झापा, ३१ साउन । स्थानीय बजारमा आज सुनको मूल्य तोलामा रु तीन हजार ६०० र चाँदी रु ५० ले बढेको छ । नेपाल सुनचाँदी व्यवसायी महासङ्घका अनुसार आज छापावाल एक तोला सुनको मूल्य रु तीन लाख पाँच हजार २०० कायम भएको छ । शुक्रबार एक तोला सुन रु तीन लाख एक हजार ६०० मा कारोबार भएको थियो । यसैगरी, चाँदीको मूल्य प्रतितोला रु चार हजार ७१० कायम भएको छ । शुक्रबार एक तोला चाँदी रु चार हजार ६६० मा कारोबार भएको थियो ।
काठमाडौँ, ३१ साउन । अविरल वर्षापछि भेरी नगरपालिका–२ जाजरकोट रिसाङमा पहिरोमा परी तीन जनाको मृत्यु भएको छ भने अन्य दुई जना हराइरहेका छन् । पहिरोमा परी घाइते भएका सोही नगरपालिका–२ साल्धाराका ५२ वर्षीय केदार कार्कीको उपचारको क्रममा मेडिकल कलेज कोहलपुरमा मृत्यु भएको छ । बेपत्ता चार जनामध्ये सोही ठाउँकी ५४ वर्षीया उमासिंह खत्री र ८३ वर्षीया रति खत्रीको शव फेला परेको सशस्त्र प्रहरी बल नेपालका सहप्रवक्ता शैलेन्द्र थापाले जानकारि दिनुभयो । सोही नगरपालिकाको चिसापानीका ७० वर्षीय भमीबहादुर कार्की र गैरीगाउँका १४ वर्षीय हरिस विकको अवस्था अज्ञात छ । उक्त पहिरोमा पुरिएका ६२ वर्षीय रामबहादुर शाही, ४५ वर्षीय सिद्धिबहादुर कामी, ५८…
बिर्तामोड, ३१ साउन । झापामा अनलाइन सट्टेबाजीमा संलग्न दुई प्रतिवादीको खाताबाट ३५ करोडभन्दा बढीको कारोबार भएको पाइएको छ । बिर्तामोड नगरपालिका–६ का ३६ वर्षीय भुवन मेचेको खाताबाट साढे २३ करोड र मेचीनगर नगरपालिका–१० का २७ वर्षीय विपिन गिरीको खाताबाट करिब १२ करोडको कारोबार भएको प्रहरीको अनुसन्धानबाट फेला परेको छ । मेचेको २५ वटाभन्दा बढी खाता भेटिएको छ । दुई वर्षको अवधिमा मेचेको ती खाताबाट १८ हजार ५०७ पटक कारोबार भएको प्रहरी अनुसन्धानले देखाएको छ । मेचेको साथबाट तीन थान सिमसहितका मोबाइल बरामद गरिएको थियो । मोबाइलमा प्रयोग भएका सिमहरू उनकै नाममा दर्ता रहेको छ । बरामद भएका मोबाइल खोली हेर्दा आइडी नं। १३६०८९७ मा चार लाख…
भोजपुर, ३१ साउन। पौवादुङमा गाउँपालिकाका महिला व्यावसायिक बङ्गुरपालनतर्फ आकर्षित भएका छन्। गाउँपालिकाले सञ्चालन गरेको ‘उपाध्यक्ष आत्मनिर्भर कार्यक्रम’मार्फत बङ्गुरका पाठापाठी र खोर निर्माणमा ५० प्रतिशत अनुदान पाएपछि महिला व्यावसायिक पशुपालनमा जोडिएका हुन्। गाउँपालिका–४ बास्तिमकी बर्तमाया राईले अनुदानबाट खोर निर्माणसँगै उन्नत जातका १० वटा बङ्गुरका पाठापाठी पाएपछि व्यावसायिक पालन सुरु गरेकी छन्। अनुदानले किसानलाई प्रारम्भिक लगानी जुटाउन सहज भएको र पशुपालनतर्फ आकर्षण बढेको स्थानीय किसान जयमारानी राईले बताइन्। गाउँपालिका अध्यक्ष किरण राईका अनुसार कार्यक्रमअन्तर्गत वडा नं. ४, ५ र ६ का किसानलाई बङ्गुरपालनका लागि अनुदान दिइएको छ। गत आर्थिक वर्षमा रु। ३० लाख बजेट विनियोजन गरी किसानको ५० प्रतिशत लागत साझेदारीमा रु।…
झापा, ३१ साउन। साउन शुक्ल तृतीयासँगै मिथिला क्षेत्रमा प्रसिद्ध झुलनोत्सव सुरु भएको छ। पर्व सुरु भएसँगै महोत्तरीसहित मिथिला क्षेत्रमा झुलागीत र भजन गुञ्जिन थालेका छन्। झुलनोत्सवमा राम–सीता तथा राधा–कृष्णका प्रतिमालाई कलात्मक झुलामा राखेर भक्तिगीत गाउँदै झुलाउने गरिन्छ। साउन पूर्णिमाका दिन समापन हुने यो पर्व मिथिलाको धार्मिक तथा सांस्कृतिक परम्परासँग जोडिएको छ। पर्वका अवसरमा महोत्तरीको मटिहानीस्थित लक्ष्मीनारायण मन्दिर, रामजानकी तथा राधाकृष्ण मन्दिर र विभिन्न वैष्णव मठमा विशेष झुला महोत्सव आयोजना गरिएको छ। मटिहानीमा शनिबार लक्ष्मीनारायणका प्रतिमालाई डोलीमा राखेर झुलाघर पुर्याएपछि औपचारिक रूपमा पर्व सुरु गरिएको हो। झुला उत्सवमा मैथिल लोकलयका झुला, मलार र कजरी गीत गाउने तथा भजनकीर्तन गर्ने परम्परा छ।…
झापा, ३१ साउन। वर्षायाम सुरु भएसँगै झापामा जापानिज इन्सेफ्लाइटिस (जेई) को सङ्क्रमण बढ्दै गएको छ। पछिल्लो पटक मेचीनगरका एक पुरुषमा सङ्क्रमण पुष्टि भएसँगै जिल्लामा जेई सङ्क्रमितको सङ्ख्या १० पुगेको स्वास्थ्य कार्यालय झापाले जनाएको छ। स्वास्थ्य कार्यालयका अनुसार सङ्क्रमितमध्ये पाँच जनाको मृत्यु भइसकेको छ। मृत्यु हुनेमा तीन पुरुष र दुई महिला छन्। हालसम्म मेचीनगरका चार, बिर्तामोडका दुई तथा हल्दिबारी, बाह्रदशी, कचनकवल र अर्जुनधाराका एक–एक जनामा जेई सङ्क्रमण पुष्टि भएको छ। कुल सङ्क्रमित १० जनामध्ये पाँच जनाको मृत्यु भएको, दुई जना उपचाररत रहेको र तीन जना उपचारपछि डिस्चार्ज भएका छन्। सङ्क्रमितमध्ये एक जना सात महिनाका बालकसमेत रहेको स्वास्थ्य कार्यालयका जनस्वास्थ्य निरीक्षक विश्वनाथ…