jhapaonline add
चन्द्र बस्नेतकनकाई, १८ माघ । राष्ट्रिय निजी तथा आवासीय विद्यालय एसोसिएसन नेपाल (एनप्याब्सन) झापाको १३ औं जिल्लास्तरीय खेलकुद तथा सांस्कृति कार्यक्रम अन्तर्गत बिहीबार भएको भलिबल तथा टेवल टेनिसको खेल सम्पन्न भएको छ । फाक्तालुङ एजुकेशन फाउण्डेशन कनकाईको प्राङ्गणमा भएको कक्षा–१० सम्मका छात्रातर्फको भलिबलको उपाधि पशुपति इंग्लिस स्कूल काँकरभिट्टाले जितेको छ । शिखर ज्योति दमकलाई ३–० को सोझो सेटमा पराजित गर्दै पशुपति इंग्लिस स्कूल काँकरभिट्टाले उपाधि उचालेको हो। त्यस्तै, छात्रतर्फ सोही विद्यालयबीच भएको प्रतिस्पर्धामा पशुपति इंग्लिस स्कूल काँकरभिट्टालाई ३–० को सोझो सेटमा नै पराजित गर्दै शिखर ज्योति दमकले उपाधि जितेको एनप्याब्सन झापाका कार्यवाहक अध्यक्ष ओमबिक्रम नेम्वाङले जानकारी दिनुभयो । उता, कनकाई…
झापा, १७ माघ । अमेरिकाबाट १३६५ नेपाली निष्कासनमा पर्ने भएका छन् । अमेरिकाले सार्वजनिक गरेको आफ्नो देशमा बस्दै आएका अवैध आप्रवासीको सूची निष्कासनमा पर्ने नेपालीको संख्या १ हजार ३६५ रहेको त्यहाँस्थित अध्यागमन कार्यालयले जनाएको छ , डोनाल्ड ट्रम्पले राष्ट्रपति पद सम्हालेसँगै अवैध आप्रवासीलाई आफ्नै देश फिर्ता पठाउने निर्णय गरेका थिए । उक्त अनुसार अमेरिकी अध्यागमन कार्यालयले आफ्नो देशमा बसिरहेका अवैध आप्रवासीको संख्या १४ लाख ४५ हजार ५ सय ४९ जना रहेको उल्लेख गरेको हो । अमेरिकाबाट बाहिरिने आप्रवासीमा सबैभन्दा धेरै होन्डुरसका २ लाख ६१ हजार छ सय ५१ जना रहेका छन् । ग्वाटेमालाका २ लाख ५३ हजार ४ सय १३,…
झापा, १७ माघ । हाल देशमा पश्चिमी वायुको प्रभाव छ । आज बिहान कोसी र गण्डकी प्रदेशका पहाडी भूभागको मौसम आंशिकदेखि साधारणतया बदली छ। बाँकी भागमा मौसम सफा रहेको मौसम पूर्वानुमान महाशाखाले जनाएको छ। तराईका धेरै स्थानमा अहिले हुस्सु र कुहिरो लागेको छ। आज दिउँसो कोशी, बागमती, गण्डकी र कर्णाली प्रदेशका पहाडी भूभागमा मौसम आंशिकदेखि साधारणतया बदली रहने छ। देशका बाँकी भूभागमा मौसम सफा रहनेछ। कोसी र गण्डकी प्रदेशका उच्च पहाडी तथा हिमाली भागका एक–दुई स्थानमा हल्का हिमपातको सम्भावना छ। त्यसैगरी आज राति देशका पहाडी भू(भागमा आंशिकदेखि साधारणतया बदली रहने छ। कोसी, गण्डकी र कर्णाली प्रदेशका पहाडी भूभागमा आंशिक बदली…
झापा, १७ माघ । भारतको उत्तर प्रदेशमा हिन्दूहरूको महाकुम्भ मेलामा बुधबार बिहान भागदौड हुँदा कम्तीमा ३० जनाको मृत्यु हुनुका साथै अन्य ६० जना घाइते भएको प्रहरीले जनाएको छ । गङ्गा, यमुना र सरस्वती नामको तीन नदीको सङ्गममा पवित्र स्नान गर्न मौनी अमावस्याको पवित्र दिन करिब १० करोड मानिस भेला भएको थिए । मृतक ३० मध्ये २५ जनाको सनाखत भइसकेको र बाँकी शवको पहिचान हुन बाँकी रहेको प्रहरीले जनाएको छ । एक वरिष्ठ प्रहरी अधिकारीले स्थानीय समय अनुसार बुधबार बिहान एकदेखि दुई बजेको बीचमा भागदौड भएको बताउनुभयो ।
चन्द्र बस्नेतकनकाई, १७ माघ । राष्ट्रिय निजी तथा आवासीय विद्यालय एसोसिएसन नेपाल (एनप्याब्सन) झापाको १३ औं जिल्लास्तरीय खेलकुद तथा सांस्कृति कार्यक्रम अन्तरगत बुधबार १३ वर्षमुनिको फुटलब प्रतियोगिताको उपाधि इष्ट होराइजन बोर्डिङ स्कूल धुलाबारीले जितेको छ। झापाको कनकाई नगरपालिका–२ स्थित जामुनखाडी सामुदायिक वनको प्राकृतिक खेल मैदानमा सम्पन्न प्रतियोगिता अन्तरगत फाइनल खेलमा वण्डरल्याण्ड इंग्लिस स्कूल केर्खालाई १–० गोल अन्तरले पराजित गर्दै इष्ट होराइजन बोर्डिङ स्कूल धुलाबारीले उपाधी चुमेको हो । त्यसैगरी, बुधबार नै फाक्तालुङ एजुकेशन फाउण्डेशन कनकाईको प्राङ्गणमा भएका कक्षा १० सम्मका पुरुष र महिलाका छुट्टाछुट्टै भलिबल प्रतियोगिता सम्पन्न भएको छ। पुरुष तर्फ भएको पहिलो प्रतियोगितामा फाक्तालुङ एजुकेशन फाउण्डेशन दुर्गापुरलाई पराजित गर्दै…
झापा, १७ माघ । आज माघ शुक्ल प्रतिपदा– तामाङ समुदायले विविध कार्यक्रम आयोजना गरी हर्षोल्लासपूर्वक सोनाम ल्होसार मनाउँदै छन् । प्रत्येक वर्ष माघ शुक्ल प्रतिपदाका दिन विभिन्न कार्यक्रम गरी सोनाम ल्होसार मनाइन्छ । मुसा, गाई, बाघ, खरायो, ड्रागन , सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ । ल्होसारमा १२ वटा जीवजन्तुका नामबाट ल्हो खोर्लो अर्थात् वर्ष चक्रका आधारमा हरेक वर्ष पुरानो वर्षलाई बिदाइ र नयाँ वर्षलाई स्वागत गरी धार्मिक र सांस्कृतिक विधिअनुसार यो पर्व मनाउने गरिन्छ । भूमिपूजा, कूलपूजा एवं दानदक्षिणा, ढोगभेट, नाचगान, मिठो परिकार बनाएर खाने र शुभकामना आदानप्रदान गरी…
भद्रपुर, १६ माघ । प्रतिनिधिसभाका सभामुख देवराज घिमिरे बिर्तामोड नगर अस्पताललाई लाखौं मूल्य बराबरको स्वास्थ्य तथा प्राविधिक सामग्री हस्तान्तरण गर्नुभएको छ । दातृ संस्था हेल्पिङ हेण्ड फर रिलिफ एण्ड डेभलपमेन्ट युएसएले वर्क फर नेपालको व्यवस्थापकीय सहयोगमा बिर्तामोड नगर अस्पताललाई प्रदान गरेको रू ६८ लाख बराबरको एक सय ३६ प्रकारका विभिन्न अस्पतालजन्य सामग्री सभामुख घिमिरेले हस्तान्तरण गर्नुभएको हो । झापाको बिर्तामोड–३ स्थित बिर्तामोड नगर अस्पताललाई स्वास्थ्य तथा प्राविधिक सामग्री हस्तान्तरण कार्यक्रममा सम्बोधन गर्नुहुँदै सभामुख घिमिरेले पछिल्लो समय सरकारी अस्पताल सुविधा–सम्पन्न बन्दै गएकाले आमनागरिकले गुणस्तरीय सेवा प्राप्त गर्न थालेको बताउनुभयो । “सरकारी अस्पताल निजी अस्पतालसहर सुविधा सम्पन्न भइरहेका छन्”, उहाँले भन्नुभयो, “स्वास्थ्य…
झापा, १६ माघ । बिर्तामोडमा पहिलो पटक आयोजना गरिएको गायत्री माताको पाँच दिवसीय अनुष्ठानको सम्पूर्ण तयारी पूरा भएको छ । माघ २१ गतेसम्म सञ्चालन हुने अनुष्ठानको विहीवार बिहान प्रतिनिधि सभा नेपालका सभामुख देवराज घिमिरेले कलसमा गंगाजल अर्पण गरेर निसान यात्राको प्रारम्भ गर्ने कार्यक्रम रहेको छ । बिहान ८ बजे बिर्तामोड ५ स्थित बालाजी मन्दिर परिसरमा आयोजित कार्यक्रमकाबीच सभामुख घिमिरेले कलसमा गंगाजल अर्पण गरेपछि शोभायात्रा प्रारम्भ हुने र पाँचसय भन्दा बढी भक्तजनको सहभागीतामा बिर्तामोड नगर परिक्रमापछि गायत्री मन्दिर परिसरमा पुगेर कलसयात्रा बिर्सजन हुने कार्यक्रम रहेको कार्यक्रम संयोजक रौनक वंशलले जानकारी दिए । जसका लागि सम्पूर्ण तयारी पूरा भएको छ । आचार्य…
डोल्पा, १६ माघ । डोल्पाको मुड्केचुला गाउँपालिका–४ ईल गाउँमा आज बिहान आगलागी हुँदा एक जनाको मृत्यु भएको छ । ईल गाउँस्थित बादी सार्कीको घरमा आगलागी हुँदा ७५ वर्षीया सार्कीको सुतेको अवस्थामा ज्यान गएको मुड्केचुला–४ का वडाध्यक्ष कृतिबहादुर बुढाले जानकारी दिनुभयो । उहाँका अनुसार आगलागीबाट सार्कीको कच्ची दुई तले घर पूर्णरूपमा क्षति भएको छ । वृद्धावस्था र शारीरिक अशक्तका कारण घरभित्र चुलो नजिक सुतिरहेको अवस्थामा ओढेको कम्मल जल्दा आगलागी भई सार्कीको निधन भएको हो । मृतक सार्कीका ज्वाइँ र छोरी खेत गएको बेला घरमा आगलागी भएको थियो । आगलागीपछि ईलस्थित प्रहरी चौकीका सुरक्षाकर्मी, स्थानीय, जनप्रतिनिधिलगायतले गोठमा भएका पशुचौपायाको सकुशल उद्धार गरेको…
झापा, १६ माघ । प्रेस सेन्टर नेपालको पाँचौँ राष्ट्रिय महाधिवेशन आगामी चैत १६ र १७ गते काठमाडौँमा हुने भएको छ । काठमाडौंमा भएको केन्द्रीय समितिको पाँचौँ बैठकले महाधिवेशनको निर्णय गरेको महासचिव सन्तोष पौडेलले बताए । सङ्गठनको २१ ओं स्थापना दिवसको अवसरमा आयोजना गरिएको केन्द्रीय समिति बैठकले महाधिवेशन सम्पन्न गर्न सचिवालय र विभिन्न उपसमितिहरू निर्माण गरिएको महासचिव पौडेलले जानकारी दिए । उनका अनुसार महाधिवेशन सम्पन्न गर्न मूल व्यवस्थापन समिति, प्रतिवेदन लेखन समिति, निर्वाचन समिति, अध्यक्ष मण्डल, प्रचार तथा प्रकाशन समिति, आर्थिक व्यवस्था समिति, सदस्य तथा प्रतिनिधि अभिलेखीकरण तथा अनुगमन समिति, अतिथि सत्कार समितिलगायतका समितिहरू निर्माण गरिएको छ । नेकपा माओवादी केन्द्रका…