jhapaonline add
भद्रपुर, १३ असार । झापा जिल्ला खेलकुद विकास समितिमा नवनियुक्त अध्यक्ष शेखर कँडेल र उपाध्यक्ष लक्ष्मी देवान राईले पदभार ग्रहण गरेका छन् । कोशी प्रदेश खेलकुद विकास बोर्डका नवनियुक्त सदस्य सचिव विप्लव घोषको प्रमुख आतिथ्यमा हिजो अपरान्ह समितिकै सभाहलमा आयोजित समारोहका बीच नवनियुक्त अध्यक्ष कँडेल र उपाध्यक्ष देवानले पद वहाली गरेका हुन् । यसअघिका अध्यक्ष भेषराज भण्डारी ‘प्रशान्त’ अध्यक्ष रहेको कार्यसमितिको पदावधि सकिएसँगै समितिमा नयाँ नेतृत्वय चयन भएको हो । झापा जिल्ला खेलकुद विकास समितिका कार्यालय प्रमुख विष्णुकुमार नेम्बाङले सञ्चालन गरेको समारोहमा नवनियmु अध्यक्ष कँडेल र उपाध्यक्ष देवानले माइन्युटबुकमा हस्ताक्षर गर्दै पदभार ग्रहण गरेका थिए । सो अवसरमा अध्यक्ष कँडेलले…
झापा, १३ असार । कोशी प्रदेश प्रहरीको लागू औषधविरुद्धको महाअभियान अन्तर्गत लागू औषधमुक्त समाज निर्माण गर्ने उद्देश्यका साथ लागू औषधमा संलग्न व्यक्तिहरूलाई पक्राउ गरी कानुनी दायरामा ल्याउने तथा लागू औषध ओसारपसार नियन्त्रण अभियान अन्तर्गत कोशी प्रदेश प्रहरी कार्यालय तथा मातहतका प्रहरी कार्यालयहरूबाट परिचालित प्रहरी टोलीले २ जनालाई पक्राउ गरेको छ । पक्राउ परेकाहरूको साथबाट ४ ग्राम ११० मिलिग्राम ब्राउन सुगर र बेवारिसे अवस्थामा १२० केजी गाँजा बरामद गरेको छ । इलाका प्रहरी कार्यालय कुमरखोदबाट खटिएको प्रहरी टोलीले भारतबाट नेपालतर्फ पैदल आउँदै गरेका इलाम चुलाचुली गाउँपालिका(३ का २६ वर्षीय विवेक राईलाई २ ग्राम ८२० मिलिग्राम ब्राउन सुगर सहित पक्राउ गरेको छ…
मोरङ, १३ असार । मोरङमा यस वर्ष चैते धानको उत्पादन बढेको छ। कृषि ज्ञान केन्द्र मोरङका अनुसार गत वर्षको तुलनामा यस वर्ष दुई हजार १९६ मेट्रिकटन बढी धान उत्पादन भएको हो। तर उत्पादन बढे पनि बजार मूल्य घटेका कारण किसान भने निराश बनेका छन्। कृषि ज्ञान केन्द्रका सूचना अधिकृत आदर्श सिंहका अनुसार गत वर्ष जिल्लामा एक लाख एक हजार ३७४ दशमलव १० मेट्रिकटन चैते धान उत्पादन भएको थियो। यस वर्ष त्यो बढेर एक लाख तीन हजार ५७० दशमलव ६० मेट्रिकटन पुगेको छ। यस वर्ष चैते धान खेती हुने क्षेत्रफल पनि विस्तार भएको छ। गत वर्ष १७ हजार ७५५ हेक्टरमा खेती…
बिर्तामोड, १३ असार । बिर्तामोड नगरपालिकाले ‘मेयर पकेट प्याकेज ग्रामिण बाख्रा साटासाट कार्यक्रम’ अन्तर्गत वडा नं. ९ मा रहेको पञ्चकन्या महिला समूहलाई बाख्रा वितरण गरेको छ। एक संक्षिप्त कार्यक्रममा नगर उपप्रमुख नगेन्द्रप्रसाद संग्रौलाले समूहका १५ जना सदस्यलाई प्रतिव्यक्ति तीनवटाका दरले जम्मा ४५ वटा बाख्रा र एउटा बीउ बोका हस्तान्तरण गर्नुभयो। कार्यपालिका सदस्य तथा आर्थिक विकास समिति संयोजक संगीता शिवाका अनुसार बाख्राहरू बिर्तामोड २ स्थित ओम नवज्योति कृषक समूहबाट ल्याएर पञ्चकन्या महिला समूहलाई वितरण गरिएको हो। कार्यक्रमअन्तर्गत एउटा समूहलाई बाख्रा उपलब्ध गराइएपछि एक वर्षपछि ती बाख्राबाट जन्मिएका सोही संख्याका पाठापाठी अर्को समूहलाई हस्तान्तरण गर्नुपर्ने व्यवस्था रहेको छ। वितरण गरिएका बाख्राको बीमा…
बिर्तामोड, १३ असार । झापाको बिर्तामोड नगरपालिका पूर्णखोप सुनिश्चित पालिका घोषित भएको छ । पूर्णखोप निर्देशिकाअनुसार बिर्तामोडका १० वटै वडामा रहेका १६ देखि ५९ महिनासम्मका सबै बालबालिकाले १५ महिनाको उमेरभित्र राष्ट्रिय खोप तालिकाअनुसार प्राप्त गर्नुपर्ने सम्पूर्ण खोप पाएको सुनिश्चित भएपछि नगरपालिकालाई पूर्णखोप सुनिश्चित पालिका घोषणा गरिएको छ । जनप्रतिनिधिहरूको उपस्थितिमा आयोजित कार्यक्रममा नगरपालिकाले नगर अस्पतालसहित सबै वडाका स्वास्थ्य संस्थाहरूलाई पूर्णखोप सुनिश्चितताको प्रमाणपत्र प्रदान गरेको छ। नगर प्रमुख पवित्रा महतारा प्रसाईंले अगामी आर्थिक वर्ष २०८३/०८४ मा पनि पूर्णखोप सुनिश्चितताको अवस्था कायम राख्ने प्रतिबद्धतासहित प्रतिबद्धता पत्रमा हस्ताक्षर गरिएको बताउनुभयो । नगर प्रमुख प्रसाईले कुनै पनि बालबालिका खोप पाउने अधिकारबाट वञ्चित हुन नहुने…
तनहुँ, १३ असार । पृथ्वीराजमार्गअन्तर्गत तनहुँको आँबुखैरेनी गाउँपालिका–२ मार्कीचोकमा कारको ठक्करबाट दुई बालबालिकाको मृत्यु भएको छ । भारतमा दर्ता भएको कारले ठक्कर दिँदा आँबुखैरेनी गाउँपालिका–२ निवासी छ वर्षीया सायना थापा र ५ वर्षीय उलियम थापाको मृत्यु भएको जिल्ला प्रहरी कार्यालयका प्रहरी नायब उपरीक्षक द्वारिकाप्रसाद घिमिरेले जानकारी दिनुभयो । शुक्रबार अपराह्न विद्यालयबाट घर फर्किरहेका उनीहरूलाई कारले ठक्कर दिएको हो । गम्भीर घाइते भएका उनीहरुको उपचारका क्रममा चितवनमा आज बिहान मृत्यु भएको हो ।
झापा, १३ असार । हाल कोशी, मधेश र बागमती प्रदेशका सम्पूर्ण क्षेत्र, गण्डकी प्रदेशको केही तथा लुम्बिनी प्रदेशको पूर्वी भेगका केही स्थानमा मनसुन वायुको प्रभाव रहेको छ । जल तथा मौसम पूर्वानुमान महाशाखाका अनुसार बाँकी अन्य क्षेत्रमा पश्चिमी तथा स्थानीय वायुको आंशिक प्रभाव रहेको छ । गण्डकी र लुम्बिनी प्रदेशका बाँकी भेग तथा कर्णाली र सुदूरपश्चिम प्रदेशका सम्पूर्ण क्षेत्रमा आगामी चारदेखि पाँच दिनभित्र मनसुन विस्तार हुने सम्भावना छ । हाल देशका हिमाली तथा पहाडी क्षेत्रमा साधारणतया बादल लागेको छ भने तराई क्षेत्रमा आंशिक बादल लागेको छ । कोशी, बागमती र गण्डकी प्रदेशका एक–दुई स्थानमा मेघगर्जन तथा चट्याङसहित हल्का वर्षा भइरहेको…
झापा, १२ असार । राष्ट्रिय स्वतन्त्र पार्टी (रास्वपा) को महाधिवेशन अन्तर्गत केन्द्रीय सदस्य चयनका लागि भएको निर्वाचनको मतपरिणाम सार्वजनिक भएको छ । ९९ केन्द्रीय सदस्यका लागि ३८४ उम्मेदवार थिए ।
झापा, १२ असार । नेपाल चिया उत्पादक सङ्घले बन्द रहेका चिया उद्योग आजदेखि पुनःसञ्चालन गर्ने तथा बन्दका कार्यक्रम स्थगन गर्ने निर्णय गरेको छ । भारततर्फ चिया निर्यातमा देखिएको समस्याका कारण बन्द गरिएका झापा र इलामका चिया उद्योग पुनःसञ्चालनमा ल्याइने भएका हुन् । नेपाल चिया उत्पादक सङ्घले आज जारी गरेको विज्ञप्तिमा सरकारबाट चिया क्षेत्रका समस्यालाई समाधान गर्ने आश्वासन प्राप्त भएपछि उद्योग पुनःसञ्चालन गर्ने निर्णय गरिएको जनाएको छ । “चिया निर्यातमा देखिएका व्यापारिक तथा प्राविधिक समस्या समाधान गर्न, किसानले भोग्दै आएका समस्या पहिचान र नेपाली चियाको अन्तर्राष्ट्रिय बजार प्रवद्र्धन गर्ने दीर्घकालीन जिम्मेवारीसहित सरकारले विशेष कार्यदल गठन गरेको कार्यदललाई सङ्घले सकारात्मक रुपमा लिएको…
झापा, १२ असार । भेनेजुएलाको राजधानी काराकास आसपास बुधबार साँझ ७.२ र ७.५ म्याग्निच्युडका दुई शक्तिशाली भूकम्प जाँदा कम्तीमा १६४ जनाको मृत्यु भएको छ भने ९७० भन्दा बढी घाइते भएका छन्। सरकारले यो सन् १९०० यताकै सबैभन्दा शक्तिशाली भूकम्पमध्ये एक भएको जनाएको छ। भूकम्पका कारण राजधानी तथा तटीय राज्य ला गुएरामा धेरै भवन ध्वस्त भएका छन् र उद्धारकार्य जारी छ। उपकरण र जनशक्तिको अभावका कारण खोज तथा उद्धार कार्य प्रभावित भएको अधिकारीहरूले बताएका छन्। फ्रान्स, स्पेन, अमेरिका लगायतका देशहरूले उद्धार टोली र मानवीय सहायता पठाउने घोषणा गरेका छन्। क्षतिको अवस्था हेर्दा मृतक सङ्ख्या अझ बढ्न सक्ने अनुमान गरिएको छ।