झापा, १२ साउन । आर्थिक वर्ष २०८१/८२ मा मेची भन्सार कार्यालयबाट चिया निर्यातमा उल्लेखनीय वृद्धि भएको छ। कार्यालयका अनुसार साउनदेखि असारसम्मको अवधिमा रु ४ अर्ब २१ करोड ३५ लाख ९२ हजार बराबरको १५,४१६.७५६ मेट्रिक टन चिया विदेश निर्यात गरिएको हो। यो अघिल्लो वर्षको तुलनामा ३२.५० प्रतिशतले वृद्धि हो।
त्यस्तै, अलैँचीको निर्यातमा भने ३.२० प्रतिशतको गिरावट देखिएको छ। २०८१/८२ मा रु ७ अर्ब ६७ करोड ४० लाख ३७ हजार बराबरको अलैँची निर्यात हुँदा अघिल्लो वर्ष उक्त परिमाण रु ७ अर्ब ९३ करोड ९ लाख ९० हजार रहेको थियो।
अन्य वस्तुहरूको निर्यातमा मिश्रित प्रवृत्ति देखिएको छ:
भेनियर सिट: ७२.३०% वृद्धि
फलामे पाता: १.८% वृद्धि
प्लाइउड: ७.६०% वृद्धि
मोलासिस: २४७.५०% वृद्धि
सिमेन्ट क्लिङ्कर: १३% वृद्धि
अदुवा: ६०.७०% कमी
अम्रिसो: १४.९०% कमी
छुर्पी: १.५% कमी
यो आर्थिक वर्षमा मेची भन्सारबाट रु २५ अर्ब १३ करोड ९७ लाख ५० हजार बराबरको मालवस्तु निर्यात भएको तथ्याङ्क कार्यालयले सार्वजनिक गरेको छ।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
