झापा, १४ पुस । सुन्तला जाडो मौसमको ‘सुपरफुड’ हो, तर के तपाईलाई थाहा छ ? यसको गुदी मात्र होइन, बोक्रा पनि स्वास्थ्यका लागि कुनै खजानाभन्दा कम छैन।
धेरैजसो मानिसहरू सुन्तला खाएपछि यसको बोक्रा डस्टबिनमा फ्याँक्छन्, तर सुन्तलाको बोक्रामा भिटामिन ‘सी’, फाइबर, क्याल्सियम, फ्लेभोनोइड्स र एन्टिअक्सिडेन्ट प्रशस्त मात्रामा पाइन्छ। यदि तपाईंले यसलाई सही तरिकाले आफ्नो खानपानमा समावेश गर्नुभयो भने धेरै रोगहरूबाट बच्न सक्नुहुन्छ र रोग प्रतिरोधात्मक क्षमता पनि बलियो बनाउन सक्नुहुन्छ।
सात फाइदा
१. रोग प्रतिरोधात्मक क्षमता ९इम्युनिटी० बलियो बनाउँछ
सुन्तलाको बोक्रामा गुदीभन्दा बढी भिटामिन सी र एन्टिअक्सिडेन्ट हुन्छ। यसले शरीरमा भाइरल र ब्याक्टेरियल संक्रमणसँग लड्ने क्षमता बढाउँछ।
२. तौल घटाउन निकै फाइदाजनक
सुन्तलाको बोक्रामा पाइने प्राकृतिक फाइबरले मेटाबोलिजमलाई तीव्र बनाउँछ र बोसो पगाल्ने प्रक्रियालाई सक्रिय गर्छ। सुन्तलाको बोक्राको चिया वा धुलोले भोक नियन्त्रण गर्छ र धेरै खाने बानीबाट रोक्छ। त्यसैले यसलाई तौल घटाउने डाइटमा अवश्य समावेश गरिन्छ।
३. पाचन प्रक्रियामा सुधार गर्छ
सुन्तलाको बोक्रामा पाइने फाइबरले पाचनमा सुधार गर्छ। यसबाट ग्यास, एसिडिटी र पेट फुल्ने समस्यामा निकै राहत मिल्छ। नियमित सेवनले आन्द्राको सफाइ गर्छ र कब्जियत जस्ता समस्यालाई कम गर्छ।
४. उच्च कोलेस्ट्रोललाई नियन्त्रण गर्छ
बोक्रामा पाइने फ्लेभोनोइड्सले शरीरमा खराब कोलेस्ट्रोल घटाउँछ र राम्रो कोलेस्ट्रोल बढाउँछ। यसले मुटुको स्वास्थ्य राम्रो बनाउँछ र मुटुसम्बन्धी रोगको जोखिम कम गर्छ।
५. सुगर लेभल सन्तुलित गर्छ
धेरै अध्ययनका अनुसार सुन्तलाको बोक्रामा ग्लुकोज मेटाबोलिजमलाई नियन्त्रणमा राख्ने तत्त्वहरू पाइन्छन्। मधुमेहका बिरामीहरूका लागि यो निकै फाइदाजनक मानिन्छ, विशेषगरी बोक्राको प्राकृतिक चिया।
६. छालालाई चम्किलो र सफा बनाउँछ
सुन्तलाको बोक्रा एन्टी(ब्याक्टेरियल र एन्टी(फंगल गुणले भरिपूर्ण हुन्छ। यसले छालाबाट कालो दाग, चिल्लो र पिम्पल्स कम गर्छ। यसको धुलोलाई फेसप्याकको रूपमा लगाउँदा छाला तुरुन्तै चम्किलो हुन थाल्छ।
७. शरीरलाई डिटक्स (विषाक्त पदार्थ बाहिर निकाल्ने) गर्छ
सुन्तलाको बोक्राले शरीरबाट विषाक्त पदार्थ (टक्सिन) बाहिर निकाल्न मद्दत गर्छ। यसले पाचन प्रणाली मात्र होइन, छाला र कपालको स्वास्थ्य पनि राम्रो बनाउँछ। सुन्तलाको बोक्रा सधैं राम्ररी धोएर र सुकाएर मात्र प्रयोग गर्नुहोस्। यसलाई धुलो, चिया वा क्यान्डीको रूपमा खान सकिन्छ।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
