‘कोशेढुङ्गा’ भदौ १२ गतेदेखि सार्वजनिक प्रदर्शनमा आउने फिल्म हो । फिल्मले नयाँ गीत ‘भँगेरा भँगेरी’ सार्वजनिक गरेको हो । गीतमा प्रेमिप्रेमिकाले एकअर्कालाई जिस्काउँदै प्रेम साटेको देखाइएको छ । भँगेरा र भंगेरीको मायालाई बिम्ब बनाएर तयार गरिएको गीतमा बैँस साट्ने मायालु जोडीको कथा छ ।
रिदम कँडेल र बेनिशा पौडेलको स्वर रहेको गीतमा सङ्गीत रिदम कँडेलले दिएका छन् । बिदुर तिमल्सिना ९देवदूत०को शब्द रहेको गीतमा कलाकार सुरक्षा पन्त र मन्जिल कुमारको अभिनय छ ।
सरोज पौडेलको निर्देशन रहेको फिल्म नरदेवी फिल्मसको प्रस्तुति र सारङ्गी फिल्मस्को सहकार्यमा बनेको हो । फिल्ममा सुरक्षा पन्त, आर्यन सिग्देल, ऋचा शर्मा, मन्जिल कुमार, नीति शाह, प्रवीण खतिवडा, सरोज खनाल, विशाल पहाडी, हिउवाला गौतम, दिनेश काफ्ले, लोकमणि सापकोटा लगायतको अभिनय छ ।
प्रेविल कँडेल र किशोर अनुराग निर्माता रहेको फिल्मको कार्यकारी निर्माता दिनेश खड्का हुन् । बाबु श्रेष्ठले छायाङ्कन गरेको फिल्ममा नहकुल खड्काको सम्पादन, आशिष अविरल र रिदम कँडेलको सङ्गीत छ ।
‘कोशेढुंगा’लाई प्याट्रिक सुवेदी र रमेश ढकालको सेभेन सिज इन्टरनेसनलले अन्तर्राष्ट्रिय बजारमा वितरण गर्दैछ ।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
