झापा अनलाइन

बिर्तामोड, ८ कात्तिक । प्रथम संस्करणको झापा महिला गोल्डकप अन्तर्राष्ट्रिय आमन्त्रण नकआउट फुटबल प्रतियोगिता २०८२ लाई लाइभ भिन्टेज डेनिम (एलभिडी) ले मुख्य प्रायोजन गर्ने भएको छ ।गोल्डकप र पुरुषले लगाउने कपडा (मेन्स वेयर) कम्पनी एलभिडीबीच मुख्य प्रायोजक ९टाइटल स्पोन्सर० का रुपमा सम्झौता भएको हो । एलभिडीले मुख्य प्रायोजकका रुपमा पहिलोपटक सहयोग गरेको जनाएको छ । अब ‘एलभिडी झापा महिला गोल्डकप’ को रुपमा प्रतियोगिता सञ्चालन हुनेछ । एलभिडीले यसअघि झापामा भएको फुटबलमा पनि प्रायोजन गरेको थियो । कम्पनीका प्रमुख सञ्चालन अधिकृत ९सिओओ० सौरभ श्रेष्ठले झापा महिला गोल्डकपसँग जोडिन पाएकोमा खुसी व्यक्त गरे ।नेपालमा १० वर्षदेखि सञ्चालनमा रहेको एलभिडीले महिला खेलाडीको प्रोत्साहनका…

झापा, ७ कात्तिक । झापाको बिर्तामोड नगरपालिका–१०, फेसबुक चोकस्थित खेतमा करेन्ट लागेर एक महिलाको मृत्यु भएको छ। आज दिउँसो १२:१५ बजेको समयमा तालामाई मर्डी (५५) को करेन्ट लागेर घटनास्थलमै मृत्यु भएको जिल्ला प्रहरी कार्यालयले जनाएको छ। स्थानीय कुमार मगरको घरबाट बिजुली ल्याई आफ्नो घरमा बाल्ने क्रममा विद्युत् आपूर्ति बिग्रिएपछि मर्डी तार जाँच्न खेततर्फ गएकी थिइन्। सोही क्रममा करेन्ट लागेर घोप्टो परेकी मर्डी मृत अवस्थामा फेला परेको प्रहरीले जनाएको छ। घटनाको थप अनुसन्धान तथा कानुनी प्रक्रिया अघि बढाउन इलाका प्रहरी कार्यालय अनारमनीबाट प्रहरी निरीक्षक सन्तोष राईको कमाण्डमा SOCO (Scene of Crime Officer) सहितको टोली घटनास्थलमा खटिएको थियो। मृतकको शव पोष्टमार्टमका लागि…

झापा, २९ असोज । झापाको कनकाई–७ स्थित फक्ताङलुङ एजुकेसन फाउण्डेसन, दुर्गापुरमा तीन दिवसीय विविध खेलकुद गतिविधि सुरु भएको छ।  विद्यालयको वार्षिक क्यालेन्डरअनुसार प्रत्येक वर्ष सञ्चालन हुँदै आएको कार्यक्रम यस वर्ष २०८२ सालको वार्षिक कार्यतालिकाअन्तर्गत आज बुधबारदेखि शुक्रबारसम्म सञ्चालन हुने विद्यालयले जनाएको छ। शिक्षक ईमानसिङ्ग फ्याक (लिम्बू) का अनुसार प्रतियोगितामा फुटबल, भलिबल, कराते, टेबलटेनिससहित ४० भन्दा बढी खेल विधा समावेश छन्। कार्यक्रमको उद्घाटन विद्यालयका अध्यक्ष दुर्गा नेम्वाङको अध्यक्षतामा वडा नं. ७ का अध्यक्ष भीष्मभूषण सिटौलाले गर्नुभयो। उद्घाटन समारोहमा अध्यक्ष सिटौलाले शिक्षा क्षेत्रको समुन्नतिका लागि सबै पक्ष एकजुट हुनुपर्नेमा जोड दिँदै निजी क्षेत्रको योगदानलाई महत्वपूर्ण बताउनुभयो। उहाँले सरकारी शिक्षालाई उत्कृष्ट बनाउन स्थानीय…

झापा, २९ असोज । झापाको गौरादह नगरपालिका वडा नं. १ स्थित कृषिबजार क्षेत्रमा प्रहरीले अवैध रूपमा लुकाई छिपाई ल्याइएका पटका बरामद गरेको छ।  बुधबार बिहान १०:३० बजे इप्रका गौरादहबाट प्रबनानि चन्द्रीका कुमार श्रेष्ठको नेतृत्वमा खटिएको गस्ती टोलीले गौरीगंजबाट गौरादहतर्फ आउँदै गरेको नम्बर नखुलेको मोटरसाइकलमा लुकाई ल्याइएका दुई बोरा आलुबम खोर्साने पटका फेला पारेको हो। प्रहरी टोलीलाई देखेपछि संलग्न व्यक्ति मोटरसाइकलसहित सामान छाडी फरार भएका थिए। बरामद गरिएको पटका इप्रका गौरादहमा राखिएको छ। बरामद पटकाको अनुमानित मूल्य रु. ५०,००० रहेको प्रहरीले जनाएको छ। घटनाबारे थप अनुसन्धान भइरहेको छ।

भारत, २९ असोज । भारतीय राज्य राजस्थानको जैसलमेर जिल्लामा मंगलबार दिउँसो भएको एक भीषण बस दुर्घटनामा २० जनाको ज्यान गएको छ। सर्ट सर्किटका कारण निजी एसी स्लिपर बसमा आगलागी हुँदा तीन दर्जनभन्दा बढी यात्रु गम्भीर रूपमा घाइते भएका छन्। भारतीय सञ्चारमाध्यमका अनुसार, लगभग ७० प्रतिशत शरीर जलेका १६ जनालाई जोधपुरस्थित मथुरादास अस्पतालमा भर्ना गरिएको छ भने अन्य घाइतेहरूको उपचार जैसलमेरको जवाहर अस्पतालमा भइरहेको छ। मृतक संख्या अझै बढ्न सक्ने अनुमान गरिएको छ। दुर्घटनाग्रस्त बस जैसलमेरबाट जोधपुर जाँदै थियो र बसमा जम्मा ५७ जना यात्रु सवार थिए। पोखरणका विधायक प्रताप पुरीले घटनामा २० जनाको मृत्यु भएको पुष्टि गरेका छन्। रिपोर्टअनुसार, बसको…

झापा, २९ असोज । उच्च शिक्षा अध्ययनका लागि विदेश जाने विद्यार्थीमार्फत ठूलो मात्रामा रकम विदेशिएको पाइएको छ । नेपाल राष्ट्र बैंकले सार्वजनिक गरेको चालु आवको दोस्रो महिनाको आर्थिक विवरणअनुसार, भदौमा मात्रै विदेश जाने विद्यार्थीले रु ३२ अर्ब ७६ करोड लगेका छन् । अघिल्लो वर्षको सोही अवधिमा यस्तो रकम रु २८ अर्ब २० करोड थियो । समीक्षा अवधिमा सेवा खाताअन्तर्गत भ्रमण व्यय नौ दशमलव छ प्रतिशतले वृद्धि भई रु ४७ अर्ब ३१ करोड पुगेको छ । अघिल्लो वर्षको सोही अवधिमा भ्रमण व्यय रु ४३ अर्ब १८ करोड रहेको थियो । यस्तै, खुद सेवा आय रु ३१ अर्ब १६ करोडले घाटामा रहेको…

बझाङ, २९ असोज । गएराति १ः०८ बजे बझाङको दान्तोला क्षेत्रमा ४.९ म्याग्निच्युडको भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार भूकम्पको धक्का बझाङसहित आसपासका जिल्लाहरूमा पनि महसुस गरिएको थियो। मध्यरातमा आएको भूकम्पले स्थानीयबासीमा त्रास फैलिएको भए पनि हालसम्म कुनै क्षतिको विवरण प्राप्त नभएको जिल्ला प्रहरी कार्यालयले जनाएको छ। यसअघि असोज १० गते रामेछापको भटौली केन्द्रबिन्दु भएर ४.० म्याग्निच्युडको भूकम्प गएको थियो। असोज १ गते पूर्वी रुकुम र बाग्लुङको सीमा क्षेत्र पातिहाल्ने भञ्ज्याङ केन्द्रबिन्दु भएर ४।६ म्याग्निच्युडको भूकम्प गएको थियो। भूकम्पविद्हरुका अनुसार नेपाल भौगोलिक रूपमा भूकम्पीय जोखिमयुक्त क्षेत्र हो, जहाँ यस्ता कम्पनहरू सामान्य मानिन्छन्।

इलाम, २९ असोज । मेची राजमार्गको विकल्पका रूपमा रहेको तिल्केनी–सिमलगोलाई सडकखण्ड बुधबारदेखि सञ्चालनमा आउने भएको छ । माइजोगमाई गाउँपालिका–४ नामसालिङ र इलाम नगरपालिका–१० गोदक जोड्ने जोगमाई खोलामा डाइभर्सन निर्माण भएपछि साना सवारी साधन सञ्चालनको तयारी गरिएको हो । सडक डिभिजन इलामका प्रमुख पवन भट्टराईका अनुसार, खोलामा आठवटा ह्युमपाइप र हाइड्रोपावरको टेलरेस्ट तीन टुक्रामा बिच्छ्याएर पानी कटाइएको छ । डाइभर्सन निर्माणमा चारवटा एक्साभेटर प्रयोग गरिएको थियो । गत असोज १८ गतेको बाढीले जोगमाई खोलाको बेलिब्रिज बगाएपछि वैकल्पिक सडक निर्माण गरिएको हो । इलाम–राजदुवाली सडक अवरुद्ध भएपछि यात्रु र यातायात व्यवसायीलाई सास्ती भएको थियो । प्रमुख जिल्ला अधिकारी सुनिता नेपालले तिल्केनी–सिमलगोलाई सडकखण्डलाई…

झापा, २९ असोज । नेपाल राष्ट्र बैंकले आज लागि विदेशी मुद्राहरूको विनिमयदर निर्धारण गरेको छ। आज अमेरिकी डलर, कुबेती र बहराइन दिनारको मूल्य बढेको छ। तर, अस्ट्रेलियन डलर, युरो, पाउन्डसहित कतिपय मुद्राको भने मूल्य घटेको नेपाल राष्ट्र बैंकले जनाएको छ। आज अमेरिकी डलर १ को खरिदर १४१ रुपैयाँ ७८ पैसा र बिक्रीदर १४२ रुपैयाँ ३८ पैसा छ। हिजो अमेरिकी डलर १ को खरिदर १४१ रुपैयाँ ५८ पैसा र बिक्रीदर १४२ रुपैयाँ १८ पैसा थियो। त्यसैगरि आज युरो १ को खरिदर १६३ रुपैयाँ ८५ पैसा र बिक्रीदर १६४ रुपैयाँ ५४ पैसा छ। हिजो युरो १ को खरिदर १६४ रुपैयाँ र बिक्रीदर…

झापा, २९ असोज । देशभर आज मौसम सफा रहने छ । देशभर कुनै उल्लेखनीय मौसम प्रणालीको प्रभाव नरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । महाशाखाका अनुसार आज दिउँसो कोशी, गण्डकी र सुदूरपश्चिम प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहनेछ । कोशी प्रदेशको पहाडी भूभागका एकदुई स्थानमा हल्का वर्षाको सम्भावना छ । त्यसैगरी, आज राति देशभर मौसम मुख्यतया सफा रहने महाशाखाले जनाएको छ ।