झापा अनलाइन

झापा, २८ असोज । ओमानमा जारी आइसिसी पुरुष टी–२० विश्वकप एसिया तथा इस्ट एसिया प्यासिफिक छनोटको सुपर सिक्स अन्तर्गत नेपालले कतारलाई पाँच रनले पराजित गर्दै लगातार दोस्रो जित दर्ता गरेको छ। अल अमिरतस्थित ओमान क्रिकेट एकेडेमी टर्फ–१ मा सोमबार सम्पन्न खेलमा नेपालले १४७ रनको लक्ष्य दिएको थियो। जवाफमा कतार १९.५ ओभरमा १४२ रनमै अलआउट भयो। नेपालका लागि सन्दीप लामिछानेले पाँच विकेट लिए भने नन्दन यादवले दुई र दीपेन्द्रसिंह ऐरीले एक विकेट लिए। कतारका ओपनर इमाल लियानागेले ५५ रन र जुबेर अलीले ५२ रन बनाए। यसअघि टस हारेर पहिले ब्याटिङ गरेको नेपालले २० ओभरमा ९ विकेट गुमाएर १४७ रन बनाएको थियो।…

झापा, २८ असोज । नेपालीहरूको दोस्रो ठूलो चाड तिहार नजिकिँदै गर्दा सयपत्री फूलको माग झापामा तीव्र रूपमा बढेको छ। लक्ष्मी पूजा, घर सजावट, भाइटीकामा माला लगाउने र अतिथिलाई स्वागत गर्न सयपत्रीको प्रयोग बढेसँगै माग उच्च भएको हो। विर्तामोड–७ का फूल किसान विवेक साहले दुई बिघा जमिनमा ८० हजार बिरुवा रोपेर व्यावसायिक खेती गर्दै आएका छन्। उनले हाल दैनिक ३०० माला बिक्री गर्दै विर्तामोड, दमक र विराटनगरका व्यापारीलाई आपूर्ति गरिरहेका छन्। फूल टिप्ने र माला बनाउने कार्यमा स्थानीयलाई रोजगारी पनि दिइएको छ। साहका अनुसार गत हप्ता आएको अविरल वर्षाले करिब १० हजार माला बराबरको फूल नष्ट भएको छ। तिहारमा एक लाख…

झापा, २८ असोज । हाल देशभर कुनै उल्लेखनीय मौसम प्रणालीको प्रभाव रहेको छैन । आज दिउँसो कोशी प्रदेश, गण्डकी प्रदेश र सुदूरपश्चिम प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहने छ । कोशी प्रदेशको पहाडी भू–भागका एक–दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ । आज राति देशभर मौसम मुख्यतया सफा रहने छ ।

झापा, २८ असोज । नेपाली विद्यार्थी विपिन जोशीको शव हमासले इजरायललाई हस्तान्तरण गरेको पुष्टि भएको छ। यससँगै हमासको आक्रमणमा मारिएका नेपालीको संख्या ११ पुगेको छ। गाजामा बन्धक बनाइएका नेपाली विद्यार्थी विपिन जोशीको शव सोमबार राति रेडक्रसमार्फत इजरायली सेनालाई हस्तान्तरण गरिएको छ। टाइम्स अफ इजरायलका अनुसार विपिनसहित गाइ इलाउज, योशी शाराबी र ड्यानियल पेरेजको शव प्राप्त भएको पुष्टि इजरायली सेनाले गरेको हो। चारै शवलाई तेल अभिभस्थित अबु काबिर फरेन्सिक इन्स्टिच्युटमा पुर्‍याइएको छ, जहाँ पहिचानका लागि डीएनए परीक्षण सुरु गरिएको छ। नेपालका राजदूत धन प्रसाद पण्डितले शव इजरायल आइपुगेको जानकारी दिएका छन्। विपिन जोशी कञ्चनपुरको भीमदत्त नगरपालिका–३ भाँसीका बासिन्दा हुन्। उनी ‘लर्न…

झापा, २७ असोज । कोशी प्रदेश सरकारले चालु आर्थिक वर्षको बजेटमा २५ प्रतिशत कटौती गर्ने निर्णय गरेको छ। आज बसेको मन्त्रिपरिषद् बैठकले उक्त बजेट कार्यान्वयनमा नल्याउने गरी रोक्का गर्ने निर्णय गरेको हो। प्रदेश सरकारका आन्तरिक मामिला तथा कानुनमन्त्री रेवतीरमण भण्डारीका अनुसार भदौ २३ र २४ गतेको जेनजी प्रदर्शनका क्रममा भएको तोडफोड तथा आगजनी र हालैको बाढी–पहिरोबाट क्षतिग्रस्त संरचनाको पुनर्निर्माणका लागि बजेट कटौती गरिएको हो। बैठकले भौतिक पूर्वाधार विकास मन्त्रालयको सचिवमा मिलन आचार्य र पर्यटन, वन तथा वातावरण मन्त्रालयको सचिवमा प्रदेशका एघारौँ तहका इन्द्र सापकोटालाई नियुक्त गर्ने निर्णय पनि गरेको छ। साथै, विपद् पछिको पुनर्निर्माणमा मात्रै खर्च गर्ने गरी रकमान्तर खुला…

झापा, २७ असोज । नेपाल प्रहरीका संगठन प्रमुख तथा प्रहरी महानिरीक्षक चन्द्र कुबेर खापुङले कोशी प्रदेश प्रहरी कार्यालय विराटनगरको निरीक्षण भ्रमण गरेका छन्। भ्रमणका क्रममा उनले देश, नागरिक र संगठनको आवश्यकतालाई महसुस गर्दै गर्वका साथ प्रहरी सेवा प्रदान गर्न सम्पूर्ण प्रहरी कर्मचारीलाई निर्देशन दिएका छन्। कोशी प्रदेश प्रहरी प्रमुख प्रहरी नायब महानिरीक्षक ईश्वर कार्कीसहितका अधिकृतहरूले खापुङलाई स्वागत गरेका थिए। उनलाई प्रहरीको एक टुकडीले सलामी अर्पण गरेको थियो। उनले अमर प्रहरी स्मारकमा पुष्पहार अर्पण गर्नुका साथै परिसरमा रहेको पलाञ्चोक भगवती मन्दिरमा पूजा अर्चना र वृक्षारोपण पनि गरेका थिए। सभाहलमा आयोजित निर्देशन कार्यक्रममा महानिरीक्षक खापुङले प्रहरी संगठनले विगतमा विभिन्न आरोह-अवरोह पार गर्दै…

झापा, २७ असोज । त्रिभुवन अन्तर्राष्ट्रिय विमानस्थलको भन्सार क्षेत्रबाट अवैध लागूऔषध गाँजासहित तीन भारतीय नागरिकलाई प्रहरीले पक्राउ गरेको छ। पक्राउ पर्नेमा ५० वर्षीय सलिम इब्राहिम अन्सारी, २४ वर्षीय रेहान मोहम्मद अजाज शेख र ३२ वर्षीया जैनब वशीर रहेका छन्। उनीहरू एयर एसियाको उडानमार्फत बैङ्ककबाट काठमाडौँ आएका थिए। केन्द्रीय प्रहरी प्रवक्ता तथा प्रहरी नायब महानिरीक्षक विनोद घिमिरेका अनुसार विमानस्थल सुरक्षा कार्यालय र भन्सार कार्यालयबाट खटिएको संयुक्त टोलीले जाँच गर्ने क्रममा करिब ११ किलो २७५ ग्राम गाँजा बरामद गरेको हो। पक्राउ परेकाहरूलाई आवश्यक अनुसन्धान तथा कारबाहीका लागि लागूऔषध नियन्त्रण ब्यूरोमा पठाइएको प्रवक्ता घिमिरेले जानकारी दिए।

फिक्कल, २७ असोज । मेची राजमार्गअन्तर्गत इलाम नगरपालिका–९ स्थित इलाम–राजदुवाली सडक खण्ड पहिरोका कारण अवरुद्ध भएपछि वैकल्पिक मार्गको रूपमा तिल्केनी–सिमलगोमा यातायात सञ्चालनको तयारी थालिएको छ। जोगमाई खोलामा डाइभर्सन निर्माण गरी साना सवारी सञ्चालनको प्रयास भइरहेको प्रमुख जिल्ला अधिकारी सुनिता नेपालले जानकारी दिइन्। माइजोगमाई गाउँपालिका–४ नामसालिङ र इलाम नगरपालिका–१० गोदक जोड्ने खोलामा १० वटा ह्युम पाइपमार्फत डाइभर्सन निर्माण भइरहेको छ। डाइभर्सन र पहुँच मार्ग आज साँझसम्ममा सम्पन्न गर्ने योजना रहेको सडक डिभिजन कार्यालय इलामका प्रमुख पवन भट्टराईले बताए। असोज १८ गतेको भारी वर्षापछि आएको बाढीले गत असारमा निर्माण गरिएको बेलिब्रिज बगाएपछि उक्त सडक खण्ड पूर्ण रूपमा अवरुद्ध भएको हो। यसले इलाम…

बिर्तामोड, २७ असोज । नेपाल उद्योग वाणिज्य महासंघका केन्द्रीय सदस्य तथा बिर्तामोड उद्योग वाणिज्य संघका पूर्व अध्यक्ष उमेश थालमियाले ‘व्यवसायी सदस्य राहत कोष’मा २५ हजार रुपैयाँ सहयोग गरेका छन्। उनले आफ्नो जन्मदिनको अवसर पारेर एक करोडको लक्ष्यसहित स्थापना गरिएको कोषमा उक्त रकम हस्तान्तरण गरेका हुन्। बिर्तामोड उद्योग वाणिज्य संघका अध्यक्ष राजु न्यौपानेलाई रकम हस्तान्तरण गर्दै डालमियाले आफ्नो कार्यकालमा गर्न नसकिएको साझा प्रयासको शुरुवात भएकोमा खुशी व्यक्त गरे। उनले अन्य उद्योगी व्यवसायीलाई पनि कोषमा जोड्ने प्रतिबद्धता जनाउँदै लक्ष्यअनुसार थप सहयोग गर्ने आश्वासन दिए। संघको सभाहलमा आयोजित कार्यक्रममा डालमियालाई कदरपत्रद्वारा सम्मान गरियो। अध्यक्ष न्यौपानेले जन्मदिनको शुभकामना सहित कदरपत्र हस्तान्तरण गरेका थिए। कार्यक्रम…

झापा, २७ असोज । सिम्रिक बचत तथा ऋण सहकारी संस्था लिमिटेडले इलाम जिल्लाका बाढी तथा पहिरो पीडित सदस्यहरूलाई राहत सामग्री वितरण गरेको छ। माइ नगरपालिका कार्यक्षेत्र अन्तर्गतको सितली सेवाकेन्द्रका १६ जना सदस्यलाई आज राहत प्रदान गरिएको हो। केही दिनअघिको अविरल वर्षासँगै आएको पहिरोका कारण घरबार विहीन बनेका सदस्यहरूलाई सामाजिक उत्तरदायित्व अन्तर्गत खाद्यान्नसहितका सामग्री हस्तान्तरण गरिएको संस्थाका कार्यकारी प्रमुख कमल बहादुर बस्नेतले जानकारी दिए। माइ नगरपालिका–२ स्थित सितली बजारमा आयोजित संक्षिप्त कार्यक्रमका बीच राहत वितरण गरिएको थियो। कार्यक्रममा वडाध्यक्ष उर्द बहादुर राईको उपस्थितिमा कार्यकारी प्रमुख बस्नेत, सचिव इन्द्र बहादुर कार्की, कोषाध्यक्ष मेहरमान बिष्ट, जनसम्पर्क अधिकारी विजय बस्नेत, आईटी अधिकृत विजय पाण्डे,…