झापा अनलाइन

राजकुमार भट्टराईखोटाङ, ३१ भदौ । खोटाङमा शङ्कास्पद अवस्थामा एक युवती मृत भेटिएकी छिन् । स्थानीय सहकारीमा कार्यरत दिप्रुङ चुइचुम्मा गाउँपालिका–४ बतासेकी रेश्मिका सिवा परियारलाई शङ्कास्पद अवस्थामा मृत भेटिएको हो । दिप्रुङ चुइचुम्मा गाउँपालिका–५ सछितापोखरीस्थित अजम्बरी साना किसान कृषि सहकारीमा कार्यरत रेश्मिका भदौ ३० गते राति बतासेको ह्याकुले र रमितेडाँडाबिचमा पर्ने मार्से सामुदायिक वनमा मृत भेटिएकी हुन् । सहकारीका अध्यक्ष सागर तामाङका अनुसार रेश्मिका आइतबार अपराह्न ४ बजे कार्यालयबाट बाहिरिएकी थिइन् । राति अबेरसम्म घर नपुगेपछि खोजी गर्ने क्रममा रेश्मिकाको शव सडकभन्दा करिब १५० मिटर तल बाँसघारीमा भेटिएको हो । घटनाको जानकारी पाएलगत्तै स्थानीय प्रहरी चौकी घटनास्थलमा परिचालन गरिएको जिल्ला प्रहरी…

झापा, ३१ भदौ। सुनको मूल्य हालसम्मकै उच्च विन्दुमा पुगेको छ । सोमबार प्रतितोला रु दुई लाख १५ हजार २०० मा कारोबार भएको सुन आज तोलामा रु एक हजार ९०० बढेर रु दुई लाख १७ हजार १०० पुगेको नेपाल सुनचाँदी व्यवसायी महासङ्घले जनाएको छ । त्यस्तै चाँदीको मूल्य तोलाको रु दुई हजार ५९५ पुगेको छ । आज चाँदी प्रतितोला रु २० बढेको हो । अन्तर्राष्ट्रिय बजारमा आज सुन प्रतिऔँस तीन हजार ६८३ अमेरिकी डलर हाराहारीमा कारोबार भइरहेको छ ।

दीपक शर्मासल्यान, ३१ भदौ । रोजगारीका सिलसिलामा भारत गएका सल्यानका ४ जनाको गाडी दुर्घटनामा परि मृत्यु भएको छ । दुर्घटनामा तिन जना घाइते भएका छन् । जिल्लाको कुमाख गाउँपालिका ४ बस्नेत जिउलाका एकाघरका तीन सहित ४ जनाको भारतको हिमाचल प्रदेशको सिम्ला जिल्लाको कोटखाइमा गाडी दुर्घटनामा परि मृत्यु भएको हो । मृत्यु हुनेमा अन्दाजी ३६ वर्षका राजेश बिष्ट, ४८ वर्षीय डिल्ली शाही, ३७ वर्षीय एकेन्द्र शाही र २६ बर्सिया लक्ष्मी शाही रहेको कुमाख गाउँपालिका ४ का वडाध्यक्ष शोभिलाल बस्नेतले जानकारी दिनुभयो । उहाँका अनुसार घाइते हुनेमा सोही ठाउँका २६ वर्षीय हिम बहादुर शाही, ३६ वर्षीय नेव बहादुर शाही र २२ वर्षका…

एजेन्सी, ३१ भदौ । एशिया कप टी–२० क्रिकेटमा आज बङ्गलादेश र अफगानिस्तान खेल्दैछन् । खेल दुबईमा नेपाली समयअनुसार राति सवा ८ बजे शुरू हुनेछ । समूह ‘बी’ अन्तर्गत बङ्गलादेश र अफगानिस्तानबीचको आजको खेललाई निर्णायक मानिएको छ । हङकङमाथि सहज जित निकालेको बङ्गलादेशलाई अफगानिस्तानलाई जित्नैपर्ने दबाब छ । आठ वटा टोली सहभागी प्रतियोगिताको समूह ‘ए’ मा भारत, यूएई, पाकिस्तान र ओमान तथा समूह ‘बी’ मा अफगानिस्तान, हङकङ, बङ्गलादेश र श्रीलङ्का छन् । एशिया कपको फाइनल खेल आउँदो सेप्टेम्बर २८ तारिख अर्थात् असोज १२ गते हुनेछ ।

विराटनगर, ३१ भदौ । कोशी अस्पतालको औषधि पसल (फार्मेसी)मा कार्यरत तीन करार सेवाका कर्मचारीलाई स्वास्थ्य बीमा रकम दुरुपयोग गरेको आरोपमा सेवाबाट बर्खास्त गरिएको छ। बर्खास्त गरिएकामध्ये दुई जना फार्मेसी सहायक र एक जना कार्यालय सहयोगी रहेका छन् । अस्पताल प्रशासनले ती कर्मचारीले औषधि कम आपूर्ति गरी बढी रकम कट्टा गर्ने, चिकित्सकले नलेखेका महँगा औषधि देखाएर भुक्तानी गर्ने, तथा बिरामीका नाममा अत्यधिक औषधि देखाउनेजस्ता अनियमित कार्यमा संलग्न रहेको पुष्टि भएपछि कारबाही गरिएको जनाएको छ। यद्यपि, बर्खास्त गरिएका कर्मचारीको नाम सार्वजनिक गरिएको छैन। क्यान्सरपीडित बिरामीको उजुरीपछि खुल्यो अनियमिततामोरङका एक क्यान्सरपीडित बिरामीले अस्पताल प्रशासनमा लिखित उजुरी दिएपछि बीमा रकम दुरुपयोगको घटना बाहिर आएको…

कनकाई, ३१ भदौ । झापाको कनकाई नगरपालिकाले आगामी असोज ५ गतेसम्म सेवा प्रवाह गर्न नसक्ने जनाएको छ। नगरपालिकाले आज एक सूचना जारी गरी सार्वजनिक सेवा प्रवाह गर्न नसक्ने जनाएको हो । नगरपालिकाका प्रमुख प्रशासकीय अधिकृत नारायण न्यौपानेले भदौ २४ गतेको आन्दोलनको क्रममा नगरपालिका, वडा कार्यालयहरु, स्वास्थ्य संस्था र पशु शाखामा समेत तोडफोड तथा आगजानीका कारण क्षति भएको बताउनु हुँदै क्षतिग्रस्त कार्यालयहरुको क्षतिको विवरण संकलन, प्रहरी मुचुल्का, कार्यालय सरसफाई, इन्टरनेट, बिजुली जडान तथा मर्मत कार्य भइरहेकाले तत्कालै सेवा प्रवाह गर्न नसकिने जानकारी दिनुभयो । यसअघि, नगरपालिकाले जेन जी आन्दोलनका क्रममा नगरपालिका र मातहतका वडा कार्यालयबाट लगिएका सामग्रीहरू तत्काल फिर्ता गर्न अनुरोध…

झापा, ३१ भदौ । मनसुनको समयमा बाढीपहिरोको जोखिमका कारण रातिको समयमा सवारीसाधन सञ्चालनमा रोक लगाउँदै आइएको बिपी राजमार्ग आगामी असोज १ गतेदेखि २४ सै घण्टा सञ्चालनमा ल्याइने भएको छ। जिल्ला प्रशासन कार्यालय काभ्रेपलाञ्चोकमा सोमबार बसेको सुरक्षा समितिको बैठकले मनसुनको अन्त्य र चाडपर्वको चापलाई मध्यनजर गर्दै राजमार्ग पूर्ण रूपमा सञ्चालन गर्ने निर्णय गरेको हो। यात्रुहरूको सहज आवागमन सुनिश्चित गर्न स्वीकृत सडक सुरक्षा कार्य योजनाअनुसार सजगता अपनाइने समितिले जनाएको छ। गत असार पहिलो सातादेखि रातिको समयमा धुलिखेलदेखि नेपालथोकसम्मको खण्डमा १२ घण्टासम्म सवारी सञ्चालनमा पूर्ण रोक लगाइएको थियो। पछिल्लो पटक भदौ १६ गतेदेखि थप १५ दिनका लागि रोक लगाइएको थियो। असार ७ गतेदेखि…

झापा, ३१ भदौ । नेपाल प्रहरीमा कार्यरत कर्मचारीबाट तलब कट्टा गरी मृतक प्रहरीका परिवारलाई १० लाखका दरले सहयोग उपलब्ध गराइने भएको छ । प्रहरीका केन्द्रीय प्रवक्ता, प्रहरी नायब महानिरीक्षक विनोद घिमिरेले प्रहरी महानिरीक्षकदेखि प्रहरी निरीक्षकसम्मको तलबबाट कट्टा गरी मृतक परिवारलाई १० लाखका दरले सहयोग उपलब्ध गराउने निर्णय गरिएको जानकारी दिनुभयो । उहाँले आज जारी गरेको सूचनामा भनिएको छ, “यही भदौ २३ र २४ गते आन्दोलनका क्रममा कर्तव्य पालनाको सिलसिलामा मृत्युवरण गरेका अमर प्रहरीका परिवारजनलाई प्रहरी महानिरीक्षकदेखि प्रहरी निरीक्षकसम्मको तलब कट्टा गरी प्रतिपरिवार जनही १० लाख उपलब्ध गराउने निर्णय भएको ब्यहोरा अनुरोध छ ।”

झापा, ३१ भदौ । चालु आर्थिक वर्ष २०८२/८३ को पहिलो महिनामा मुलुकको व्यापार घाटा रु एक खर्ब १९ अर्ब ११ करोड पुगेको छ । नेपाल राष्ट्र बैंकले सोमबार सार्वजनिक गरेको विवरणअनुसार, कूल वस्तु व्यापार घाटा अघिल्लो वर्षको तुलनामा २.५ प्रतिशतले वृद्धि भएको हो । गत वर्षको सोही अवधिमा व्यापार घाटा ०.४ प्रतिशतले मात्र बढेको थियो । आयातमा दोहोरो अङ्कको वृद्धिसाउन महिनामा कूल वस्तु आयात ११.४ प्रतिशतले वृद्धि भई रु एक खर्ब ४३ अर्ब चार करोड पुगेको छ । अघिल्लो वर्षको सोही अवधिमा आयातमा ०.६ प्रतिशतले कमी आएको थियो । मुलुकगत आधारमा :भारतबाट आयात: ७.५% वृद्धिचीनबाट आयात: १४.१% वृद्धिअन्य मुलुकबाट आयात:…

झापा, ३१ भदौ । चालु आर्थिक वर्ष २०८२–८३ को पहिलो महिनामा विदेशमा रहेका नेपालीहरूले रु एक खर्ब ७७ अर्ब ४१ करोड बराबरको विप्रेषण रकम स्वदेश पठाएका छन् । नेपाल राष्ट्र बैंकले सोमबार सार्वजनिक गरेको विवरणअनुसार, यो रकम अघिल्लो वर्षको सोही अवधिको तुलनामा २९.९ प्रतिशतले वृद्धि भएको हो । गत वर्षको पहिलो महिनामा विप्रेषण आप्रवाह १७.७ प्रतिशतले वृद्धि भई रु एक खर्ब ३६ अर्ब ६० करोड पुगेको थियो । यस वर्षको वृद्धि दरले विप्रेषण आप्रवाहमा उल्लेखनीय सुधार देखिएको राष्ट्र बैंकको विश्लेषणमा उल्लेख छ । समीक्षा अवधिमा अमेरिकी डलरमा विप्रेषण आप्रवाह २५ प्रतिशतले वृद्धि भई एक अर्ब २७ करोड पुगेको छ ।…