झापा अनलाइन

कनकाई, २६ भदौ । झापाको कनकाई नगरपालिकाको नगरप्रमुख राजेन्द्र पोखरेलको घरमा ८० केजी सुन भेटिएको भन्ने कुरा निराधार भएको बताउनुभएको छ । आफूविरुद्ध लागेकाहरुले कुप्रचार गरेको उहाँको भनाइ छ । युटुबरले आनावश्यक हल्ला फिजाएको उहाँले बताउनुभयो । “शुरुमा ४० तोल, त्यपछि ८० तोला भनियो, अर्को पटक फेरि ४० किलो भनियो अनि अर्को पटक ८० किलो आयो”, उहाँले भन्नुभयो, “त्यसपछि दुई बोरा चाँदीको कुरा पनि आयो ।” यति कुरा भनिरहँदा बरामद कसले गरेको हो ? बरामद गरेको सुन कहाँ छ ? भन्ने कुरा नखुलाइएको बताउनुहुँदै उहाँले भन्नुभयो, “मेरो घरमा भीड पस्दा मेरो परिवारको कोही पनि भित्र थिएन । त्यो सुन हल्ला…

झापा, २६ भदौ । जेनजीहरुको आन्दोलनपछि अबको निकासबारे छलफल हुन थालेको छ । केपी शर्मा ओलीले प्रधानमन्त्रीबाट राजीनामा दिइसकेपछि सरकारविहीनताको अवस्था सिर्जना भएको छ । अन्तरिम सरकार गठनका लागि जेनजी प्रतिनिधिहरुले पूर्व प्रधानन्यायाधीश सुशिला कार्कीको नाम अगाडि सारेको छ । जेनजी प्रतिनिधि अनिल बानियाँले जेनजीले शान्तिपूर्ण आन्दोलनको आह्वान गरेको बताए । उनले सिंहदरबार, न्यायलयलगातका संरचना षड्यन्त्र रचेर जलाइएको उनको आरोप छ । उनले भने, ‘देशमा गणतन्त्र आएदेखि हामीलाई नेताहरुले लुटेका छन् । यिनीहरुले हाम्रो रोजीरोटी पनि खोसेका छन् । हुम्ला, जुम्ला र मुगुमा अहिले पनि सिटामोलको अभाव छ । देशमा बुढाखाडाबाट वाक्कदिक्क भएर देश खोक्रो हुने अवस्थामा पुगिसकेको छ ।…

झापा, २६ भदौ । स्वास्थ्य तथा जनसङ्ख्या मन्त्रालयले ‘जेनजी’ आन्दोलनमा परी अहिलेसम्म अस्पतालमा ३४ जनाको मृत्यु र एक हजार बढी घाइतेहरूको उपचार भएको जनाएको छ । मन्त्रालयका प्रवक्ता डा प्रकाश बुढाथोकीका अनुसार देशभरका ४१ अस्पतालमा ३४ जनाको मृत्यु र एक हजार ३६८ जनाको उपचार भएको छ । मन्त्रालयले जेनजी आन्दोलनका क्रममा मृत्यु र घाइते भएकाको विवरण विभिन्न अस्पतालमा सम्पर्क गरी सार्वजनिक गरेको जनाएको छ । निजामती कर्मचारी अस्पतालमा छ, राष्ट्रिय ट्रमा सेन्टरमा आठ, एभरेष्ट अस्पतालमा तीन, काठमाडौँ मेडिकल कलेज सिनामङ्गलमा दुई, त्रिभुवन विश्वविद्यालय शिक्षण अस्पतालमा एक, बयोधा अस्पतालमा दुई, फ्रन्टलाइन अस्पतालमा तीन, बी एन्ड सी अस्पताल बिर्तामोडमा एक, विर्तासिटी अस्पतालमा…

कास्की, २६ भदौ । जेनजी आन्दोलनका क्रममा पोखरामा निजी व्यावसायिक संस्थामा लागेको आगोमा ज्यान गुमाउने दुई महिलाको पहिचान खुलेको छ । कास्की प्रहरीले लेकसाइड र नयाँबजारमा जलेको अवस्थामा भेटिएका शवको पहिचान सार्वजनिक गरेको हो । लेकसाइडस्थित अंशुभरा ग्रुपको भवनमा भेटिएको शव २६ वर्षीया स्वास्थ्यानी खड्काको भएको प्रहरीले पुष्टि गरेको छ । उनी पोखराकै एक स्पामा काम गर्थिन् । प्रहरीले जनाए अनुसार भवनभित्रै रहेका बेला प्रदर्शनकारीले आगजनी गरेपछि उनको जलेर मृत्यु भएको हो । स्वास्थ्यानीको स्थायी ठेगाना दैलेखको बैतेश्वर गाउँपालिका वडा नम्बर ८ रहेको कास्की प्रहरीले जनाएको छ । यस्तै, नयाँबजारमा भेटिएको अर्को शव ३५ वर्षीया सञ्जु नगरकोटीको भएको प्रहरीले जनाएको…

रामेछाप, २६ भदौ । रामेछापस्थित जिल्ला कारागारबाट बिहीबार बिहान भाग्न खोजेका कैदीबन्दीलाई रोक्ने क्रममा सुरक्षाकर्मीले गोली चलाउँदा दुई जनाको मृत्यु भएको छ। रामेछापका प्रमुख जिल्ला अधिकारी श्यामकृष्ण थापाका अनुसार बिहान करिब ७ बजे कैदीबन्दीहरूले विभिन्न च्यानलमा लगाइएको ताल्चा फोडेर भाग्न खोजेपछि नेपाली सेनाले नियन्त्रणमा लिन गोली चलाउनुपरेको थियो। ‘बाहिर ननिस्कनुस्, गोली चल्न सक्छ भनेर सम्झाउँदा पनि नमानेपछि बाध्य भएर गोली चलाउनुपरेको हो’, थापाले भने । गोली लागेर दुई पुरुष कैदीको घटनास्थलमै मृत्यु भएको छ भने १२ जना कैदीबन्दी घाइते भएका छन्। मृतकहरूको परिचय हालसम्म खुल्न सकेको छैन। प्रमुख जिल्ला अधिकारी थापाले घटनापछि कारागार सुरक्षाकर्मीले पूर्ण रूपमा नियन्त्रणमा लिएको जानकारी दिए।…

झापा, २६ भदौ । माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीको नेतृत्वमा बनेको दुई तिहाई बहुमतको सरकारको दम्भले मुलुकलाई कुशासन र दमनतर्फ धकेलेको आरोप लगाएका छन्। बिहीबार बिहान जारी विज्ञप्तिमा प्रचण्डले विगतमा आफ्नो नेतृत्वमा बनेको सरकारद्वारा चालेको सुशासनका कदमहरूबाट त्रसित भएर कांग्रेस–एमाले गठबन्धनले सत्ता सम्हालेको र त्यसपछि जनतामाथि दमन सुरु भएको उल्लेख गरेका छन्। उनले भने, “दमन र कुशासनकै कारण जेनजी पुस्ताका युवाहरूको आक्रोश विष्फोटको रूपमा देखिएको छ।” पूर्वप्रधानमन्त्री प्रचण्डले १० बुँदामा आफ्नो धारणा सार्वजनिक गर्दै जेनजी पुस्ताले उठाएका मागहरू संविधानसम्मत लोकतान्त्रिक प्रक्रियाबाट सम्बोधन हुनुपर्नेमा जोड दिएका छन्। उनले आन्दोलनका क्रममा भएको हिंसा, तोडफोड र…

झापा, २६ भदौ । सुनको मूल्य आज घटेको छ। सुनको मूल्य आज तोलामा पाँचसय रुपैयाँ घटेको नेपाल सुनचाँदी व्यवसायी महासंघले जनाएको छ। सुनको मूल्य आज तोलाको दुईलाख १४ हजार दुईसय रुपैयाँ कायम भएको छ। हिजो सुनको मूल्य २ लाख १४ हजार सातसय रुपैयाँ थियो। यो नेपाली बजारमा हालसम्मकै सबैभन्दा उच्च मूल्य हो। आज चाँदीको मूल्य भने स्थिर छ। चाँदीको मूल्य आज तोलाको दुई हजार पाँचसय पाँच रुपैयाँमै स्थिर रहेको महासंघले जनाएको छ।

झापा, २६ भदौ । गत भदौ २४ गते भएको आन्दोलनमा गम्भिर, जघन्य प्रकृतिका र अन्य अपराधमा संलग्न भइ अनुसंधानमा रहेका ९२ जना थुनुवा फरार भएका छन् । इप्रका दमकबाट ५१ जना, अनारमनीबाट ३६ जना र झिलझिलेबाट ५ जना गरी ९२ जना थुनुवाहरु फरार भएको जिल्ला प्रहरी कार्यालय झापाले जनाएको छ ।

झापा, २६ भदौ । जेनजी समूह र नेपाली सेनाबिच आज वार्ता हुने भएको छ । बुधबार जेनजी समूहको नेतृत्व गरेर वार्तामा बस्ने विषयमा विवाद हुँदा औपचारिक छलफल हुन सकेको थिएन । नेपाली सेनाले आन्तरिक सहमति कायम गरेर वार्तामा आउन आग्रह गरेको थियो । जंगी अड्डामै जेनजीबिच विवाद भएपछि हिजो गर्ने भनिएको वार्ता आजको लागि सारिएको थियो । जेनजीले पूर्वप्रधानन्यायाधीश सुशीला कार्कीको नाम अगाडि सारेको छ । काठमाडौँ महानगरपालिकाका मेयर बालेन शाहले पनि कार्कीलाई आफ्नो समर्थन रहेको बताएका छन् । जेनजी आन्दोलनको क्रममा हालसम्म ३० जनाको मृत्यु भइसकेको छ । एक हजारभन्दा बढी घाइतेहरूको उपचार भइरहेको स्वास्थ्य मन्त्रालयले जनाएको छ ।

भद्रपुर, २६ भदौ । झापामा सवारी दुर्घटनामा परी एक वृद्धको मृत्यु भएको छ । मेची राजमार्ग अन्तर्गत बुधबार राति भएको सवारी दुर्घटनामा भद्रपुर नगरपालिका–६ भानुचोकका ५९ वर्षीय राम श्रेष्ठको मृत्यु भएको हो । जिल्ला प्रहरी कार्यालयका प्रहरी नायव उपरीक्षक खगेन्द्रबहादुर खड्काका अनुसार बुद्धशान्ति गाउँपालिका–७ सुनमाईस्थित मेची राजमार्गमा भएको दुर्घटनामा प्र.३.०२–००७ प ६०९० नम्बरको मोटरसाइकलमा सवार श्रेष्ठको मृत्यु भएको हो । मोटरसाइकल अनियन्त्रित भइ दुर्घटना भएको थियो । इलामाबाट घर फर्कदै गरेका उनी सवार मोटरसाइकल दुर्घटनामा परेको प्रहरीले जनाएको छ ।