झापा अनलाइन

झापा, ३ बैशाख । मोरङ र सुनसरीको विभिन्न स्थानबाट लागुऔषधसहित ६ जनालाई प्रहरीले पक्राउ गरेको छ । चैत २ गते विराटनगर महानगरपालिका–१५ स्थितबाट लागुऔषध नियन्त्रण ब्यूरो विराटनगरबाट खटिएको प्रहरी टोलिले सुनसरी धरान उपमहानगरपालिका(१७ का ४० वर्षीय राज श्रेष्ठलाई १ ग्राम ७ मिलिग्राम ब्राउनसुगरसहित पक्राउ गरेको छ । त्यसैगरी, सुनसरी बराहक्षेत्र नगरपालिका–७ स्थितबाट अस्थायी प्रहरी चौकी बाङ्गे सुनसरीबाट खटिएको प्रहरी टोलीले स्थानीय ३० वर्षीय विकास भण्डारी र २३ वर्षीय सुशील शेर्पालेलाई १०० मिलिग्राम ब्राउनसुगरसहित पक्राउ गरेको छ भने सुनसरी धरान उपमहानगरपालिका–१३ स्थितमा अस्थायी प्रहरी चौकी अमरहाटबाट खटीएको प्रहरी टोलिले भेडेटारबाट धरानतर्फ आउदै गरेको को २ ह ४७३९ नम्बरको अटो चेकजाँचको क्रममा…

झापा, ३ बैशाख । आर्थिक अभावले बिर्तामोडका एक बालकको उपचारमा समस्या भएको छ । बिर्तामोड–५ जात्रुवारीका बोनम्यारोपीडित चार वर्षीय बालक उज्वल ठाकुरको उपचारमा आर्थिक अभाव भएको हो । बुवा मुकेश ठाकुर र आमा पिंकी राजवंशी ठाकुरले छोरा उज्वलको बोनम्यारोमा समस्या आएपछि आर्थिक अभावले उपचारमा समस्या आएको जानकारी दिए । चिकित्सकको परामर्श पश्चात भारतको चेन्नईमा उपचारका लागि लैजानुपर्ने छोरालाई आर्थिक अभावमा उपचार गराउन समस्या भएपछि ठाकुर परिवार अहिले ठुलो संकटमा छ । बालकलाई चिकित्सकले भारतको चेन्नईमा लैजान सुझाएको तर, आर्थिक अभावका कारण लैजान नसकिएको ठाकुरले बताए । डाक्टरले उनको थप उपचारका लागि २५ लाख भारु करीब नेपाली ४० लाख रुपैंया लाग्ने…

बिर्तामोड, ३ बैशाख । झापाको बिर्तामोडमा कोशी प्रदेशस्तरीय विज्ञान तथा प्रविधि प्रदर्शनी हुने भएको छ । नेकपा एमाले कोशीको विज्ञान तथा प्रविधि विभागको आयोजनामा बिर्तामोडको देवी माविको प्राङ्गणमा आगामी जेठ १ गतेदेखि ३ गतेसम्म विज्ञान प्रदर्शनी हुने भएको हो । झापाको बिर्तामोडमा आज आयोजित पत्रकार सम्मेलनमा कोशीको विज्ञान तथा प्रविधि विभाग प्रमुख गणेश पोखरेलले प्रदर्शनीमा एक लाख विद्यार्थी सहभागी हुने जानकारी दिनुभयो । कोशी प्रदेशका १४ वटै जिल्लाबाट विद्यार्थीहरुको सहभागिता रहने उहाँले बताउनुभयो । “दैनिक ३३ हजार विद्यार्थी सहभागी हुने अनुमान छ”, उहाँले भन्नुभयो, “कार्यक्रम सम्पन्न गर्न ३५ लाख खर्च हुने अनुमान गरेका छौं ।” प्रदर्शनीमा एसईईदेखि कक्षा–१२ सम्मका विद्यार्थीले…

झापा, ३ बैशाख । आन्दोलनरत शिक्षकको माग सुनुवाईका लागि मन्त्रिपरिषदले ४ बुँदे निर्णय गरेको छ । निर्णयसँगै उनीहरुको माग पूरा गर्ने प्रतिबद्धता जनाउँदै सरकारले तत्काल विद्यालय फर्कन आह्वानसमेत गरेको छ । मंगलबार साँझ बालुवाटारमा बसेको मन्त्रिपरिषद्को बैठकले शिक्षकको मागअनुसार विद्यालय शिक्षा विधेयक पारित गर्ने गरी संसदको हिउँदे अधिवेशन आह्वान गर्ने प्रतिबद्धता जनाउँदै आन्दोलन अन्त्य गरी विद्यालय फर्कन भनेको हो । शिक्षामन्त्री विद्या भट्टराईले दिएको जानकारी अनुसार मन्त्रिपरिषद्ले यही वैशाख १२ गते शुक्रबार दिउँसो १ बजे संघीय संसदका दुवै सदनको बजेट अधिवेशन आह्वान गर्ने निर्णय भएको छ । यस्तै विद्यालय शिक्षा विधेयक छिटो पारित गर्ने निर्णय पनि बैठकले गरेको छ। शिक्षकहरूसँग…

झापा, ३ चैत । काठमाडौँ उपत्यका र आसपासका क्षेत्रमा आज बिहान भूकम्पको धक्का महसुस भएको छ । नेपालको उत्तरी सिमानाबाट १८ किलोमिटर टाढा चीनको डिङ्जे भन्ने स्थानलाई केन्द्रविन्दु बनाएर पाँच म्यााग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । भूकम्प आज बिहान ०४ः०५ बजे गएको हो । यसको धक्का काठमाडौँसम्म महसुस गरिएको हो । पछिल्ला दिनमा जाजरकोट जिल्लाका विभिन्न स्थानलाई केन्द्रविन्दु बनाएर लगातार भूकम्प गइरहेको छ । केन्द्रका अनुसार मङ्गलबार बिहान ०४ः५३ बजे जाजरकोटको कुशे गाउँपालिकाको पैंक भन्ने स्थानलाई केन्द्रविन्दु बनाएर चार दशमलव चार म्यााग्निच्युडको भूकम्प गएको थियो । गत सोमबार राति ०९ः३१ बजे पनि जाजरकोटको पैंक…

इलाम, ३ बैशाख । वैशाख लागेसँगै विद्यालयमा विद्यार्थी भर्ना अभियान चल्नुपर्ने हो । तर, देशभरका विद्यालय बन्द गरेर शिक्षकहरु आन्दोलनमा छन् । सरकारले माग सम्बोधन गरेपछि शिक्षकहरु फर्केलान्, विद्यालय खुला र विद्यार्थीको भर्ना होला । तर, इलामका उत्तरी भेगका अभिभावकलाई त्यति पनि आशा छैन । आफ्नो ठाउँमा विद्यालय नै नभएपछि उनीहरुलाई आन्दोलनको चासोभन्दा पनि बालबच्चा कहाँ पढाउने भन्ने चिन्ताले पिरोलेको छ । “शिक्षक आन्दोलन भन्छन्, शिक्षा ऐन भन्छन् । हामी त बच्चा पढाउन भारत जानुपर्छ”, माइजोगमाई गाउँपालिका–५ मेग्माकी नुमा शेर्पाले भनिन्, “गाउँमा एउटा विद्यालय छैन । अर्काको देशमा बच्चा पढाउन पठाउँदाको पीर कसैले बुझेनन् ।” उनी मात्रै होइन उत्तरी इलामका…

झापा, ३ बैशाख । नेपाल आयल निगमले पेट्रोलियम पदार्थको मूल्य घटाएको छ । निगम सञ्चालक समितिको बैठकले आज मध्यरातदेखि लागू हुने गरी पेट्रोल, डिजेल र मट्टितेलको साबिकको बिक्री मूल्यमा प्रतिलिटर तीन रुपैयाँ घटाएको हो । मूल्य घटेसँगै पेट्रोल पहिलो वर्गका लागि प्रतिलिटर एक सय ५७ रुपैयाँ ५० पैसा, दोस्रो वर्गका लागि एक सय ५९ रुपैयाँ र तेस्रो वर्गका लागि एक सय ६० रुपैयाँ तोकिएको छ । यस्तै, डिजेल तथा मट्टितेलको मूल्य पहिलो वर्गका लागि एक सय ४३ रुपैयाँ ५० पैसा, दोस्रो वर्गका लागि एक सय ४५ रुपैयाँ र तेस्रो वर्गका लागि एक सय ४६ रुपैयाँ निर्धारण गरिएको निगमले जनाएको छ…

झापा, ३ बैशाख । हाल देशमा मुख्यतया स्थानीय वायुको प्रभाव रहेको मौसम पूर्वानुमान महाशाखाले जनाएको छ। जसको प्रभावले कोशी, मधेस, बागमती र गण्डकी प्रदेश लगायत देशको पहाडी भूभागमा आंशिक देखि साधरणतया बदली रहेको छ। कोशी, बागमती, गण्डकी र लुम्बिनी प्रदेशको पहाडी भूभागका एक–दुई स्थानमा चट्याङ्गसहित हल्का वर्षा भइरहेको छ । आज दिउँसो देशको पहाडी भूभागमा आंशिक देखि साधरणतया बदली रहनेछ। देशका पहाडी भूभागका थोरै स्थानहरू र बाँकी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ । देशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ। आज राति कोशी प्रदेश लगायत देशका पहाडी भूभागमा आंशिक देखि…

झापा, २ बैशाख । झापाको मेचीनगर नगरपालिका–१२ कालिकास्थित कालिझोडा सामुदायिक वनमा हात्तीले खेदाएपछि एक जना घाइते भएका छन् । सोही स्थानका ३२ वर्षीय सन्तोष लिम्बू घाइते भएका हुन् । जिल्ला प्रहरी कार्यालय झापाका अनुसार कालिझोडा सामुदायिक वनमा दाउरा खोज्न जाने क्रममा एक्कासी एक वटा जंगली हात्तीले लिम्बूलाई खेदाएको थियो । उनी भाग्ने क्रममा लडेर घाइते भएको अवस्थामा उनका भाइ सुजन लिम्बूले देखेर उपचारका लागि बिर्तासिटी अस्पताल पु¥याएका छन् । उनको बाँया खुट्टा भाच्चिएको छ भने अवस्था सामान्य रहेको छ । घटनाको जानकारी पाएपछि प्रहरी चौकी चारआलीबाट प्रहरी नायव निरीक्षक प्रमोद रेग्मीको कमाण्डमा प्रहरी टोली थप अनुसन्धानका लागि घटनास्थल पुगेको थियो…

झापा, २ बैशाख । झापाको शिवसताक्षीमा मोटरसाइकलको ठक्करबाट गम्भीर घाइते भएका एक जना पैदलयात्रीको मृत्यु भएको छ । बैशाख १ गते करिब ७ बजे शिवसताक्षी नगरपालिका–८ बुद्धचोकस्थित पुर्व–पश्चिम राजमार्गमा डुडाँमारी चौकबाट झिलझिले तर्फ आउदै गरेको प्र १–०१–०१७ प ६५६९ नम्बरको मोटरसाइकलले पैदलयात्री सोही स्थानका ६० वर्षीय पुष्प दास दर्जीलाई ठक्कर दिँदा उनी गम्भीर घाइते भएका थिए । उनलाई तत्काल उपचार गर्न लालिगुराँस हेल्थ केयर सेन्टर झिलझिले पठाइएको थियो । थप उपचारको लागि बिर्तासिटि अस्पताल बिर्तामोड लगिएकोमा आज मृत्यु भएको हो । मोटरसाइकल चालक शिवसताक्षी–८ का ३० वर्षीय दुरेन सेर्मा लिम्बू इलाका प्रहरी कार्यालय झिलझिलेको नियन्त्रणमा रहेका छन् ।