झापा अनलाइन

बैतडी, १५ कात्तिक । बैतडीमा सासू–बुहारी बेपत्ता भएकोमा बुहारी आज मृत फेला परेकी छन् भने सासू बेपत्ता रहेकी छन् । मृत फेला पर्नेमा दोगडाकेदार गाउँपालिका–४ श्रीकेदार साउँगाउँकी ३० वर्षीया निर्मला भट्ट रहेकी खोचलेक प्रहरी चौकीका इञ्चार्ज प्रहरी सहायक निरीक्षक श्यामसिंह महराले जानकारी दिनुभयो । बेपत्ता हुनेमा मृतक निर्मलाकी सासू ५२ वर्षीया पार्वती भट्ट रहेकी छन् । बुधबार घाँस काट्न भनेर घरबाट निस्केकी निर्मला साँझसम्म पनि घर नर्फकिँदा सासू पार्वती खोजतलास गर्न जाँदा पार्वतीसमेत बेपत्ता भएकी प्रहरीले जनाएको छ । दुवै रातिसम्म पनि घर नफर्किएपछि घरपरिवारका अन्य सदस्य खोजतलास गर्दा निर्मला बिहीबार बिहान स्थानीय ओडीगाउँ जङ्गलमा झुण्डिएको अवस्थामा मृत फेला परेकी…

के तपाईंले कुनै महिलाले गोरुसँग बिहे गरेको सुन्नुभएको छ रु यस्तो विचित्र सुन्ने कुरै भएन । तर हालै एक ७४ वर्षकी महिलाले एउटा गोरुसँग बिहे गरेर सबैलाई अचम्ममा पारिन् । उनी अहिले दिनहुँ आफुले बिहे गरेको त्यो गाईको बाच्छोको हेरचाहमा लागिरहेकी छिन् । उसलाई खुवाउँछिन्, प्रेम गर्छिन् र ओछ्यानमा समेत सँगै सुताउँछिन् । यो घटना कम्बोडियाको हो । खिम ह्यांग नामक ७४ वर्षकी महिला अहिले निकै चर्चामा छिन् । उनको घरमा पनि रमितेहरुको भिड लाग्छ । उनी र उनको नयाँ बाच्छो लोग्ने हेर्न मानिसहरु आउने गरेका छन् । कोही महिलाले गोरुसँग बिहे गर्नु दुनियामा कहीँ नभएको कुरा नै हो ।…

भद्रपुर, १५ कात्तिक । साना किसान चिया उत्पादक सहकारी संस्था हल्दिबारीले चिया प्रशोधन कारखाना स्थापना गरेको छ । रु ११ करोडको लगानीमा कारखाना स्थापना गरी सहकारीले आफ्ना सदस्यले उत्पादन गर्दै आएको हरियो पत्ती खरीद गरेर प्रशोधन गर्न बुधबारबाट शुरु गरेको हो । सहकारीले उत्पादन गरेको चियाको नाम भने सिटिसी रहेको छ । सरकारले साना चिया किसानलाई ५० प्रतिशत अनुदान दिन थालेसँगै किसान आफैँले कारखाना शुरु गरेका छन् । यसअघि झापाको पृथ्वीनगर र बाहुनडाँगीमा पनि सहकारीले नै कारखाना सञ्चालन गर्दै आएका छन् । यस सहकारीले पनि ५० प्रतिशत नेपाल सरकारको अनुदान र आफ्नो ५० प्रतिशत लगानीमा चिया कारखाना शुरु गरेको संस्थाका…

काठमाडौँ, १५ कात्तिक । अन्तर्राष्ट्रिय क्रिकेट परिषद् (आइसिसी) को टी–२० क्रिकेटको नयाँ बरियतामा नेपालका चार खेलाडी समावेश भएका छन् । आइसिसीले बुधबार राति सार्वजनिक गरेको नयाँ बरियतामा नेपालका दुई ब्याट्सम्यान र दुई बलर बरियतामा पर्न सफल भएका हुन् । नयाँ बरियता नेपालका ब्याट्सम्यान कप्तान पारस खड्का र शरद भेषवाकर तथा बलरहरू सोमपाल कामी र वसन्त रेग्मी पर्न सफल भएका हुन् । ब्याटिङतर्फ कप्तान पारस खड्का ९४औँ र शरद १००औँ स्थानमा छन् । त्यस्तै बलिङतर्फ सोमपाल ९२औँ र रेग्मी ७४औँ स्थानमा छन् । आइसिसीले अन्तर्राष्ट्रिय प्रतियोगितामा खेलाडीको प्रदर्शनका आधारमा बरियता निर्धारण गर्छ । एक दिवसीय अन्तर्राष्ट्रिय मान्यता पाएसँगै नेपाली खेलाडी पनि…

चन्द्रकला भण्डारी भद्रपुर, १५ कात्तिक । स्थानीय तहमा छुट्टै इजलास कक्ष नहुँदा न्याय सम्पादनमा समस्या देखिएको छ । झापाका १५ स्थानीय तह मध्ये दमक नगरपालिकाले मात्र तीन महीना अघिदेखि छुट्टै इजलास कक्ष तयार गरी न्यायिक सम्पादन गर्दै आएको छ । कतिपय स्थानीय तहको आफ्नै भवन छैन । भवन भएकामा कोठा अभावका कारण छुट्टै इजलास कक्ष बन्न सकेको छैन । न्याय सम्पादनकै क्रममा कतिपय बेला पीडित र पीडकबीच हात हालाहालकै अवस्था सिर्जना हुने गरेको छ । भद्रपुर नगरपालिकाकी उपप्रमुख चन्द्रा श्रेष्ठले इजलास कक्षभन्दा बाहिर न्याय सम्पादनमा गोपनीयताको समस्या आउने बताउनुहुन्छ । अधिवक्तासमेत रहनुभएकी श्रेष्ठले नगरपालिकाको बन्दै गरेको भवनमा व्यवस्थित इजलास कक्ष…

दमक, १५ कात्तिक । परिवर्तनका लागि युवा नामक संस्थाले पुनःनिर्माण गरेको एक घर दमक–१० की एक बृद्धालाई हस्तान्तरण गरेको छ । आफ्नै घरमा पुनःस्थापना हुनपाएपछि वृद्धा बसन्ता रिजाल हर्षित हुनुभएको छ । स्थानीय सेतुमारी निवासी रिजाल आफ्ना दुई नातिनीका साथ जीर्ण घरमा बस्दै आउनुभएकामा घरलाई सो संस्थाको पहलमा पुनःनिर्माण गरी बुधबार आयोजित कार्यक्रममा दमक नगरपालिकाका उपप्रमुख गीता अधिकारीले घरको साँचो वृद्धालाई हस्तान्तरण गर्नुभएको हो । पचहत्तर वर्षीया रिजालको दैनिकी दिनदिनै कष्टकर बन्दै गएकाले उक्त संस्थाले स्रोत जुटाएर घर पुनःनिर्माण गरेको थियो । छोरा छ महीनाको हँुदा विसं २०२५ मा श्रीमान् गुमाउनुभएकी रिजालको सोही छोराको पनि विसं २०६२ मा भारतको गुजरातमा…

काठमाडौं, १५ कात्तिक । रियल मड्रिडले प्रशिक्षक परिर्वतन गरेपछिको आफ्नो पहिलो खेलमा शानदार जित हात पारेको छ । रियलले स्पेनिस कोपा डेल रे फुटबलको अन्तिम ३२ अन्तर्गत पहिलो लेगमा मेलिल्लालाई ४–० गोलअन्तरले पराजित गरेको हो । यसअघि प्रशिक्षक जुलेन लुपेटेगुईले रियल मड्रिड सम्हाल्दा ला लिगा फुटबलमा अन्तिम ५ खेलमा ४ खेलमा हार र १ खेलमा मात्रै बराबरी खेलेको थियो । प्रशिक्षक लुपेटेगुईलाई रियलले यसै साता मात्रै बर्खास्त गरेको थियो । बुधबार राति भएको पहिलो लेगमा रियलले मेलिल्लालाई ४–० गोलअन्तरले पराजित गर्ने क्रममा करिम बेन्जिमा, मार्को एसेन्सियो, अल्भोरो ओड्रिओजोला र क्रिस्टो गोन्जालेजले गोल गरे । खेलको २८ औं मिनेटमा बेन्जिमाले गोल…

वीरगञ्ज, १४ कात्तिक । विसं २००७ देखिका विभिन्न आन्दोलमा भाग लिएका स्वतन्त्रता सेनानी ९४ वर्षीय हरिहर गुप्ताको आज निधन भएको छ । विसं २०१० मा बिपी कोइरालासँगै निर्वासित जीवन बिताई मेलमिलापको अवसरमा स्व कोइरालासँगै नेपाल प्रवेश गरेका गुप्ता केही दिनदेखि मिर्गौला तथा हृदय रोगबाट पीडित भई वीरगञ्ज हेल्थ केयरमा उपचार गराई रहनुभएको थियो । तीन छोरा र तीन छोरीका पिता गुप्ताको आजै हिन्दू परम्पराअनुसार दाहसंस्कार गरिएको छ ।

भद्रपुर, १४ कार्तिक । मुनाल फुटवल एकाडमी चन्द्रगढीले आयोजना गरिएको रक्तदान कार्यक्रममा ६३ जनाले रक्तदान गरेका छन् । रेडक्रस सोसाइटी झापाको प्राविधिक सहयोगमा सम्पन्न रक्तदान कार्यक्रममा ५ जना महिला सहित ६३ जनाले रक्तदान गरेका हुन् । क्लबका अध्यक्ष अशारु राजवंशीको अध्यक्षता तथा भद्रपुर १० का वडा सदस्य श्यामकुमार राउत , वडा नम्बर ७ का सदस्य कोषराज पौडेलको विशेष आतिथ्यमा सम्पन्न कार्यक्रममा क्लबमा आबद्ध खेलाडी, प्रशिक्षक लगायतको सहभागिता रहेको थियो

भद्रपुर, १४ कार्तिक । दिपावलीको अवसर पारेर एक कार्यक्रमका बीच ४० जना जेष्ठ नागरिकलाई भद्रपुरमा सम्मान गरिएको छ । पूर्व न्यायाधिस तथा समाजसेवी नन्दप्रसाद पौडेलको अगुवाईमा भद्रपुर ८ स्थित राधा नन्द मिनी मार्केटमा ६० वर्षमाथिका अग्रज जेष्ठ नागरिकलाई सम्मान गरिएको हो । नन्दप्रसाद पौडेलको अध्यक्षता तथा भाषा सेवी चूडामणि रेग्मीको प्रमुख आतिथ्यमा सम्पन्न कार्यक्रममा अग्रज व्यक्तित्व विश्वनाथ अधिकारी, नारायणप्रसाद पराजुली, धनबहादुर लिम्बू, नारायण गिरी लगायतले मन्तव्य राख्दै समाजमा जेष्ठ नागरिकको कदर गर्ने परम्परा हराउनु नहुने धारणा राखेका थिए । सयपत्री फूलको माला र अविरले सामाजिक अगुवा जेष्ठ नागरिकलाई सम्मान गरिएको कार्यक्रममा वडा नम्बर ८ का वडाध्यक्ष गौरव सुब्बा मनोज विशेष…