झापा अनलाइन
झापा अनलाइन
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
दमक, १५ साउन । झापामा एक दाताले रु ५० लाख मूल पर्ने जग्गा वडा कार्यालयलाई दान गरेका छन् । जिल्लाको जुरोपानीका बासिन्दा घनश्याम जोशीले गौरादह नगरपालिका– ८ को वडा कार्यालय भवन निर्माणका लागि पाँच कट्ठा जग्गा दान गर्नुभएको हो । जोशीले उक्त जग्गा वडा कार्यालयको नाममा रजिष्टे«शन पास गर्नुभएको छ । मुख्य सडकबाट वडा कार्यालयसम्म पुग्न सहायक बाटोका लागिसमेत निःशुल्क जग्गा दिने जोशीसँग सहमति भएको वडाध्यक्ष भूमिराज पोखरेलले जानकारी दिनुभयो । उहाँले आगामी मंसिरदेखि भवन निर्माण थाल्ने बताउनुभयो । गौरादह नगरपालिकाको वडा नं १, ५, ६, ७ र ९ को आफ्नै भवन छ । वडा नं २, ३, ४ र…
झापा, १५ साउन । पहिलो महिला शंकराचार्य भनिएकी हेमानन्द गिरी पहिला नेपाली कांगे्रस कि नेतृ हुन् । नेपाल विद्यार्थी संघकी केन्द्रीय सदस्यसम्मको हैसियत बनाएकी हेमानन्दको वास्तविक नाम हेमा ढुङ्गाना हो । नेपाल विद्यार्थी संघको राजनीति गरेकी उनी तत्कालीन कांग्रेस नेता विजयकुमार गच्छेदार र खुमबहादुर खड्का निकट भएर काम गरेकी थिइन् । शेरबहादुर देउवाले कांग्रेस टुत्र्याउँदा संस्थापन कांग्रेसमा रहेर राजनीति गरेकी जानकार बताउँछन् । मोरङको पथरीलाई कर्म क्षेत्र बनाएर बसेकी हेमाले सो बेला पथरी हसहन्द क्षेत्रमा ट्युवेल वितरण कार्यक्रम ल्याएर वहावही कमाएकी थिइन् । गच्छेदार भौतिक योजना मन्त्री हुँदा उनको अग्रसरतामा बनेको पथरी खोला पुललाई हेमा ढुङ्गाना पुल नामकरण समेत गराएकी थिइन । पहिलो संविधानसभाको निर्वाचनमा नेपाली…
काठमाडौँ, १५ साउन । उपराष्ट्रपति कप राष्ट्रिय महिला फुटबल लिगको उपाधिका लागि आज दुई विभागीय टोली सशस्त्र प्रहरी बलको एपिएफ र नेपाली सेनाको त्रिभुवन आर्मी क्लब भिड्ने भएका छन् । सातदोबाटोस्थित अखिल नेपाल फुटबल संघ ९एन्फा०को खेल मैदानमा आज दिउँसो फाइनल खेल हुनेछ । समान तीन÷तीन खेल खेलका दुवै टिम अपराजित अवस्थामा छन् । अघिल्ला तीन खेलमा दुवै टोलीले नेपाल पुलिस क्लब, काठमाडौँ फुटबल संघ र रौतहट फुटबल संघलाई पराजित गरेका थिए । दुई खेलमा जित हात पारेको रौतहट ६ अंकका साथ लिगको तेस्रो स्थानमा छ । उपाधि विजेताले रु दुई लाख, उपविजेताले रु एक लाख तथा तेस्रो हुने टिमले…
बिर्तामोड, १५ साउन । सहारा नेपाल साकोसले अब कृषि क्षेत्रको प्रविधि विकाससँगै २० हजार युवालाई रोजगार बनाउने योजना अगाडि सारेको छ । कार्यक्षेत्र भित्रका ६ बटा जिल्लामा २५ बटा पकेट क्षेत्र निर्धारण गरी त्यसमा २० हजार जनालाई आबद्ध गराउने र उनीहरुलाई उद्यमी बनाउने लक्ष्य रहेको संस्थाका कार्यकारी प्रमुख महेन्द्रकुमार गिरीले बताउनुभयो । उहाँका अनुसार यसक्रममा १५ बटा बाख्रा र १० बटा कुखुराको पकेट क्षेत्र निर्धारण हुनेछ भने प्रविधियुक्त कृषिमा जोड दिइनेछ । यसमा १०१ स्थानमा कार्यक्रम सञ्चालन हुनेछ भने किसानहरुलाई ज्ञान र सीप हस्तान्तरण गरिनेछ । कार्यक्रमका संयोजक युवराज सिवाकोटीले प्रविधिसँगै ऋण पनि प्रवाह गरिने र किसानहरुको आयस्तर उकास्न सहयोग…
उर्लाबारी, १५ साउन । मोरङको उर्लाबारीमा मिनी दौड प्रतियोगिता सञ्चालन गरिने भएको छ । अन्तर्राष्ट्रिय युवा दिवसको अवसरमा आगामी साउन २६ गते सो प्रतियोगिता सञ्चालन हुन लागेको हो । उर्लाबारी–६ स्थित सामुदायिक विकास मञ्चले सोमबार पत्रकार सम्मेलन गरी सो प्रतियोगिताका बारेमा जानकारी गराएको हो । ‘स्वास्थ्यका लागि दौड’ भन्ने मुख्य नाराका साथ आयोजना गरिने सो प्रतियोगितामा नगर क्षेत्रका युवाहरुको सहभागिता रहने आयोजकले जनाएको छ । महिला, पुरुष र भेट्रान गरी तीन तहमा दौड प्रतियोगिता सञ्चालन गरिने कार्यक्रम संयोजक प्रभू राईले जानकारी दिए । उर्लाबारी नगरपालिकाको सहयोगमा सञ्चालन गरिने सो प्रतियोगिताको ‘उर्लाबारी रन’ नामकरण गरिएको छ । राष्ट्रियस्तरमा उर्लाबारीको पहिचान गराउने…
सान नेपाल गौरादह, १५ साउन । स्थानीय सञ्चारमाध्यमले गौरादहमा भएका गतिविधलाई नसमेटेको स्थानीय युवाले गुनासो गरेका छन् । आफूहरुले विकास निर्माणको काममा भएको अवाञ्छित क्रियाकलापको विषयमा आवाज उठाए पनि स्थानीय सञ्चारमध्यमले त्यसलाई प्राथमिकता नदिएको उनीहरुको गुनासो छ । ‘हामीले सेवाग्राहीले दुःख पाएको, कर्मचारीद्वारा अनियमिता भएको, जनप्रतिनिधिले कुसलतापूर्वक कार्य गर्न नसकेको विषयमा पटकपटक आवाज उठायौँ’, गौरादह उद्योग वाणिज्य संघका सदस्य प्रकाश बास्कोटाले भने, ‘हामी दिएको दबाबका विषयमा कहीँ कतै समाचार आएन ।’ स्थानीयस्तरका भएका गतिविधलाई सञ्चारमाध्यमले प्राथमिकता दिनुपर्ने उनको भनाइ छ । गौरादह नगरपालिकामा अनियमितता रहेको तथा कर्मचारीद्वारा सेवाग्राही माथि अन्याय भइरहेको स्थानीय युवा इश्वर खत्रीले बताए । ‘यस्ता विषयमा सञ्चारमाध्यमले…
काठमाडौँ, १४ साउन । राष्ट्रिय प्रजातन्त्र पार्टी (प्रजातान्त्रिक) का अध्यक्ष पशुपति शम्शेर जवराले मुलुकमा बढ्दै गएको महँगी र भ्रष्टाचारलाई सरकारले नियन्त्रण गर्न नसकेको आरोप लगाउनुभएको छ । पार्टीले आज यहाँ आयोजना गरेको कार्यक्रममा उहाँले भन्नुभयो, “बजार नियमन र अनुगमनलाई सरकारले तीव्रता दिन नसकेका कारण पछिल्लो समयमा दिनहुँजसो उपभोग्य वस्तुको मूल्य बढ्दै गएको छ ।” अध्यक्ष राणाले दुई तिहाइ बहुमतप्राप्त वर्तमान सरकारले अनियमितता गर्ने कर्मचारी, व्यापारी, राजनीतिज्ञ, समाजसेवी लगायतलाई दण्डित गर्नुपर्नेमा जोड दिँदै देश विकासका लागि भ्रष्टाचार बाधक रहेको बताउनुभयो । जनताको चाहना शान्त र समृद्ध नेपाल निर्माण रहेको उल्लेख गर्दै उहाँले मुलुकमा बढ्दै गएको वैदेशिक चासोले देशको हित नगर्ने बताउनुभयो…
उर्लाबारी, १४ साउन । मोरङको मिक्लाजुङ गाउँपालिका–१ स्थित भित्री सडक खण्डमा ट्याक्टर दुर्घटना हुँदा एक युवकको मृत्यु भएको छ । इलामको साक्फाराबाट कुच्चो र अदुवा बोकेर आउँदै गरेको मे१त ५४९९ नम्बरको ट्याक्टर आइतबार राति अनियन्त्रित भई अन्दाजी ४० फिट तल खसेको थियो । घटनास्थल बिकट क्षेत्र भएकाले घटनाबारे आज बिहान मात्र जानकारी आएको प्रहरीले जनाएको छ । दुर्घटनामा ट्याक्टरमा सवार मिक्लाजुङ–८ बस्ने १८ वर्षीय सुजन श्रेष्ठको घटनास्थलमै मृत्यु भएको इलाका प्रहरी कार्यालय उर्लाबारीका प्रहरी निरीक्षक रामप्रसाद तिमल्सिनाले जानकारी दिनुभयो । ट्याक्टरका चालक इलाम, चुलाचुली गाउँपालिका–६ बस्ने ३० वर्षीय किसान राई फरार रहेकाले उनको खोजी भइरहेको प्रहरीले जनाएको छ ।
काठमाडौँ, १४ साउन । घर बहालमा बस्नेका लागि अनिवार्य रुपमा सम्झौता गरी करको दायरामा ल्याइनुपर्नेमा जोड दिइएको छ । घरबहाल सरोकार महासंघ नेपालले आज यहाँ आयोजना गरेको सञ्चारकर्मीसँगको अन्तरक्रिया कार्यक्रममा सो जोड दिइएको हो । बहालमा बस्नेमध्ये पाँचदेखि सात प्रतिशतसम्मले मात्र सम्झौता गरेको बताइएको छ । भदौ १ गतेदेखि लागू हुने मुलुकी देवानी संहिता ऐन २०७४ को दफा ३८६ (२) मा राष्ट्रपतिले प्रमाणीकरण गर्नुअघि रु १० हजारसम्मको बहालमा लिखत गर्नु नपर्ने भन्ने ठाउँमा रु २० हजार बनाइएको महासंघका महासचिव सीताराम खतिवडाले बताउनुभयो । राजधानी शहरमै घरभाडा सम्झौता नहुने, घरधनीले बहालकर नतिर्ने, वार्षिक २० प्रतिशतसम्म भाडा बढाइनेलगायत समस्या छन् । वार्षिक…
काठमाडौँ, १४ साउन । इन्डोनेसियामा आयोजना हुने १८ औँ एशियाली खेलकूद (एशियाड) को थप तयारीका लागि नेपाल गल्फ टोली आज थाइल्याण्ड प्रस्थान गरेको छ । आगामी भदौ २ गतेदेखि हुने उक्त प्रतियोगिता तयारीका लागि गल्फ सङ्घका अध्यक्ष टासी घलेसहित चार खेलाडी वैदेशिक प्रशिक्षणका लागि थाइल्याण्ड गएका हुन् । नेपाली गल्फ टोलीले एशियाडमा पुरुषतर्फ टिम इभेन्ट र एकलमा प्रतिस्पर्धा गर्नेछन् । नेपाल ओलम्पिक कमिटी (एनओसी)का अध्यक्ष तथा सांसद जीवनराम श्रेष्ठले नेपाली गल्फले पछिल्लो समय निकै मेहनत गरको भन्दै सफलताको शुभकामना दिनुभयो । खेलाडीमा टङ्कबहादुर कार्की, शुक्रबहादुर राई, पृथ्वी मल्ल र अजित विक छन् ।