झापा अनलाइन

काठमाडौँ, ३ असोज । प्रधानमन्त्री केपी शर्मा ओलीले समृद्धि राष्ट्रिय सङ्कल्प भएकाले सबै राजनीतिक दलका नेता र देशवासीलाई यस राष्ट्रिय दायित्वमा सहयोगी हुन आह्वान गरेका छन् । संविधान दिवस, २०७५ का अवसरमा मूल समारोह समितिद्वारा आज नेपाली सैनिक मञ्च (टुँडिखेल) मा आयोजित समारोहमा प्रधानमन्त्री ओलीले राजनीतिक आन्दोलन र मूल कानून निर्माणको चरण सकिएकाले समृद्धि र विकासमा सहयोगी भावनाका साथ संलग्न हुन आह्वान गरेका हुन् । राष्ट्रपति विद्यादेवी भण्डारीको उपस्थितिमा आयोजित समारोहमा उनले भने, ‘समृद्धि र विकास, एक्लो प्रधानमन्त्री वा सरकार, कुनै दल वा व्यक्तिको निजी विषय होइन, हाम्रो राष्ट्रिय सङ्कल्प हो । यस्तो सङ्कल्प, जसलाई हामीले प्रत्येक आन्दोलनको मोर्चामा हामीसँगै…

चितवन, ३ असोज । नवलपुरको बुलिङ्टार–६ अत्रौलीस्थित शिव माध्यामिक बिद्यालयका प्रधानाध्यापकले विद्यार्थी कुट्दा कान फुटेको छ । शिव माध्यामिक विद्यालयका प्रध्यानाध्यापक ओमकुमार श्रेष्ठले कक्षा १० मा अध्ययनरत खुमान सार्की नेपालीलाई कुटपिट गर्दा कान फुटेको हो । घाइते विद्यार्थी खुमानको पुरानो मेडिकल कलेज भरतपुर उपचार भैरहेको छ । विद्यालयमा निर्धारित समयभन्दा १५ मिनेट ढिला आएको भन्दै प्रध्यानाध्यापक श्रेष्ठले प्रार्थना चलिरहेका बेला खुमानसहित १० जना विद्यार्थीलाई लाइन लगाएर कुटेका थिए । प्रधानाध्यापक श्रेष्ठले आफुले कुटेको स्वीकार गरेका छन् । खुमानलाई गालामा कुट्दा कानमा लागेर रगत बगेको बताएका छन् ।

काठमाडौँ, ३ असोज । प्रतिनिधिसभाअन्तर्गतका १० वटा विषयगत समितिका सभापति चयनका लागि निर्वाचन कार्यक्रम सार्वजनिक गरिएको छ । निर्वाचन यही असोज ५ गते शुक्रबार ११ बजेदेखि शुरु हुँदैछ । यसअघि दुईपटक निर्वाचन प्रक्रिया स्थगित भएका थिए । प्रतिनिधिसभाका सचिव गोपालनाथ योगीद्वारा जारी विज्ञप्तिका अनुसार निर्वाचन प्रक्रियाअन्तर्गत भोलि बिहीबार प्रतिनिधिसभाका सम्बन्धित समितिको कुनै सदस्यलाई सभापति पदमा निर्वाचित गरियोस् भनी कुनै अर्को सदस्यले समर्थनसहित प्रस्ताव दर्ता गराउनुपर्ने छ । दर्ता गराउने समयसीमा बिहान ११ बजेदेखि ५ बजेसम्म निर्धारण गरिएको छ । यसपछि सचिवालयले दर्ता भएका प्रस्तावको दर्ताक्रमअनुसार सूची प्रकाशन गर्नेछ । शुक्रबार बिहान ११ बजेदेखि सम्बन्धित समितिका बैठकमा प्रस्तावकले प्रस्ताव प्रस्तुत गर्ने,…

सिर्जना खत्री नेपालमा परिवार नियोजनका आधुनिक विधिको प्रयोग गर्नेको संख्यामा ह्रास आएको छ। हरेक पाँच वर्षको अन्तरालमा हुँदै आइरहेको नेपाल जनसांख्यिक तथा स्वास्थ्य सर्भेक्षणले सन् २०११ को तुलनामा सन् २०१६ मा आधुनिक विधि प्रयोग गर्नेको संख्या घटेको देखाएको हो। ‘नेपाल जनसांख्यिक तथा स्वास्थ्य सर्भेक्षण ९एनडिएचएस० २०१६’ले नेपालमा प्रजनन उमेर ९१५ देखि ४९ वर्ष० का ४२ दशमलव ८ प्रतिशतले मात्र परिवार नियोजनका आधुनिक साधनको प्रयोग गर्ने गरेको देखाएको छ। सन् २०११ मा ४३ दशमलव २ प्रतिशतले साधन प्रयोग गर्थे। परिवार नियोजनका आधुनिक साधन प्रयोग गर्नेको प्रतिशत १० वर्ष अगाडिको भन्दा पनि कम देखिएको छ। सन् २००६ मा पनि नेपालका ४४ दशमलव…

हाम्रो देशमा उसै त नेताहरुको छवि जनताको नजरमा निकै खराब छ । चुनावमा भोट हालेका उनै नेताहरुलार्र्इ जनताले दुत्कार्नु परेको छ । तर हामीकहाँ तिनै नेताको विकल्प छैन । उता अमेरिकामा भने जनताले नेताको विकल्प निकालेका छन् । जनताले कुकुरलाई आफ्नो शहरको मेयर चुनेका छन् । क्यालिफोर्नियाको इडिलविल्ड सहरका बासिन्दाले गोल्डेन रिट्रिभर जातको कुकुरलाई मेयरको कुर्सी सुम्पिएका छन् । नवनिर्वाचित उक्त मेयर कुकुरको नाम मेक्सिमस म्यूलर हो । मेयरको काँधमा धेरै जिम्मेवारी सुम्पिएको छ । मेयरलाई सघाउनका लागि थप दुईवटा कुकुरलाई उप मेयरमा नियुक्त गरिएको छ । दुबै उपमेयर कुकुर पनि गोल्डेन रिट्रिभर जातकै हुन् । उनीहरुको नाम माइकी र…

चलचित्र प्रचारका लागि निर्माताहरुले नयाँ नयाँ उपाय अपनाउँछन्, ताकी दर्शक हलसम्म आउन् । असोज ५ गतेबाट रिलिज हुन लागेको चलचित्र ‘बाँध मायाले’को निर्माणपक्षले पनि यस्तै शैली अपनाइरहेको छ । यो चलचित्रको निर्माणपक्षले दर्शकका लागि क्यासब्याकको अफर ल्याएको हो । ‘खल्ती डिजिटल’ प्रयोग गरेर अनलाइनमार्फत चलचित्रको टिकट खरिद गर्दा सबै दर्शकले १५ प्रतिशत क्यासब्याक पाउनेछन् । यो अफर चलचित्र हलमा चलिन्जेलसम्म कायम रहनेछ । यो एप मार्फत चलचित्र हेर्नका लागि आफ्नो उपयुक्त समय र सिट रोजेर दर्शकले टिकट काट्न पाउनेछन् । सविर श्रेष्ठको निर्देशनमा तयार भएको यो चलचित्रमा आर्यन अधिकारी, श्रृष्टी श्रेष्ठ, किशोर खड्का, राजाराम पौडेल लगायतका कलाकारको अभिनय छ ।…

गौरादह, ३ असोज । गौरादह नगरपालिकाले संविधान दिवशको अवसरमा प्रभातफेरी कार्यक्रम सम्पन्न गरेको छ । चौथो संविधान दिवश मनाउन गौरादह नगरपालिका भित्रका राजनितिक दलका प्रतिनिधि, जनप्रतिनिधि, संघसंस्था, समाजसेवी, वुद्धिजिवी सहभागी भएका थिए । कार्यक्रममा सहभागीहरुले ¥याली निकालेका थिए । ¥यालीे नगरपालिका कार्यालयबाट शुरु गरी डिपुचोक हुदै बजार परिक्रमा गरी पुनः नगरपालिकामा आइ सभामा परिणत भएको थियो । सभालाई सम्वोधन गर्दै गौरादह नगरपालिकाका मेयर तथा कार्यक्रमका सभापति रोहितकुमार साहले संविधानबाट प्राप्त अधिकार र कर्तव्यको पालना गर्दै नगरको विकास र समृद्धीको लागि स्थानीय सरकार प्रयत्नशील रहेको बताएका छन् । राष्ट्रिय एकता, भौगोलिक अखण्डता, सार्वभौमिकता र स्वाधिनता, राष्ट्रिय हित र सामाजिक सद्धभाव कायम…

सान नेपाल गौरादह, ३ असोज । गौरादह ९ दहगाउँका स्थायी बासिन्दा मृगौला रोग पिडित वोधराज खनालको उपचारका लागि आर्थिक सहयोग जुट्ने कार्य जारी रहेको छ । स्वदेश तथा विदेशबाट खनाल बचाउ अभियानमा सहयोग जुटेको छ । स्थानीयवासीहरुले खनाललाई बचाउन बोधराज खनाल उपचार सहयोग समिति गठन गरी आर्थिक संकलनको अभियान सञ्चालन गरेका हुन् । राजनितिक दलका प्रतिनिधि, जनप्रतिनिधि, समाजसेवी, संघ संस्थाहरु समेत आर्थिक संकलनका लागि जुटेका छन् भने संकलित रकम घरमै पुगेर हस्तान्तरण गरिरहेका छन् । यसै क्रममा गौरादह नगरपालिका वडा नं. ९ का वडा अध्यक्ष सिताराम भट्टराईले खनालको घरमै पुगेर आप्mनो व्यक्तिगत तर्पmबाट नगद ११ हजार आर्थिक सहयोग गरेका छन्…

सान नेपाल गौरादह, ३ असोज । क्रिएटिभ नेप्लीज युथ क्लब सम्पर्क केन्द्र गौरादहले सामुदायिक विद्यालयका विद्यार्थीहरुलाई शैक्षिक सामाग्री वितरण गरेको छ । क्लबले गौरादह–४ मा रहेको जनता प्रावि मिलनचोकमा रहेको विद्यालयका ५५ जना विद्यार्थीलाई पाठ्यसामग्रीका रुपमा कापी, कलम, पेन्सिल वितरण गरेको छ । गौरादहमा रहेको प्रजिना कन्स्ट्रक्सन र ममता मेडिकल हलले पाठ्यसामग्री सौजन्य गरेका थिए । विद्यालयमा अध्ययनरत विद्यार्थीहरुलाई सिकाइ कार्यमा सहजताका लागि वर्णमाला चार्टहरु विद्यालयलाई वितरण गरेको छ । गौरादह नगरपालिकाका नगरप्रमुख रोहितकुमार साहले सामुदायिक विद्यालयमा गरीब तथा विपन्न परिवारका छोराछोरीहरु अध्ययन गर्न आउने भएकाले पाठ्यसामग्रीको अभावमा विद्यालय आउन अन्कनाउने बताए । उनले सामुदायिक विद्यालयमा अध्ययनरत विद्यार्थीहरुलाई पाठ्यसामग्री वितरण…

बिर्तामोड, ३ असोज । झापाको बिर्तामोड–भद्रपुर सडक खण्डको निर्माण कार्य शुरु भएको छ । चार लेनको बन्न लागेको उक्त २७ करोड लागतमा निर्माण हुन लागेको हो । सडक निर्माणको प्रदेश संसद एकराज कार्की, बिर्तामोड नगरपालिका प्रमुख ध्रुवकुमार सिवाकोटी र उपप्रमुख मञ्जु महतरा प्रसाईंले संयुक्त रुपमा डोजर चलाएर शुभारम्भ गरेका छन् । सडक निर्माणका लागि डिभिजन सडक कार्यालय दमकले टेन्डर आह्वान गरेको थियो । उक्त सडक निर्माणका लागि भौतिक पूर्वाधार तथा यातायात मन्त्रालयले २७ करोड रुपैयाँ विनियोजन गरेको डिभिजन कार्यालयका इन्जिनियर माधव पौडेलले जानकारी दिए । उनले सडक निर्माणको काम अब सुरु भएको र १८ महिना भित्र सक्ने गरी ठेकेदार कम्पनीले…