झापा अनलाइन

झापा, २४ भदौ । सोमबार राजधानीमा भएको जेन जेडको प्रदर्शनपछि चौतर्फी विरोध चर्किएपछि सरकारले सामाजिक सञ्जालमाथि लगाएको प्रतिबन्ध फिर्ता लिएको छ। प्रधानमन्त्री निवासमा साँझ बसेको मन्त्रिपरिषद् बैठकले सामाजिक सञ्जाल पुनः सञ्चालनमा ल्याउने निर्णय गरेको सूचना तथा सञ्चार प्रविधि मन्त्री पृथ्वी सुब्बा गुरुङले जानकारी दिए । मन्त्री गुरुङका अनुसार, मन्त्रिपरिषद्को निर्णयसँगै फेसबुक, एक्स (पूर्व ट्विटर), टिकटक लगायतका सामाजिक सञ्जालहरू पुनः सञ्चालनमा आएका छन् । प्रतिपक्षी दलहरूले प्रधानमन्त्री केपी शर्मा ओलीको राजीनामा माग्दै सडक आन्दोलन गरिरहेका सन्दर्भमा मन्त्री गुरुङले भने, “अहिले प्रधानमन्त्रीको राजीनामा आउँदैन । सडकमा बसेर मागेर हुँदैन।” मन्त्री गुरुङले भ्रष्टाचार र पारदर्शिताको अभाव रहेको मुलुकमा दर्ता नगर्ने नीति अनुसार सामाजिक…

मेष: आर्थिक समस्याले मानसिक तनावको सिर्जना हुनेछ। समयमा होस् नपुग्नाले काम रोकिन सक्छ। कसैले झुटो आश्वासन दिन सक्छन्। शरीरमा स्फूर्ति र उमङ्गको कमी हुनेछ। अरूका विषयमा चासो लिँदा व्यर्थैमा झमेला बेहोर्नु पर्ला। वृष: लगानीमा रहेको रकम फिर्ता आउन सक्छ। सामाजिक सेवा गर्ने अवसरले मानप्रतिष्ठा बढाउनेछ। पर्यटकीय स्थलको भ्रमणले मन लोभ्याउनेछ। शुभकार्यको चर्चा चल्नेछ। आफ्नो इगो घटाएर संवाद बढाउनुहोस्, प्रेम सम्बन्धमा मिठास आउनेछ। मिथुन: आफ्नो क्षेत्रमा प्रभुत्व जमाउन सकिनेछ। महिला वा मित्रबाट विशेष सहयोग मिल्ला। नयाँ कामका विभिन्न अवसर फेला पर्नेछन्। परिवारका सदस्यहरूसँग भेटघाट हुनेछ। अध्ययनमा रुचि जाग्नुका साथै यात्राका योग पनि देखिन्छन्। कर्कट: आम्दानी बढाउने काम सुरु गर्न सकिनेछ। विलासी…

झापा, २४ भदौ । जल तथा मौसम विज्ञान विभागको मौसम पूर्वानुमान महाशाखाले आजको मौसमबारे जानकारी दिएको छ । विभागले आज बिहान एक बुलेटिन जारी गरी हाल मनसुनको न्यून चापीय रेखा पश्चिममा सरदर भन्दा दक्षिणतिर साथै पूर्वमा सरदर स्थानको आसपास अवस्थित रहेको जनाएको छ । महाशाखाका अनुसार आज दिउँसो कोशी प्रदेश, मधेश प्रदेश लगायत देशको पहाडी भूभागमा साधारणतया बदली र बाँकी भूभागमा आंशिक बदली रहनेछ । कोशी प्रदेश, बागमती प्रदेश र गण्डकी प्रदेशको पहाडी भूभागका केही स्थानहरूमा, मधेश प्रदेश लगायत बाँकी पहाडी र तराई भूभागका थोरै स्थानहरूमा मध्यम वर्षाको सम्भावना रहेको छ । कोशी प्रदेश, बागमती प्रदेश र गण्डकी प्रदेशका पहाडी…

इटहरी, २३ भदौ । ‘जेनजी’ पुस्ताको आन्दोलनमा सुनसरीको इटहरीमा आज दुई जनाको मृत्यु भएको छ । जिल्ला प्रहरी कार्यालयका प्रवक्ता योगराज खतिवडाले मृतक करिब २५–२६ वर्षका रहेका भए पनि पहिचान खुल्न नसकेको बताउनुभयो । आन्दोलनमा घाइते भएका तीन जनालाई बिपी कोइराला स्वास्थ्य विज्ञान प्रतिष्ठान धरान पुर्‍याइएपछि चिकित्सकले दुई जनालाई मृत घोषणा गरेका हुन् । आन्दोलन उग्र भएपछि स्थित नियन्त्रणमा लिन प्रहरीले गोली प्रहार गरेको थियो । जिल्ला प्रशासन कार्यालय सुनसरीले आज इटहरी उपमहानगरपालिका क्षेत्रमा अर्को सूचना जारी नहुञ्जेलसम्मका लागि निषेधाज्ञा जारी भएको छ ।

झापा, २३ भदौ । जेनजीको प्रदर्शनमा अत्यधिक दमन भएपछि आलोचना खेपिरहेका गृहमन्त्री रमेश लेखकले राजीनामा दिएका छन् । उनले मन्त्रिपरिषद् बैठकमै प्रधानमन्त्री केपी शर्मा ओलीलाई राजीनामा पत्र बुझाएका हुन् । सोमबार साँझ बसेको कांग्रेस पदाधिकारीहरूको बैठकमा गृहमन्त्रीको भूमिकामाथि प्रश्न उठेको थियो । ठूलो मानवीय क्षति हुने गरी बल प्रयोग गरेको भन्दै नेताहरूले प्रश्न उठाएका थिए । जेनजीले काठमाडौँसहित देशका विभिन्न सहरमा गरेको प्रदर्शनमा ठूलो मानवीय क्षति भएको छ । काठमाडौँ उपत्यकामा १८ र इटरीमा २ जना गरी २० जनाको मृत्यु भएको छ । अढाई सयभन्दा बढी घाइते भएका छन् । बानेश्वरको संसद् भवनमा प्रदर्शनकारी प्रवेश गरेका थिए ।

झापा, २३ भदौ । काठमाडौंलगायत देशभर जेन–जी पुस्ताद्वारा शान्तिपूर्ण रूपमा आयोजित विरोध प्रदर्शनका क्रममा सरकारले गरेको दमनको माओवादी केन्द्र कोशीले निन्दा र भत्र्सना गरेको छ । आन्दोलनलाई दमन गरेर रोक्न नसकिने इतिहासमा पुष्टि भइसकेको भन्दै माओवादी केन्द्र कोशीका अध्यक्ष हर्कबहादुर नेम्वाङ मिक्सोले विज्ञप्ति जारी गर्दै सरकारले विवेक गुमाएको र जनताको भावना बुझ्न असफल भएको टिप्पणी गरेको छ । ‘१७ जना युवाको हत्या भएको र २ सयभन्दा बढी घाइते भएको प्रारम्भिक रिपोर्टप्रति हाम्रो गम्भीर ध्यानाकर्षण भएको छ । यो अमानवीय घटनाले हाम्रो पार्टीलाई स्तब्ध, दुःखी र आक्रोशित बनाएको छ,’ विज्ञप्तिमा भनिएको छ, ‘भ्रष्टाचारको अन्त्य र सामाजिक सञ्जालमाथिको प्रतिबन्ध हटाउने जस्ता जायज…

झापा, २३ भदौ । नेपाली कांग्रेसका नेता शेखर कोइरालाले कलिला युवा विद्यार्थीहरुमाथि बर्वर ढंगबाट गोली प्रहार गरेको आरोप लगाएका छन् । समाजिक सञ्जालमार्फत जेनजीहरुलाई पत्र लेख्दै उनले जीनको आन्दोलमा आफ्नो साथ रहेको बताएका छन्। ‘सरकारले गरेको तपाईं हाम्रा प्रियजनहरुको हत्याले मलाई मर्माहत बनाएको छ,’ कोइरालले भनेका छन्, ‘श्रद्धाञ्जलीका केही शब्दले राष्ट्रकै यो अपुरणीय क्षतिमा मलहम लगाउन सक्दैन। यस पिडादायी क्षणमा म तपाईं र तपाईंका अभिभावकहरुसँगै छु र रहिरहनेछु।’ त्यस्तै उनले आजको नदेखि यो सरकारको औचित्य पुरै समाप्त भएको समेत बताएका छन्। ‘आजबाट वर्तमान सरकारको औचित्य पुरै समाप्त भएको छ,’ कोइरालाको भनाइ छ, ‘तपाईं हामी मिलेर देशका हरेक समस्याको विधि सम्मत…

झापा, २३ भदौ । देशभर फैलिएको जेन जेड आन्दोलनमा सरकारी दमनका कारण हालसम्म २० जनाको मृत्यु भएको पुष्टि भएको छ। तीमध्ये १८ जनाको ज्यान राजधानी काठमाडौंमा गएको हो । राष्ट्रिय ट्रमा सेन्टरमा ८ जनाको मृत्यु राष्ट्रिय ट्रमा सेन्टरमा उपचारका क्रममा ८ जनाको मृत्यु भएको अस्पताल प्रशासनले जनाएको छ । तीमध्ये ५ जनाको पहिचान निम्नानुसार गरिएको छ– श्रीयाम चौलागाईं (१९), ग्लोबल कलेजका विद्यार्थीसुलभराज श्रेष्ठ (२१), बाँकेबुद्धि तामाङ (४२), कीर्तिपुरगौरव जोशी (उमेर खुलाइएको छैन)स्टप अधिकारी (उमेर खुलाइएको छैन) उनीहरू सबै गम्भीर घाइते अवस्थामा अस्पताल ल्याइएको र उपचारकै क्रममा निधन भएको जनाइएको छ। बाँकी तीनजनाको सनाखत हुन बाँकी छ। काठमाडौं मेडिकल कलेजमा २…

कनकाई, २३ भदौ । झापाको दमकमा मुख्य कार्यालय रहेको स्वर्णलक्ष्मी बचत तथा ऋण सहकारी संस्थाको १६ औं वार्षिक साधारणसभा अन्तरगत इकाइगत साधारणसभा शुरु भएको छ । संस्थाको इकाइगत साधारणसभा अन्तरगत कनकाईमा पहिलो इकाइगत साधारणसभा भएको हो । संस्थाका अध्यक्ष बुद्धिसागर बरालको अध्यक्षता एवम् कनकाई नगरपालिका वडा नं. ३ का अध्यक्ष युवराज चौलागाईंको प्रमुख आतिथ्यमा पहिलो इकाइगत साधारणसभा सम्पन्न भएको छ । कार्यक्रममा प्रमुख अतिथि चौलागाईंले संस्थाले गरेको सदस्य लक्षित विभिन्न कार्यक्रम र समाजिक कार्यको प्रशंसा गर्नुभएको थियो । उहाँले वर्तमान आर्थिक मन्दीको अवस्थालाई ख्याल गर्दै ऋण र बचतको ब्याजदर सहुलित बनाउन आग्रह गर्नुभयो । कार्यक्रममा संस्थाका अध्यक्ष बरालले वार्षिक प्रगति…

झापा, २३ भदौ । भाद्र शुक्ल पूर्णिमाका दिन आइतबार राति खग्रास ९पूरै ढाकिने० चन्द्रग्रहण लागेको छ । नेपाल पञ्चाङ्ग निर्णायक विकास समितिका अनुसार ग्रहणले आइतबार राति १० बजेर ११ मिनेटमा स्पर्श गरेको थियो । राति ११ः५६ मा चन्द्रग्रहणको मध्य, राति ०१ः४१ बजे ग्रहण सकिएको थियो । समितिका अध्यक्ष प्रा शम्भुप्रसाद ढकालले साढे तीन घण्टा काठमाडौँबाट चन्द्रग्रहण देखिएको जानकारी दिनुभयो । नेपालमा पूर्व र आग्नेयका बीचबाट चन्द्रग्रहणले १०ः११ बजे स्पर्श गरेको र नैऋत्य र पश्चिमबाट राति ०१ः४१ बजे अन्त्य भएको पनि उहाँले बताउनुभयो । पृथ्वीले सूर्यलाई पूर्णरुपमा छेक्दा पूरा चन्द्रमा ढाकिने अवस्था नै खग्रास चन्द्रग्रहण हो । पृथ्वी, सूर्य र चन्द्रमा…