jhapaonline add
बिर्तामोड, २५ कात्तिक । झापाको बिर्तामोडमा विद्यार्थी प्रतिभा प्रतियोगिता ‘स्टुडेन्ट अफ द ईयर’ को अडिसन मंसिर ६ गते हुने भएको छ। आयोजकका अनुसार अडिसन अघि मंसिर ५ गते बिर्तामोडमा ट्रफी टुर कार्यक्रम आयोजना गरिनेछ । प्रतियोगिताका क्रिएटिभ हेड इमरान अलीका अनुसार देशभरका १३ देखि २१ वर्ष उमेर समूहका विद्यार्थीहरूलाई लक्षित गरी बिर्तामोडसहित ११ वटा शहरमा अडिसन सञ्चालन गरिनेछ । प्रतियोगितामा सहभागी हुन विद्यार्थीहरूले ९९० रुपैयाँ रजिस्ट्रेसन शुल्क तिर्नुपर्नेछ भने त्यसपछि फाइनलसम्म कुनै शुल्क नलाग्ने अलीले जानकारी दिए । प्रतियोगिताका विजेताले नगद पाँच लाख रुपैयाँ बराबरको छात्रवृत्ति र विभिन्न उपहार प्राप्त गर्नेछन् । कार्यक्रम सञ्चालिका इभा गिरीले विद्यार्थीहरूमा लुकेको प्रतिभा उजागर…
झापा, २५ कात्तिक । झापा जिल्लाको शिवसताक्षी नगरपालिका–११ मा रहेको सन्तोष नेम्वाङको दुई तले ग्वालीमा आगलागी हुँदा करिब तीन लाख रुपैयाँ बराबरको क्षति भएको छ। आज बिहान नेम्वाङको गाई बाँध्ने ग्वालीमा राखिएको परालमा अज्ञात कारणले अचानक आगलागी भएको थियो । आगोले ग्वाली पूर्ण रूपमा नष्ट गरेको स्थानीय प्रशासनले जनाएको छ । घटनापछि शिवसताक्षी नगरपालिकाको दमकल, स्थानीय बासिन्दा तथा इलाका प्रहरी कार्यालय झिलझिलेबाट खटिएको टोलीको सहयोगमा आगो नियन्त्रणमा ल्याइएको थियो । आगो नियन्त्रणमा लिन करिब एक घण्टा लागेको र दिउँसो १२ः२५ बजे पूर्ण रूपमा निभाइएको जनाइएको छ । आगलागीको कारण खुल्न बाँकी रहेको र घटनाबारे थप अनुसन्धान भइरहेको प्रहरीले जनाएको छ…
इलाम, २५ कात्तिक । सामलिङ र माइखोला जलविद्युत् आयोजनाले सामाजिक उत्तरदायित्व र क्षतिपूर्ति सम्बन्धी माग बेवास्ता गरेको भन्दै इलाम नगरपालिका–८ महमिरका स्थानीयवासीले सङ्घर्ष कार्यक्रम घोषणा गरेका छन्। सोमबार इलाम बजारस्थित पत्रकार महासङ्घको सभाहलमा आयोजित पत्रकार सम्मेलनमार्फत प्रभावित समुदायले आयोजनाहरूले शिक्षा, स्वास्थ्य, वातावरण, रोजगारी र सामाजिक विकासका क्षेत्रमा कुनै योगदान नपुर्याएको आरोप लगाएका हुन्। उनीहरूले स्थापना कालदेखि नै आयोजनाले समुदायप्रति जिम्मेवारी नलिएको र विभिन्न वाचा तथा सम्झौता कार्यान्वयनमा ढिलासुस्ती गरेको बताएका छन्। वक्ताहरूले आयोजनाले क्षतिपूर्ति नदिएको, घरजग्गा मापन तथा मूल्याङ्कनमा मनोमानी गरेको, पुनःस्थापनाका काम अधुरो छोडेको र सामाजिक उत्तरदायित्वअन्तर्गतका कार्यक्रम अवरुद्ध गरेको आरोप लगाए। स्थानीयहरूले अब आफ्ना अधिकारका लागि आन्दोलनमा उत्रनुको…
झापा, २५ कात्तिक । एलभिडी झापा महिला गोल्डकपमा टिकट बिक्रीबाटै रू ५८ लाख उठेको छ । आयोजक समितिका अध्यक्ष सन्तोष थोप्राका अनुसार प्रतियोगिता अवधिभर रू ५८ लाख तीन हजार बराबरको टिकट बिक्री भएको हो । फाइनल खेलमा मात्र रू ३० लाख दुई हजार चार सयको टिकट बिक्री भएको उहाँले बताउनुभयो । “दर्शकको उत्साहले हामीलाई थप जिम्मेवारी बढाएको छ”, उहाँले भन्नुभयो, “महिला फुटबललाई अझै मजबुत बनाउने हाम्रो लक्ष्य छ, टिकट बिक्रीबाट प्राप्त रकम प्रतियोगिता सञ्चालन, खेलाडी प्रोत्साहन र मैदान व्यवस्थापनमा प्रयोग गर्छौं ।” प्रतियोगिताको उपाधि नेपाल पुलिस क्लबले उचालेको छ । एपिएफलाई हराउँदै पुलिसले रू १० लाख १० हजार हात पारेको…
कनकाई, २५ कात्तिक । झापाको कनकाई नगरपालिका–३ नयाँ बस्तीस्थित भित्री सडक खण्डमा दुई मोटरसाइकल एक आपसमा ठक्कर खाँदा एक जनाको मृत्यु भएको छ । सोमबार राति ९ः१० बजे सुरुङ्गा पुलबाट टप्पु चोकतर्फ जाँदै गरेको प्र.१–०२–०५८ प ५०६३ नम्बरको मोटरसाइकल र विपरीत दिशाबाट आइरहेको प्र।१–०१–०१५ प ४२१० नम्बरको मोटरसाइकल एक आपसमा ठोक्किएका थिए । दुर्घटनामा ५०६३ नम्बरको मोटरसाइकल चालक कनकाई नगरपालिका–३ का ३३ वर्षीय दीपक सिटौला गम्भीर घाइते भएका थिए । टाउकोमा चोट लागेका सिटौलालाई तत्काल बिर्तामोडस्थित बीएण्डसी अस्पताल लगिएको थियो । अस्पतालमा चिकित्सकले परीक्षण गर्दा उनलाई मृत घोषणा गरिएको जिल्ला प्रहरी कार्यालय झापाले जनाएको छ । दुर्घटनामा संलग्न ४२१० नम्बरको…
झापा, २५ कात्तिक । जेनजी आन्दोलनका क्रममा झापाका विभिन्न प्रहरी कार्यालयको भवन र सवारी साधन तोडफोड, आगजनी र लुटपाटमा संलग्न १२ जनालाई प्रहरीले पक्राउ गरेको जनाएको छ। भदौ २४ गते झापाको अनारमनी, सुरुंगा र दमकस्थित इलाका प्रहरी कार्यालयमा आगजनी, तोडफोड, लुटपाट र प्रहरी कर्मचारीमाथि आक्रमणका घटना भएका थिए। उक्त घटनाको सीसीटीभी फुटेज, भिडियो र फोटोहरुको अध्ययन र विश्लेषणका आधारमा अभियुक्तको पहिचान गरी नियन्त्रणमा लिइएको जिल्ला प्रहरी कार्यालय झापाका प्रवक्ता खगेन्द्रबहादुर खड्काले बताए। पक्राउ पर्नेहरुमा विर्तामोड–५ का ४५ वर्षीय नवराज राई, सोही वडाका २२ वर्षीय राजन चौधरी, सोही वडाका २० वर्षीय आयूष धिमाल, कनकाई–१ का ४२ वर्षीय गोपाल संग्रौला, कनकाई–३ का…
झापा, २५ कात्तिक । हाल देशभर कुनै उल्लेखनीय मौसम प्रणालीको प्रभाव नरहेको मौसम पूर्वानुमान महाशाखाले जनाएको छ । हाल कोशी प्रदेश, गण्डकी प्रदेश र कर्णाली प्रदेशका पहाडी तथा हिमाली भूभागमा आंशिक बदली रही बाँकी भूभागमा मौसम मुख्यतया सफा रहेको छ । आज दिउँसो कोशी प्रदेश र गण्डकी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहने छ । आज राति गण्डकी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहने महाशाखाले जनाएको छ ।
झापा, २५ कात्तिक । किरात धर्मावलम्बीका महागुरु फाल्गुनन्दको १४१औँ जन्मजयन्ती आज विविध कार्यक्रम आयोजना गरी मनाइँदैछ । विसं १९४२ कात्तिक २५ गते इलाममा सामान्य परिवारमा फाल्गुनन्दको जन्म भएको थियो । किरात, भाषा, लिपि, संस्कार, संस्कृति एवं समाज सुधारमा उहाँको महत्वपूर्ण योगदान रहेको छ । समाज सुधारका लागि फाल्गुनन्दले नीति निर्माणसमेत गर्नुभएको थियो । यसलाई सत्य धर्म मुचुल्का भनिन्छ । यो १९८८ साल वैशाख २४ गते जारी गरिएको थियो । किरात समाज सुधारका लागि नीतिसमेत निर्माण गरी योगदान गर्नुभएका फाल्गुनन्दको विसं २००५ मा निधन भएको हो । किरात समाज सुधारमा उहाँले पु¥याउनुभएको योगदानको कदर गर्दै उहाँलाई २०६६ मङ्सिर १६ गते सरकारले…
झापा, २५ कात्तिक । कोशी प्रदेश सरकारको मनमोहन प्राविधिक विश्वविद्यालयका विद्यार्थीले कृषी कार्यका लागि एउटै मेसिनबाट धेरै काम गर्न सकिने स्मार्ट फार्मिङ र स्मार्ट सिटीका लागि सोलारबाट चल्ने स्मार्ट सिटीको पोडवे सहित विभिन्न मेसिन र सिस्टम उपकरणहरु बनाएका छन । मनमोहन प्राविधिक विश्वविद्यालयको आंगिक शिक्षालय मनमोहन पोलिटेक्निकको तीन बर्षे डिप्लोमा तर्फ अध्यनरत अन्तिम बर्षका विद्यार्थीहरुले कृषी कार्य गर्दा धान काट्ने, दाई गर्ने, मल, पानी, छर्ने, जोत्ने आदि काम एकै मेसिनबाट गर्नसक्ने स्मार्ट फार्मिङ उपकरण सहित स्मार्ट सिटीमा सोलारबाट चल्ने पोडवे लगायत विभिन्न्न मेसिन र सिस्टम उपकरणहरु बताएका हुन । आइतवार मनोमोहन पोलिटेक्निकका ईलेक्ट्रिक ईन्जिनियरिङतर्फका विद्यार्थीहरुको समुहले बनाएको उक्त्त स्मार्ट फार्मिङ…
झापा, २४ कात्तिक । जेनजी आन्दोलनको क्रममा इलाका प्रहरी कार्यालय दमकमा भएको तोडफोड, आगजनी र लुटपाट घटनामा संलग्न दुई जना अभियुक्तलाई प्रहरीले नियन्त्रणमा लिएको छ । घटनामा संलग्न व्यक्तिहरूको पहिचान सिसिटिभी फुटेज, फोटो, भिडियो तथा साक्षीको आधारमा गरिएको जिल्ला प्रहरी कार्यालय झापाले जनाएको छ । गत भदौ २४ गते दिउँसो करिब ४ बजे दमक–६ स्थित इलाका प्रहरी कार्यालयमा भएको तोडफोड, आगजनी र लुटपाटमा संलग्न रहेको आरोपमा दमक–३ निवासी १९ वर्षीय रियाज सिलवाललाई कात्तिक २३ गते दिउँसो दमक–५ स्थित डिम्याक्स हल नजिकबाट प्रहरी टोलीले नियन्त्रणमा लिएको हो । त्यसैगरी, सोही दिनको घटनामा दुर्गा भगवती मन्दिरमा समेत तोडफोड, आगजनी गरी त्रिशुल बोकेर…