jhapaonline add
झापा, ७ कात्तिक । नेपाल राष्ट्र बैंकले शुक्रबारका लागि सार्वजनिक गरेको विदेशी मुद्राको विनिमयदर अनुसार अमेरिकी डलर, युरो, कुबेती र बहराइन दिनारको मूल्य घटेको छ भने पाउन्ड स्ट्रलिङ र अस्ट्रेलियन डलरको दर बढेको छ। राष्ट्र बैंकका अनुसार आज अमेरिकी डलर १ को खरिददर १४० रुपैयाँ २५ पैसा र बिक्रीदर १४० रुपैयाँ ८५ पैसा रहेको छ। हिजोको तुलनामा डलरको मूल्य घटेको हो। हिजो खरिददर १४० रुपैयाँ ३९ पैसा र बिक्रीदर १४० रुपैयाँ ९९ पैसा थियो। त्यस्तै, युरो १ को आजको खरिददर १६२ रुपैयाँ ५६ पैसा र बिक्रीदर १६३ रुपैयाँ २६ पैसा छ। हिजो युरोको खरिददर १६२ रुपैयाँ ६८ पैसा र बिक्रीदर…
झापा, ७ कात्तिक । बिहीबार साँझ सोलुखुम्बुमा बोलेरो गाडी दुर्घटनामा पर्दा तीन जनाको मृत्यु भएको छ भने अन्य छ जना घाइते भएका छन्। जिल्ला प्रहरी कार्यालय सोलुखुम्बुका डीएसपी मनोजित कुँवरका अनुसार साँझ साढे ६ बजेतिर माप्य दूधकोशी गाउँपालिकाबाट महाकुलुङ गाउँपालिकातर्फ जाँदै गरेको बोलेरो गाडी दुर्घटनामा परेको हो। माप्य दूधकोशी गाउँपालिका वडा नम्बर ६ र ७ को सिमानामा पर्ने भिरकुनाबाट गाडी सडकबाट करिब ४ सय मिटर तल खसेको बताइएको छ। दुर्घटनामा मृत्यु हुने र घाइते हुनेको पहिचान खुल्न बाँकी रहेको प्रहरीले जनाएको छ। बोलेरो गाडी खुम्बुबाट महाकुलुङ हिँडेका यात्रु लिन माप्य गएको थियो। फर्किने क्रममा दुर्घटना भएको हो। घाइतेहरूलाई उपचारका लागि…
झापा, ७ कात्तिक । जल तथा मौसम विज्ञान विभागको मौसम पूर्वानुमान महाशाखाले हाल देशभर कुनै उल्लेखनीय मौसम प्रणालीको प्रभाव नरहेको जनाएको छ । आज बिहान मौसम बुलेटिन जारी गर्दै महाशाखाले मौसमबारे जानकारी दिएको हो । महाशाखाका अनुसार आज दिउँसो सबै प्रदेशका पहाडी भू–भागमा आंशिक बदली तथा बाँकी भू–भागमा मौसम मूख्यतया सफा रहने छ । कोशी प्रदेश, बागमती प्रदेश र गण्डकी प्रदेशका पहाडी तथा हिमाली भू–भागका एक–दुई स्थानमा हल्का वर्षा–हिमपातको सम्भावना रहेको छ । यस्तै, आज राती कोशी प्रदेश, बागमती प्रदेश र गण्डकी प्रदेशको पहाडी भू–भागमा आंशिक बदली तथा बाँकी भू–भागमा मौसम मूख्यतया सफा रहने छ । गण्डकी प्रदेशको पहाडी तथा…
रौतहट, ६ कात्तिक । रौतहटको गौर नगरपालिका–५ का पूर्व वडाध्यक्ष रामस्वार्थ राय यादवको करेन्ट लागेर निधन भएको छ । जिल्ला प्रहरी कार्यालय रौतहटका अनुसार गौरस्थित आफ्नै बाख्रा फर्ममा पानीका लागि मोटर चलाउने क्रममा यादवलाई बुधबार करेन्ट लागेको थियो । करेन्ट लागेर गम्भीर घाइते भएका यादवलाई उपचारका लागि लैजाने क्रममा बाटोमै निधन भएको जिल्ला प्रहरी कार्यालय रौतहटले जनाएको छ ।
महोत्तरी, ६ कात्तिक । महोत्तरीसहित तराई–मधेशका अधिकांश क्षेत्रमा आज भैयादुज पर्व हर्षोल्लासका साथ मनाइँदै छ। दीपावलीको पाँचौं दिन, कात्तिक शुक्ल द्वितीयाका दिन मनाइने यो पर्व मैथिल परम्परामा ‘भरद्वितीया’ वा ‘भातृद्वितीया’ नामले पनि चिनिन्छ। यस वर्ष धनतेरस शनिबार नै मनाइएकाले यमपञ्चक छ दिन लामो भएको छ, र आजको भैयादुज पर्वसँगै दीपावलीको समापन हुँदैछ। मैथिल परम्पराअनुसार विवाहित दिदीबहिनीले आफ्ना दाजुभाइलाई घरमा निम्ता गरेर यो पर्व मनाउने चलन छ। अविवाहित दिदीबहिनी र दाजुभाइ एउटै घरमा बस्ने भएकाले उनीहरूले स्वनिवासमै पर्व मनाउँछन्। निम्ता मान्न गएका दाजुभाइले नयाँ वस्त्र, आभूषण र कोसेली लिएर जाने परम्परा छ। दिदीबहिनीले घरमा अरवा चामलको पिठोबाट अरिपन बनाएर त्यसको सीमाभित्र…
झापा, ६ कात्तिक । नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलर स्थिर रहँदा यूरोपियन यूरो, युके पाउण्ड स्ट्रलिङको भाउ घटेको छ । राष्ट्र बैंकका अनुसार अमेरिकी डलर एकको खरिददर १४० रुपैयाँ ३९ पैसा र बिक्रीदर १४० रुपैयाँ ९९ पैसा निर्धारण गरिएको छ । यस्तै, युरोपियन युरो एकको खरिददर १६२ रुपैयाँ ६८ पैसा र बिक्रीदर १६३ रुपैयाँ ८३ पैसा, युके पाउण्ड स्ट्रलिङ एकको खरिददर १८६ रुपैयाँ ९१ पैसा र बिक्रीदर १८७ रुपैयाँ ७१ पैसा, स्वीस फ्रयाङ्क एकको खरिददर १७६ रुपैयाँ १४ पैसा र बिक्रीदर १७६ रुपैयाँ ८९ पैसा कायम गरिएको छ…
झापा, ६ कात्तिक । झापाको बिर्तामोड नगरपालिका–५ मा भएको कुटपिट घटनामा एक युवकको मृत्यु भएको छ । बुधबार साँझ ६ः३० बजे सोही वडामा बसोबास गर्ने ३० वर्षीय जगन राजबंशीलाई अज्ञात व्यक्तिले झै–झगडाको क्रममा कुटपिट गरी गम्भीर घाइते बनाएको प्रहरीले जनाएको छ । घाइते राजबंशीलाई तत्कालै उनका आफन्तहरूले उपचारका लागि बिएण्डसी अस्पताल बिर्तामोड पुर्याएका थिए। अस्पतालमा डाक्टरले प्रारम्भिक परीक्षणपछि उनलाई मृत घोषणा गरेको थियो । घटनापछि इलाका प्रहरी कार्यालय अनारमनीबाट अनुसन्धान टोली खटाइएको छ। मृतकको शव हाल बिएण्डसी अस्पतालमै राखिएको छ भने घटनामा संलग्न व्यक्तिको खोजतलास जारी रहेको प्रहरीले जनाएको छ। कुटपिटमा संलग्न व्यक्तिको पहिचान भइसकेको र उनलाई पक्राउ गर्न प्रयास…
झापा, ६ कात्तिक । हाल कर्णाली र सुदूरपश्चिम प्रदेशमा पश्चिमी वायुको आंशिक प्रभाव रहेको जल तथा मौसम विज्ञान मौसम पूर्वानुमान महाशाखाले जनाएको छ । महाशाखाका अनुसार आज दिउँसो सबै प्रदेशका पहाडी भूभागमा आंशिक बदली तथा बाँकी भू–भागमा मौसम मुख्यतया सफा रहनेछ । सबै प्रदेशको पहाडी तथा हिमाली भूभागका एक–दुई स्थानमा हल्का वर्षा र हिमपातको सम्भावना छ । त्यसैगरी, आज राति सबै प्रदेशका पहाडी भूभागमा आंशिक बदली तथा बाँकी भूभागमा मौसम मुख्यतया सफा रहनेछ । कोशी र गण्डकी प्रदेशको पहाडी तथा हिमाली भागका एकदुई स्थानमा हल्का वर्षा र हिमपातको सम्भावना रहेको जनाइएको छ ।
झापा, ६ कात्तिक । यमपञ्चकसमेत भनिने तिहारको मुख्य दिन आज भाइटीका मनाइँदैछ । आज दिदीबहिनीले आफ्ना दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य प्राप्तिको कामना गर्दै पञ्चरङ्गी वा सप्तरङ्गी टीका लगाएर मनाइँदैछ । प्रत्येक वर्ष कार्तिक शुक्ल द्वितीयाका दिन मनाइने नेपालीको दोस्रो ठूलो चाड तिहारको छैटौँ दिन आज दाजुभाइले दिदीबहिनीबाट टीका ग्रहण गर्दैछन् । आजको दिनलाई यमद्वितीया पनि भनिन्छ । यमपञ्चकसमेत भनिने तिहार पाँच दिनको हुने भए पनि यस वर्ष तिथि वृद्धि भई छैटौँ दिनमा भाइटीका परेको नेपाल पञ्चाङ्ग निर्णायक विकास समितिले जनाएको छ । दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई टीका लगाउने गरिन्छ । दिदीबहिनीलाई…
झापा, ५ कात्तिक । बङ्गलादेशमा आजदेखि सुरु भएको काभा कप पुरुष भलिबल प्रतियोगिताको पहिलो खेलमा नेपाल तुर्कमेनिस्तानसँग पराजित भएको छ । ढाकास्थित इन्डोर हलमा आज भएको खेलमा नेपाल तुर्कमेनिस्तानसँग सोझो सेटमा पराजित भएको हो । तुर्कमेनिस्तानले नेपाललाई पहिलो सेट २५–२२ ले पराजित गरेको छ भने खेलको दोस्रो सेटमा २५–१८ र तेस्रो सेटमा २७–२५ ले पराजित भएको हो । अब नेपालले आफ्नो दोस्रो खेलमा भोलि घरेलु टोली बङ्गलादेशसँग खेल्नेछ ।