jhapaonline add
हल्दिबारी, ९ असार । हल्दीबारी गाउँपालिकाले आगामी आर्थिक वर्ष २०८२/०८३ का लागि ४९ करोड ७७ लाख ७१ हजार रुपैयाँ बराबरको बजेट, नीति तथा कार्यक्रम सार्वजनिक गरेको छ । सोमबार भएको गाउँ सभामा गाउँपालिका अध्यक्ष रविन्द्रप्रसाद लिङदेनले समग्र क्षेत्रको विकासका योजना सहितको नीति तथा कार्यक्रम प्रस्तुत गरेका छन् । सभामा प्रमुख अतिथि कोशी प्रदेसका सांसद छविलाल चुडाल रहेका थिए । गाउँपालिकाले यस वर्ष पनि कृषि, स्वास्थ्य, शिक्षा तथा भौतिक पूर्वाधार निर्माणलाई प्राथमिकतामा राखेको छ । कृषि तर्फ किसानको खुसी, पशुपालन र कृषि कार्यक्रमलाई निरन्तरता दिँदै ५० प्रतिशत लागत साझेदारीमा कृषि यान्त्रिकरण उपलब्ध, प्राङगारिक मल उत्पादनमा साझेदारीसहित स्वस्थ्य माटो र बाली बढाऔँ…
झापा, ९ असार । झापाको कनकाई नगरपालिका–४ स्थित नमुना टोलमा प्रतिबन्धित लागुऔषध गाँजासहित एक महिला पक्राउ परेकी छन् । आज दिउँसो करिब ४ बजे सोही स्थानकी ४० वर्षीया बिमला चौधरी आफ्नै घरमा लागुऔषध कारोबार गरिरहेको भन्ने सूचनाको आधारमा इलाका प्रहरी कार्यालय सुरुङ्गाबाट प्रहरी निरीक्षक राधाकृष्ण दाहालको नेतृत्वमा खटिएको टोलीले घर खानतलासी गरेको थियो । तलासीको क्रममा चौधरीको घरपूर्व पट्टिको पुरानो इट्टा थुप्रोमा लुकाइछिपाई राखिएको गाँजा जस्तो देखिने पदार्थ फेला परेको प्रहरीले जनाएको छ । बरामद गरिएको पदार्थ प्लास्टिकसहित २४२ ग्राम र प्लास्टिकबाहेक २३४ ग्राम गाँजा रहेको नापतौलबाट खुलेको हो । प्रहरीले उक्त गाँजा बरामद गरी चौधरीलाई नियन्त्रणमा लिएर आवश्यक अनुसन्धानका…
झापा, ९ असार । झापाको हात्ती समस्या समाधान गर्न सरकारले प्रतिबद्धता जनाएको छ । झापाका हात्ती पीडित तथा सरोकारवालासँगको छलफलमा सरकारको त्यस्तो प्रतिबद्धता आएको हो । नेपाली कांग्रेसका महामन्त्री तथा झापा १ का सांसद विश्वप्रकाश शर्माको संयोजनमा सम्पन्न छलफलमा सरकारका तर्फबाट वनमन्त्री ऐनबहादुर शाहीले समस्या समाधान गर्ने प्रतिबद्धता जनाउनु भएको हो । छलफलमा सांसद शर्माले १५ बुँदे पकार्ययोजना प्रस्तुत गर्नु भएको थियो । सांसद शर्माको सचिवालयमा सम्पन्न छलफलमा वनमन्त्री शाही, छलफलमा बाहुडाँगी समाजका हिरा आचार्य, नवीन बराल, सन्तोष न्यौपाने, राजेन्द्र खनाल,मनबहादुर राई, मीन राई, गणेश बराल, दीलिप सोङमेन, नेपाली कांग्रेस झापा १ काठमाडौँ सम्पर्क समितिका सभापति प्रज्वल कोइराला लगायत सहभागी…
झापा, ९ असार । आन्तरिक राजस्व कार्यालय भद्रपुरले चालु आर्थिक वर्ष २०८१–०८२ को ११ महिनामा रु. २ अर्ब ९१ करोडबढी राजस्व सङ्कलन गरेको छ । कार्यालयका प्रमुख कर अधिकृत कृष्णचन्द्र काफ्लेका अनुसार कार्यालयले चालु आवको ११ महिनामा विभिन्न शीर्षकमा २ अर्ब ९१ करोड ९८ लाख ३६ हजार रुपैयाँ राजस्व सङ्कलन गरेको छ । यो लक्ष्यको ८५ प्रतिशत हो । भद्रपुर कार्यालयलाई आन्तरिक राजस्व विभागले साउनदेखि जेठ मसान्तसम्ममा ३ अर्ब ४१ करोड ७ लाख ८८ हजार रुपैयाँ राजस्व सङ्कलनको लक्ष्य दिएको थियो । प्रमुख कर अधिकृत काफ्लेका अनुसार ११ महिनामा कार्यालयले आयकरतर्फ एक अर्ब २६ करोड ५२ लाख ५४ हजार, मूल्य…
झापा, ९ असार । झापामा २८ वर्षीया युवतीलाई जबरजस्ती करणी गरेको अभियोगमा एक जना युवक पक्राउ परेका छन् । कचनकवल गाउँपालिका–६ पल्लाबारी बस्ने २३ वर्षीय हरदेव यादवलाई आइतबार साँझ प्रहरीले पक्राउ गरेको हो । हरदेवले ती युवतीलाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय झापा र इलाका प्रहरी कार्यालय बनियानीबाट खटिएको प्रहरीले उनलाई पक्राउ गरेको जानकारी दिएको छ । यस सम्बन्धमा प्रहरीले आवश्यक अनुसन्धान गरिरहेको छ ।
बिर्तामोड, ९ असार । बिर्तामोड नगरपालिकालाई पूर्ण खोप सुनिश्चितता तथा दिगोपना नगरपालिका घोषणा गरिएको छ। १६ महिनादेखि २३ महिनासम्मका सबै बालबालिकालाई १५ महिनाको उमेरभित्र राष्ट्रिय खोप तालिकाअनुसार आवश्यक सबै खोपहरू उपलब्ध गराएको आधारमा नगरपालिकालाई पूर्ण खोप सुनिश्चितता तथा दिगोपना पालिका घोषणा गरिएको हो ।दोस्रो नगरसभाको सातौं अधिवेशनको प्रथम बैठक सम्पन्न भएपछि आयोजित एक विशेष कार्यक्रममा नगर प्रमुख पवित्रा महतारा प्रसाईले औपचारिक रूपमा पूर्ण खोप सुनिश्चितता तथा दिगोपना नगरपालिका घोषणा गर्नु भयो । नगर पूर्ण खोप सुनिश्चित भएसँगै दशवटै वडाका स्वास्थ्य संस्थाहरूलाई प्रमाणपत्रसमेत वितरण गरिएको छ। साथै, २०८२ सालको लागि पनि खोप कार्यक्रमप्रति प्रतिबद्धता जनाउँदै नगर प्रमुख पवित्रा महतारा प्रसाई, उपप्रमुख…
बिर्तामोड, ९ असार । बिर्तामोड नगरपालिकाले आगामी आर्थिक वर्ष २०८२र०८३ का लागि १ अर्ब ५१ करोड ८३ लाख ८२ हजार रुपैयाँ बराबरको बजेट, नीति तथा कार्यक्रम सार्वजनिक गरेको छ । नगर सभाको सोमबार सुरु भएको बैठकमा नगर प्रमुख पवित्रा महतारा प्रसाईले नगर विकासका विभिन्न महत्त्वकांक्षी योजनासहितको नीति तथा कार्यक्रम प्रस्तुत गर्नु भयो । नगरपालिकाले शिक्षा विकास कार्यक्रम अन्तर्गत नगर क्षेत्रभित्र सञ्चालित सामुदायिक विद्यालयको भौतिक पूर्वाधार र गुणस्तर सुधार गर्दै प्राविधिक तथा व्यवसायिक शिक्षा र जीवनोपयोगी सीप सिकाइमा विशेष जोड दिएको छ ।विद्यालयहरूलाई प्रविधिमैत्री कक्षाकोठा निर्माण र प्रविधिमा आधारित सिकाई व्यवस्थापनका लागि प्रोत्साहन गर्दै नगरपालिकाले विद्यालयको शैक्षिक गुणस्तरमा सुधार ल्याउन अनुगमन…
इलाम, ९ असार । इलामको रोङ गाउँपालिका–१ शान्तिपुरमा बसोबास गर्दै आएका ७२ अव्यवस्थित बसोबासी परिवारले धेरै वर्षपछि जग्गाधनी लालपुर्जा पाएका छन्। जग्गा धनी प्रमाण नपाएर भूमिहीनको हैसियतमा बस्दै आएका परिवारले लालपुर्जा पाएपछि स्थानीयवासीमा खुशीको लहर छाएको छ। स्थानिय दिलबहादुर सुब्बासहित लालपुर्जा प्राप्त गर्नेहरु निकै हर्षित देखिएका छन्। भूमि समस्या समाधान आयोगले रोङ गाउँपालिकासँग समन्वय गरेर लालपुर्जा वितरण गरेको हो। आयोगका इलाम अध्यक्ष प्रकाश अधिकारीका अनुसार पहिलो चरणमा ७२ जनालाई लालपुर्जा वितरण गरिएको हो भने बाँकी ७८ जनालाई क्रमशः नियमअनुसार वितरण गरिने तयारी छ। अधिकारीका अनुसार रोङ गाउँपालिकाबाट प्राप्त भूमिहीन दलित, सुकुम्बासी र अव्यवस्थित बसोबासीका १५० निवेदनमध्ये हालसम्मको निर्णयमा आधारित भएर…
बनियानी, ९ असार : झापाको बिर्तामोड नगरपालिका-८ मा जंगली हात्तीले तीन वटा घरमा क्षति पुर्याएको छ । आज बिहान करिब ४ बजे बिर्तामोड–८ शुक्रबारे टोलमा आएको ३-४ वटा जंगली हात्तीको समूहले स्थानीय तीन वटा घरमा क्षति पुर्याएको जिल्ला प्रहरी कार्यालय झापाका प्रवक्ता खगेन्द्रबहादुर खड्काले जानकारी दिनुभयो। हात्तीले बिर्तामोडका ५५ वर्षीय सुफल मनीको घरमा बासको टाटी भत्काउँदा करिब रु १० हजार बराबरको क्षति भएको छ। भाग्ने क्रममा सुफल मनि सामान्य घाइते भएका छन् । उनलाई उपचारका लागि प्रादेशिक अस्पताल भद्रपुर लगिएको छ । त्यस्तै, सोही स्थानका ५६ वर्षीय कृष्णप्रसाद उप्रेतीको सिमेन्टको पर्खाल भत्काउँदा करिब रू ५० हजार बराबरको क्षति भएको छ…
पुष्करराज बुढाथोकीभक्तपुर, ९ असार। माध्यमिक शिक्षा परीक्षा (एसईई) को नतिजा असारको तेस्रो सातासम्ममा सार्वजनिक गर्ने तयारी भएको छ । राष्ट्रिय परीक्षा बोर्ड अन्तर्गत परीक्षा नियन्त्रण कार्यालय कक्षा १० सानो ठिमीका परीक्षा नियन्त्रक डा. गणेशप्रसाद भट्टराईले एसईई परीक्षाको नतिजा प्रकाशनका लागि बिहानदेखि बेलुकासम्म तीव्र गतिमा काम भइरहेको बताउनुभयो । असारको तेस्रो सातासम्ममा नतिजाको अपेक्षा गर्न सकिन्छ भन्दै परीक्षा नियन्त्रक डा. भट्टराईले यसै दिन भनेर भन्न सक्ने अवस्था अहिले नरहेको बताउनुभयो । उत्तर पुस्तिका परीक्षण र सम्परीक्षणको काम सकिएर अहिले प्राप्ताङ्क इन्ट्री गर्ने काम भइरहेको भट्टराईले बताउनुभयो । इन्ट्री लगायतका प्रोसेसिङको लागि ३५ दिन लाग्ने भए पनि त्यस अघि काम सम्पन्न गर्ने…