jhapaonline add
बिर्तामोड, १६ असार । बिर्तामोड नगरपालिका वडा नम्बर ५ स्थित बुद्ध टोलका एकै घरका तीन जना दिदीबहिनीलाई बहुअपाङ्गता (पूर्ण अशक्तता) को आधारमा रातो कार्ड प्रदान गरिएको छ । नगर उपप्रमुख नगेन्द्र प्रसाद संग्रौलाले उनीहरूको घरमै पुगेर मनकुमारी शेर्माका छोरीहरू १७ वर्षीया आकृति लिम्बु, ईक्सा लिम्बु र ईन्तुसा लिम्बुलाई गम्भीर अवस्थाको मूल्यांकन गरी पूर्ण अशक्तता प्रमाणित गर्ने रातो कार्ड हस्तान्तरण गर्नुभएको हो । तीमध्ये ईन्तुसा ओछ्यानबाट उठ्नसमेत नसक्ने अवस्थामा रहेकी छन् । नगर उपप्रमुख संग्रौलाले उनीहरूको उपचारका लागि आवश्यक पहल गर्ने बताउनु भयो । यसअघि, गत वैशाख २२ गते जिल्ला प्रशासन कार्यालय झापाको टोलीले समेत उनीहरूकै घरमा पुगेर नागरिकताको प्रमाणपत्र वितरण…
कोकिला ढकालइलाम, १६ असार। दुई बालिकामाथि यौन दुर्व्यवहार गरेको आरोपमा प्रहरीले इलामको माई नगरपालिका –२ का ५२ वर्षीय खेमराज ढकालविरुद्ध पीडितका आफन्तले जिल्ला प्रहरी कार्यालय इलाममा उजुुरी दिएका छन् । ढकाल स्थानीय हरियाली रेशम शैक्षिक सार्वजनिक गुठी स्कुलका संस्थापक, शिक्षक समेत हुनुहुन्छ । ११ र १४ वर्षीया ती बालिकालाई यौन दुुव्र्यवहार गरेको भन्दै ढकाललाई गए राति प्रहरीले उनको घरबाटै पक्राउ गरेको थियो । पक्राउपछि सदरमुकाम ल्याइएका ढकालविरुद्ध प्रहरीले जिल्ला अदालतबाट म्याद थप गरी अनुसन्धान सुरु गरेको डिएसपी मानबहादुर राईले जानकारी दिनुभयो । पीडित पक्षको उजुरीपछि ढकालविरुद्ध मुद्दा दर्ता गरी अनुसन्धानका लागि अदातबाट म्याद थप गरिएको इलामका डिएसपी मानबहादुर राईले जानकारी…
सामान्यतया, प्रजनन उमेरका महिलाहरूको सामान्य महिनावारी २८ दिनको हुन्छ। यद्यपि, महिनावारी केही दिन अगाडि वा केही दिन ढिलो सुरु हुनु सामान्य कुरा हो। महिनावारी नहुने वा गायब हुने अवस्थालाई एमेनोरिया भनिन्छ। एमेनोरिया हुनुका धेरै कारणहरू हुन सक्छन्। महिनावारी नहुनुको एउटा कारण गर्भावस्था हुन सक्छ तर यसबाहेक अन्य धेरै कारणहरू हुन सक्छन्। कहिलेकाहीँ महिनावारी नहुनुलाई गम्भीर समस्या मानिँदैन, तर विज्ञहरू भन्छन् कि यदि यो बारम्बार भइरहेको छ भने यो कुनै अन्य स्वास्थ्य समस्याको संकेत पनि हुन सक्छ। हरेक महिलाको शरीर पूर्णतया फरक तरिकाले काम गर्छ। कुनै पनि दुई महिला समान हुँदैनन् । त्यसैले महिनावारी नहुनु वा ढिला हुनु विभिन्न कारणहरु हुन…
‘नयाँ दिल्ली, १६ असार । दर्शकहरू यतिबेला बलिउड कमेडी फिल्म ‘हेरा फेरि’को तेस्रो भागको पर्खाइमा छन् । फिल्मको छायाङ्कन सुरु भइसकेको खबर लगत्तै अभिनेता परेश रावलले फिल्म छाडेको खबर आएपछि फिल्मबारे विवाद चुलिएको थियो । ्यो कुरा सुनेर दर्शक पनि निराश भएका थिए । फिल्मका मुख्य आकर्षण राजु (अक्षय कुमार), (श्याम) सुनिल शेट्टी र बाबु राव (परेश रावल) थिए । परेशले फिल्मको सुटिङ सुरु गरेर छाडेको भनिएको थियो । अहिले फेरि परेश रावल फिल्ममा पुनरागमन गर्दैछन् । यो कुरा परेश आफैँले पुष्टि गरेका हुन् । हिमांशु मेहताको पोडकास्टमा परेशले यो कुरा बताएका हुन् । फिल्म वरिपरिको विवादमा प्रतिक्रिया दिँदै अभिनेताले…
काठमाडौं, १६ असार । काठमाडौंमा महिलाको अश्लील भिडियो बनाएर बिक्री गरेको आरोपमा एक युवक पक्राउ परेका छन्।पक्राउ पर्नेमा सुर्खेतका २९ वर्षीय रमेश थापा रहेका छन्, जो टोखामा बस्दै आएका थिए। प्रहरीका अनुसार, उनले रकम लिएर महिला तथा पुरुषलाई अश्लील गतिविधिमा संलग्न गराउँदै भिडियो बनाएर बिक्री गर्थे।काठमाडौँ । महिलाको अश्लील भिडियो बनाएर बनाएर बिक्री वितरण गरेको आरोपमा एक जना युवक पक्राउ परेका छन् । पक्राउ पर्नेमा सुर्खेतको वीरेन्द्रनगर नगरपालिका(६ घर भई काठमाडौँको टोखा नगरपालिका ग्राण्डी बस्ने २९ वर्षीय रमेश थापा रहेका छन् । जिल्ला प्रहरी परिसरका प्रहरी उपरीक्षक अपिल राज बोहराका अनुसार नेपाल तथा अन्य देशमा रहेका नेपाली महिला तथा पुरुषहरूसँग…
भोजपुर, १६ असार । वन क्षेत्रको विकाससँगै किसानलाई उद्यममा जोड्न भोजपुरमा साढे आठ हजार बढी बिरुवा वितरण गरिएको छ । किसानलाई आयआर्जनमा जोड्ने लक्ष्यले डिभिजन वन कार्यालयले दाँते ओखर, टिमुर, रुद्राक्षलगायतका बिरुवा वितरण गरेको हो । किसानलाई वन उद्यममार्फत आयआर्जनमा जोड्न, तीन हजार दुई सय दाँते ओखर, एक हजार छ सय टिमुर, एक हजार एक सय सतुवा, एकरएक हजार वटा रुद्राक्ष र तेजपत्ता र पाँच सय ५० लोड सल्लाको बिरुवा वितरण गरिएको डिभिजन वन कार्यालयका वन अधिकृत कपिलदेव अधिकारीले जानकारी दिनुभयो । भोजपुरका किसान, कृषि तथा जडीबुटी फर्म, वन समूह तथा विभिन्न संस्थालाई मागका आधारमा बिरुवा वितरण गरिएको हो ।…
झापा, १६ असार । आज बिहान ८ बजेर ३९ मिनेट जाँदा मुगुको कोटडाँडा आसपास केन्द्रबिन्दु भएर ४ दशमलव ३ रेक्टरस्केलको भूकम्प गएको छ । राष्ट्रिय भूकम्प मापन तथा अनुसन्धान केन्द्र लैनचौरका अनुसार असार १५ गते मुगुको जिमा आसपास केन्द्रबिन्दु भएर ४ दशमलव ८ रेक्टरस्केलको भूकम्प गएको थियो । नेपालमा पछिल्लो समय स–सना रेक्टर स्केलका भूकम्प जाने क्रम जारी रहेको छ । नेपाल हिमालय क्षेत्र भएको कारणले भूकम्पको जोखिमको क्षेत्रका रुपमा लिने गरिन्छ ।
झापा, १६ असार । झापाको अर्जुनधारा नगरपालिका–११ बसपार्क स्थित एक फर्निचर उद्योगमा गएराति आगलागी हुँदा करिब रू १२ लाख बराबरको क्षति भएको छ । यहाँस्थित मोतीबहादुर खड्काको एकतले टिनको घरमा सञ्चालित खड्का फर्निचर उद्योगमा विद्युत् चुहावट भई आगलागी हुँदा करिब रू १२ लाख रुपैयाँ बराबरको क्षति भएको जिल्ला प्रहरी कार्यालय झापाका प्रवक्ता प्रहरी नायब परीक्षक खगेन्द्रबहादुर खड्काले जानकारी दिनुभयो । आगो बिर्तामोड नगरपालिकाको दमकल, स्थानीयबासी र प्रहरीको सक्रियतामा पूर्ण रूपमा नियन्त्रणमा लिइएको थियो । आगलागीबाट उद्योगमा रहेको काठ चिर्ने मेसिन र काठपात पूर्ण रूपमा जलेर नष्ट भएको छ । घटनाको सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ…
झापा, १६ असार । दाङमा १५ वर्षीया किशोरीलाई बलात्कार गरेको आरोपमा प्रहरीले एक युवकलाई पक्राउ गरेको छ। ती किशोरीलाई ललाईफकाई तथा धाकधम्की दिई बलात्कार गरेको आरोपमा तुलसीपुर उपमहानगरपालिका–४ का ३८ वर्षीय एक युवा पक्राउ परेको प्रहरीले जनाएको छ। मगरले गएको शुक्रबार आफ्नै घरमा लगेर किशोरीलाई जबरजस्ती करणी गरेका प्रहरीको प्ररम्भिक अनुसन्धानबाट खुलेको छ। किशोरीका अभिभावकले जाहेरी दिएपछि उनलाई तत्काल पक्राउ गरी कानुनी कारबाही प्रक्रिया अघि बढाइएको इलाका प्रहरी कार्यालय तुलसीपुरका प्रमुख डीएसपी अनिल ठकुरीले जानकारी दिए ।
झापा, १६ असार । जल तथा मौसम विज्ञान विभागको मौसम पूर्वानुमान महाशाखाले आजको सम्भावित वर्षाबारे जानकारी दिएको छ। महाशाखाले बिहान ६ बजे संक्षिप्त बुलेटिन जारी गर्दै मौसमबारे जानकारी दिएको हो । महाशाखाका अनुसार आज दिउँसो गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशलगायत देशका पहाडी भूभागका धेरै स्थान तथा बाँकी भूभागका केही स्थानमा मेघगर्जन–चट्याङसहित हल्कादेखि मध्यम वर्षाको सम्भावना छ । सुदूरपश्चिम प्रदेशका थोरै स्थान तथा बाँकी प्रदेशका पहाडी भूभागका एक–दुई स्थानमा भारीदेखि धेरै भारी वर्षाको पनि सम्भावना छ। देशको उच्च पहाडी तथा हिमाली भूभागका थोरै स्थानमा हल्कादेखि मध्यम वर्षा–हिमपातको सम्भावना छ । त्यस्तै, आज राति कोसी प्रदेश, लुम्बिनी प्रदेश,…