jhapaonline add
झापा, ४ असोज । आज दिउँसो र राति पनि देशभर विभिन्न स्थानमा वर्षा हुने क्रम जारी रहने मौसम पूर्वानुमान महाशाखाले जनाएको छ । मौसम महाशाखका अनुसार आज दिउँसो कोसी प्रदेश, मधेस प्रदेश, बागमती प्रदेश र गण्डकी प्रदेशलगायत देशका बाँकी पहाड भेगमा साधारणतया बदली रही बाँकी तराई क्षेत्रमा आंशिक बदली रहने छ । कोसी प्रदेश र बागमती प्रदेशका केही स्थान, मधेस प्रदेश र गण्डकी प्रदेशका थोरै स्थान तथा देशका बाँकी भूभागका एक–दुई स्थानमा मध्यम वर्षाको सम्भावना छ। आज राति कोसी प्रदेश, मधेस प्रदेश, बागमती प्रदेश र गण्डकी प्रदेशमा साधारणतया बदली रही बाँकी स्थानमा आंशिक बदली रहने छ। कोसी प्रदेश, मधेस प्रदेश,…
शिवसताक्षी, ३ असोज । संविधान दिवसको अवसरमा नेकपा (एमाले) शिवसताक्षी नगर कमिटीले शुक्रबार मौन र्याली निकालेको छ । र्यालीले शिवसताक्षीको दूधे बजार परिक्रमा गर्दै संविधानको रक्षाका लागि जनचेतना जगाउने उद्देश्य राखेको थियो । र्यालीमा सहभागीहरूले “संविधानको रक्षा हाम्रो कर्तव्य”, “संविधान हाम्रो पहिचान”, “संविधान विपरीत कुनै सम्झौता मान्य छैन”, “सशक्त नागरिक सुरक्षित संविधान”, “संविधान नै लोकतन्त्रको आधार” र “संविधान संकटमा देश संकटमा” जस्ता नारा अंकित प्लेकार्ड बोकेका थिए । र्यालीपछि आयोजित संक्षिप्त कार्यक्रमलाई सम्बोधन गर्दै नेकपा एमाले प्रदेश कमिटी सदस्य तथा प्रदेश सांसद राधाकृष्ण खनालले हालैको जेनजी आन्दोलनपछि संविधानको मर्म र भावना विपरीत सरकार गठन भएको दाबी गरे। उहाँका अनुसार, जेनजी…
सृजन अधिकारीलेखक/ युवा विश्लेषक १. जनसञ्चारको पुस्ता – ‘Gen Z’ को उदय सन् १९९७ देखि २०१२ सम्म जन्मिएका युवाहरूलाई ‘Gen Z’ भनिन्छ। प्रविधि, कृत्रिम बुद्धिमत्ता (AI), डिजिटल माध्यम र नवीन वैज्ञानिक सोचमा हुर्किएको यो पुस्ता नेपालको सन्दर्भमा भने विडम्बनापूर्ण रूपमा भ्रष्टाचार, कुशासन र राजनीतिक विकृतिका बीचमा हुर्किएको छ। यसैले गर्दा यो पुस्ता अब राजनीतिको कुरुप यथार्थलाई ‘स्वीकार’ होइन, ‘परिवर्तन’ गर्न उत्प्रेरित बनेको छ। ‘हुन्छ कि हुँदैन?’ भन्ने प्रश्नलाई सतही रूपमा स्वीकार नगर्ने यो पुस्ताले २०८२ सालको भदौ २३ र २४ मा भएको ऐतिहासिक आन्दोलनमार्फत् आफ्नो सामर्थ्य, संगठन र चेतनशीलता देखाएको छ। केवल ३२ घण्टाको आन्दोलनले जसरी प्रभावकारी परिणाम दिन सफल…
उदयपुर, ३ असोज । जिल्ला प्रहरी कार्यालय उदयपुरले ट्याक्टर चोरीमा संलग्न ३ जनालाई पक्राउ गरेको छ । असोज ३ गते ०१ः०० बजे उदयपुरको त्रियुगा नगरपालिका–१३ बहेडवा का देब नारायण चौधरीको घर अगाडी पार्किङ गरी राखेको स १ त २८२३ नम्बरको ट्याक्टर चोरी भएको जानकारी पाउनासाथ तत्काल खोजतलाशमा खटिएको प्रहरी टोलीले असोज ३ गते बिहान ३ बजे त्रियुगा(१३ फुलजोर स्थितबाट ट्याक्टर र ट्याक्टर चोरीमा संलग्न उदयपुको चौदण्डिगढी नगरपालिका–७ का २४ वर्षीय सुदिप चौधरी, चौदण्डिगढी(५ का २५ वर्षीय रोहित कुमार चौधरी र २४ वर्षीय चन्दन कुमार चौधरीलाई निजहरुले प्रयोग गरेको बा६३प ५४७५ नम्बरको स्कुटर सहित नियन्त्रणमा लिएको हो । पक्राउ परेका सबैजनाको…
मोरङ, ३ असोज । जिल्ला प्रहरी कार्यालय मोरङले विराटनगर महानगरपालिका–८ स्थितबाट लागू औषध गाँजा बरामद गरेको छ । असोज २ गते राती प्रदेश १.०२.००१ च १६६६ नम्बरको कार बाटोमा शंकास्पद अवस्थामा रहेको भन्ने जानकारी पाउनासाथ जिल्ला प्रहरी कार्यालय मोरङ र वडा प्रहरी कार्यालय हाटखोला बाट खटिएको प्रहरी टोलीले कारबाट १५ वटा बोरामा राखिएको ५ सय ३८ किलोग्राम गाँजा बरामद गरेको हो । गाँजा बरामद भएसंगै चालक र कारोबारमा संलग्नहरुको खोजतलाश भई रहेको छ ।
पछिल्लो समय नेपालमा उच्च रक्तचापको समस्याले मुटु रोगीको संख्या बढाइरहेको छ । उपचारमा हुने हेल्चक्य्राइँले यो समस्यालाई झनै गम्भीर बनाएको सहिद गङ्गालाल राष्ट्रिय हृदयरोग केन्द्रका पूर्वनिर्देशक तथा मुटु रोग विशेषज्ञ डा.चन्द्रमणि अधिकारी बताउँछन् । डा. अधिकारीका अनुसार उच्च रक्तचाप नियन्त्रण गरी मुटुलाई स्वस्थ राख्न र रक्तचापका कारण हुने जोखिम कम गर्न विभिन्न टिप्स अपनाउन सकिन्छ । १.नियमित रक्तचाप परीक्षण : ७९ प्रतिशत वयस्कलाई रक्तचाप भएकै थाहा हुँदैन । त्यसैले नियमित रूपमा आफ्नो रक्तचाप जाँच गराउनुहोस् । यो नै पहिलो र सबैभन्दा महत्त्वपूर्ण कदम हो । २.नुन कम खाने : नेपालीको खानामा नुनको प्रयोग अत्यधिक हुन्छ । विश्व स्वास्थ्य संगठनले दिनमा…
दशैंको फूलपातीमा प्रदर्शन तयारीमा रहेको फिल्म ‘बलिदान’को ट्रेलर सार्वजनिक भएको छ । ३ मिनेट १९ सेकेन्डको ट्रेलर एक्सनप्रधान छ । नेपाल आमालाई गिद्देदृष्टि लगाउनेविरुद्ध नायकले लिने बदलाको कथा यसमा छ । नायकको भूमिकामा समीर भट्टले अभिनय गरेका छन् । देश र आमामाथि अन्याय, अत्याचार गर्ने पात्रविरुद्ध मुख्य पात्रले गरेको संघर्ष यसको केन्द्रीय द्वन्द्व हो । ट्रेलर हेर्दा ‘बलिदान’ राजनीतिक, सामाजिक र देशभक्ति भावनामा आधारित फिल्मजस्तो लाग्छ । अर्पण थापा भ्रष्ट नेताको भूमिकामा देखिएको छ । दक्षिण भारतीय शैलीको एक्सन कोरियोेग्राफी यसमा देख्न सकिन्छ । फिल्मको द्वन्द्व निर्देशन पनि भारतीय प्राविधिकले गरेका थिए । पोस्ट(प्रोडक्सन पनि भारतमै भएको थियो । ट्रेलरको…
झापा, ३ असोज । एशिया कप टी–२० क्रिकेटमा आज भारत र ओमानले खेल्दैछन् । खेल नेपाली समय अनुसार बेलुका सवा ८ बजे युएईको आबुधावीमा शुरू हुनेछ । हिजो भएको खेलमा श्रीलङ्काले अफगानिस्तानलाई ६ विकेटले हरायो । योसँगै समूह ‘बी’ बाट श्रीलङ्का र बङ्गलादेश सुपर ४ मा पुगेका छन् । समूह ‘ए’ बाट भारत र पाकिस्तान सुपर ४ मा पुगिसकेका छन् । सुपर ४ मा सबै टोलीले एक अर्कासँग खेल्नेछन् । सुपर ४ का खेल भोलिदेखि शुरू हुनेछन् ।
काठमाडौँ, ३ असोज । प्रधानमन्त्री सुशीला कार्कीले गत भदौ २३ र २४ गते जेनजी युवाको अगुवाइमा भएको विरोध प्रदर्शन र आन्दोलन युवापुस्ताको चाहना, जनताको बढ्दो चेतनास्तर र मुलुकमा विद्यमान भ्रष्टाचारप्रतिको असन्तुष्टिको प्रतिविम्ब भएको बताउनुभएको छ । संविधान दिवस तथा राष्ट्रिय दिवस, २०८२ का अवसरमा आज टुँडिखेलस्थित सैनिकमञ्चमा आयोजित मूल समारोहमा उहाँले संविधानको मर्म र भावनाबमोजिम सुशासन, समृद्धि र विकासको क्षेत्रमा भएका कमीकमजोरी र त्यसबाट सिर्जित असन्तोष, अभाव वा अपेक्षा पूरा नभएकाले पनि यो आन्दोलनको जन्म भएको कुरालाई स्वीकार गर्नुपर्ने उल्लेख गर्नुभयो । प्रधानमन्त्री कार्कीले भन्नुभयो, “यस आन्दोलनलाई मैले हाम्रो लोकतान्त्रिक प्रणालीको स्वास्थ्यसँग पनि जोडेर हेर्ने गरेको छु किनभने लोकतन्त्र भनेको…
एजेन्सी, ३ असोज । फ्रान्समा हड्ताल र सरकारविरुद्धको प्रदर्शनले जनजीवन प्रभावित भएको छ । राष्ट्रपति इम्यानुएल म्याक्रोंन र नयाँ प्रधानमन्त्री सेबास्टियन लेकोर्नुको नेतृत्वमा प्रस्तावित बजेट कटौतीको योजनाविरुद्ध देशभर मजदुर आन्दोलित भएका हुन् विभिन्न युनियन, शिक्षक, स्वास्थ्यकर्मी, रेल कर्मचारी, विद्यार्थीलगायत आन्दोलित बनेका अन्तर्राष्ट्रिय सञ्चार माध्यमले जनाएका छन् । राजधानी पेरिसलगायतका विभिन्न सहरमा प्रदर्शनको क्रममा झडपका घटना समेत भएका छन् । झन्डै दुई सयको संख्यामा प्रदर्शनकारी पक्राउ परेका छन् । ८० हजार भन्दा धेरैको संख्यामा सुरक्षाकर्मी परिचालन गरिएको छ ।