jhapaonline add

झापा, २१ जेठ । हाल देशको पश्चिम र मध्य भूभागमा पश्चिमी वायु तथा स्थानीय वायुको प्रभाव रहेको छ भने कोशी प्रदेशका अधिकांश भूभागमा मनसुनी वायुको प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल देशभर आंशिकदेखि साधरणतया बदली रहेको छ । कोशी, गण्डकी, लुम्बिनी र कर्णाली प्रदेशको एक–दुई स्थानमा हल्का वर्षा भइरहेको छ । मनसुन कोशी प्रदेशका अधिकांश भूभागमा विस्तार भएको छ। आज दिउसो देशभर आंशिकदेखि साधरणतया बदली रहनेछ। कोशी, गण्डकी, लुम्बिनी र सुदूरपश्चिम प्रदेशको केही स्थानहरू र बाँकी प्रदेशका थोरै स्थानहरूमा चट्याङसहित हल्कादेखि मध्यम वर्षाको सम्भावना रहेको छ। कोशी प्रदेशका एक–दुई स्थानमा धेरै वर्षाको पनि सम्भावना रहेको छ।…

झापा, २० जेठ । झापा, मोरङ र धनकुटाको बिभिन्न स्थानहरुबाट प्रतिबन्धित लागू औषध सहित ८ जनालाई प्रहरीले पक्राउ गरेको छ । झापाको अर्जुनधारा नगरपालिका-६ कप्तानबारी स्थित सुकुम्बासी बस्ति का ३५ बर्षीय राम बहादुर दनुवारलाई प्रहरी चौकी शनिश्चरेबाट खटिएको प्रहरी टोलीले ३ सय मिलिग्राम लागुऔषध ब्राउन सुगर सहित र कारोबारमा संलग्न मेचीनगर नगरपालिका-३ का ३२ बर्षीय अनिल दनुवार समेतलाई नियन्त्रणमा लिएको हो । यसैगरी इलाका प्रहरी कार्यालय उर्लाबारीबाट बिशेष सुचनाको आधारमा खटिएको प्रहरी टोलीले उर्लाबारी नगरपालिका-१ का ३१ बर्षीय सनम माझीलाई घरमा लुकाई छिपाई राखेको अवस्थामा १०० चक्की Vomine-25, Antikof -७ सय चक्की र Tramadol ७ सय क्याप्सुल सहित नियन्त्रणमा लिएको…

सन्तोष शर्माझापा, २० जेठ । झापाको कमल गाउँपालिका–३ मा गए राति करेन्ट लागेर एक वटा जंगली हात्तीको मृत्यु भएको छ । कमल–३ स्थित रतुवामाई वृक्षारोपण आयोजनाको जंगलमा एक वटा हात्तीको मृत्यु भएको जिल्ला प्रहरी कार्यालय झापाका सूचना अधिकारी खगेन्द्रबहादुर खड्काले जानकारी दिनुभयो । हात्तीले बिजुलीको पोलमा धकेल्दा मागिको तार सर्ट भएर हात्तीलाई करेन्ट लागेको प्रहरीले जनाएको छ । करेन्ट लागेर सुड र एक वटा दारा जलेर हात्तीको घटनास्थलमै मृत्यु भएको हो । कानूनी प्रक्रियाका लागि घटनास्थलमा सव डिभिजन वन कार्यालय चुलाचुलीबाट टोली खटिएको सूचना अधिकारी खड्काले बताउनुभयो । यता, योसँगै झापा चालू आर्थिक वर्ष २०८१/०८२ को हालसम्म तीन वटा हात्तीको…

कनकाई, २० जेठ । झापाको कनकाई नगरपालिकाले यहाँका कृषक कृषि औजार वितरण गरेको छ । नगरपालिकाले सिञ्चाइ मोटर र मकै छोड्याउने मेसिन वितरण गरेको हो । नगर अन्तरगत वडामार्फत कृषकलाई ५० प्रतिशत अनुदानमा सिंचाईका लागि मोटर र मकै छोड्याउने मेसिन वितरण गरिएको कृषि शाखा प्रमुख समिता सोतीले जानकारी दिनुभयो । सोमबार आयोजित एक कार्यक्रमका बीच कनकाई नगर प्रमुख राजेन्द्रकुमार पोखरेलले कृषि उपकरणहरु वितरण गर्नुभएको हो । मागका आधारमा सिञ्चाइ मोटर ७६ वटा र मकै छोड्याउने मेसिन ७२ वटा वितरण गरिएको जनाइएको छ । कृषी सामाग्री वितरण कार्यक्रममा नगरका प्रमुख प्रशासकीय अधिकृत नारायण न्यौपाने, कनकाई–१ का वडाध्यक्ष सुशीलकुमार पोखरेल, कनकाई–३ का…

झापा, २० जेठ । आईसीसी पुरुष विश्वकप लिग २ अन्तर्गत स्कटल्यान्डविरुद्धको खेलमा नेपालले एक विकेटको रोमाञ्चक जित हात पारेको छ । पहिले ब्याटिङ गरेको स्कटल्यान्डले ४९.५ ओभरमा ७ विकेट क्षतिमा २९६ रन बनाएको थियो । निर्धारित ५० ओभरको खेलमा ४९ ओभर सकिँदासम्म नेपालले ८ विकेट गुमाएर २९० रन बनाएको थियो । ६ बलमा ७ रन ल्याउँदा बाँकी रहँदा अन्तिम ५० औं ओभरको पहिलो बलमै मार्क वाटले जर्ज मुन्सीको हातबाट सन्दीपलाई क्याचआउट गरे । त्यसपछि अन्तिम विकेट रिजन ढकाल क्रिजमा आए । स्ट्राइक उनकै थियो । वाटले वाइड बल फ्याँके। दोस्रो बलमा रिजनले रन लिनै सकेनन्। तर तेस्रो बल उनले खेर…

झापा, २० जेठ । हाल देशको पश्चिम र मध्य भूभागमा पश्चिमी वायु तथा स्थानीय वायुको प्रभाव रहेको छ भने कोशी प्रदेशका अधिकांश भूभागमा मनसुनी वायुको प्रभाव रहेको छ। जसको प्रभावले कोशी, गण्डकी, लुम्बिनी र कर्णाली प्रदेशलगायत देशको पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा रहेको छ । सुदूरपश्चिम र कर्णाली प्रदेशका थोरै स्थानहरूमा तथा कोशी, गण्डकी र लुम्बिनी प्रदेशका एक–दुई स्थानमा चट्याङसहित हल्का वर्षा भइरहेको छ । आज दिउसो देशभर आंशिक देखि साधरणतया बदली रहनेछ। कोशी र सुदूरपश्चिम प्रदेश लगायत गण्डकी प्रदेश र कर्णाली प्रदेशको पहाडी भूभागका थोरै स्थानहरूमा र बाँकी भूभागका एक–दुई स्थानमा चट्याङसहित हल्कादेखि…

झापा, १९ जेठ । ‘रुखहरूको जीवित सङ्ग्रहालय’ मानिएको दक्षिण झापाको जैविक विविधताले भरिपूर्ण जलथल जङ्गलका दुर्लभ वनस्पति र जीवहरू लोप हुने खतरामा पुगेका छन् । हल्दिबारी गाउँपालिका, भद्रपुर नगरपालिका, कचनकबल गाउँपालिका र बाह्रदशी गाउँपालिकाको छ हजार १०० हेक्टर क्षेत्रफलको यस जङ्गलमा लटहर, थाकल, भोटे लहराजस्ता दुर्लभ वनस्पतिको अस्तित्व सङ्कटमा छन् । यहाँ संसारकै सानो आकारको ‘मुसे मृग’समेत पाइएको थियो । नेपालमा ६०० भन्दा बढी प्रजातिका रुखहरू पाइन्छन् । जसमध्ये १५५ वटा अर्थात एक चौथाइ प्रजातिका रुखहरू जलथलमा रहेको फरेस्ट एक्सन नेपालका अनुसन्धानकर्ता डा।लिलानाथ शर्माले बताए । धेरै प्रजातिको रुख पाइएकाले यस जङ्गललाई “रुखहरूको राजधानी” पनि भनिन्छ । समुन्द्र सतहबाट ७०…

झापा, १९ जेठ । झापाको शिवसताक्षी नगरपालिका–२ मा ‘नेक ब्लास्ट’ रोगका कारण चैते धान पाक्न नपाउँदै बोटमै सुकेको छ । नगरपालिकाका कृषि शाखा प्रमुख रविन भट्टराईले सो वडाका नौजना किसानले नौ बिघामा खेती गरेको हर्दिनाथ–१ जातको धानको बोट सुकेको बताउनुभयो । पाक्ने बेलामा रोगको सङ्क्रमण भएपछि एक विघा १५ कठ्ठामा लगाएको धान सुकेको बताउँदै कृषक शिवकुमारी मैनालीले एकै रातमा सबै धान सर्लक्कै सुकेर भुससरह भएको बताउनु भयो । फसल भित्र्याउने बेलामा रोगले धान सबै सुकेपछि ठूलो नोक्सानी भएको कृषक सुशीला काफ्लेले बताउनुभयो । नेक ब्लास्ट रोग धानको बीउबाट सर्ने भएकाले ब्याडमा धान छर्नुअघि बीउ धानको उपचार गर्न आवश्यक रहेको कृषि…

शिवसताक्षी, १९ जेठ । शिवसताक्षी नगरपालिकामा भूमिहिन सुकुम्बासी, दलित र अव्यवस्थित बसोबासी नागरिकहरूका लागि जग्गा धनीपूर्जा वितरण प्रक्रियाबारे जानकारी दिन एक दिवसीय अभिमुखिकरण कार्यक्रम सम्पन्न गरिएको छ । आइतबार शिवसताक्षी नगरपालिकाको आयोजनामा तथा भूमि समस्या समाधान आयोग झापा जिल्लाको समन्वयमा कार्यक्रम अभिमुखिकरण गरिएको हो । अभिमुखिकरणमा जग्गा धनीपूर्जा वितरणका लागि आवश्यक प्रक्रिया, स्थानीय तह र जिल्ला आयोगको भूमिकाबारे जानकारी दिइएको थियो । भूमि आयोगका सदस्य लक्ष्मीप्रसाद आचार्यका अनुसार आयोगले झापाको बुद्धशान्ति, कनकाई, शिवसताक्षी र दमक नगरपालिकामा भूमिहिन नागरिकलाई धनीपूर्जा वितरणको काम अघि बढाएको छ । हाल बुद्धशान्ति र कनकाई नगरपालिकामा करिब ५ सय धनीपूर्जा वितरणको तयारी भइरहेको छ । कनकाईमा…

झापा, १९ जेठ । झापाको मेचीनगरबाट नक्कली नोटसहित एक जना पक्राउ परेका छन् । तेह्रथुम ओयाक्जुङ गाउँपालिका–५ (नेलई) का २८ वर्षीय गणेश भारती रंगिन प्रिन्ट गरिएको नक्कली नोटसहित पक्राउ परेको जिल्ला प्रहरी कार्यालय झापाले जनाएको छ । आइतबार राति ९ बजे मेचीनगर नगरपालिका–६ काँकरभिट्टास्थित नेपाल बैंक अगाडि भारती शंकास्पद तरिकाले हिँड्डुल गरिरहेको अवस्थामा देखेपछि इलाका प्रहरी कार्यालय काँकरभिट्टाबाट खटिएको प्रहरी टोलीले उनलाई चेकजाँच गर्दा उनको साथबाट नेपाली नोट एक १ हजार दरको एक सय थान नोट फेला पारेको थियो । पक्राउ परेका भारतीलार्इ मुलुकी फौजदारी संहिता २०७४ अन्तर्गत खोटाचलन कसुरमा आज जिल्ला अदालतबाट ५ दिनको म्याद थप गरी अनुसन्धान थालिएको…