झापा, १९ जेठ । झापाको मेचीनगरबाट नक्कली नोटसहित एक जना पक्राउ परेका छन् । तेह्रथुम ओयाक्जुङ गाउँपालिका–५ (नेलई) का २८ वर्षीय गणेश भारती रंगिन प्रिन्ट गरिएको नक्कली नोटसहित पक्राउ परेको जिल्ला प्रहरी कार्यालय झापाले जनाएको छ ।
आइतबार राति ९ बजे मेचीनगर नगरपालिका–६ काँकरभिट्टास्थित नेपाल बैंक अगाडि भारती शंकास्पद तरिकाले हिँड्डुल गरिरहेको अवस्थामा देखेपछि इलाका प्रहरी कार्यालय काँकरभिट्टाबाट खटिएको प्रहरी टोलीले उनलाई चेकजाँच गर्दा उनको साथबाट नेपाली नोट एक १ हजार दरको एक सय थान नोट फेला पारेको थियो ।
पक्राउ परेका भारतीलार्इ मुलुकी फौजदारी संहिता २०७४ अन्तर्गत खोटाचलन कसुरमा आज जिल्ला अदालतबाट ५ दिनको म्याद थप गरी अनुसन्धान थालिएको जिल्ला प्रहरी कार्यालय झापाले जनाएको छ ।
Facebook Comments Box
