jhapaonline add
चितवन, २१ असार । चितवनको भरतपुर महानगरपालिका–२३ बेलहट्टामा हात्तीको आक्रमणमा परी आमाछोराको मृत्यु भएको छ । शनिबार राति घरमा सुतिरहेका बेला हात्तीको आक्रमणमा परी २५ वर्षीया आशिका बोटे र उनकी चार वर्षीय छोरा भरतको घटनास्थलमा नै मृत्यु भएको जिल्ला प्रहरी कार्यालयका सूचना अधिकारी चन्द्रभूषण यादवले जानकारी दिनुभयो । हात्ती धपाउन आशिकाका श्रीमान् पूर्णले आगो बाल्दा उहाँको कच्ची घरमा आगलागी भएको थियो । आगो प्रहरी र स्थानीयको सहयोगमा निभाइएको थियो ।
बिर्तामोड, २१ असार । बिर्तामोड नगरपालिकाले लघुउद्यम विकास कार्यक्रमअन्तर्गत महिलाहरूलाई विभिन्न प्रकारका उद्यम सञ्चालनका लागि आवश्यक प्रविधि तथा उपकरण वितरण गरेको छ। सिलाइ–कटाइ, ब्युटी पार्लर, धूपबत्ती तथा साबुन निर्माणसम्बन्धी तालिम लिएर उद्यमशील बन्न इच्छुक महिलाहरूलाई २० प्रतिशत लागत साझेदारीमा ती उपकरण उपलब्ध गराइएको हो। नगरपालिकाले ९ थान बडी सिलाइ मेसिन, ५ थान इन्टरलक मेसिन, ८ थान प्याकेजिङ मेसिन, ३ थान जूकी मेसिन, ६ सेट साबुन ड्राइ फर्मा, १ थान डिजिटल काँटा, ११ थान हेयर ड्रायर, ११ थान कैंची, ११ सेट म्यानिक्योर तथा ११ सेट पेडिक्योर सामग्री वितरण गरेको जनाएको छ। नगरपालिकामा आयोजित संक्षिप्त कार्यक्रममा कार्यवाहक नगरप्रमुख नगेन्द्रप्रसाद संग्रौला, प्रमुख प्रशासकीय…
झापा, २१ असार । देशभर मनसुन वायुको प्रभाव कायम छ । मनसुनको न्यून चापीय रेखा मुलुकको पूर्वी क्षेत्रतर्फ सरदरभन्दा दक्षिणमा तथा पश्चिमी क्षेत्रतर्फ सरदर स्थानको आसपास अवस्थित रहेको जल तथा मौसम पूर्वानुमान महाशाखाले जनाएको छ । हाल देशभर साधारणतया बादल लागेको छ । कोशी, बागमती र गण्डकी प्रदेशका केही स्थानमा तथा लुम्बिनी प्रदेशका पहाडी क्षेत्रका एकदुई स्थानमा मेघगर्जन र चट्याङसहित मध्यम वर्षा भइरहेको छ । महाशाखाका अनुसार आज दिउँसो देशका हिमाली र पहाडी क्षेत्रमा साधारणतया बादल लाग्नेछ । गण्डकी, लुम्बिनी र सुदूरपश्चिम प्रदेशका तराई क्षेत्रमा पनि साधारणतया बादल लाग्ने तथा कोशी, मधेस र बागमती प्रदेशका तराईमा आंशिकदेखि साधारणतया बादल लाग्ने…
झापा, २० असार । झापाको अर्जुनधारा नगरपालिका–८ स्थित सब्जीलाइन क्षेत्रमा ब्राउन सुगरसहित एक जनालाई प्रहरीले पक्राउ गरेको छ। शनिबार अपराह्न करिब ३ बजे लागूऔषध ओसारपसार भइरहेको भन्ने गोप्य सूचनाका आधारमा लागूऔषध नियन्त्रण ब्युरो काकडभिट्टा र प्रहरी चौकी शनिश्चरेबाट खटिएको संयुक्त टोलीले बिर्तामोडबाट शनिश्चरेतर्फ आउँदै गरेको बा ५७ प ७७३३ नम्बरको मोटरसाइकल रोकी जाँच गरेको थियो। जाँचका क्रममा मोटरसाइकल चालक अर्जुनधारा नगरपालिका–८ निवासी ४१ वर्षीय सरोज गहतराजको साथबाट ‘N10’ लेखिएको खोलबिनाको ३० थान सेतो ट्याब्लेट तथा ब्राउन सुगरजस्तो देखिने लिसाइलो पदार्थ बरामद भएको प्रहरीले जनाएको छ। बरामद पदार्थको तौल गर्दा प्लास्टिकसहित ३३ ग्राम १०० मिलिग्राम र प्लास्टिकबाहेक २३ ग्राम ५५० मिलिग्राम…
झापा, २० असार । यस वर्ष सुरु भएपछि वैशाख १ देखि असार १९ गतेसम्म विपदजन्य घटनामा १२७ जनाले ज्यान गुमाएका छन् । राष्ट्रिय विपद जोखिम न्यूनीकरण तथा व्यवस्थापन प्राधिकरणकी प्रवक्ता शान्ति महतका अनुसार सो अवधिमा भएका कुल दुई हजार ७२१ विपदजन्य घटनामा १२७ को मृत्यु भएको तथा ७७३ जना घाइते भएका छन् । ती विपदमा तीन हजार ७२२ परिवार प्रभावित भएको पनि प्राधिकरणले आज सार्वजनिक गरेको विपद बुलेटिनमा उल्लेख छ । सबैभन्दा बढी सर्पदङ्शका ३९८ घटनामा परेर २३ जनाको मृत्यु भएको छ भने ३७५ जना घाइते भएका छन् । यस्तै लेक लागेका ५४ घटनामा २१ जनाको मृत्यु र ३४ जना…
झापा, २० असार । परराष्ट्र मन्त्रालयअन्तर्गतको राहदानी विभागले आगामी असार २९ गतेदेखि नयाँ प्रणालीमार्फत राहदानी (पासपोर्ट) सेवा सञ्चालन गर्ने भएको छ। विभागले शुक्रबार सूचना जारी गर्दै नयाँ प्रणालीमार्फत राहदानी जारी गर्न आवश्यक सम्पूर्ण तयारी पूरा भएको जनाएको छ। हाल सञ्चालनमा रहेको प्रणालीबाट नयाँ प्रणालीमा रूपान्तरण गर्ने क्रममा केही दिन राहदानी सेवा प्रभावित हुने विभागले जनाएको छ। सूचनाअनुसार जिल्ला प्रशासन कार्यालय, इलाका प्रशासन कार्यालय तथा विदेशस्थित नेपाली नियोगहरूबाट प्रदान गरिने राहदानी सेवा असार २४ देखि २६ गतेसम्म तीन दिनका लागि बन्द रहनेछ। त्यसैगरी, राहदानी विभागबाट प्रत्यक्ष प्रदान गरिने सेवा असार २५ र २६ गते दुई दिनका लागि बन्द रहने जनाइएको छ।…
झापा, २० असार । नेपाली कांग्रेसकी सहमहामन्त्री डा. डिला संग्रौलाले पार्टीको १५औं महाधिवेशन निर्धारित समयमै सम्पन्न गरी त्यसलगत्तै स्थानीय तह र प्रदेशसभा निर्वाचनको तयारीमा जुट्ने बताउनुभएको छ । नेपाली कांग्रेस झापाले शुक्रबार बिर्तामोडमा आयोजना गरेको पार्टी कार्यकर्ता भेलालाई उहाँले संगठन सुदृढीकरण र डिजिटल प्रविधिमार्फत पार्टीलाई समयानुकूल बनाउने अभियानलाई पनि तीव्रता दिइएको बताउनुभयो । “सामाजिक सञ्जालको प्रभावले मुलुकको राजनीतिमा नयाँ चुनौती थपिएको छ”, भेलालाई प्रमुख अतिथिका रूपमा सम्बोधन गर्दै संग्रौलाले भन्नुभयो, “कांग्रेसलाई समयअनुसार रूपान्तरण गर्न जरुरी छ । ” क्रियाशील सदस्यताको अध्यावधिक डिजिटल प्रणालीमार्फत भइरहेको बताउँदै नेतृ संग्रौलाले वडा समितिदेखि केन्द्रीय समितिसम्म ३५ वर्षमुनिका युवा र महिलाको सहभागिता सुनिश्चित गर्ने नीति…
झापा, २० असार । साविक विजेता अर्जेन्टिनाले केप भर्डेलाई पराजित गर्दै फिफा विश्वकप–२०२६ को अन्तिम १६ मा प्रवेश गरेको छ । अमेरिकाको मियामी खेलमैदानमा भर्खरै सम्पन्न राउन्डअफ ३२ को खेलमा अर्जेन्टिनाले केप भर्डेमाथि ३–२ को जीत निकाल्दै विश्वकपको अन्तिम १६ मा प्रवेश गरेको हो । खेलको २९औँ मिनेटका कप्तान लियोनल मेसीले गोल गर्दै अर्जेन्टिनालाई पहिलो अग्रता दिलाए । अर्जेन्टिनाले खेलको पहिलो हाफसम्म १–० गोलको अग्रता बनाएको थियो । तर खेलको ५९औँ मिनेटमा केप भर्डेका डेरोय डुआर्टेले गोल गर्दै खेललाई एक–एक गोलको बराबरीमा ल्याए । खेलको निर्धारित समयमा १–१ को बराबरी भएपछि खेल अतिरिक्त समयमा धकेलिएको थियो । अतिरिक्त समयको दोस्रो…
सृजन अधिकारी ‘सहयोगी’वि.सं. २०८२ फागुन २१ गते सम्पन्न निर्वाचनपछि २०८२ चैत १३ गतेदेखि राष्ट्रिय स्वतन्त्र पार्टीको नेतृत्वमा नेपाल सरकार गठन भएको सर्वविदितै छ। छोटो अवधिमै सरकारले गरेका केही नीतिगत तथा प्रशासनिक सुधारका कारण जनतामाझ नयाँ आशा र अपेक्षा सिर्जना भएको देखिन्छ। सरकारका सकारात्मक कार्यहरूबारे नागरिक जानकार हुनु आवश्यक मात्र होइन, लोकतान्त्रिक उत्तरदायित्वका दृष्टिले पनि यो महत्त्वपूर्ण विषय हो। १. मन्त्रालयको संख्या घटाउने निर्णयसरकारले संघीय मन्त्रालयहरूको संख्या घटाउने निर्णय गर्दै राज्यको आर्थिक भार कम गर्ने प्रयास गरेको छ। यो कदम केवल खर्च कटौतीमा सीमित नरही परिणाममुखी शासन व्यवस्थातर्फ उन्मुख भएको देखिन्छ। सम्बन्धित मन्त्रालयका मन्त्रीहरूलाई नतिजामुखी ढंगले काम गर्न प्रेरित गरिएको छ…
झापा, २० असार । हाल देशभर मनसुनी वायुको प्रभाव रहेको छ। जसको प्रभावले हाल कोशी, बागमती,गण्डकी, लुम्बिनी, कर्णाली र सुदूरपश्चिम प्रदेशमा साधारण बादल लागेको छ तथा मधेस प्रदेशमा आंशिक बादल लागेको छ । बागमती र लुम्बिनी प्रदेशका केही स्थानमा तथा कोशी, गण्डकी, कर्णाली र सुदूरपश्चिम प्रदेशका एक–दुई स्थानमा चट्याङ्ग सहित मध्यमसम्मको वर्षा भइरहेको छ। आज दिउँसो देशका हिमाली र पहाडी भूभागमा साधरणतया बादल लाग्नेछ, तराई भूभागमा आंशिक बादल लाग्नेछ । देशको हिमाली भूभागको थोरै स्थानमा चट्याङ्गसहित मध्यमसम्मको वर्षाको सम्भावना छ । गण्डकी, लुम्बिनी, कर्णाली र सुदूरपश्चिम प्रदेशको पहाडी भूभागको केही स्थान तथा कोशी र बागमती प्रदेशका पहाडी भूभागका थोरै स्थानमा…