jhapaonline add
निशान निरौलाकाँकरभिट्टा, १५ झापा । झापाको पूर्वी नाका काँकरभिट्टामा सडक सुरक्षा र यात्रीको सुरक्षालाई थप व्यवस्थित बनाउने उद्देश्यका साथ एक विशेष कार्यक्रम सम्पन्न भएको छ। मेची नेत्रालयको १९औँ वार्षिकोत्सवको अवसर पारेर जिल्ला ट्राफिक प्रहरी कार्यालय झापा र काँकरभिट्टा ट्राफिक पोस्टको आयोजना तथा अस्पतालको सहकार्यमा स्थानीय सिटी सफारी चालकहरूलाई फ्लोरेसेन्ट (चमकिलो) ड्रेस र सुरक्षाकर्मीहरूलाई सनग्लास वितरण गरिएको हो । अस्पतालले आफ्नो स्थापना दिवसलाई औपचारिकतामा मात्र सीमित नराखी सामाजिक उत्तरदायित्व अन्तर्गत नागरिकको सेवा र सुरक्षासँग जोडेर मनाएको छ । मेची नेत्रालयका म्यानेजर जय प्रकाश पोखरेल ूज्याकू ले अस्पतालले आफ्नो १९औँ वार्षिकोत्सवको अवसरमा समाजसँग प्रत्यक्षरूपमा जोडिने र सडक सुरक्षालाई मुख्य प्राथमिकता दिने उद्देश्यले…
बिर्तामोड, १५ असार । झापाको बिर्तामोड-५ स्थित कनकाई हस्पिटल २१औँ वर्षमा प्रवेश गरेको छ। दुई दशकको सेवा यात्रामा अस्पतालले लाखौं बिरामीलाई स्वास्थ्य सेवा प्रदान गर्दै आएको जनाएको छ। विगत २० वर्षमा ३ करोड ६५ लाख ६६ हजार ६७० जनाले ओपिडी सेवा लिएका छन् भने ३ करोड ४७ लाख ४९ हजार ४४० वटा प्रयोगशाला (ल्याब) सेवा लिएका छन् । यस अवधिमा २ लाख ५८ हजार ५५५ जनाले आकस्मिक सेवा, ३ लाख ३ हजार २४६ जनाले फिजियोथेरापी सेवा लिएका छन्। त्यस्तै, ५९ हजार १९९ वटा मेजर र ५५ हजार ७६७ वटा माइनर शल्यक्रिया सेवा लिएको आज अस्पतालमा आयोजित पत्रकार सम्मेलनमा अस्पतालका अध्यक्ष…
झापा, १४ असार । मुलुकमा मनसुन क्रमशः सक्रिय हुँदै गएको जनाउँदै जल तथा मौसम पूर्वानुमान महाशाखाले आगामी असार १६ र १७ गते देशका अधिकांश भागमा मुसलधारे वर्षा हुने बताएको छ । महाशाखाले आज साँझ विशेष मौसम बुलेटिन जारी गर्दै मधेस, कोशी, बागमती, गण्डकी, लुम्बिनी र सुदूरपश्चिम प्रदेशका पहाडी तथा तराई क्षेत्रका केही स्थानमा मेघगर्जन र चट्याङसहित भारी वर्षा तथा एक दुई स्थानमा धेरै भारी वर्षा हुने सम्भावना रहेको जनाएको छ । देशका पहाडी तथा तराई क्षेत्रका धेरै र हिमाली क्षेत्रका केही स्थानमा मध्यम वर्षाको सम्भावना रहेको जनाइएको छ । महाशाखाका अनुसार बङ्गालको खाडीमा विकसित न्यून चापीय प्रणालीका कारण नेपालतर्फ जलवाष्पयुक्त…
झापा, १४ असार । झापाको बिर्तामोड नगरपालिका–५ स्थित हनुमान कम्प्लेक्स क्षेत्रमा १८ वर्षीया किशोरीमाथि जबर्जस्ती करणी गरेको आरोपमा प्रहरीले एक जनालाई पक्राउ गरेको छ। इलाका प्रहरी कार्यालय अनारमनीका अनुसार असार १३ गते राति करिब ९ बजे सांकेतिक नाम ‘५९ अनारमनी ०८२–०८३’ दिइएकी १८ वर्षीया किशोरीमाथि बिगेन्द्र भन्ने व्यक्तिले जबर्जस्ती करणी गरी फरार भएको आरोप छ । घटनापछि पीडितले सोही राति करिब ११ बजे इलाका प्रहरी कार्यालय अनारमनीमा पुगेर मौखिक जानकारी गराएकी थिइन् । प्रहरीले पीडितलाई स्वास्थ्य परीक्षणका लागि प्रादेशिक अस्पताल भद्रपुर पठाएको जनाएको छ । त्यसपछि असार १४ गते बिहान करिब ३ बजे पीडितलाई बिर्तामोड–५ स्थित क्षितिज महिला समाज पुनःस्थापना…
झापा, १४ असार । नेपाल राष्ट्र बैंकले आज आइतबारका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १५० रुपैयाँ ७४ पैसा र बिक्रीदर १५१ रुपैयाँ ३४ पैसा निर्धारण गरिएको छ । यस्तै, युरोपियन युरो एकको खरिददर १७१ रुपैयाँ ९६ पैसा र बिक्रीदर १७२ रुपैयाँ ६४ पैसा, युके पाउण्ड स्ट्रलिङ एकको खरिददर १९९ रुपैयाँ २८ पैसा र बिक्रीदर २०० रुपैयाँ ०७ पैसा, स्वीस फ्रयाङ्क एकको खरिददर १८६ रुपैयाँ ५२ पैसा र बिक्रीदर १८७ रुपैयाँ २७ पैसा कायम गरिएको छ । अष्ट्रेलियन डलर एकको खरिददर १०४ रुपैयाँ ०३ पैसा र बिक्रीदर १०४ रुपैयाँ ४४ पैसा,…
झापा, १४ असार । फिफा विश्वकपअन्तर्गत समूह ‘के’ को अन्तिम खेलमा कोलोम्बिया र पोर्चुगलले गोलरहित बराबरी खेल्दै अंक बाँडेका छन्। मियामी स्टेडियममा भएको प्रतिस्पर्धात्मक खेलमा दुवै टोलीले गोलका थुप्रै अवसर सिर्जना गरे पनि कुनै पनि टोलीले गोल गर्न सकेन। बराबरीका बाबजुद दुवै टोली यसअघि नै अन्तिम ३२ अर्थात् नकआउट चरणमा स्थान सुरक्षित गरिसकेका थिए। खेलको अन्तिम समयमा कोलोम्बियाका डेभिन्सन सान्चेजले जुआन फर्नान्डो क्विन्टेरोको पासमा हेडमार्फत गोल गरेका थिए। तर भिडियो असिस्टेन्ट रेफ्रीले सूक्ष्म समीक्षा गरेपछि उक्त गोल अफसाइड ठहर गर्दै रद्द गरिदियो, जसका कारण कोलोम्बिया जितबाट वञ्चित भयो। दोस्रो हाफमा कोलोम्बियाका लुइस सुआरेजले गोल गर्ने दुई उत्कृष्ट अवसर पाए पनि…
निशान निरौलाइलाम, १४ असार । लगातारको वर्षापछि इलामस्थित मेची राजमार्गका विभिन्न तीन स्थानमा लेदो, पहिरो, भित्ता खस्नुका साथै रुख ढल्दा सडक पूर्ण रूपमा अवरुद्ध भएको छ । प्रहरीका अनुसार असार १३ गते राति करिब ११ः४० बजे इलाम नगरपालिका–९ राजदुवाली क्षेत्रमा लेदो सहितको पहिरो झरेपछि सडक अवरुद्ध भएको हो । त्यस्तै, असार १४ गते बिहान ५ः३० बजे रोङ गाउँपालिका–४ डुमी चोकमा सडकको भित्ता खस्नुका साथै सखुवा जातको रुख ढलेर यातायात पूर्ण रूपमा बन्द भएको छ । त्यसैगरी, बिहान ६ः३० बजे इलाम–झापा सिमाना अन्तर्गत रोङ गाउँपालिका–४ क्षेत्रमा भित्ता खस्नुका साथै चिलाउने जातका दुई वटा रुख ढल्दा मेची राजमार्ग पुनः अवरुद्ध भएको प्रहरीले…
झापा, १४ असार । हाल कोशी, मधेस र बागमती प्रदेशका सम्पूर्ण क्षेत्र, गण्डकी प्रदेशका केही तथा लुम्बिनी प्रदेशको पूर्वी क्षेत्रसम्म मनसुन वायुको प्रभाव रहेको छ । अन्य क्षेत्रमा पश्चिमी तथा स्थानीय वायुको आंशिक प्रभाव रहेको छ । जल तथा मौसम पूर्वानुमान महाशाखाका अनुसार गण्डकी र लुम्बिनी प्रदेशका बाँकी क्षेत्र तथा कर्णाली र सुदूरपश्चिम प्रदेशभर आगामी तीनदेखि चार दिनभित्र मनसुन विस्तार हुने सम्भावना छ । अहिले सुदूरपश्चिम प्रदेशको तराई क्षेत्र मुख्यतया सफा रहेको छ भने देशका बाँकी भेगमा आंशिक बदली छ । कोशी, बागमती र सुदूरपश्चिम प्रदेशका एकदुई स्थानमा हल्का वर्षा भइरहेको छ । आज दिउँसो देशभर साधारणतया बदली रहनेछ ।…
रोल्पा, १३ असार । प्युठानको स्वर्गद्वारी नगरपालिका–२ बाङ्गे सल्लामा गाडी दुर्घटना हुँदा स्वर्गद्वारी नगरपालिकाका उपप्रमुख मिनराज रानामगरको मृत्यु भएको छ। उपप्रमुख राना सवार लुम्बिनी ०१–००१ भ नम्बरको गाडी दुर्घटना हुँदा घटनास्थलमै उहाँको मृत्यु भएको प्युठान प्रहरीले जनाएको छ । घटनाबारे थप अनुसन्धान भइरहेको प्युठान प्रहरीले जानकारी दिएको छ ।
भेनेजुएला, १३ साउन । भेनेजुएलामा आएको दुईवटा शक्तिशाली भूकम्पबाट शुक्रवारसम्म ९२० जनाको मृत्यु भएको आधिकारिक पुष्टि गरिएको छ भने हजारौँ मानिस बेपत्ता रहेको रिपोर्ट प्राप्त भएको छ । सहयोगका लागि भेनेजुएला पुगेका अन्तर्राष्ट्रिय उद्धार टोलीहरूले बाँचेकाहरूको खोजी तथा उद्धारका लागि प्रयास तीव्र पारेका छन् । काराकासका बासिन्दाहरूले अन्तरिम नेतृ डेल्सी रोड्रिगेजसँग सरकारको तर्फबाट पर्याप्त प्रतिक्रिया नआएको भन्दै आक्रोश जनाएका छन् । संयुक्त राष्ट्रसङ्घका सहायता प्रमुख टम फ्लेचरले एएफपीसँग भन्नुभयो, “गत बुधबार साँझ एक मिनेटको अन्तरमा आएका दुई शक्तिशाली भूकम्पमा परी ५० हजार भन्दा बढी मानिस बेपत्ता छन् । यी भूकम्पले देशको उत्तरी भागमा धेरै भवनहरू ध्वस्त पारेका छन् ।” राजधानी…