jhapaonline add
बिर्तामोड, ८ बैशाख । झापाको बिर्तामोड नगरपालिकाले नगर क्षेत्रमा जथाभावी फोहोर फाले कारबाही गर्ने भएको छ । नगरले फोहोर व्यवस्थापनका लागि निराकार सरसफाई प्रालिसँग सम्झौता गरेकाले उक्त संस्थाको फोहोर उठाउन आउने ट्याक्टरमा फोहोर राख्न नगरपालिकाले आग्रह गरेको छ । नगरपालिकाले सात दिने सूचना जारी गर्दै नगर क्षेत्रमा जथाभावी फोहोर फालेको पाइए कारबाही गर्ने जनाएको छ ।
बिर्तामोड, ८ बैशाख । बिर्तामोड नगरपालिका वडा नम्बर २ का १५ जना कृषकलाई बाख्रा वितरण गरिएको छ । नगरको मेयर पकेट प्याकेज बाख्रा साटासाँट कार्यक्रम अन्तर्गत समृद्धि पूर्णिमा कृषक समूह सोमबारेका १५ जना कृषकलाई ३–३ वटाका दरले ४५ वटा बाख्रा वितरण गरिएको हो । नगर कार्यपालिका सदस्य सिता ढुङ्गाना विश्वकर्माको अध्यक्षतामा आयोजित कार्यक्रमका प्रमुख अतिथि वडाअध्यक्ष किशोर पौडेलले गोलाप्रथा विधिबाट बाख्रा छनोट गरेर हस्तान्तरण गर्नु भयो । नगरपालिकाले पशुपंछि तथा मत्स्य विकास शाखाबाट २०७४ सालदेखि हरेक वर्ष बाख्रा साटासाट कार्यक्रम सञ्चालन गर्दै आएको छ । यस आर्थिक वर्षसम्म आइपुग्दा १६ वटा समूहलाई ७ सय २० वटा बाख्रा वितरण भईसकेको नगरपालिकाले…
इटहरी, ८ बैशाख । सप्तकोशी नदीमा नुहाउने क्रममा डुबेर दुई जना बेपत्ता भएका छन् । आज बिहान बराहक्षेत्र मन्दिरमा पूजा गर्न गएका यहाँको इटहरी उपमहानगरपालिका–१६ बालग्रामका १६ वर्षीय जेनिस आचार्य र ४० वर्षीय नवराज बास्तोला नदीमा डुबेर बेपत्ता भएका हुन् । जिल्ला प्रहरी कार्यालयका प्रवक्ता प्रहरी नायब उपरीक्षक योगराज खतिवडाले बराहक्षेत्र—१ क्षेत्रस्थित नदिमा दुवै जना डुबेर बेपत्ता भएको बताउनुभयो । दुवै जना मामा भाञ्जा हुन् । भान्जा जेनिस नुहाउँदै गर्दा नदीमा डुबेपछि बचाउन जाँदा मामा पनि बेपत्ता भएको प्रहरीले जनाएको छ । दुवै जनाको गोताखोरसहित नेपाल प्रहरी र सशस्त्र प्रहरी बलको टोलीले खोजी गरिरहेको प्रवक्ता खतिवडाले जानकारी दिनुभयो ।
झापा, ८ बैशाख । औषधि व्यवस्था विभागले बजारबाट पेटसम्बन्धी समस्या निको पार्ने दुई औषधि बजारबाट तुरुन्त फिर्ता गर्न निर्देशन जारी गरेको छ । ‘पिलपान ४० एमजी’ र ‘एसीटप ४० एमजी’ नामक दुवै औषधिहरू परीक्षणका क्रममा गुणस्तरहीन पाइएको हो । उक्त ब्याच नं भएका औषधिहरूको सिफारिस, बिक्री वितरण तथा प्रयोग नगर्न र नगराउन सबैलाई विभागले अनुरोध गरेको छ । विभागले बजार अनुगमनका क्रममा सङ्कलन गरिएको औषधिहरूको नमूना राष्ट्रिय औषधि प्रयोगशालाबाट परीक्षण गर्दा उत्पादकबाट उत्पादित उक्त ब्याच नं का औषधिहरू न्यून गुणस्तर पाइएको जारी सूचनामा उल्लेख छ । औषधि ऐन, २०३५ को दफा १४ बमोजिम बिक्री वितरण रोक्का गरी उक्त ब्याचका औषधिहरू…
भद्रपुर, ८ बैशाख । झापा जिल्ला कारागारमा आज एक जना कैदीबन्दीको मृत्यु भएको छ । ज्यान सम्बन्धी मुद्दामा कैद भुक्तान गरिरहेका इलाम माङ्सेबुङ गाउँपालिका–४ घर भई झापा कारागारमा कैद भुक्तान गरिरहेको ५९ वर्षीय धनबहादुर विश्वकर्माको मृत्यु भएको जिल्ला प्रहरी कार्यालय झापाले जनाएको छ । मेडिकल रिपोर्टमा घाँटीको क्यान्सरको लक्षण देखापरेका विश्वकर्मा आज दिउँसो ४ः२५ अचानक साँस बढेर बिरामी भएका थिए । उनलाई उपचारका लागि प्रादेशिक अस्पताल भद्रपुर लगिएकोमा ४ः४० बजे उपचारको क्रममा मृत्यु भएको प्रहरीले जनाएको छ । मृतकको आफन्तलाई खबर गरिएको जनाइएको छ ।
सन्तोष शर्माझापा, ८ बैशाख । झापाको कनकाई नगरपालिका–१ र २ स्थित जामुनखाडी सामुदायिक वन उपभोक्ता समूह तथा जामुनखाडी सिमसार एवम् पर्यटकीय क्षेत्रमा एकै दिन पाँच हजार पर्यटकले अवलोकन गरेका छन् । २०६५ सालमा स्थापित पूर्वको पुरानो पर्यटकीय गन्तव्यमध्ये एक जामुनखाडीमा बैशाख १ गते नयाँ वर्षको अवसरमा पाँच हजारभन्दा बढी आन्तरिक तथा बाह्य पर्यटकको आगमन भएको जामुनखाडी सामुदायिक वन उपभोक्ता समूहका अध्यक्ष परशुराम गिरीले जानकारी दिनुभयो । स्थापना भएको सात÷आठ वर्ष चर्चित एवम् आन्तरिक तथा बाह्य पर्यटकका लागि आकर्षक गन्तव्य बनेको जामुनखाडी पछिल्लो समय ओझेलमा परे पनि हाल पर्यटकको आगमन बढेको उहाँले बताउनुभयो । जामुनखाडीलाई थप व्यवस्थित गर्नुका साथै आकर्षणका वस्तुहरु…
झापा, ८ बैशाख । सुनसरी र उदयपुरबाट लागुऔषधसहित ४ जनालाई प्रहरीले पक्राउ गरेको छ । बैशाख ७ गते उदयपुरको बेलका नगरपालिका–३ स्थितमा लागु औषध कारोबार गरिरहेको छ भन्ने गोप्य सूचनाको आधारमा इलाका प्रहरी कार्यालय रामपुर ठोक्सिलाबाट प्रहरी टोली खटिगई चेकजाँच गर्दा सोही स्थानका ३० वर्षीय बद्री भन्ने विशाल लिम्बुको साथबाट ७७० मिलिग्राम ब्राउन सुगर फेलापारी नियन्त्रणमा लिएको हो भने त्रियुगा नगरपालिका–१२ का २६ बर्षीय मो इस्माइल अलीलाई लागुऔषध नाइट्राजेपाम ३२ ट्याब्लेट, त्रियुगा नगरपालिका–६ स्थितबाट प्रहरी चौकी लालपत्ताले पक्राउ गरेको हो । त्यसैगरी, सुनसरीको धरान उप महानगरपालिका १५ स्थितबाट अस्थायी प्रहरी चौकी अमरहाटले को २० प ३६८३ नम्बरको स्कुटी चालक सोही…
बेइजिङ । अमेरिका र चीनबिच ‘कर युद्ध’ जारी रहँदा चीनमा बनेको अमेरिकी राष्ट्रपति डोनाल्ड ट्रम्पको आकृतियुक्त ‘ट्वाइलेट ब्रस’ को बिक्रीमा वृद्धि देखिएको छ । यो ट्वाइलेट ब्रस नयाँ भने होइन । ट्रम्प पहिलो पटक राष्ट्रपति बन्दा नै चिनियाँ कम्पनीहरूले देशमा उनको लोकप्रियतालाई मध्यनजर गर्दै उनमा आधारित कयौँ वस्तुहरू निर्माण गरेको थियो । तर, अहिले परिस्थिति बदलिएको छ । चीन र अमेरिकाको सम्बन्ध निकै तनावपूर्ण रहेको छ । अहिले चिनियाँहरू अमेरिकी राष्ट्रपतिलाई गिज्याउन ‘ट्रम्प ट्वाइलेट ब्रस’ किनिरहेका छन् । चिनियाँ मिडियाहरूले ट्रम्प ट्वाइलेट ब्रसको बिक्री ह्वात्तै बढेको बताइरहेका छन् । उनीहरूले यसलाई ‘यीवु काउन्टर अट्याक’समेत भनिरहेका छन् । यीवु सहरमा सस्ता…
झापा, ८ बैशाख । हाल देशमा मुख्यतया स्थानीय वायु तथा पश्चिमी वायुको आंशिक प्रभाव रहेको छ। कोशी प्रदेश लगायत देशको पहाडी भू-भागमा आंशिक बदली रही बाँकी भू-भागमा मुख्यतया सफा रहेको छ। मौसम पूर्वानुमान महाशाखाका अनुसार सोमबार कोशी प्रदेश लगायत गण्डकी प्रदेशको पहाडी भू-भागका थोरै स्थानहरूमा र बाँकी प्रदेशको पहाडी भू-भागका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । कोशी प्रदेश, बागमती प्रदेश, गण्डकी र कर्णाली प्रदेशको उच्च पहाडी तथा हिमाली भू-भागका एक-दुई स्थानमा हल्का वर्षा र हिमपातको सम्भावना रहेको छ । मेघगर्जन, चट्याङ, वर्षा लगायत हिमपातका कारण कृषि, दैनिक जनजीवन, स्वास्थ्य, सडक तथा हवाई यातायातमा समेत…
ताप्लेजुङ, ८ बैशाख । ताप्लेजुङमा बोलेरोमा करेन्ट प्रवाह हुँदा चार जनाको मृत्यु भएको छ। पाथीभरा जाँदै गरेको मे १ च ३०११ नम्बरको बोलेरोमा बिजुलीको लत्रिएको तारबाट करेन्ट लाग्दा घटना भएको प्रहरीले जनाएको छ । यो घटनामा बोलेरो चालक फुङलिङ नगरपालिका–१० का दुर्गा भट्टराई, ललितपुरकी–१६ वर्षीया आध्या आचार्य, झापा घर भएकी वर्ष ६९ की सरिता पौडेल, झापाकै वर्ष ७० का विनोद पौडेलको मृत्यु भएको प्रदेश प्रहरी कार्यालय विराटनगरका प्रहरी प्रवक्ता भीम दाहालले जानकारी दिए। पोलबाट लत्रिएको बिजुलीको तारलाई बोलेरोले छुँदा यात्रुमा करेन्ट प्रवाह भएको प्रहरीले जनाएको छ। घटनामा परि दुईजना गम्भीर घाइते भएका छन्। स्थानीय सेवारो चोक भन्ने स्थानमा बिजुलीको पोलबाट…