jhapaonline add
झापा, ११ असार । झापाको बिर्तामोड नगरपालिका–३ हटियालाइनस्थित अदुवा खोला पुल नजिक आज साँझ भएको सवारी दुर्घटनामा एक बालिकाको मृत्यु भएको छ। रामचोकबाट भद्रपुरतर्फ जाँदै गरेको मे १ क ६४३ नम्बरको मिक्स गिट्टी बोकेको ट्रिफरले पैदलयात्री बिर्तामोड–३ निवासी किशोर चापागाईंकी १० वर्षीया छोरी अनुकृति चापागाईंलाई ठक्कर दिँदा बालिकाको मृत्यु भएको जिल्ला प्रहरी कार्यालय झापाका सूचना अधिकारी प्रहरी नायब उपरीक्षक रञ्जन अवाले जानकारी दिनुभयो । दुर्घटनामा गम्भीर घाइते भएकी अनुकृतिलाई तत्काल उपचारका लागि बिर्तासिटी अस्पताल बिर्तामोड लगिएको भए पनि चिकित्सकले साँझ ७ः२५ बजे मृत घोषणा गरेका थिए । मृतकको शव हाल सोही अस्पतालको शवगृहमा राखिएको प्रहरीले जनाएको छ । दुर्घटनापछि ट्रिफर…
अर्जुनधारा, ११ असार । झापाको अर्जुनधारा नगरपालिकाले उत्कृष्ट अङ्क ल्याउने विद्यार्थी र उत्कृष्ट नतिजा ल्याउने विद्यालयलाई सम्मान र पुरस्कृत गरेको छ । नगरपालिकाको सभाहालमा आज आयोजित एक कार्यक्रममा उनीहरूलाई सम्मान र पुरस्कृत गरेको हो । कार्यक्रमका प्रमुख अतिथि अर्जुनधारा नगरपालिकाका नगरप्रमुख बलदेव सिंह गोम्देन, विशिष्ठ अतिथि नगर उपप्रमुख खड्गमाया पराजुली लगायतले उनीहरूलाई सम्मानित एवं पुरस्कृत गर्नुभएको थियो। कार्यक्रममा शैक्षिक सत्र २०८१ तथा २०८२ मा सामुदायिक विद्यालयबाट उत्कृष्ट अङ्क ल्याउने पाँच जना विद्यार्थीलाई सम्मान गरिएको छ । २०८२ सालको कक्षा-८ मा ३.८८ जीपिए ल्याउने सिंहदेवी माविका ओमविक्रम न्यौपाने र लक्ष्मी माविका हृदयेन्द्र किरण नेपाललाई सम्मान गरिएको छ। त्यसैगरी, २०८१ सालको एसइइ…
झापा, ११ असार । झापामा नवजात शिशुको हत्या तथा हाडनाता करणीसम्बन्धी मुद्दाका फरार प्रतिवादीलाई प्रहरीले पक्राउ गरेको छ। जिल्ला प्रहरी कार्यालय झापाका अनुसार परिवर्तित वतन जिल्ला ०४-४-१६ (ग) स्थित खाली जग्गामा नवजात शिशुको शव गाडिएको अवस्थामा फेला परेको घटनाको अनुसन्धानका क्रममा पीडित युवती (K.1) ले आफ्नै बुवाले जबर्जस्ती करणी गरी बच्चा जन्माएको र बुवाकै सल्लाहमा नवजात शिशुको शव गाडिएको प्रारम्भिक बयान दिएकी थिइन्। उक्त घटनापछि इलाका प्रहरी कार्यालय झिलझिलेले नवजात शिशु कर्तव्य ज्यान तथा हाडनाता करणीसम्बन्धी कसुरमा मुद्दा दर्ता गरी अनुसन्धान अघि बढाएको थियो। झापा जिल्ला अदालतबाट पक्राउ अनुमति लिएर खोजतलास गर्दा प्रतिवादी फरार रहेका थिए। प्रहरीको प्राविधिक अनुसन्धान तथा…
बिर्तामोड, ११ असार । झापाको बिर्तामोड नगरपालिकाले आगामी आर्थिक वर्ष २०८३–८४ का लागि १ अर्ब १५ करोड ६८ लाख १३ हजार ५७६ रुपैयाँको बजेट सार्वजनिक गरेको छ । बुधबार आयोजित नगरसभाको दोस्रो कार्यकालअन्तर्गत नवौँ अधिवेशनको पहिलो बैठकमा उपप्रमुख नगेन्द्रप्रसाद सङ्ग्रौलाले आय(व्यय विवरण प्रस्तुत गर्नुभएको हो । प्रस्तावित बजेटमा आन्तरिक स्रोत, संघीय समानीकरण अनुदान, राजस्व बाँडफाँट, सशर्त तथा समपूरक अनुदानलाई आयको स्रोतका रूपमा समेटिएको छ । बेरुजु असुलीबाट प्राप्त हुने सात लाख रुपैयाँसमेत आयमा गणना गरिएको छ । नगरपालिकाले पूर्वाधार विकासलाई प्राथमिकतामा राख्दै ३६ करोड ३० लाख ५३ हजार ५७६ रुपैयाँ विनियोजन गरेको छ । प्रशासनिक खर्चका लागि २४ करोड ४०…
झापा, ११ असार । जङ्गली हात्तीको दिनहुँ आक्रमणबाट प्रभावित मेचीनगर नगरपालिकाको वडा नं १, २, ३ र ४ स्थित बाहुन डाँगी क्षेत्रका बासिन्दाले जीवन रक्षाको माग गरेका छन् । प्रधानमन्त्री बालेन्द्र शाहलाई सम्बोधन गरिएको सामूहिक हस्ताक्षरसहितको ज्ञापनपत्र प्रमुख जिल्ला अधिकारी शिवराम गेलाललाई हस्तान्तरण गरिएको हो । उक्त ज्ञापनपत्रमा चार वटा वडाका १२ हजार बासिन्दाको हस्ताक्षर सङ्कलन गरिएको छ । ज्ञापन पत्रमा भारतबाट दिनहुँ भित्रिने जङ्गली हात्तीको प्रवेशलाई बिनाशर्त रोक्नुपर्ने, मानव बस्तीमा प्रवेश गर्ने जङ्गली हात्तीलाई उसको बास स्थानतर्फ फर्काउन रबरको गोली प्रयोग गरिने पर्ने, मेची किनारदेखि कोशी टप्पुसम्मको प्रस्तावित हात्ती करिडर परियोजना खारेज गरिनुपर्ने र हात्तीको आतङ्कलाई जोडेर पर्यटन प्रवर्द्धनको…
झापा, ११ असार । आज ज्येष्ठ शुक्ल पक्षको निर्जला एकादशी पर्व श्रद्धापूर्वक मनाइँदैछ। भगवान् नारायणको पूजा, गङ्गा तथा पवित्र नदीमा स्नान, उपवास र तुलसी दल अर्पण गर्ने परम्परा रहेको छ । शास्त्रअनुसार आज पूर्ण उपवास गरी जल वा सर्बतले भरिएको घडा दान गर्नाले श्रीहरिको विशेष कृपा प्राप्त हुन्छ। भक्तजनले अन्न, वस्त्र, गौ, जल, शय्या, आसन, कमण्डलु तथा छाता दान गर्ने चलन छ । तुलसीलाई देवी स्वरूप मानिने भएकाले तुलसी दल अर्पण गर्दा विष्णुको कृपा प्राप्त हुने विश्वास छ। निर्जला व्रत बस्नाले पाप क्षय, मनोकामना पूर्ति र आध्यात्मिक उन्नति हुने धार्मिक मान्यता रहेको छ ।
काराकास, ११ असार (एजेन्सी) । भेनेजुएलाको क्यारिबियन तटीय क्षेत्रमा बुधबार साँझ ३९ सेकेण्डको अन्तरालमा दुई शक्तिशाली भूकम्प गएका छन्। अमेरिकी सुनामी चेतावनी केन्द्रका अनुसार ७.५ म्याग्निच्युडको मुख्य भूकम्प जानुअघि ७.२ म्याग्निच्युडको पूर्वकम्प गएको थियो। ‘सेस्मिक डब्लेट’ भनिएको उक्त घटनापछि पुएर्टो रिको र अमेरिकी भर्जिन टापुका लागि जारी गरिएको सुनामी चेतावनी पछि खारेज गरिएको छ। अमेरिकी भूगर्भ सर्वेक्षण (यूएसजीएस) का अनुसार भूकम्पको केन्द्रबिन्दु भेनेजुएलाको काराबोबो राज्यको मोन्टालबान नगरपालिका क्षेत्रमा रहेको थियो। १३.२ किलोमिटर गहिराइमा गएको भूकम्पका कारण काराकाससहित विभिन्न क्षेत्रमा धक्का महसुस भए पनि क्षतिको यकिन विवरण सार्वजनिक भएको छैन। यसअघि सन् २०१८ मा भेनेजुएलामा ७.३ म्याग्निच्युडको शक्तिशाली भूकम्प गएको थियो।
झापा, ११ असार । जिल्ला प्रहरी कार्यालय झापाले सञ्चालन गरेको लागुऔषध नियन्त्रण अभियानअन्तर्गत बुधबार एकै दिन ३६ जना लागुऔषध प्रयोगकर्ता र कारोबारी पक्राउ गरेको छ । बिहान ६ बजेदेखि बेलुका ८ बजेसम्म जिल्ला प्रहरी कार्यालय झापा, लागुऔषध नियन्त्रण ब्युरोको शाखा कार्यालय काँकरभिट्टा तथा मातहत कार्यालयबाट खटिएको संयुक्त टोलीले झापाका विभिन्न स्थानमा शङ्कास्पद व्यक्तिहरूमाथि निगरानी तथा जाँच अभियान सञ्चालन गरेको थियो । अभियानका क्रममा शंकास्पद अवस्थामा हिँडडुल गर्ने लागुऔषध सेवनकर्ताहरू २९ जना पुरुष तथा लागुऔषध ब्राउनसुगरजस्तो देखिने पदार्थ प्लास्टिक बट्टा १० ग्राम ७१८ मिलिग्रामसहित ७ जना गरी जम्मा ३६ जनालाई नियन्त्रणमा लिएर अनुसन्धान कार्य भइरहेको जिल्ला प्रहरी कार्यालय झापाले जनाएको छ…
राजबाबु शंकर कार्यकारी सारांश : नेपालको मोफसल पत्रकारिताको इतिहासमा झापा जिल्ला एक अत्यन्त उर्वर, गतिशील र अग्रणी भूमिको रूपमा स्थापित छ । वि.स. २०१० को दशकको साहित्यिक चेतना र हस्तलिखित प्रयासबाट शुरु भएको झापाको पत्रकारिताले हालसम्म आइपुग्दा ७ दशकभन्दा लामो गौरवमय यात्रा तय गरिसकेको छ । पञ्चायतकालीन कठोर सेन्सरशिप र राजनीतिक एवम् सामाजिक चेतनावाहकहरू भूमिगत रहनु परेको कालखण्ड, २०४६ सालपछिको बहुदलीय प्रजातान्त्रिक वातावरण, १० वर्षे सशस्त्र द्वन्द्वको त्रासदीपूर्ण मार र २०६२–’६३ को जनआन्दोलन हुँदै वर्तमानको संघीय गणतान्त्रिक सूचना क्रान्तिसम्मका आरोह–अवरोह यस क्षेत्रले भोगेको छ । प्रस्तुत शोधपूर्ण आलेखमा झापाली पत्रकारिताको ऐतिहासिक जग, हस्तलिखित कालखण्डदेखि डिजिटल ‘न्यू मिडिया’सम्मको विकासक्रम, संस्थागत विकास,…
झापा, ११ असार । हाल कोशी, मधेस र बागमती प्रदेशका सम्पूर्ण भूभाग, गण्डकी प्रदेशको केही भूभाग र लुम्बिनी प्रदेशको पूर्वी भूभागको थोरै स्थानमा मनसुनी वायुको प्रभाव रहेको छ । अन्य भूभागमा पश्चिमी वायु र स्थानीय वायुको आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल देशका हिमाली र पहाडी भूभागमा साधरणतया बादल लागेको छ। तराईमा आंशिक बादल लागेको छ। बागमती, गण्डकी, लुम्बिनी प्रदेशको पहाडी भूभागको एक–दुई स्थानमा हल्का वर्षा भइरहेको छ। आज दिउँसो देशका हिमाली र पहाडी भूभाग साथै कोशी प्रदेशका तराई भूभागमा साधरणतया बादल लाग्नेछ । मधेस प्रदेश तथा बागमती, गण्डकी प्रदेशको तराई भूभागमा आंशिक बादल लाग्नेछ…