jhapaonline add
बिर्तामेड, २० पुस । सरकारी नीति कारण फर्निचर तथा फर्निसिङ व्यवसायी मारमा परेको एक कार्यक्रमका वक्ताहरुले बताएका छन् । झापाको बिर्तामोडमा आज सम्पन्न नेपाल फर्निचर तथा फर्निसिङ व्यवसायी महासंघको १० औँ साधारणसभामा मन्तव्य राख्दै वक्ताहरुले सरकारी नीति व्यवसायी मैत्री नभएको बताए । सरकारले तीन खम्बे अर्थनीतिमा निजी क्षेत्रलाई समेटे पनि व्यवहार सो अनुरुप नगरेको बताए । कर तिर्ने व्यवसायीलाई सरकारले सहयोग गर्नुको साटो सौताको व्यवहार गरेको उनीहरुले आरोप लगाए । कार्यक्रममा सम्बोधन गर्दै प्रमुख अतिथि नेपाल उद्योग वाणिज्य महासंघका वस्तुगत उपाध्यक्ष हेमराज ढकालले फर्निचरका क्षेत्रमा भएका कानुनी अड्चनहरु हटाउन पहल गर्ने बताए । फर्निचर तथा फर्निसिङ व्यवसायका क्षेत्रका समस्याहरुको गाँठो…
बिर्तामोड, २० पुस । झापाको कमल गाउँपालिकामा प्रतिबन्धित लागूऔषध ब्राउनसुगरसहित चारजना पक्राउ परेका छन् । पक्राउ पर्नेमा कमलका तीन र शिवसताक्षीका एकजना छन् । प्रहरीका अनुसार आज अपरान्ह ४ बजे कमल गाउँपालिका ४ साधुटोलस्थित सीता नेम्बाङको घरकोठाभित्र स्थानीय ज्योतिटोल बस्ने ३९ वर्षीय धनराज लिम्बू, साधुटोल बस्ने २६ वर्षीय रोहित नेम्बाङ र २३ वर्षीय राजेश नेम्बाङलाई शंकास्पद अवस्थामा खानतलासी लिइएको थियो । प्रहरी टोलीले शरीर तथा कोठासमेत खानतलासी गर्दा उनीहरुमध्ये धनराज लिम्बूले लगाएको जम्परको अगाडिपट्टिको गोजीमा प्लाष्टिकसहित १ ग्राम ४३ मिलिग्राम ब्राउनसुगर फेला परेको थियो । सोही बेला धनराज लिम्बूलाई खोज्दै आएका शिवसताक्षी १ बस्ने ३३ वर्षीय सुरेश निरौलालाई सोधपुछ गर्दा…
बिर्तामोड, १ पुस । बिर्तामोड नगरपालिका वडा नम्बर–९ नमुना टोलमा आधारभूत स्वास्थ्य केन्द्र भवन निर्माण भएको छ । नगर प्रमुख पवित्रा महतारा प्रसाईले रिवन काटेर भवनको उद्घाटन गर्नुभयो । स्थानीय तोमप्रसाद पाठक र तुलसा पाठकले दान दिनु भएको २ कट्ठा ५ धुर जग्गामा निर्माण गरीएको आधारभुत स्वास्थ्य केन्द्रको उद्घाटन गरिएको हो । कार्यक्रममा बोल्दै नगर प्रमुख पवित्रा महतारा प्रसाईले यस स्वास्थ्य केन्द्रको लागि जग्गा दिएर पाठक परिवारले पुण्यको काम गरेको बताउनु भयो । सरल र सहज तरीकाले सेवा दिन स्वास्थ्यकर्मीलाई निर्देशन दिँदै नगरप्रमुख प्रसाईले स्वास्थ्य संस्थाको संरक्षणमा ध्यान दिन सबैलाई आग्रह गर्नु भयो । कार्यक्रममा जग्गादाता तोमप्रसाद पाठक र तुलसा…
झापा, १ पुस । नेपाल र चीनका निजी क्षेत्रबीच नेपालबाट वार्षिक डेढ अर्ब अमेरिकी डलरको राँगा भैँसीको मासु निर्यात गर्नेसम्बन्धी समझदारी भएको छ । आज यहाँ आयोजित कार्यक्रममा नेपालको हिमालयन फुड इन्टरनेशनल र चीनको साङ्घाई जियान फुड कम्पनी लिमिटेडबीच सोसम्बन्धी समझदारी पत्रमा हस्ताक्षर भएको छ । समझदारीसँगै सो कम्पनीले पहिलो चरणमा वार्षिक उक्त मूल्य बराबरको मासु निर्यात गर्ने लक्ष्य राखेको छ । चीनमा वार्षिक २७ लाख मेक्टिक्टन मासु आयात हुने तथ्याङ्क छ । हिमालयन फुड इन्टरनेशनलको सहकार्यमा रु छ अर्ब लागतमा पूर्ण स्वचालित आधुनिक पशु वधशाला आउँदो छ महिनाभित्र निर्माण सम्पन्न गर्ने समझदारी बनेको छ । हिमालयन फुड प्रशोधित मासु…
झापा, १ पुस । प्रहरीले अनुसन्धान प्रतिवेदन बुझाए पनि रास्वपाका सभापति रवि लामिछाने थप केहीदिन हिरासतमै रहने छन् । उनीविरुद्ध पुस ५ मा जिल्ला अदालत कास्कीमा अभियोगपत्र दायर गर्नेगरी सरकारी वकिल कार्यालयले तयारी गरिरहेको छ । लामिछानेलाई हिरासतमा राख्न पछिल्लो पटक लिएको ५ दिनको म्याद सोमबार सकिएको छ । मंगलबार उनलाई म्याद थप गर्न अदालतमा उपस्थित गराइने जिल्ला प्रहरी कार्यालय कास्कीका एकजना अधिकृतले रातोपाटीलाई बताए । उनले भने, ‘अभियोजन नगर्दासम्म उहाँलाई हिरासतमा राख्न म्याद लिनुपर्छ ।’ सम्पत्ति शुद्धीकरण मुद्दामा ९० दिन अनुसन्धान गर्न पाउने समय हुनाले पुस ५ मा उनीविरुद्ध अभियोग पत्र दायर गरिँदै छ । पूर्वडीआईजी छविलाल जोशी पक्राउ…
झापा, १ पुस । नेकपा एकीकृत समाजवादीले जन सरोकारका विषयलाई सशक्त ढंगले उठाउने भएको छ । जारी स्थायी समिति बैठकमा महासचिव घनश्याम भुसालले पेस गरेको ‘आन्दोलनद्वारा पार्टी निर्माण गरिने’ शीर्षकको कार्ययोजना पारित गर्दै संगठन निर्माण र जनजीविकाका मुद्दा सशक्त ढंगले उठाउने निर्णय गरेको उपमहासचिव रामकुमार भट्टराईले जानकारी दिए । ‘महासचिवले पेस गरेको कार्ययोजनामामाथिको छलफलमा सदस्यहरूले राखेका सुझाव समेट्दै कार्ययोजना पास भएको छ’, उपमहासचिव भट्टराईले भने, ‘भोलिको बैठकले नेताहरूको कार्यविभाजन नि टुंगो लगाउँछ ।’ कार्ययोजनाअनुसार एकीकृत समाजवादीले आगामी दिनमा सैद्धान्तिक, वैचारिक र सांगठानिक कामलाई तीव्रता दिनेछ । जनताका ज्वलन्त समस्या पहिचान गर्ने र ती समस्या अघि सारेर आन्दोलनलाई उठान गर्ने कार्ययोजनाको…
चन्द्र बस्नेतकनकाई, १ पुस । जनप्रतिनिधिहरुको अवलोकन भ्रमणका लागि झापाको कनकाई नगरपालिका पहिलो रोजाई बन्दै गएको पाइएको छ । झापा जिल्लाको मध्य भागमा रहेको कनकाई नगरपालिकाको छुट्टै पहिचान रहेको छ । साविक सुरुङ्गा र घैलाडुब्बा गाविस मिलेर बनेको कुल नौ वटा वडा रहेको कनकाई हरेक पक्षमा देश–विदेशसम्म चर्चा कमाएको नगर बन्द निषेधित, धार्मिक एवम् पर्यटकीय तथा सांस्कृतिक नगरी, नगरको विकास निर्माण कार्यको चर्चा, कार्य सम्पादनमा अब्बल नगरपालिका, यहाँका जनप्रतिनिधि तथा कर्मचारीले गर्ने कामको विभिन्न स्थानीय तहमा हुने चर्चाले पनि कनकाई नगरपालिकामा अन्य स्थानीय तहका जनप्रतिनिधि अवलोकन भ्रमणको केन्द्र बन्न थालेको अवलोकनमा आउने जनप्रतिनिधिहरुले बताउने गरेका छ्न् । पछिल्लो एक वर्षमा…
झापा, २६ मंसिर । वैदिक सनातन हिन्दू धर्मावलम्बीको धार्मिक ग्रन्थ गीता प्रादुर्भाव भएको दिनको सम्झनामा पाठपारायण एवं प्रवचनलगायत विविध कार्यक्रम गरी आज गीता जयन्ती पर्व मनाइँदै छ । वैदिक ज्ञान भावी पुस्तालाई हस्तान्तरण गर्ने उद्देश्यले गीता जयन्तीको अवसर पारेर विविध कार्यक्रम आयोजना गर्न लागिएको हो । पाँच हजार एक सय ३२ वर्षअघि मार्गशीर्ष शुक्ल एकादशीका दिन कौरव र पाण्डवबीचको महाभारत युद्धका समय पारेर विष्णुको आठौँ अवतारका रुपमा पृथ्वीमा जन्म लिनुभएका कृष्णले अर्जुनमार्फत कुरुक्षेत्रमा गीता ज्ञानको पुनर्जागरण गरेको धार्मिक विश्वास रही आएको छ । भगवान्ले नै अर्जुनमार्फत् हामीलाई गीताको ज्ञान दिनुभएको हो । कुरुक्षेत्रमा १८ दिनसम्म महाभारत युद्ध हुन लाग्दा अर्जुन…
झापा, २६ पुस । नेपाल राष्ट्र बैंकले आजका लागि विदेशी मुद्राहरुको विनिमयदर सार्वजनिक गरेको छ। आज अमेरिकी डलरको मूल्य अहिलेसम्मकै उच्च बनेको छ । त्यसैगरी कुवेती र बहराइन दिनारसहितका विदेशी मुद्राको मूल्य पनि बढेको छ। तर, अस्ट्रेलियन डलर, युरोसहितका मुद्रा भने सस्तिएका छन् । राष्ट्र बैंकले सार्वजनिक गरेको विनिमय दरअनुसार आजका लागि अमेरिकी डलर एकको खरिददर एक सय ३५ रुपैयाँ ४७ पैसा र बिक्रीदर एक सय ३६ रुपैयाँ ०७ पैसा छ। अमेरिकी डलरको यो मूल्य अहिलेसम्मकै उच्च हो । यसअघि यही मंसिर २० गते अमेरिकी डलर एकको खरिददर एक सय ३५ रुपैयाँ २९ पैसा र बिक्रीदर एक सय ३५ रुपैयाँ…
झापा, २६ मंसिर । हाल देशमा पश्चिमी वायुको आंशिक प्रभाव रहेको छ । कोशी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ । तराई तथा उपत्यका धेरै स्थानहरूमा हुस्सु साथै केही स्थानहरूमा कुहिरो लागेको छ । आज दिउँसो कोशी प्रदेशमा आंशिक बदली रही बाँकी भूभागमा मौसम मुख्यतया सफा रहने छ । राति कोशी, मधेस र बागमती प्रदेशमा आंशिक बदली रही बाँकी भूभागमा मौसम मुख्यतया सफा रहने छ। बिहानको समयमा तराई तथा उपत्यका धेरै स्थानहरूमा हुस्सु साथै केही स्थानहरूमा कुहिरोको सम्भावना रहेकोले दैनिक जनजीवन, यातायात तथा हवाई उड्डयनमा आंशिक असर पर्न सक्ने हुनाले आवश्यक सतर्कता अपनाउन महाशाखाले…