jhapaonline add
मोरङ, ८ चैत । मोरङको ग्रामथान गाउँपालिका–५ स्थितमा पिकअप गाडीको ठक्करबाट साइकल यात्रीको मृत्यु भएको छ । आज बिहान साढे को २ च २१७ नम्बरको दुध बोक्ने पिकअप गाडीले बाटो क्रस गर्दै गरेको साइकललाई ठक्कर दिँदा साइकलमा सवार ग्रामथान गाउँपालिका ३ का ५६ वर्षीय हुवालाल माझी घाइते भएका थिए । घाइते माझीलाई उपचारको लागि आर्या न्युरो अस्पताल बिराटनगर लागिएकोमा उनको अस्पताल पुर्याउन साथ मृत्यु भएको थियो । घटनामा संलग्न ठक्कर दिने पिकअप र पिकअप चालक बिराटनगर महानगरपालिका–१ का ३९ वर्षीय राजेश गुप्तालाई नियन्त्रणमा लिई जिल्ला प्रहरी कार्यालय मोरङबाट थप अनुसन्धान भइरहेको छ ।
भद्रपुर, ८ चैत । झापाको भद्रपुर नगरपालिका–२ मा आज बिहान खन्ती प्रहार गरी एक जनाको हत्या गरिएको छ । पुरानो रिसिइबीका कारण भद्रपुर–२ का ३० वर्षीय कमानसिंह राईको सोही स्थानका ३५ वर्षीय सनम भन्ने गंगा राईले खन्ती प्रहार गरी हत्या गरेको जिल्ला प्रहरी कार्यालय झापाका निमित्त सूचना अधिकारी प्रहरी निरीक्षक ढुण्डीराज गिरीले जानकारी दिनुभयो । मृतक कमानसिंह अभियुक्त गंगाको घरमा बिहीबार सुत्न आएका थिए । घरमा सुतिरहेकै अवस्थामा गंगाले आज बिहान ५ बजे कमानसिंहको टाउकोमा खन्ती प्रहार गर्दा घटनास्थलमै मृत्यु भएको भन्ने खबर स्थानीयबासीले प्रहरीलाई गरेका थिए । घटनाको जानकारी पाएसँगै इलाका प्रहरी कार्यालय पृथ्वीनगरले कमानसिंहलाई खन्ती सहित नियन्त्रणमा लिएर…
कनकाई, ८ चैत । झापाको दमकमा मुख्य कार्यालय रहेको स्वर्णलक्ष्मी बचत तथा ऋण सहकारी संस्थाले उत्कृष्ट सदस्यलाई सम्मान गरेको छ । कनकाई–३ स्थित जेसीज भवनमा १५औं स्थापना दिवसको अवसरमा आयोजित सप्ताहव्यापी कार्यक्रम अन्तरगत ‘सदस्य शिक्षा तथा अन्तरक्रिया, स्वास्थ्य शिविर, उत्कृष्ट कारोबार गर्ने सदस्यलाई सम्मान एवम् गरीब जेहेन्दार विद्यार्थीलाई शैक्षिक सामग्री हस्तान्तरण’ गरेको हो । कार्यक्रममा संस्थाले उत्कृष्ट कारोबार गर्ने पाँच जना सदस्यलाई सम्मान गरेको छ । सम्मानित हुनेहरुमा चेतनकुमार प्रसाईं, धनकुमारी प्रधान, निरोज सुवेदी, अनिता अग्रवाल र ऋषिकेश मैनाली रहेका छन् । कार्यक्रममा कनकाई–३ स्थित जनचेतना आधारभूत विद्यालयका ३० जना बालबालिकाहरुलाई ब्याग वितरण गरिएको संस्थाकी सहायक अधिकृत गायात्रा ढकालले जानकारी…
कनकाई, ८ चैत । जीवन विकास लघुवित्त वित्तीय संस्थाले नौ जना बालबालिकाको अभिभावकत्व ग्रहण गरेको छ । मोरङको कटहरी–२ मा केन्द्रीय कार्यालय रहेको जीवन विकासले झापाको कनकाईमा आज ‘आर्थिक समृद्धिका लागि अभियान, वित्तीय साक्षरताको ज्ञान’ भन्ने नाराका साथ आयोजना गरेको सेवा केन्द्र गोष्ठी तथा वित्तीय साक्षरता कार्यक्रममा तीन जना सदस्यका परिवारको नौ जना बालबालिकाको एक वर्षका लागि अभिभावकत्व ग्रहण गरेको हो । संस्थाले ती बालबालिकाको एक वर्षमा शिक्षा आर्जनमा लाग्ने सम्पूर्ण खर्च व्यहोर्ने छ । कार्यक्रमका प्रमुख अतिथि कनकाई नगरपालिका उपप्रमुख आशा शर्मा शिवाकोटीले विना धितो सदस्यलाई ऋण दिएर सुविधा दिएको बताउँदै लिएको ऋणलाई सदुपयोग गर्नुपर्नेमा जोड दिनुभयो । “ऋण…
झापा, ८ चैत । आज २१ मार्च अर्थात् अन्तर्राष्ट्रिय जातीय विभेद उन्मुलन दिवस । नेपालमा पनि विभिन्न कार्यक्रम गरी मनाइँदै छ । संयुक्त राष्ट्रसङ्घले सन् १९६५ मा जातीय विभेद उन्मूलन सम्बन्धी महासन्धि पारित गरेको थियो । त्यसयता हरेक वर्ष मार्च २१ लाई विश्वभरि जाति तथा रङ्गभेद उन्मूलन दिवसका रूपमा मनाउने गरिन्छ । संयुक्त राष्ट्रसङ्घले सन् १९६५ मा पारित गरेको जाति तथा रंगभेदविरुद्धको महासन्धि नेपालले सन् १९७१ मा अनुमोदन गरेको थियो । नेपालमा कानूनीरुपमै जातीय छुवाछुत र भेदभाव गर्नै पर्ने, नगरे दण्डनीय हुने व्यवस्था गरेर राज्यले संरक्षण दिएको भेदभाव ०६२÷०६३ को जनआन्दोलनपछि फेरि कानूनीरुपमै बन्देज लगाइएको छ । तर व्यवहारमा भने…
इलाम, ८ चैत । सूर्योदय नगरपालिका–९ ढोडेका रामप्रसाद राईले चियाको प्राङ्गारिक खेती सुरु गरेको ६ वर्ष भयो । उनको १६ रोपनी क्षेत्रफलमा फैलिएको चिया बगानबाट दैनिक ८० किलो उत्पादन हुन्छ । “प्रतिकेजी रु एक सय एकका दरले सुन्दरपानी कृषि सहकारी संस्थालाई दिन्छौँ, उसले रु एक नाफा राखेर गोर्खा टी स्टेटलाई बेच्छ,” राईले भने “नगरपालिकाले तोकेको चियाको न्यूनतम समर्थन मूल्य प्रतिकिलो रु ४० हो तर हाम्रो चिया प्राङ्गारिक भएकाले रु एक सयभन्दा बढी मूल्य पाएका छौँ ।” राईमात्र होइन साङपाङ टोल ढोडेका सबै किसानले रासायनिक मलको प्रयोग छाडेर गाई–बाख्राको मल प्रयोग गरिरहेका छन् । “चियामा लहलह मुना पलाउँछ, खाँदा स्वास्थ्यलाई हानि…
बिर्तामोड, ८ चैत । लोकप्रिय कलाकार मदनकृष्ण श्रेष्ठ र हरिबंश आचार्यलाई बुधबार सम्मान गरिएको छ । जय नेपाल प्रतिभा प्रोत्साहन प्रतिष्ठानले बिर्तामोडमा महजोडीका रुपमा परिचित कलाकार श्रेष्ठ र आचार्यलाई ‘आदर्श नागरिक सम्मान–२०८०’ प्रदान गरेको हो । पूर्ण–टुङ्ग स्मृति प्रतिष्ठानको अक्षयकोषको सहयोगमा महजोडीलाई संयुक्त रुपमा १ लाख ११ हजार १११ रुपैंयाँ पुरस्कारसहित सम्मान गरिएको हो । भारतको दार्जीलिङका प्रख्यात नाट्यकर्मी सीके श्रेष्ठको प्रमुख आतिथ्यमा भएको कार्यक्रममा उनीहरुलाई सम्मान गरिएको हो । पुरस्कृत प्रतिभा हरिबंश आचार्यले मदनकृष्ण श्रेष्ठ र आफूबीचको मित्रताको लोगो मरणोपरान्त सम्झन लायक बनाउने उद्घोष गरे । उनले आफू आदर्श नागरिक भएको थाहै नपाई यस्तो पुरस्कार पाएको भन्दै हर्ष व्यक्त…
बुधबारे, ८ चैत । झापाको बुद्धशान्ति गाउँपालिकामा मोटरसाइकल आफैँ अनियन्त्रित भई दुर्घटना हुँदा एक जनाको मृत्यु भएको छ । बुधबार दिउँसो ३ः२० बजे बुद्धशान्ति –१ नमूना चोकस्थित भित्री सडक खण्डमा बुधबारेबाट भोटेटारतर्फ जाँदै गरेको प्रदेश ३–०२–००५ प ७१०९ नम्बरको मोटरसाइकल आफैं अनियन्त्रित भई दुर्घटना हुँदा मोटरसाइकल चालक ३३ वर्षीय धर्मेन्द्र सिञ्जालीको उपचारको क्रममा मृत्यु भएको हो । दुर्घटनामा मोटरसाइकलको पछाडि सवार इलामको रोङ–१ का ३४ वर्षीय कैलाश राईको टाउको र शरीरको विभिन्न भागमा चोट लागेको र बिएण्डसी अस्पताल बिर्तामोडमा उपचार भइरहेको जिल्ला प्रहरी कार्यालय झापाले जनाएको छ ।
द्रोण अधिकारीझापा, ८ चैत । राजनीतिले सही गति दिन नसक्दा जन्मेको मुलुकमा बसेर सेवा गर्दै मर्न चाहनेहरू पेट पाल्नकै लागि अर्काको भूमिका अकालमा मर्नु पर्ने बाध्यता आउने रहेछ । पछिल्लो पटक रूसी सेनामा भर्ना हुन पुगेका झापाका गंगाराम अधिकारी सहित ७ जना युवाले अवैध बाटो रोजेर पेट पाल्नका लागि अकालमा मर्नु परेको बाध्यता हेर्दा नेपालको राजनीति कहिले सही गतिमा आउला भन्ने प्रश्न उठिरहेको छ । झापाको हल्दिवारी १ का ३२ वर्षीय गंगाराम अधिकारी नेपाली माटोमा बसेर सेवा गर्ने अवसर नपाएपछि परिवार धान्न र पेट पाल्नका लागि विदेशीने क्रममा रूसी युद्धमा ज्यान गुमाउन बाध्य भए । रघुनाथ र मोतीमाया अधिकारीको बुढेसकालको…
धरान, ८ चैत । सुनसरीको धरानमा घाँटी रेटेको अवस्थामा एक किशोरीको शव फेला परेको छ। धरानस्थित विपी कोइराला स्वास्थ्य विज्ञान प्रतिष्ठान र डिपोट स्कुलको सिमानाको खोल्सा नजिकै घाँटी रेटेको अवस्थामा अन्दाजी १८, १९ वर्ष उमेरको देखिने किशोरीको शव बुधबार दिउँसो फेला परेको हो। धरान उपमहानगरपालिका–१८ स्थित प्रतिष्ठान नजिकै रहेको वरको रूख नजिकै किशोरीको शव भेटिएको इलाका प्रहरी कार्यालय धरानले जनाएको छ। शव भेटिएको स्थान वरपर तालिमप्राप्त कुकुर समेत लगेर अनुसन्धान गरेको प्रहरीले जनाएको छ। किशोरीको शव अहिले घोपास्थित पोष्टमार्टमका लागि राखिएकोे इलाका प्रहरी कार्यालय धरानले जनाएको छ।