jhapaonline add
झापा, १६ माघ । बिर्तामोड उद्योग वाणिज्य संघका अध्यक्ष राजु न्यौपानेले व्यवसायी सदस्य राहत कोषमा आर्थिक सहयोग प्रदान गरेका छन् । उद्योगी–व्यवसायी सदस्यलाई आपतकालीन अवस्थामा सहयोग पु¥याउने उद्देश्यले स्थापना गरिएको कोषमा उनले आफ्नो जन्मदिनको अवसर पारेर ५१ हजार रुपैयाँ सहयोग गरेका हुन् । संघले उद्योगी–व्यवसायीलाई विभिन्न प्रकारका जोखिम र संकटबाट जोगाउन तथा आपतकालीन अवस्थामा तत्काल राहत उपलब्ध गराउने उद्देश्यले व्यवसायी सदस्य राहत कोष स्थापना गरेको छ । सो कोषमा अध्यक्ष न्यौपानेले आफू अध्यक्षमा निर्वाचित भएपछि व्यवसायीको हकहित संरक्षण गर्दै आपत–विपतमा परेका सदस्यलाई तत्काल सहयोग पुगोस् भन्ने उद्देश्यले कोष स्थापना गरिएको र सोही अभियानलाई सुदृढ बनाउन आफूले व्यक्तिगत रूपमा योगदान गरेको…
सन्तोष शर्माझापा, १६ माघ । झापाको भद्रपुरमा जारी ‘झापा औद्योगिक व्यापार कृषि तथा पर्यटन महोत्सव–२०८२’ स्थगित गरिएको छ । झापा उद्योग वाणिज्य संघको आयोजनामा माघ ७ गतेदेखि सञ्चालित महोत्सव ६ दिन अगाडि नै स्थगित भएको हो । झापा उद्योग वाणिज्य संघले संघको आज कार्यालयमा विशेष पत्रकार सम्मेलनको आयोजना गरेर महोत्सव स्थगित गरिएको जनाएको छ । संघका कार्यवाहक अध्यक्ष एवम् महोत्सव आयोजक मूल समितिका संयोजक राजकुमार राईले ‘प्रहरीको ज्यादती’का कारण समय अगावै महोत्सव स्थगित गर्नुपरेको बताउनुभयो । जिल्ला प्रशासन कार्यालयसँग अनुमति लिएर महोत्सव सञ्चालन गरिए पनि प्रहरी–प्रशासनकै कारण महोत्सव स्थगित गर्नुपर्ने उहाँको भनाइ छ । ‘स्वीकृतिपत्रमा समयको कुनै सीमा नतोकेको जिल्ला…
भोजपुर, १६ माघ । भोजपुरको हतुवागढी गाउँपालिका–९ मचुवाबाट ५०० किलो गाँजासहित आमचोक गाउँपालिका–९ का २९ वर्षीय रूद्रबहादुर श्रेष्ठका साथ अन्य नौ जना पक्राउ परेका छन् । केन्द्रीय प्रहरी समाचारकक्षका अनुसार उनीहरू बिहीबार पक्राउ परेका हुन् । शङ्कास्पद गतिविधिमा संलग्न उनीहरू एउटा ट्र्याक्टरमा आफ्नो गन्तव्यतर्फ गइरहेका थिए । प्रहरीले ना ७ त ३५० नम्बरको ट्र्याक्टरमा जाँच गर्दा ४३ वटा बोरामा रहेको उक्त परिमाणको गाँजा फेला पारेको हो । सबै अभियुक्तलाई हिरासतमा लिएर अनुसन्धान थालिएको छ । ट्र्याक्टर पनि प्रहरी नियन्त्रणमा छ ।
झापा, १६ माघ । विभिन्न कार्यक्रमको आयोजना गरी आज देशभर सहिद दिवस मनाइँदैछ । देश र जनताको हितका लागि आफ्नो जीवन बलिदान गर्ने सहिदको स्मरण गर्दै यो दिवस मनाउने गरिएको छ । नेपालमा प्रजातन्त्र स्थापनार्थ आफ्नो जीवन त्याग गर्ने चार सहिद धर्मभक्त माथेमा, दशरथचन्द्र ठाकुर, गङ्गालाल श्रेष्ठ र शुक्रराज शास्त्री तथा अन्य सहिदको सम्झनामा यो दिवस मनाउने गरिन्छ । राणा शासनविरुद्ध आवाज उठाएको भन्दै उहाँहरुलाई तत्कालीन सरकारले मृत्युदण्ड दिएको थियो । तिनै सहिदहरुको बलिदान र त्यसबाट प्राप्त प्रेरणाले जहानियाँ राणा शासनको अन्त्य भएको थियो भने नेपालमा प्रजातन्त्रको स्थापना भएको थियो । प्रत्येक वर्ष माघ १६ गते मनाइने सहिद दिवस प्रजातन्त्र…
झापा, १६ माघ । हाल देशमा पश्चिमी वायुको आंशिक प्रभाव रहेको जल तथा मौसम पूर्वानुमान महाशाखाले जनाएको छ । कोशी र मधेस प्रदेशका केही स्थानमा हुस्सु लागेको छ भने कोशी प्रदेशलगायत देशका पहाडी तथा हिमाली भू–भागमा आंशिक बादल लागेको छ । महाशाखाका अनुसार आज अपराह्न कोशी र गण्डकी प्रदेशका उच्च पहाडी तथा हिमाली भागका एकदुई स्थानमा हल्का वर्षा र हिमपातको सम्भावना छ भने तराई भेगमा हुस्सु लाग्ने छ । कोशी, बागमती र गण्डकी प्रदेशका उच्च पहाडी तथा हिमाली भागमा आंशिक बादल लाग्नेछ भने बाँकी भू–भागमा मुख्यतया मौसम सफा रहने छ । कोशी, बागमती र गण्डकी प्रदेशका उच्च पहाडी तथा हिमाली…
बिर्तामोड, १६ माघ । नव सञ्चार गृह प्रालिद्वारा बिर्तामोडबाट प्रकाशन हुँदै आएको प्रतिदिन दैनिक आजदेखि १७ वर्ष पूरा गरी १८ औं वर्षमा प्रवेश गरेको छ । आम पाठकलाई सुसूचित गर्ने उद्देश्यले स्थापित यस दैनिक आफ्नो उद्देश्यमा सफल भएको जनाइएको छ । पत्रिका आफ्नो उद्देश्यप्रति अडिग रहेको जनाइएको छ । पत्रिकाले आफ्नो असहज परिस्थितिका बाबजुद आफ्नो प्रकाशनलाई निरन्तरता दिँदै पत्रिकाको अनलाइन संस्करण प्रतिदिनडेली डटकम अनलाइन र प्रतिदिन टीभी युट्युव समेत सञ्चालन गर्दै आएको छ । स्थानीय समाचारलाई मुख्य प्राथमिकता दिएकै कारण प्रतिदिन दैनिक र यसको अनलाइन लोकप्रिय रहेको सम्पादक इन्द्रसिंह राजवंशी बताउँछन् । स्थानीय विषयवस्तुलाई प्रतिदिन दैनिकले राष्ट्रिय महत्वको बनाउने गरेको…
भद्रपुर, १५ माघ । ६४ औँ नेपाल नर्सिङ दिवसको अवसर पारेर बिहीबार प्रादेशिक अस्पताल भद्रपुरमा रक्तदान कार्यक्रम सम्पन्न गरिएको छ । नर्सिङ समिति प्रादेशिक अस्पताल भद्रपुरको आयोजनामा अस्पताल परिसरमा सम्पन्न कार्यक्रममा १३ महिला र १२ पुरुष गरी २५ जनाले रक्तदान गरेका छन् । नेपाल रेडक्रस सोसाइटी झापा शाखाको प्राविधिक सहयोग रहेको कार्यक्रमको उद्घाटन अस्पतालका डा. मनिष सुवेदीले गरेका थिए । नर्सिङ समितिकी अध्यक्ष अनिता दाहालको अध्यक्षतामा सम्पन्न सो कार्यक्रमका बीच अस्पतालमा लामो समयदेखि सेवारत स्वास्थ्यकर्मी विश्वेश्वरप्रसाद चौधरीलाई समन गरिएको थियो । निरु कुँवरले सञ्चालन र रेनु मल्लिकले स्वागत गरेको कार्यक्रममा प्रमुख अतिथि डा. सुवेदी, स्वास्थ्यकर्मी सीता भण्डारी, रञ्जना डाँगी, उपमा…
बिर्तामोड, १५ माघ । झापाको बिर्तामोड नगरपालिका–१ पञ्चकन्या प्लटिङमा गए राति एक घरबाट लाखौँको धनमाल चोरी भएको छ। स्थानीय पुनम देवी साहको घरलाई निशाना बनाउँदै चोरले सुन तथा चाँदीका विभिन्न गरगहना र नगदसहित करिब १९ लाख रूपैयाँ बराबरको सम्पत्ति लुटेर लगेका हुन्। राति चोरले धनमाल चोरेर फरार भएको प्रारम्भिक जानकारी प्राप्त भएको छ। बिहान मात्र चोरी भएको थाहा पाएपछि पीडित परिवारले प्रहरीलाई खबर गरेका थिए। घटना लगत्तै पुगेको प्रहरी टोलीले मुचुल्का तयार गरी अनुसन्धान अगाडि बढाएको छ। चोरीमा संलग्न व्यक्तिहरू हाल फरार रहेकाले उनीहरूको खोजी कार्यलाई तीव्र पारिएको प्रहरीले जनाएको छ।
झापा, १५ माघ । वीरता जेसीजको ४५औँ पदहस्तान्तरण तथा पुरस्कार वितरण समारोह सम्पन्न भएको छ । वीरता जेसीज सन् २०२५ का अध्यक्ष युवराज कुँवरको अध्यक्षता तथा नेपाल जेसीजका राष्ट्रिय अध्यक्ष जीवन कार्कीको प्रमुख आतिथ्यतामा सम्पन्न समारोहमा वर्ष २०२६ का लागि निर्वाचित नयाँ नेतृत्वलाई पद हस्तान्तरण गरिएको हो । समारोहमा अध्यक्ष कुँवरले आफ्नो कार्यकालको जिम्मेवारी हस्तान्तरण गर्दै अध्यक्षीय चेन सन् २०२६ का अध्यक्ष लोकचन्द्र श्रेष्ठ (एलसी) को गलामा पहिर्याएका थिए । कार्यक्रममा बसन्त ढकालले जेसीज आस्था वाचन गरेका थिए भने जुनियर रेश्मा चिमरियाले जेसीआईको मिसन तथा भिजन प्रस्तुत गरेकी थिइन् । संयोजक जेसी अमरजित शाहले स्वागत मन्तव्य व्यक्त गरेका थिए ।…
बिर्तामोड, १५ माघ । प्रेस सेन्टर नेपालको २२औँ स्थापना दिवसको अवसरमा झापामा वृद्धाश्रममा फलफुल तथा खाद्यान्न वितरण गरिएको छ । प्रेस सेन्टर नेपाल जिल्ला समन्वय समिति झापाले बिहीबार वृद्धवृद्धालाई फलफुल तथा खाद्यान्न वितरण गरेर स्थापना दिवस मनाएको हो । बिर्तामोड–५ स्थित लालीगुराँस भक्तबारी टोलस्थित गुरुप्रसाद–डिकमाया फाउण्डेसनद्वारा सञ्चालित स्नेहा माया घरमा खाद्यान्न तथा फलफुल वितरण गरिएको हो । केन्द्रीय सदस्य राजु पाठक, निवर्तमान सदस्य लिलाराज झापाली, जिल्ला अध्यक्ष पुष्प खड्का, उपाध्यक्षद्व होमप्रकाश अधिकारी र सन्तोष शर्मा, सचिव प्रकाश उप्रेती, कोषाध्यक्ष मनोज तिवारी, सहसचिव राजन साम्पाङ, निवर्तमान प्रदेश सदस्य चुडामणी तिम्सिना र जिल्लाका निवर्तमान सचिव उद्धव पुरी लगायत कार्यक्रममा सहभागी थिए ।…