झापा, १९ कात्तिक । पोर्चुगलका चर्चित फुटबल खेलाडी क्रिस्टियानो रोनाल्डोले अन्तर्राष्ट्रिय फुटबलबाट संन्यास लिने घोषणा गर्नुभएको छ।
पोर्चुगलका लागि २३४ खेल खेल्नुभएका रोनाल्डोले १४६ गोल गर्नुभएको छ। राष्ट्रिय टोलीको जर्सीमा २३ वर्ष बिताउनुभएका उहाँले सामाजिक सञ्जाल इन्स्टाग्राममा भिडियो सन्देश सार्वजनिक गर्दै राष्ट्रिय टोलीबाट बिदा लिने निर्णय सुनाउनुभएको हो।
‘पोर्चुगाली जनतालाई, हाम्रो राष्ट्रिय टोलीको नम्बर सातको जर्सी फिर्ता गर्ने दिन आएको छ,’ उहाँले भिडियो सन्देशमा भन्नुभएको छ।
‘मैले कहिल्यै यो जर्सी मेरो मात्र हो भन्ने महसुस गरिनँ। तर, २३ वर्षसम्म यसलाई लगाउने, रक्षा गर्ने र विश्वभरका स्टेडियममा लिएर जाने विशेषाधिकार र जिम्मेवारी मैले पाएँ,’ उहाँले थप्नुभएको छ।
यसअघि राष्ट्रिय टोलीका प्रशिक्षक जर्ज जेसससँग मतभेद भएपछि रोनाल्डो टोलीको प्रशिक्षण शिविरबाट बाहिरिनुभएको समाचार सार्वजनिक भएको थियो। नेसन्स लिगको एक खेलमा प्रशिक्षकले उहाँलाई खेलाउन अस्वीकार गरेपछि दुईबीच सम्बन्ध चिसिएको बताइएको थियो।
पोर्चुगलका लागि सर्वाधिक गोलकर्ता रोनाल्डो अन्तर्राष्ट्रिय फुटबलका सफल खेलाडीमध्ये एक हुनुहुन्छ। उहाँको संन्यास घोषणाले पोर्चुगलको राष्ट्रिय फुटबल टोलीमा एउटा युगको अन्त्य भएको छ।
