कोभिड–१९ः तीन थपियो, २७६ पुग्यो

झापा, ३ जेठ । स्वास्थ्य तथा जनसंख्या मन्त्रालयले शनिबार दोस्रो पटक विज्ञप्ति जारी गर्दै कोरोना भाइरस कोभिड–१९ का थप तीन जना संक्रमित भेटिएको पुष्टि गरेको छ ।

प्रादेशिक जनस्वास्थ्य प्रयोगशाला, भैरहवामा गरिएको परिक्षणमा कपिलवस्तु शिवराज चन्द्रौटा निवासी २४, ३४ र ४४ वर्षीय पुरुषहरुलाई कोरोना संक्रमण देखिएको हो । उनीहरूको स्वास्थ्य अवस्था सामान्य रहेको स्वास्थ्य मन्त्रालयले जनाएको छ। यो संगै नेपालमा कोरोना भाइरस संक्रमितको संख्या दुई सय ७६ पुगेको छ।