झापा, २० कात्तिक (एजेन्सी) । रुसको कोस्ट्रोमा शहरको नाइट क्लबमा आगलागी हुँदा १३ जनाको मृत्यु भएको अधिकारीहरूले बताएका छन् ।
एक व्यक्तिले छतमा फ्लेयर बन्दुक हानेपछि बार, रेस्टुरेन्ट र ठूलो डान्स फ्लोरमा भएको मनोरञ्जन स्थलमा स्थानीय समयअनुसार शनिबार दिउँसो २ बजे आगलागी भएको तास समाचार संस्थाले जनाएको छ ।
मस्कोबाट करिब ३०० किलोमिटर (१९० माइल) उत्तरपूर्वमा पर्ने कोस्ट्रोमाका प्रत्यक्षदर्शीलाई उद्धृत गर्दै उक्त समाचार संस्थाले रिपोर्ट गर्यो, ‘कोठा द्रुत रूपमा धुवाँले भरिन थाल्यो र बाहिर निस्कने ठाउँ देख्न गाह्रो भयो। त्यहाँ सर्वसाधारण आतंकित बनेका थिए ।’ आगलागीबारे थप अनुसन्धान सुरु भएको प्रहरीले जानकारी दिएको छ ।
झापा अनलाइन बिर्तामोडबाट सञ्चालित अनलाइन न्यूज पोर्टल हो । यसमा प्रकाशित समाचारबारे कुनै प्रतिक्रिया भए jhapaonline75@gmail.com मा इमेल गर्नुहोला ।
